Երևան
12 °C
Տպագրվել է «Հայկական Ժամանակ» օրաթերթի՝ 2006 թվականի նոյեմբերի 17-ի համարում
Այն, որ Հայաստանի մարզերի բնակիչների մեծ մասը արտասահման մեկնելու հնարավորություն չունենալու պատճառով Երեւանի ճանապարհն է բռնում, եւ որ մարզերը գրեթե դատարկվում են, ապացուցման կարիք, թերեւս, չի զգում: Այդ մարդիկ հույս ունեն մայրաքաղաքում գտնել իրենց գոյատեւման համար անհրաժեշտ միջոցները: Երիտասարդ Աննա Հովսեփյանի ընտանիքը նույնպես այս առումով բացառություն չէ: Արդեն ավելի քան տասը տարի է, ինչ նրանք Գեղարքունիքի մարզից եկել, Երեւանում են ապրում: Սկզբից ամուսինն է տեղափոխվել, վարորդի աշխատանք գտել, հետո էլ կանչել կնոջը: Ամեն ինչ լավ է եղել մինչ այն պահը, երբ Աննայի` այժմ արդեն 40-ամյա ամուսնուն 6 տարի առաջ ինսուլտ է խփել` թուլացնելով նրա աջ ձեռքն ու ոտքը: Աննան, ի դեպ, 27 տարեկան է: Իրենց տարիքային տարբերությունը բացատրելով` ասում է.
«Սերը տարիք չի հարցնում»: Իսկ ամուսնացել են, երբ նա ընդամենը 13 տարեկան է եղել: «Հինգ տարեկան եմ եղել, երբ մայրս մահացել ա: Հորս հետ եմ ապրել: Ինձ ուրիշի էր ուզում տալ, դրա համար փախել եմ»,- ժպտում է Աննան ու շարունակում. «Չեմ ափսոսում, չեմ զղջում: Էնքան ուժգին եմ սիրում, որ նույնիսկ եթե կյանքս էլ պետք լինի, կտամ»: Կյանքը տալ պետք չէ: Պետք է, որ իր կյանքը պահպանելով` նա ընտանիքի ապրուստը հոգա, որովհետեւ ամուսնուց բացի նաեւ մանկահասակ երկու երեխա ունի, որոնցից մեկը նույնպես անառողջ է: Եթե դրան էլ գումարենք Աննայի մի շարք հիվանդություններն ու այն, որ հենակներով է քայլում, պարզ կդառնա նրանց դրությունը:
Մասնագիտություն չունեցող կինն ընտանիքը պահելու միակ ելքը տեսել է մուրացկանություն անելու մեջ, որովհետեւ ասում է, թե դիմել է այստեղ-այնտեղ` աշխատանքի համար, բայց այնքան քիչ աշխատավարձ են առաջարկել, որ չի էլ փորձել աշխատել` մտածելով, թե չի կարողանա հոգալ ընտանիքի կարիքները: Փողոց դուրս գալու որոշումը կայացնելիս նա դեռեւս տեղաշարժվելու խնդիրներ չի ունեցել, եւ միայն 4 տարի առաջ ավտոմեքենայի հարվածից ոտքը վնասվել է: Վիրահատությունից հետո էլ, սակայն, առանց հենակների քայլել չի կարողանում: Ինչեւէ: Իր այդ աշխատանքից արդեն այլեւս չի ամաչում, մի տեսակ կարծես իմունիտետ է ձեռք բերել:
«Սկզբից մինչեւ մութը չէր ընկնում, դուրս չէի գալիս, որ ինձ ոչ մեկը չտեսներ: Հետո տեսա, որ ամաչելով չեմ կարա երեխեքիս պահեմ: Հիմա արդեն մեկ ա: Իմ աչքերը փակ են: Բաց են, բայց փակ են»,- բացատրում է ձեռքն անցորդներին պարզած Աննան: Բայց որքան էլ այլեւս չի ամաչում, նրան ցավ են պատճառում անցորդների ծաղրական արտահայտությունները: Եւ պարզվում է` ծաղրողներն էլ ոչ թե երիտասարդներն են, այլ մեծահասակ կանայք: Ու, որպես կանոն, հարուստ կանայք:
«Զզվելի բառերով են արտահայտվում: Որ նայում ես իրենց, նայում ես հագնելուն, իսկի չես ասի, որ սիրտը էդ կլինի: Չեն մտածում, որ ծանր կյանքից, վատ վիճակից ենք նստած: Հարուստը որտեղի՞ց պատկերացնի, երբ ինքը ամենահետաքրքիր կյանքով ապրում ա: Ի՞նչ պետք ա պատկերացնի վատ ապրողի վիճակը»,- սեփական փորձից է դատում Աննան: Իսկ շատ անցորդներ էլ արդեն լավ ծանոթներ են դարձել, դրամ են դնում նրա ափի մեջ, հարցնում որպիսությունը: Երբեմն էլ` ուտելիք ու հագնելիք բերում:
Ամբողջ օրը սառը քարին` բարձի վրա նստած կինն ասում է, թե իր «հովանավորների» մեջ կան նաեւ մարդիկ, որոնք մի քանի անգամ դրամ տալուց հետո, եթե մի օր չեն տվել, հետո հայտնել են, թե իրենց այդ օրն անհաջող է եղել: Այնուհետ, ամեն անգամ անցնելիս, չեն մոռանում Աննայից «գնել» իրենց հաջող օրվա երաշխիքը: Պատահում է նաեւ, որ խոշոր թղթադրամ են բաշխում հիվանդ կնոջը: Դա երջանիկ օր է լինում: Երեկ, երբ մենք զրուցում էինք, տարեց մի տղամարդ նրան 1000 դրամանոց նվիրեց ու խնդրեց աղոթել իր համար: Աստծուն անվերապահորեն հավատացող Աննայի աչքերն ուրախությունից փայլում էին: Նա խոստացավ անպայման կատարել անցորդի խնդրանքը:
Աննա Զախարյան
«Հայկական Ժամանակ»-ը Telegram-ում
ՌԴ-ից ժամանած ոչ մի ընտրակաշառք տվող ու վերցնող չի պլստալու. Տարոն Չախոյան
Պահանջում եմ ձերբակալել բոլորին. Թորոսյանը՝ Իրկուտսկից հարկադրաբար ՀՀ բերվող քաղաքացիների ցուցակի մասին
Ղազինյան Դավոն 1.400.000-ը տվել ա Արմանին, որ մի քիչ մարդկանց փող խոստանան՝ կաշառք բաժանեն. ձայնագրություն
Դավիթ Ղազինյանին ազատությունից զրկելու համաձայնություն ստանալու նպատակով միջնորդություն է ներկայացվել ԿԸՀ
Իրկուտսկի մարզից հարկադրաբար Հայաստան բերվող քաղաքացիների անունների տարածվող ցուցակը կդառնա քննության առարկա
Դիշովկա Հոխիկյանի ու իր տերերի աչքին ադրբեջանցիներ են երևացել, այնինչ իրանցի շինարարներ են. Հարությունյան
Դրանք պարբերական բնույթ են կրում. ԱՍՀՆ-ն՝ «Զատիկ» կենտրոնի աշխատակիցների խրախուսումների մասին
Սիսիանում բողոքի ակցիա են իրականացրել իրանցիներ, ոչ թե ադրբեջանցիներ. ՆԳՆ-ն պարզաբանում է
Չալաբյանը ՌԴ ներկայացուցիչների հետ առերևույթ քննարկել է ՀՀ ընտրություններին միջամտելու հարցեր․ Իոաննիսյան
ՄԱԿ-ի Անվտանգության խորհուրդը արտակարգ նիստ կգումարի Ուկրաինայի խնդրանքով․ Սիբիհա
Ստեփանավանում սահմանվել է արտակարգ ռեժիմ․ կառավարությունը պատրաստ է փոխհատուցել կարկուտի վնասները․ տեսանյութ
ԿԸՀ-ն օտարերկրյա հյուրերի համար տեղեկատվական հանդիպում է հրավիրել
Ձերբակալված 194 անձ, 209 քրեական հետապնդում, կալանքներ․ ընտրական բնույթի հանցագործությունների վիճակագրություն
Երնջատափի անտառների զովն ու արջերի առավոտյան լոգանքը Ապարանի ջրամբարում․ տեսանյութ
Առաջիկա ժամերին Երևանում սպասվում են հորդառատ անձրևներ
Տեղեկություն կա, որ կարգելվի միայն ընտրելու համար ՀՀ եկած և ՌԴ վերադարձող զորակոչային տարիքի տղամարդկանց ելքը
Ստեփանավանում մոտ 20 րոպե տեղացած կարկուտը ավերածություններ է գործել․ ստեղծվել է օպերատիվ շտաբ
Ժաննա Անդրեասյանը և Դանիել Դանիելյանը ծաղիկներ են խոնարհել Արամ Խաչատրյանի շիրիմին
Վարժական հավաքից խուսափելը հանցագործություն է, պատժվում է 1-3 տարի ժամկետով ազատազրկմամբ․ դատախազություն
120 մլն եվրոյի պայմանագիր Ամերիաբանկի և FMO-ի միջև՝ ՄՓՄՁ-ների աջակցման, կանաչ ֆինանսավորման զարգացման համար
Քեզի 150+50 տվել էի, 600 էլ փոխանցեմ, հարցերը քցի տեղը․ ընտրակաշառքի ևս մեկ ձայնագրություն «Հայաստան» դաշինքից
Հայաստանի Հանրապետությանը կվերադարձվի Երևանում գտնվող՝ 12 հազար 860 քմ մակերեսով հողամասը
Բացահայտվել են «Ուժեղ Հայաստան»-ի կողմից 100-ից ավելի ընտրակաշառք տալու և ստանալու դեպքեր
Օդի ջերմաստիճանը չի փոխվի․ կարճատև անձրև, տեղ-տեղ նաև կարկուտ կլինի
Վթարվել է Աբովյան քաղաքի 60 բարձրահարկ շենքերի ջրամատակարարումն ապահովող բարձր ճնշման ջրագիծը․ տեսանյութ
Հրապարակվել է Հայաստանի Հանրապետության ընտրողների ռեգիստրում ընդգրկված ընտրողների ընդհանուր թիվը
ՀԿԿ-ն այսօր և վաղը Հայաստանի ամբողջ տարածքում իրականացնելու է լայնածավալ օպերատիվ-հետախուզական միջոցառումներ
Պուտինն ու Զելենսկին պետք է ինքնուրույն լուծեն իրենց խնդիրները, ես եմ նրանց հասցրել այս կետին․ Թրամփ
Այսօր և վաղը կեղծիքը շատանալու է․ Հովհաննիսյանը՝ արտիստների, երգիչների անունից տարածվող կեծ տեսանյութերի մասին
Ինչի համար է ձերբակալվել «Գող Բջեն»․ մանրամասներ
«Գող Բջեն» ձերբակալվել է
ՔՊ-ի դեմ հակաքարոզչություն է արվում. Վահագն Ալեքսանյանը զգուշացնում է․ տեսանյութ
Նոր պահանջ հունիսի 8-ից․ ՍԱՏՄ-ն տեղեկություն է հրապարակել տնտեսվարողների համար
Հրազդանի նախկին քաղաքապետից բռնագանձման պահանջ է ներկայացվել
«Ուժեղ Հայաստան»-ի պատգամավորի թեկնածուներից 6-ի նկատմամբ կայացվել է ձերբակալման որոշում․ ովքեր են նրանք
ԱՍՀՆ հաստատություններում խնամք ստացող 18 տարեկան անձինք նոր կյանք են սկսել Ակնաշենի փոքր տանը
«Մինիմումը բդի 10 ձեն բերես», «Նախագահ գուզեմ, ընկեր Նախշքարյան ջան»․ նոր ձայնագրություն «Հայաստան» դաշինքից
Ծաղկունքում գայլերի հարձակման հետևանքով 300-ից ավելի ոչխարներ ու գառներ են սատկել
Նորակերտի նախկին ղեկավարը համայնքից հափշտակել է շուրջ 40 գույք, կատարել փողերի լվացում․ գործը դատարանում է
ՄՔԾ տարածքային ստորաբաժանումներն աշխատելու են շաբաթ և կիրակի օրերին
