Կա՛մ հայոց լեզվի ուսուցումը պարտադիր կլինի բուհերում, կա՛մ դասադուլը կշարունակվի. բողոքի ցույց ԵՊՀ-ում

Այսօր Երեւանի պետական համալսարանի հայ բանասիրության ֆակուլտետի լսարանների դռները չեն բացվել. ուսանողները դասադուլ են հայտարարել: Պահանջը մեկն է. հայոց լեզու, հայ գրականություն եւ պատմություն առարկաները բուհերում պետք է դասավանդվեն, այլապես դասադուլը դեռ երկար է շարունակվելու:

Ժամը 9:30-ի դրությամբ ֆակուլտետում հավաքված ուսանողներն իրենց բողոքն ու մտահոգությունն էին արտահայտում բուհական ծրագրերում այդ առարկաները ոչ պարտադիր դարձնելու մասին քննարկումների հետ կապված։ Շատ չանցած՝ խմբին միացան նաեւ պատմության եւ այլ ֆակուլտետների ուսանողներ, ԵՊՀ ուսանողական խորհրդից ներկայացուցիչներ եւ դասախոսներ:

Ցանկանում ենք սովորել մե՛ր լեզուն, գրականությունը, պատմությունը. խոսում են ուսանողները

«Հիշենք արտասահմանյան հեղինակի, ով նշում էր. փոխե՛ք ձեր ճյուղերը, տերեւները, բայց պահպանե՛ք ձեր արմատները: Մեր այսօրվա գրապայքարն ուղղված է ազգապահպան ծրագրի, ցանկանում ենք մեր լեզուն, գրականությունը, պատմությունը հաստատուն եւ անխափան պահել իր հիմքերի վրա: Կարծում եմ՝ յուրաքանչյուր ժողովրդի գոյության հենքն ու հիմքը հայրենիքն է, իսկ այն առանց ազգային տարրերի՝ պատմության, լեզվի ու գրականության, չի կարող գոյատեւել». Մարիա Նավասարդյան

«Եթե նահանջում է լեզուն, ապա նահանջում է այն ազգը, որ կրում է այն. մենք այժմ ունենք խնդիր՝ հայագիտության պահպանման գործում: Այսօր վստահ չենք կարող լինել, որ դպրոցում երեխաներն ստանում են կրթության այն բազան, որ դրանով կարող են համալսարան տեղափոխվել եւ այլեւս չուսումնասիրել: Մենք բողոքում ենք ընդդեմ այն քաղաքականության, որն ավելի շատ ուղղված է ազգայինը վերացնելու, քան դրան մեծ ուշադրություն դարձնելու». Վարդուհի Բարսեղյան

«Եթե Կրթության, գիտության, մշակույթի եւ սպորտի նախարարը հաշվի չառնի այս դասադուլը, մենք պատրաստվում ենք բողոքի ակցիաներ կազմակերպել խորհրդարանի, կառավարության, ԿԳՄՍ նախարարության շենքերի առաջ եւ, ի վերջո, հասնելու ենք նրան, որ Արայիկ Հարությունյանն ինչպես քայլելով եկել է, մտել նախարարության շենք, այնպես էլ քայլելով դուրս գա: Սա ուղղակի նախազգուշական քայլ է, նախարարին կոչ ենք անում՝ որեւէ նման լուրջ որոշում կայացնելուց առաջ լուրջ մասնագետների հետ խորհրդակցել». Գեւորգ Գյուլումյան

Հայերենի հանդեպ պետք է պատշաճ վերաբերմունք դրսեւորվի. ուսանողների կողքին կանգնած են դասախոսները

Հայ բանասիրության ֆակուլտետի՝ հայոց լեզվի ու պատմության ամբիոնի դոցենտ Նարինե Դիլբարյանի խոսքով՝ դասադուլին միանալը սխալ եզրույթ է, նա ուղղակի որպես դասախոս, քաղաքացի իր մտահոգությունն է հայտնում: Ինչպես նշեց, իրենց ամբիոնն այս հարցի հետ կապված արդեն ուղարկել է բաց նամակ ԿԳՄՍ նախարարին, Ազգային ժողով, ՀՀ վարչապետին եւ ՀՀ նախագահին:

«Մա՞հն է արդյոք, թե՞ նինջը քեզ պատել, պայծա՛ռ Նաիրի. հուսով եմ, որ Նաիրիին մահը դեռ չի պատել: Աստվածաշունչն ասում է՝ ի սկզբանե այդ բանն էր, եթե մենք այդ բանը չենք պաշտպանում, ինչի մասին է խոսքը. հայերենի հանդեպ պետք է պատշաճ վերաբերմունք դրսեւորվի: Պետք է տարանջատենք դպրոցական գիտելիքները բուհականից. միայն մասնագետով, ով հայոց լեզու չգիտի, պետություն չենք ստեղծի». դասախոս Նարինե Դիլբարյան

«Իհարկե, ոլորտում կան խնդիրներ, թերացումներ, բայց գործատուն, պատասխանատուն, լիազորված մարմինը պետք է հետեւեն, ուսումնասիրեն, եթե կան սխալներ, մոլորյալներ, ուղղորդեն, ոչ թե վերցնեն ու վերացնեն». ԵՊՀ հայոց լեզվի ամբիոնի վարիչ Յուրի Ավետիսյան

«Եթե խնդիրը բովանդակային է, ուրեմն՝ պետք է պահանջել կատարել բովանդակային փոփոխություններ, այլ ոչ թե հանել առարկաները, սա հարցի լուծում չէ: Եթե այդ քննարկումները հասցնեն նրան, որ առարկաները բուհերում չդասավանդելը ոչ մի բանի չի վնասում, եկեք հանենք, բայց եթե մեր ազգային բաղադրիչին, ինքնությանն իսկապես վտանգ է սպառնում՝ ոչ: Հարցն արտասահմանյան բուհերի հետ պետք չէ համեմատել. նրանք ազգային ինքնության պահպանության խնդիր երբեւէ չեն ունեցել». դասախոս Արշալույս Գալստյան

Կրթությունն այսօր ամենաթողության է մատնված. ԵՊՀ ուսանողական խորհուրդը դժգոհ է Արայիկ Հարությունյանից

Հայ բանասիրության ֆակուլտետի ուսանողների կազմակերպած ակցիային քիչ հետո միացան նաեւ ԵՊՀ ուսանողական խորհրդից ներկայացուցիչներ եւ նախագահ Դավիթ Ափոյանը: Նա դժգոհ է այն վերաբերմունքից, որն այսօր ունի ԿԳՄՍ նախարար Արայիկ Հարությունյանը կրթության եւ հատկապես մայր բուհի նկատմամբ:

«Եթե չասենք, որ այսօր կրթությունը մեծ տեմպերով հետընթաց է ապրում, ապա կարող ենք նշել, որ նույն տեղում դոփում է: Հայոց լեզուն եւ հայոց պատմությունը դաստիարակչական բնույթ ունեն, եթե լավ չգիտես քո պատմությունը, չես կարող առաջ շարժվել ու կառուցել ապագա». ԵՊՀ ուսխորհրդի Դավիթ Ափոյան

«Եթե այսօր որոշել են հանել այդ առարկաները, ապա վաղը կորոշեն, որ այս մասնագետները մեր երկրին պետք չեն, իսկ այդպես հասարակությունը կգնա դեպի տգիտություն: Դպրոցում աշակերտներն այդ գիտելիքներն ստանում են, բայց ոչ այնքան բավարար, ինչքան պետք է». ԵՊՀ ուսխորհրդի ներկայացուցիչներ

Ուսանողների շարքում չերեւաց ֆակուլտետի դեկանը

Դասադուլ կազմակերպած եւ ակցիա իրականացնող ուսանողների շարքում չէր ֆակուլտետի դեկան Արծրուն Ավագյանը: Ինչպես նշեց ուսանող Գեւորգ Գյուլումյանը, իրենք ակցիա իրականացնելուց առաջ խոսել են, ստացել դասախոսների, դեկանի համաձայնությունը:

Հայոց լեզվի պատմության ամբիոնի դոցենտ Նարինե Դիլբարյանը, անդրադառնալով դեկանի ներկա չլինելուն, պարզաբանեց, որ նա իր դիրքորոշումն արտահայտվել է այն բաց նամակով, որն ուղարկվել է պետական ատյաններին:

Ուսխորհրդի նախագահը հավելեց, որ իր տեղեկությունների համաձայն՝ դեկանը ԵՊՀ ռեկտորի հետ այս հարցի հետ կապված քննարկումներ է ունեցել:

Ուսանողներն իրենց ակցիան ներկայացնող խոսքի մեջ ընդգծեցին, որ նոր Հայաստանի ուսանողությունն ընտրում է հայոց լեզվի ու պատմության իմացության նոր, առավել բարձր մակարդակի պարտադիր ուսուցում ու պահանջում է դա ամրագրել օրենքով:

Նրանք ստորագրահավաք են սկսել, որին միացել են տարբեր բուհերից ուսանողներ: Ստորագրությունների թիվը 500-ն արդեն անցել է: Կսպասեն մինչեւ կլինի 3000-4000 ստորագրություն եւ կդիմեն պատկան մարմիններին: Ուսանողները համաձայն են. եթե խնդիրներ կան, կարող են որոշ ձեւափոխումներ անել, սակայն եթե որոշվի առարկաները չդասավանդել, բոլորն են ոտքի կանգնելու:

Հարցին այսօր անդրադարձել էր ԿԳՄՍ նախարար Արայիկ Հարությունյանը: Նա Ֆեյսբուք սոցիալական ցանցի իր էջում գրառում էր կատարել՝  մասնավորապես նշելով, որ «Բարձրագույն կրթության և գիտության մասին» ՀՀ օրենքի աշխատանքային նախագծով յուրաքանչյուր բուհ իրավասու է Հայոց լեզու, Հայ գրականություն եւ Հայոց պատմություն առարկաները դարձնել պարտադիր:

Տպել
6060 դիտում

Բանգլադեշում ցուցարարների հետ բախումների ժամանակ առնվազն 300 ոստիկան է տուժել

Հատուկ օպերացիա Վանաձորում. բերման է ենթարկվել «Խիմզավոդցի կարատեիստ» Արսենը

Պուտինը շնորհավորել է Լուկաշենկոյին 30 տարի Բելառուսը ղեկավարելու կապակցությամբ

Զելենսկին ու Թրամփը հեռախոսազրույց են ունեցել

Քրոջը նեղացնելու պատճառով վիճաբանել են մի խումբ տղաների հետ, հայհոյել միմյանց, ծեծել իրար. կան ձերբակալվածներ

Ինքնասպանության նպատակով վերցրել է սեղանի տակի ինքնաձիգը. ոստիկանության բաժնում կրակոցների դեպքով նախաձեռնվել է վարույթ

ՀՀ տարածքում փակ և դժվարանցանելի ավտոճանապարհներ չկան

Նոր մանրամասներ ոստիկանության Կոտայքի բաժնում տեղի ունեցած կրակոցներից. ինչ է կատարվել

Օտարերկրացին ինքնաձիգով ներխուժել է ոստիկանության Կոտայքի բաժին և կրակոցներ արձակել․ կան վիրավորներ

Ազգային փոքրամասնությունների իրավունքների հետ կապված՝ պետությունն ունի կոնկրետ պոզիտիվ պարտավորություններ. Մանասյան

Լիլիթ Մակունցը ներկա է գտնվել ԱՄՆ Հանրապետական կուսակցության ազգային համաժողովին

Հիմնանորոգվում է Վանաձոր-Դիլիջան միջպետական նշանակության ճանապարհի մի հատվածը

Հանրային քննարկման է ներկայացվել ՀՀ ժողովրդագրական իրավիճակի բարելավման 2024-2040թ. ռազմավարությունը հաստատելու նախագիծը

21 տարեկանում կյանքից հեռացել է ՀՀ կարատեի առաջնությունների բազմակի չեմպիոն, մրցավար Ալիսա Ասոյանը

Ակնկալում եմ հաջորդ շաբաթ վերադառնալ քարոզարշավին. Ջո Բայդեն

Եթե վաղը «Մանչեսթեր Յունայթեդ»-ի ղեկավարները ավելի լավ մարզիչ գտնեն, ես կլքեմ ակումբը. Տեն Հագ

Հունաստանում քննարկվել են «Խաղաղության խաչմերուկ»-ն ու Գյումու «չոր նավահանգստի» նախագիծը

Դատարանը հրապարակել է Ստեփանակերտի նախկին քաղաքապետի գործով որոշումը

Վերանայվում են Երևանում վարձակալությամբ տրված այգիների պայմանագրերը (տեսանյութ)

Ինչու Ալիևը հրաժարվեց հանդիպել Նիկոլ Փաշինյանի հետ. ինչ նոր նենգ մարտավարություն է նա ընտրել

Հանգստի կենտրոնում վիճաբանությանը տասնյակից ավելի մարդ է մասնակցել․ դանակահարող աղջիկը և ևս 3 անձ ձերբակալվել են

Գլոբալ տեխնիկական խափանումը հաքերային հարձակման հետևանք չէ. Բլինկեն

The Wall Street Journal-ի լրագրող Գերշկովիչն ազատազրկվել է 16 տարով. ինչ մեղադրանք է ներկայացրել Ռուսաստանը

ԲԿ-ներ դիմողների թիվը շատ է. ինչու են ամռանը սրվում մաշկային հիվանդությունները, և ինչպես պայքարել դրանց դեմ

Բագրատաշենի հանրային սննդի օբյեկտի գործունեության կասեցումը վերացվել է

Նախագահը պետական բարձր պարգևներ է շնորհել. ովքեր են արժանացել Մովսես Խորենացու և Երախտագիտության մեդալների (տեսանյութ)

Արտաշատի շենքերից մեկում հրդեհ է բռնկվել. 6 հոգի, այդ թվում՝ երեխաներ, տեղափոխվել են հիվանդանոց

Պետությունը ձեր կողքին է. ԿԳՄՍ նախարարն ընդունել է Հայաստանի օլիմպիական հավաքականի մարզիկներին

Ներկայացվել են Ոստիկանության բարեփոխումների ռազմավարական ծրագրի նախագծային լուծումները. հանրային քննարկում է կայացել

Գևորգ Պապոյանը Զանգեզուրի պղնձամոլիբդենային կոմբինատում մասնակցել է Հանքագործի և մետալուրգի օրվան նվիրված միջոցառմանը

Քրեական ենթամշակույթ կրող խմբավորման անդամին մեղադրանք է ներկայացվել. վարույթի նախաքննությունն ավարտվել է

ՔՊ-ն Գյումրիում թեժ աշնա՞ն է պատրաստվում. վաղաժամ դադարել է Գյումրու ավագանու 5 անդամի լիազորությունը. ովքեր կփոխարինեն

Սարչապետ գյուղի հայ-վրացական մասում որևէ նոր սահմանային նշան չի տեղակայվել. Բորիս Բարոյան

Լոնդոնի ամենակենտրոնում. Նիկոլ Փաշինյանն այցելել է Միացյալ Թագավորությունում ՀՀ դեսպանատան նոր գնված շենք (տեսանյութ)

Խորապես վշտացած եմ ավիավթարի ողբերգական լուրից. Վասիլիս Մարագոսը ցավակցություն է հայտնել զոհերի ընտանիքներին

Եվրոպան կաջակցի Հայաստանին և Ադրբեջանին, 2024-ը կարող է դառնալ խաղաղության տարի. Օլաֆ Շոլց

Պետությունը մշտապես սահմանամերձ համայնքների բնակիչների կողքին է. Գևորգ Պապոյանն այցելել է Սյունիքի մարզ

«Հայկական Ավիաուղիներ»-ը Երևան-Կազան-Երևան երթուղով կանոնավոր չվերթ կգործարկի

Մետրոպոլիտենում Վասիլիս Մարագոսի մասնակցությամբ դրենաժային թունելի բացման արարողությանը վերաբերող հարցեր են քննարկվել

Կադրը անցած գիշեր ֆիքսել են Չարենցավանում. Գագիկ Սուրենյանը լուսանկար է հրապարակել