Հիմնանորոգվում է Մեծ Այրումի դպրոցի տանիքը, մի շարք դպրոցների տանիքներն ու լուսամուտները եւս կնորացվեն

Լոռու մարզի Մեծ Այրումի հիմնական դպրոցը, որ 50 տարվա պատմություն ունի, ընդգրկվել է տանիքների նորոգման ծրագրում: Դպրոցն այս պահին 110 աշակերտ ունի: Անձրեւաջրերը 10 տարի շարունակ լցվել են դպրոցի բոլոր մասնաշենքեր ու դասասենյակներ:

«Տանիքի խնդիր միշտ էլ ունեցել ենք, հատկապես վերջին 10 տարիներին: 50 տարվա պատմություն ունեցող դպրոցում երբեւէ հիմնանորոգման աշխատանքներ տանիքի վրա չեն կատարվել»,- ՀԺ-ի հետ զրույցում ասաց տնօրեն Սոֆյա Այվազյանը՝ հավելելով, որ դպրոցը, բացի տանիքի նորոգումից, լուրջ կարիք ունի նաեւ հիմնանորոգման. «Մենք գտնվում ենք սեյսմիկ գոտում, դպրոցում նաեւ ամրացման աշխատանքների կարիք կա»:

Տնօրենի խոսքով՝ 10 տարի շարունակ ամեն տարի դիմել են իշխանություններին, սակայն միայն խոստումներ են լսել. «Հիմա գոնե մեզ վրա էլ ջուր չի կաթա, ջուրը պատերով հոսում էր դասասենյակներ…»: Ծրագրով փոխվելու է դպրոցի բոլոր 3 մասնաշենքերի տանիքները: Աշխատանքները մեկնարկել են: Գործընթացն իրականացվում է մարզպետի լիազորությունների շրջանակներում դպրոցների բյուջեների վերաբաշխման մեխանիզմի շնորհիվ:

«Դիտարկելով ամենախնդրահարույց դպրոցները, փորձել ենք այս տարի լուծում տալ այդ հարցին: Տարիներ շարունակ մատնված լինելով բարձիթողի վիճակի, սեփական միջոցներով չեն կարողացել նորոգում իրականացնել»,-ՀԺ-ի հետ զրույց նշեց Լոռու մարզպետարանի կրթության մշակույթի եւ սպորտի վարչության պետ Ռաֆայել Հարությունյանը:

Ընդհանուր առմամբ վերաբաշխվել է շուրջ 80 մլն դրամ՝ 10 դպրոցի համար. «Եթե խոսենք տանիքների մասով՝ հիմնանորոգվելու են Մեծ Այրումի, Դեբետի, Նեղոցի եւ Վանաձորի թիվ 27 դպրոցների տանիքները: Իսկ Լուսաղբյուրի, Վանաձորի թիվ 12 եւ 21, Շամլուղի, Ալավերդու 7-րդ եւ Սպիտակի 5-րդ դպրոցներում իրականացվելու են պատուհանների փոխարինման աշխատանքներ՝ ջերմամեկուսացում ապահովելու համար»:

Աշխատանքների իրականացման համար հայտարարված մրցույթերն արդեն կայացել են, աշխատանքները՝ մեկնարկել: Վարչության պետը վստահեցնում է՝ մինչեւ դեկտեմբերի վերջ աշխատանքներն ամբողջությամբ պետք է ավարտված լինեն: ՀԺ-ի դիտարկմանը՝ արդյոք դպրոցների տնօրենների կողմից դժգոհություններ չեն եղել, իրենց գումարները այլ դպրոցներին տրամադրելու հետ կապված, վարչության պետը բացասական պատասխան տվեց՝ անձնավորված բողոքներ վարչությունը չի ստացել:

«Այնպես չի եղել, որ դպրոցներից մեծ գումարներ վերցնենք: Վերցրել ենք տոկոսային, համամասնորեն: Այնպես ենք արել, որ գումար տվող դպրոցը չտուժի: Դպրոց ենք ունեցել, որ տեսնելով հաջորդ տարվա իր խնդիրը, գումար չենք վերցրել: Բայց ունեցել ենք դպրոցներ, որ տնտեսած մեծ գումարներ են ունեցել, փոխարենը հրատապ իրականացվող աշխատանքներ չեն ունեցել, իրենցից ենք վերցրել»,- ասաց նա՝ նկատելով, որ սա ֆինանսների տնօրինման լավագույն տարբերակն է իր կարծիքով:

Իսկ ինչու՞ պետությունից աջակցություն չեն խնդրում, որ դպրոցների գումարներն են վերցնում, մարզի կրթության ոլորտի պատասխանատուն նշեց. «Ունենք շուրջ 21 դպրոց, որոնց տանիքները ենթակա են փոխարինման, տարբեր ծրագրերով դիմել ենք թե տարածքային կառավարման եւ զարգացման, թե ֆինանսների նախարարություններ, եւ հուսով ենք, որ եկող տարի պետությունը դրա համար գումարներ կհատկացնի, ու մի շարք դպրոցներ էլ կընդգրկվեն տարբեր ծրագրերում»:

«Այս գործընթացը շարունակական պետք է լինի, եւ 21-րդ դարում մենք չպետք է ունենանք այնպիսի դպրոցներ, որոնք չբավարարեն երեխաների պահանջներին, այսինքն ունենան գոնե տանիք ու բարեկեցիկ պայմաններ»,- նկատեց մարզպետարանի պաշտոնյան:

Տպել
1319 դիտում

ԲՀԿ-ն, ՀՅԴ-ն ու «Հայրենիք»-ը ծանուցում են Ազատության հրապարակում սպասվող համապետական հանրահավաքի մասին

Մարդու անձնագրի պատճենը կարող է լինել ցանկացած մեկի մոտ. Իվետա Տոնոյանը՝ «Դոսյե»-ի տվյալների մասին

Հաստատվել է կորոնավիրուսային հիվանդության 115 նոր դեպք. մահացել է 2 պացիենտ

Մոսկվայում կալանավորված հայերի ազատությունը կարող է արժենալ 3 ու կես միլիոն ռուբլի, սակայն գումարը չի հաջողվում հավաքել

Մենք փառաբանում ենք մեր կողքին ապրող մարդկանց, որոնք չեն վախեցել համարձակ գտնվել. Աննա Հակոբյան

Մոտ 103 մլն դրամ՝ Ազգային կինոկենտրոնին, մոտ 48 մլն դրամ՝ Սունդուկյանի անվան թատրոնին. վերանորոգման հատկացումներ կարվեն

Տնտեսագիտական համալսարանի կոլեկտիվի ներկայացուցիչները այսօր հավաք են հայտարարում ՀՊՏՀ դիմաց

Գորիս-Երևան ավտոճանապարհին մեքենան դուրս է եկել երթևեկելի հատվածից և գլխիվայր շրջվել. կա 2 տուժած

ԵՏՀ-ում ՀՀ-ն ներկայացնող նախարար Գ. Վարդանյանի առաջարկությունը ՌԴ և ԵԱՏՄ մյուս անդամները հավանության են արժանացրել

Վրաստան մուտքն արգելող որոշումը շարունակում է ուժի մեջ մնալ. արգելքը չի վերաբերում բեռնափոխադրումներին

Նավուր գյուղում գիշերը բռնկված հրդեհն առավոտյան մեկուսացվել է (տեսանյութ)

Էլեկտրաէներգիայի մինչեւ 6-ժամյա պլանային անջատումներ կլինեն Երևանում և 7 մարզերում

Հրապարակվել է Մոսկվա-Երևան առաջիկա չարտերային չվերթների ժամանակացույցը

Ալիևը Վրաստանին շնորհակալություն է հայտնել իր տարածքով Հայաստան զենք տեղափոխելը թույլ չտալու համար

Խոշոր հրդեհ կրակայրիչների արտադրամասում. աշխատակիցներից մեկն այրվածքներ է ստացել

«Մեր ժամանակների հերոսը». գլխավոր մրցանակը վարչապետը հանձնեց «Markos toys»-ի հիմնադիր Սևակ Մարկոսյանին

Հայոց բանակի զինվորին մրցանակ հանձնելը մեծ պատիվ ու պարտավորություն է. երկրորդ հատուկ մրցանակը՝ զինվորականներին (ուղիղ)

ԱՄՆ-ի եւ Իրանի միջեւ բանակցություններ հնարավոր են. Զարիֆը՝ նախապայմանների մասին

ՀՀ տարածքում ավտոճանապարհներն անցանելի են. Ստեփանծմինդա-Լարս ավտոճանապարհը բաց է միայն բեռնատարների համար

Մենք կարծես ուսուցիչների հետ մարտի դաշտում լինենք. վճարովի թեստավորվում են ու ասում՝ գնում ենք դպրոց