Նոր Հաճնում մահացած չորս երեխաների հայրը հնարավորություն կունենա վերջին հրաժեշտը տալ նրանց ու մորը. մարզպետ

18/11/2019 schedule12:02

Նոր Հաճնում ողբերգական դեպքի հետեւանքով մահացած երեխաների հայրն այս երեկո կամ վաղն առավոտյան Հայաստանում կլինի: Այս մասին այսօր «Հայկական ժամանակ»-ի հետ զրույցում նշեց Կոտայքի մարզպետ Ռոմանոս Պետրոսյանը:

«Մենք խոսել ենք Ռոստովի Հայաստանի գլխավոր հյուպատոսի հետ, խնդիրն այն է, որ Ուկրաինայից Ռուսաստան սահմանը հատելիս մեր քաղաքացին խախտել է միգրացիոն ռեժիմի վերաբերյալ ՌԴ օրենսդրությունը: Դա կապված է Ուկրաինա-Ռուսաստան սահմանահատումների օրենսդրության հետ, և ոչ՝ Հայաստան-Ռուսաստան օրենսդրության: Նա այս փաստով ձերբակալվել է և պահվել օդակայանի հատուկ պահման վայրում: Այսօր արդեն պիտի լիներ դատական ակտը, հստակեցվեր նրա կարգավիճակը: Հաշվի առնելով հայկական կողմի միջնորդությունները (ինձ հայտնի է, որ զանգահարել են մի շարք պատգամավորներ, այդ թվում նաև Նարեկ Մկրտչյանը, սոցապ փոխնախարարը, դիվանագիտական կորպուսից են զանգել), արագացված դատավարություն պիտի ընթանա, որպեսզի այսօր երեկոյան կամ ամենաուշը վաղն առավոտյան մեր քաղաքացին հնարավորություն ունենա Հայաստան գալ՝ իր հարազատներին վերջին հրաժեշտը տալու»,- նշեց մարզպետը:

Նա հավաստեց, որ հայկական կողմն անընդհատ կապի մեջ է գործընկերների հետ և «որևէ ֆորսմաժորի դեպքում արագ կարձագանքեն»:

Հիշեցնենք, որ չորս երեխաները և իրենց տատիկը մահացել են նոյեմբերի 16-ին Նոր Հաճնի իրենց բնակարանում, շմոլ գազից։ Ոստիկաններն ու քննիչները նշված տանը հայտնաբերել են այդ տան բնակիչներ, 77-ամյա Ժաննա Սիմոնյանի, 16-ամյա Էդուարդ Մ.-ի, 15-ամյա Տիգրան Ս.-ի, 14-ամյա Ժաննա Մ.-ի եւ 12-ամյա Սերինե Մ.-ի դիերը:

Ռոմանոս Պետրոսյանի խոսքով՝ երեխաների մոր մասին տեղեկություններ չունեն համայնքում. «Մայրը կարծես շատ ավելի վաղ էր լքել ընտանիքը, հետո նաև հայրն է գնացել՝ երեխաներին թողնելով ծեր մոր և եղբոր խնամքի տակ: Բնակվելիս են եղել հայրական տանը՝ 77-ամյա տատիկի հետ»:

Երեխաներից երկուսը գիշերօթիկ դպրոցի սաներ էին, որ հանգստյան օրերին վերադառնում էին ընտանիք: «Բայց վերջին փուլում, երբ սկսվել էր գիշերօթիկների լուծարման, երեխաների՝ ընտանիք վերադարձման ծրագիրը, հուլիս-օգոստոս ամիսներին արդեն երեխաները վերջնական վերադարձել էին ընտանիք: Սովորելիս են եղել Նոր Հաճնի թիվ 3 դպրոցում»,- ասաց մարզպետը:

Նա հավաստեց, որ սոցիալական աշխատողները պարբերաբար այցելել են և հոգացել երեխաների կարիքները: «Նրանք հաշվառված են եղել մարզային սոցիալական օգնության, երեխաների և կանանց պաշտպանության ստորաբաժանման կողմից, և իրականացվել են տնայցեր: Ընտանիքը եղել է համայնքի և պետության հոգածության ներքո: Սա դժբախտ պատահար էր, որ եղել է գազի կաթսայի անսարք լինելու պատճառով»,- ասաց Պետրոսյանը:

Հարցին՝ կաթսան եղել է ինքնաշե՞ն՝ մարզպետը պատասխանեց. «Ես ինքս չեմ տեսել, բայց համայնքի ղեկավարի պնդմամբ՝ ինքնաշեն էր:

Տպել
1937 դիտում

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է

Սոթք-Քարվաճառ ճանապարհը և Վարդենյաց լեռնանցքը բեռնատարների համար անցանելի է՝ անվաշղթաների կիրառման դեպքում

Այսօր ՏԻՄ ընտրություններ են ՀՀ 7 մարզերի 16 համայնքներում

Երեխան եղել է անհաս, ծնվել է կեսարյան հատմամբ, առկա է եղել սրտի արատ. ԲԿ-ն պարզաբանում է նորածնի մահվան պատճառը

Հրազդանում մեքենա է հրդեհվել. շարժիչի հատվածն ամբողջությամբ այրվել է

Եւս մի «հայրենասեր-քաղհալածյալ»

Ավտոմեքենան դուրս է եկել ավտոճանապարհի երթևեկելի հատվածից և հայտնվել ձորակում

Արմեն Սարգսյանը հանդիպել է «Գյումրին մեր տունն է» երիտասարդական նախաձեռնության անդամների հետ

3 մլն դրամից մինչեւ 200 հազար. ավագանու անդամը հրապարակել է թվեր՝ վարչական շրջանների կորպորատիվների ծախսերից

Երևանի Արմենակյան փողոցում բենզատար է շրջվել

Ավելի վատ է լինելու. գործերը հեչ լավ չեն