«Ռոմա»-ի կիսպաշտպան Հներիխ Մխիթարյանը պատմել է՝ ինչպես է ստացվել, որ չի կարողացել մեկնել Ադրբեջան: 2018-19 մրցաշրջանում նրա նախկին թիմը՝ «Արսենալ»-ը, հասել էր Եվրոպա լիգայի եզրափակիչ, որտեղ պետք է մրցեր լոնդոնյան մեկ այլ թիմի՝ «Չելսի»-ի դեմ: Եզրափակիչը Բաքվում էր, եւ Հայաստանի ֆուտբոլի ազգային հավաքականի ավագը չկարողացավ գնալ ու օգնել իր խաղընկերներին, քանի որ հարեւան երկիրը չապահովեց նրա անվտանգությունը: Մխիթարյանն այս թեմայով խոսել է հեղինակավոր Four Four Two պարբերականի հետ: Հարցազրույցից մի հատված համացանցում տարածվել էր մի քանի օր առաջ, այժմ կան նաեւ այլ մանրամասներ: Ֆուտբոլիստը պատասխանել է նաեւ Անգլիայում անցկացրած իր ժամանակի, նախկին մարզիչների մասին հարցերին, պարզաբանել է՝ ինչու է հեռացել Լոնդոնից:

- Ինչպե՞ս եք զգում Հռոմում:

- Շատ լավ: Ակումբն ու քաղաքը մեծ պատմություն ունեն: Եղանակը նման է Հայաստանի եղանակին, այնտեղ մեզ մոտ տարվա ընթացքում 300 օր արեւ է: Մարդիկ էլ նման են իմ համերկրացիներին՝ զվարճալի են, հեգնանքով եւ նմանատիպ մենթալիտետ ունեն: Հետեւաբար ես ինձ լավ եմ զգում, սակայն այստեղ որպես զբոսաշրջիկ չեմ եկել: Այստեղ եմ, որպեսզի օգնեմ «Ռոմա»-ին արդյունքների հասնել:

- 7 լեզվով եք խոսում: Ինչպե՞ս է ընթանում 8-րդը սովորելը:

- Կանգ առա վնասվածք ստանալուց հետո, որպեսզի կենտրոնանամ եւ ավելի արագ ապաքինվեմ, սակայն ազատ ժամանակ փորձում եմ լավացնել իտալերենս: Դժվար է, բայց չպետք է անհարմար զգաս սխալներ անելիս, առանց սխալների հաջողության չես հասնի:

- Ինչպե՞ս սկսվեցին բանակցությունները «Ռոմա»-ի հետ:

- Գործակալս տրանսֆերի մասին ինձ պատմեց սեպտեմբերի 1-ին: Քանի որ կորցնելու բան չունեի «Արսենալ»-ը թողնելով, ասացի՝ այո՛: Երջանիկ եմ, որ այստեղ եմ:

- Ինչպե՞ս կգնահատեք Անգլիայում անցկացրած ժամանակը:

- Պրեմիեր լիգայում խաղալն իմ երազանքն էր, եւ ես իրականացրի այն: Ես անցկացրեցի որոշ լավ եւ որոշ ոչ այնքան լավ խաղեր, եւ դա նորմալ է: Դժվար է կայուն խաղ ցուցադրել, երբ երբեմն խաղում ես, երբեմն՝ ոչ, քանի որ այդպես այնքան էլ լավ չես հասկանում՝ ինչ է կատարվում: «Մանչեստեր Յունայթեդ»-ի հետ մենք հաղթեցինք Եվրոպա լիգայում: Այնտեղ բարդ էր, որովհետեւ 25 խաղացող կար, եւ բոլորը ցանկանում էին խաղալ: Հիանալի ժամանակաշրջան էր, բայց ես ցանկանում էի ավելի շատ խաղալ, հետեւաբար տեղափոխվեցի «Արսենալ»:

- Նկարագրեք Արսեն Վենգերի մոտեցումները:

- Նրա ղեկավարությամբ խաղալը հաճույք էր: Նա բոլոր խաղացողներին ասում էր. «Ֆուտբոլ խաղացեք եւ հաճույք ստացեք. եթե ինչ-որ բան եք անում եւ հաճույք եք ստանում դրանից, ուրեմն ճիշտ եք անում»: Նրա հետ 6 ամիս անցկացրի «Արսենալ»-ում: Իր հրաժարականը շոկ էր բոլորի համար, իսկ ես էլ այն տղան էի, որն «Արսենալ» էր գնացել, քանի որ Վենգերն էր ցանկացել: Ամեն դեպքում, սա ֆուտբոլ է, պետք է պատրաստ լինես ամեն ինչի:

- Ինչպե՞ս էր Ունաի Էմերիի ղեկավարությամբ խաղալը, երբ նա փոխարինեց Վենգերին:

- Նա ավելի մեծ ուշադրություն էր դարձնում տակտիկային, եւ հետեւաբար իմ դերը փոխվեց: Այդ պատճառով էլ չէի կարողանում շատ գոլեր խփել ու գոլային փոխանցումներ կատարել: Ես սիրում եմ ավելի ազատ լինել խաղադաշտում եւ շարժվել այնտեղ, որտեղ ազատ տարածություններ կան, սակայն դու պետք է անես այն, ինչ մարզիչն է ասում. թիմի հաղթանակն ավելի կարեւոր է, քան քո անձնական նախասիրությունները: Նրա հետ աշխատելը մեծ փորձ էր, քանի որ իմ կարիերայի առաջին իսպանացի մարզիչն էր, իսկ իսպանական ֆուտբոլում տեխնիկան մեծ տեղ ունի:

- Որքանո՞վ էր բարդ Հայաստանի ու Ադրբեջանի հարաբերությունների պատճառով Եվրոպա լիգայի եզրափակիչը բաց թողնելը:

- Դա իմ 2-րդ եզրափակիչն էր Եվրոպա լիգայում: Պատկերացրեք, որ խաղացողը երբեք չի խաղացել եզրափակչում ու չի կարողանում գնալ քաղաքական պատճառներով: Շատ ցավալի է: Չեմ կարող ասել, որ կարող էի փոխել հաշիվը, որը 4:1 էր, բայց շատ վատ էի զգում: Տանը նայում էի հանդիպումը ու չէի կարող օգնել: Չեմ ցանկանա, որ ուրիշ ֆուտբոլիստների հետ նման բան լինի:

- Կարո՞ղ էր ՈՒԵՖԱ-ն ավելին անել, օրինակ՝ փոխել մրցավայրը:

- Միակ միջոցը, որով կարող էին օգնել ինձ, եզրափակչի վայրը փոխելն էր: Եթե խաղացողը կամ թիմը փոքր շանս ունի մեկնելու երկիր, որի հետ քաղաքական լավ հարաբերություններ չկան, երեւի ավելի լավ է՝ չմեկնի: Օրինակ՝ եթե ռուսական թիմը հայտնվեր Չեմպիոնների լիգայի եզրափակչում, իսկ եզրափակիչը նախատեսված լիներ Ուկրաինայում, դա բավական բարդ կլիներ: Ես ստիպված էի բաց թողնել կյանքիս ամենակարեւոր իրադարձություններից մեկը, քանի որ որոշ մարդիկ չգնահատեցին իրավիճակը:

- Ադրբեջանի իշխանությունները վստահեցնում էին, որ այնտեղ ապահով էր եւ կարող էիք խաղալ:

- Դե, դա այդպես չէր առաջին անգամ, երբ իմ թիմը խաղաց ադրբեջանական թիմի դեմ: Մի անգամ Դորտմունդի «Բորուսիա»-ն խաղաց «Գաբալա»-ի դեմ, եւս մեկ խաղ էլ տեղի ունեցավ «Արսենալ»-ի ու «Քարաբա»-ի միջեւ: Այդ 2 խաղերի համար ես Ադրբեջան գնալու թույլտվություն չստացա, հետո չգիտես ինչպես՝ նրանք ասացին, որ Եվրոպա լիգայի եզրափակչի համար թույլատրում են: Բայց ես չեմ ցանկանում խոսել այս մասին, քանի որ շատ բաներ կան, որոնք մարդիկ չեն հասկանա: Ինձ, իսկապես, ցավ պատճառեց այն, որ զրկվեցի ֆուտբոլ խաղալու հնարավորությունից:

- Մյուս խաղերի համար էլ թույլ չտվեցի՞ն Ադրբեջան գնալ:

- Եկեք չխոսենք այդ մասին:

- Ինչո՞ւ հեռացաք «Արսենալ»-ից:

- Ես գիտեմ իմ որակները եւ այն, թե ինչ կարող եմ անել: Գուցե ես չէի կարող ընդունել այն, որ շատ խաղերի ընթացքում պետք է մնայի պահեստայինների նստարանին: Ես 30 տարեկան եմ եւ սիրում եմ ֆուտբոլ խաղալ, ոչ թե կողքից նայել ու ժամանակ վատնել: Էմերին ու մարզական տնօրենն ինձ վստահեցնում էին, որ ես անհրաժեշտ եմ «Արսենալ»-ին, սակայն ես պայմանագիր կնքեցի «Ռոմա»-ի հետ, քանի որ նրանք ինձ ավելի շատ էին հավատում:

- Մտածե՞լ եք «Ռոմա»-ի հետ պայմանագրի ժամկետը երկարաձգելու մասին:

- Վարձակալության այս պայմանագիրը նախատեսված է 1 տարվա համար, սակայն ամեն ինչ էլ հնարավոր է, եւ ես չեմ փակում դռները: Հիմա ես երջանիկ եմ Հռոմում: Մրցաշրջանի վերջում մենք կարող ենք քննարկել ու որոշել՝ ինչ անել:

Տպել
2946 դիտում

Արա Մարտիրոսյանը համերգի ժամանակ Հայկոյի երգը կատարելիս հուզվել է. հոտնկայս ծափերը երկար ժամանակ չեն դադարել (տեսանյութ)

Վստահեցնում ենք, որ մեր թիմը ջանք ու եռանդ չի խնայի. Թալինում ՔՊ-ի համայնքի ղեկավարի թեկնածու

Թուրքիայում 5.1 մագնիտուդ ուժգնությամբ երկրաշարժ է տեղի ունեցել

Արագ և կայծակնային շախմատի աշխարհի առաջնությունում Հայաստանը կունենա 11 մասնակից

Ընտրական հանցագործության 17 հաղորդում՝ Գեղարքունիքում ՏԻՄ ընտրությունների վերաբերյալ. 13-ով նախապատրաստվում են նյութեր

ՀՀ նախագահը և տիկին Նունե Սարգսյանը Ազգային պատկերասրահում դիտել են «Մեկ օր Պոմպեյում» ցուցադրությունը

Կորոնավիրուսի ցուցանիշները կտրուկ նվազել են. հաստատվել է 95 նոր դեպք, գրանցվել՝ 8 մահ

Ինձ համար մեծ պատիվ է ծառայել իմ հայրենիքին. Մարտունի խոշորացված համայնքի ղեկավարի ՔՊ թեկնածու

Երևանում 2 մեքենաների բախման հետևանքով կա տուժած

Ծանրորդները մեկնարկում են աշխարհի առաջնությունում

ՀՀ տարածքում կան փակ ավտոճանապարհներ, որոշ ճանապարհների մերկասառույց է

ՏԻՄ ընտրությունների այս որակը, երբ քաղաքացին տեր է և որոշող, մեր վաղեմի երազանքն է՝ ի կատար ածված. Նիկոլ Փաշինյան

Ինչպես են բաշխվել ձայները. հայտնի են բոլոր համայնքներում ՏԻՄ ընտրությունների նախնական արդյունքները

Երկար ժամանակով լույս չի լինելու Երևանի և 4 մարզերի մի շարք հասցեներում

Հրդեհ Դիլիջան քաղաքում. ամբողջությամբ այրվել են ավտոտնակն ու ներսում կայանված մեքենան

Էջմիածնի բոլոր ընտրատեղամասերի նախնական արդյունքներով՝ հաղթել է «Քաղաքացիական պայմանագիր» կուսակցությունը

Ծաղկաձորում «Քաղաքացիական պայմանագիր» կուսակցությանը հաղթել է՝ ստանալով ձայների մոտ 70 տոկոսը

2018-ից հետո Հայաստանում տեղի ունեցած ամեն մի ընտրություն, անկախ արդյունքներից, վերահաստատում է հեղափոխության հաղթանակը

Արցախում մահացու հրազենային վիրավորում է ստացել 19-ամյա զինծառայող

Հայաստանի տարբեր հատվածներից դուրս է բերվել ձյան մեջ արգելափակված 5 ավտոմեքենա

Նախնական տվյալներով, «Քաղաքացիական պայմանագիր»-ը 36 համայնքներից հաղթել է 24-ում

Աբովյանում ընտրակաշառքի, ընտրողներին ուղղորդելու դեպքերն ուսումնասիրվում են. Կոտայքի 9 դեպքով նյութեր են նախապատրաստվում

Հրազդանում, նախնական արդյունքներով, ձայների 78 տոկոսով հաղթել է Սևակ Միքայելյանը

Խոյ խոշորացված համայնքում 65.5% արդյունքով հաղթել է «Քաղաքացիական պայմանագիրը»

Փարաքարի 2 ընտրատեղամասում ձայների հաշվակը կանգնեցված է

Սպիտակում նախնական տվյալներով հաղթում է «Քաղաքացիական պայմանագիրը»

Վանաձորի 40 ընտրատեղամասերի նախնական արդյունքներով՝ հաղթում է «Մամիկոն Ասլանյան դաշինք»-ը

Գյումրիում տոնվեց Կամավորների միջազգային օրը. կայացավ «Տարվա կամավոր» մրցանակաբաշխությունը (լուսանկարներ)

Աշոցք, Ախուրյան, Ամասիա խոշորացված համայնքներում «Քաղաքացիական պայմանագիր» կուսակցությունն առաջին տեղում է

Սպիտակի 2 ընտրատեղամասերի նախնական արդյունքներով՝ հաղթում է ՔՊ-ն

Թալինում նախնական արդյունքով հաղթում է «Քաղաքացիական պայմանագիր»-ը

Հայտնի են Մասիսի մի քանի բնակավայրերում ընտրությունների նախնական արդյունքները

94% կողմ արդյունքով ՔՊ-ն Արմավիր խոշորացված համայնքում ստանում է ավագանու բոլոր մանդատները. Դավիթ Խուդաթյան

Հայտնի են Թումանյան համայնքի մի քանի բնակավայրերում ընտրությունների նախնական արդյունքները (թարմացվող)

Աշոցքում նախնական արդյունքով հաղթում է «Քաղաքացիական պայմանագիրը»

Կանխվել է քաղաքացու ինքնասպանության փորձը Երևանի Հաղթանակի կամրջից

Հայտնի են Աշտարակ համայնքի մի քանի բնակավայրերում ընտրությունների նախնական արդյունքները (թարմացվող)

Հայտնի են Ապարան համայնքի ընտրությունների նախնական արդյունքները

Հայտնի են Թալին համայնքի մի քանի բնակավայրերում ընտրությունների նախնական արդյունքները (թարմացվող)

ՀՀ 36 խոշորացված համայնքներում ՏԻՄ ընտրություններին մասնակցությունը ժամը 20:00-ի դրությամբ կազմել է 42,48 տոկոս