Եկեք մեզ ստուգեք. արդեն զավեշտական է դառնում

18/11/2019 schedule10:00

Տպագրվել է «Հայկական Ժամանակ» օրաթերթի 2006 թվականի նոյեմբերի 18-ի համարում

Այսուհետ ասպիրանտ դառնալը մեր երկրում այնքան էլ հեշտ գործ չի լինելու: Եւ տղաները, որոնք բանակից խուսափելու նպատակով որոշակի գումարի եւ այլ ճանապարհների միջոցով կարողանում էին խցկվել գիտության ասպարեզ, ստիպված են լինելու բավական դժվար ճանապարհ անցնել: Բանն այն է, որ կրթության եւ գիտության նախարարությունը հաստատել է ասպիրանտուրայի ընդունելության նոր կարգ: Ու, ըստ սույն կարգի, ասպիրանտուրայի քննություններն այժմ անցկացնելու են միջազգային կազմակերպությունները: «Նոր համակարգն ուղղված է նրան, որ վերացվեն կամ մինիմումի հասցվեն կոռուպցիոն ձեւերը»,- երեկ կրթության եւ գիտության նախարարությունում հայտարարեց ԿԳ փոխնախարար Արա Ավետիսյանը:

Այսինքն, տեսնելով, որ ասպիրանտական համակարգն այնքան է փչացել, որ ներսից որեւէ բան անելն այլեւս անհնար է, ԿԳՆ-ն որոշել է ապավինել այլ կազմակերպությունների: Սրանից հետո ասպիրանտուրա ընդունվելու համար, նախ, անհրաժեշտ է անցնել օտար լեզվի եւ համակարգչային դասընթացներ, այնուհետեւ քննություններ հանձնել օտար լեզվից եւ համակարգչային իմացությունից: Ե՛ւ դասընթացները, ե՛ւ քննությունները կազմակերպվելու են անկախ կազմակերպությունների կողմից, որի համար վճարելու է մեր պետությունը: Ու միայն այդ քննությունները հանձնելուց հետո գիտությամբ զբաղվել ցանկացողներն իրավունք կստանան հանձնել մասնագիտական քննություններ, որոնք արդեն կազմակերպվելու են բուհերի ամբիոնների եւ գիտական կազմակերպությունների կողմից:

«Այս կարգն ուղղված է նաեւ այն բանին, որ առանց օտար լեզվի եւ համակարգչի իմացության մարդիկ անգամ չմտածեն, որ կարող են դիմել ասպիրանտուրա, որովհետեւ շատ դեպքերում ասպիրանտի կարգավիճակում հայտնվում են մարդիկ, որոնք, չտիրապետելով դրանց, ուղղակի անտեղի ծախսում են իրենց տարիները: Իսկ առանց համակարգչի եւ օտար լեզվի իմացության անհնար է գիտական ծրագիր իրականացնել»,- ասում էր ԿԳ փոխնախարարը: Ընդունելության համար ԿԳՆ-ն սույն առարկաների համար սահմանել է անցողիկ հստակ շեմեր, որոնք չհաղթահարելու դեպքում դիմորդը, որքան էլ փայլուն մասնագիտական գիտելիքներ ունենա, չի կարող ընդունվել ասպիրանտուրա: Շեմերը տարբեր են, ըստ մասնագիտական խմբերի եւ օտար լեզուների:

Հաշվի առնելով, որ համակարգը նոր է ներդրվում, անցողիկ շեմերը հաստատվել են այնպես, որ գոնե այս անգամ կոշտ քննություններ չլինեն, այսինքն` շեմը հաղթահարելը շատ բարդ չլինի: Այստեղ, սակայն, կա բավական լուրջ խնդիր, որը ԿԳՆ-ն թերեւս հաշվի չի առել: Իհարկե, օտար լեզվի ու համակարգչի իմացությունը խիստ կարեւոր են գիտությամբ զբաղվելու համար, այսօր հրատարակվող մեծածավալ գիտական գրականության հետ առնչվելու եւ էլեկտրոնային գրադարաններից ինտերնետի միջոցով օգտվել կարողանալու համար: Սակայն բանն այն է, որ բուհերում նույն օտար լեզվի դասավանդման մակարդակը խիստ ցածր է: Հիմնականում դիմորդներն այդ առարկայից գրեթե ոչինչ չեն սովորում, եւ հասկանալի է, որ նոր կազմակերպվելիք դասընթացների ընթացքում, որոնք տեւելու են մեկ ամիս, նրանք չեն հասցնելու բավարար գիտելիքներ հավաքել:

Այսինքն, այն գումարը, որը պետությունը պատրաստ է վճարել մեկամսյա դասընթացների համար, ըստ էության, ոչինչ է ասպիրանտուրա ընդունվել ցանկացողի համար, եւ նա ստիպված է լինելու դասախոս վարձել` լեզուն նորմալ յուրացնելու եւ սահմանված անցողիկ շեմը հաղթահարելու համար: Բացի այս, ոչ ոք չի կարող երաշխավորել, որ նույն անկախ կազմակերպությունները նորմալ քննություններ կանցկացնեն, քանի որ այստեղ եւս աշխատում են ՀՀ քաղաքացիներ` նույն մենթալիտետով եւ, ըստ էության, նույն սկզբունքներով, ու այդ կազմակերպություններում էլ հայտնվում են ամենեւին ոչ պատահական ձեւով: Այնպես որ, այն ստվերային գումարները, որոնք մինչ այժմ շրջանառվել են այս ոլորտում, կշարունակվեն շրջանառվել նաեւ այսուհետ: Իսկ այսօր, ըստ որոշ տեղեկությունների, ասպիրանտուրա ընդունվելն արժե 5-7-8 հազար դոլար:

Գիտական թեզ պաշտպանելու համար մեր երկրում կա շատ տարածված եւ  արմատացած մի ձեւ: Աշխատանքը պատվիրում ես որեւէ գիտնականի, այնուհետեւ դրա համար նրան որոշակի գումար ես վճարում, կողքից մի փոքր մաղարիչ համապատասխան մարդկանց, եւ, այսպիսով, ամեն ինչ վերջանում է: Չի բացառվում, իհարկե, որ նոր համակարգի ներդրմամբ կոռուպցիոն ռիսկերն ասպիրանտական համակարգում նվազեն: Ամեն դեպքում, բարձրագույն կրթության եւ գիտության ոլորտը համակարգող ԿԳ փոխնախարար Արա Ավետիսյանը կարծում է, որ նոր համակարգի ներդրմամբ մենք կստանանք կադրային այն հումքը, որն անհրաժեշտ է գիտության մեջ զարգացումներ ապահովելու համար: «Հակառակ դեպքում, մենք այն չենք ունենա, եթե շարունակենք սուբյեկտիվ քննություններ անցկացնել: Գիտություն այդ կերպ չեն մտնում եւ այդպես գիտություն չեն անում»,- երեկ ասում էր փոխնախարարը:

Հ.Գ. Ըստ Արա Ավետիսյանի, պաշտոնական տվյալներով, այսօր գիտության եւ կրթության ոլորտում վերջին տարիներին գիտական թեզ պաշտպանածներից աշխատում են 32 տոկոսը, կառավարման համակարգում` եւս 7 տոկոսը, իսկ մնացածն աշխատում են տարբեր երկրներում:  

Լուսինե Բարսեղյան

Տպել
1113 դիտում

Արցախում կորոնավիրուսային հիվանդության 3 նոր դեպք է հաստատվել

Եվրոպան պահանջում է ազատ արձակել Նավալնիին և Ռուսաստանին սպառնում է նոր պատժամիջոցներով

15 տարի շարունակ Կառավարության տարբեր մարմիններ օդաչուների վնասի հատուցման հարցը ձգձգում են՝ խախտելով նրանց իրավունքները

2020 թվականին ՀԴՄ կանոնների խախտման նոր տեսակներ են ի հայտ եկել․ ծրագրային միջամտություն է արվում․ Թամազյան

Ավելի քան 7000 արցախցի երեխաներ դեռ սովորում են Հայաստանի տարբեր դպրոցներում․ ԿԳՄՍ փոխնախարար

Շնորհակալագրեր, մրցանականեր. ամփոփվել է Հարկադիր կատարումն ապահովող ծառայության տարեկան գործունեությունը

ԿԳՄՍ նախարար Վ․ Դումանյանը շնորհավորական ուղերձ է հղել Կրթության միջազգային օրվա առթիվ

Ներքաշվում ենք մի գործընթացի մեջ, որի արդյունավետության գնահատականը աշխարհում դեռ չկա․ Արտակ Մանուկյան

Մեկնարկել է Իրանի ԱԳ նախարարի տարածաշրջանային այցը. առաջին կանգառը Բաքվում է

Կապան, Մեծավան և Մարմաշեն համայնքները ևս 103 միլիոն դրամի տեխնիկա են ստացել

Ստեղծվել է ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով

Ավստրիայի բնակիչները պարտավոր են դիմակների փոխարեն ռեսպիրատորներ կրել, ֆրանսիացիներին խորհուրդ է տրվել հեռախոսով չխոսել

Հերիքնազ Տիգրանյանը ընտրվեց կորոնավիրուսի դեմ պայքարի արդյունավետությունը ուսումնասիրող քննիչ հանձնաժողովի փոխնախագահ

ԱՄՆ-ում հրաձգության հետեւանքով հինգ մարդ է զոհվել

Ստեփանակերտի Հայկավան թաղամասում և Գետափ տեղամասում կիրականացվեն չպայթած զենք-զինամթերքի վնասազերծման աշխատանքներ

Արցախի գյուղերում հաստատվող քաղաքացիների համար առաջիկայում կստեղծվեն տարբեր հնարավորություններ. ԱՀ նախագահ

Հաստատվել է կորոնավիրուսային հիվանդության 58 նոր դեպք. գրանցվել է 8 մահ

Մարիինյան թատրոնի տեխնիկական անձնակազմը տեսագրում և ձայնագրում է Բեթհովենի սիմֆոնիաները Ֆիլհարմոնիկի կատարմամբ

Գիտելիքահեն տնտեսությունն ամբողջովին կյանքի կոչելու համար բավականաչափ մեծ ժամանակահատված է անհրաժեշտ․ պատգամավոր

ԱԽ քարտուղար Արմեն Գրիգորյանը շնորհավորական հեռագիր է հղել Ջեյք Սալիվանին

Երեկ Ֆիզուլիի շրջանից և Հադրութի շրջանի Տումի գյուղի տարածքից հայտնաբերվել է ևս 2 աճյուն, մեկը՝ քաղաքացիական անձի

Արցախ ժամանած բժիշկ-փորձագետների խումբը այցելել է Մարտունու և Ասկերանի շրջանային բուժմիավորումներ

Փակ ու դժվարանցանելի ճանապարհներ, մառախուղ, մերկասառույց. իրավիճակը ՀՀ ավտոճանապարհներին

Հրդեհ Դալարիկ գյուղում. այրվել են կենցաղային իրեր, անվահեծաններ

Չեմ խղճում հայ երեխայի, պետք է սպանել նրանց. ՄԻՊ-ը հրապարակել է ադրբեջանական հայատյացության ապացույցներ (լուսանկարներ)

Շղթայական ավտովթար Երևանում. «Հին Ջրվեժ» ռեստորանի դիմաց բախվել է 9 ավտոմեքենա

Արամ Ա կաթողիկոսը շնորհավորել է ԱՄՆ նորընտիր նախագահ Ջո Բայդենին

Երկար ժամանակով լույս չի լինելու Երեւանի եւ 4 մարզերի որոշ հատվածներում

Գորիս-Տաթև ճանապարհը բքի պատճառով փակ է, կան 100-ից ավել կուտակված մեքենաներ

Մահացել է ճարտարապետ Ստեփան Նալբանդյանը

Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր

Դատարանը կալանավորել է Աշտարակում 19-ամյա տղային սպանելու մեջ կասկածվող 20-ամյա երիտասարդին

Վթարի հետեւանքով 24 ժամ ջուր չի լինի Երեւանում եւ Արարատի մարզում

Ջո Բայդենի նախընտրական արշավի համար 1,5 միլիարդ դոլար է ծախսվել. հավաքվել է ռեկորդային գումար անանուն աղբյուրներից

Ոչ նյութական Ժառանգության պահպանության համար ստեղծվել են հայկական ավանդական խաղերի և ուտելի բույսերի շտեմարաններ

Հայաստանի մարմնամարզության ֆեդերացիայի նախագահ է ընտրվել Գագիկ Վանոյանը

Թուրքական բանակի հարվածների հետեւանքով Սիրիայում զոհվել է 3 մարդ, վիրավորվել են 7-ը

Լարսը բաց է բոլոր տեսակի ավտոմեքենաների համար, բայց ՌԴ կողմում կուտակվել է 1000-ից ավելի բեռնատար

Փետրվարի 1-ից Վրաստանը կվերականգնի կանոնավոր չվերթները