Լավագույն մոտեցումն այն է, որ յուրաքանչյուրը խորապես հասկանում է մյուսի խնդիրները. Հունաստանի եւ ՀՀ նախագահների ասուլիսը

Հայաստանի Հանրապետության նախագահ Արմեն Սարգսյանը և Հունաստանի Հանրապետության նախագահ Պրոկոպիոս Պավլոպուլոսը հանդիպումների արդյունքներն ամփոփել են զանգվածային լրատվամիջոցների ներկայացուցիչների համար հայտարարություններով, հայտնում են ՀՀ նախագահի աշխատակազմի լրատվական ծառայությունից:

Հայաստանի Հանրապետության նախագահ Արմեն Սարգսյանի հայտարարությունը.

«Ուրախ եմ Ձեզ տեսնել Երևանում և հույս ունեմ, որ ապագայում կրկին կտեսնեմ՝ ոչ միայն պաշտոնական, այլ նաև աշխատանքային այցերով:

Մեր այսօրվա հանդիպումն անցավ շատ ջերմ, բարեկամական ու նաև շատ գործնական մթնոլորտում: Շատ բովանդակալից քննարկումներ ունեցանք խնդիրների լայն շրջանակի շուրջ: Նախ և առաջ ցանկանում եմ շնորհակալություն հայտնել իմ գործընկերոջը, որ մոտակա մեկ-երկու ամսվա ընթացքում հունական կողմը կարագացնի ՀՀ-ԵՄ համապարփակ և ընդլայնված գործընկերության համաձայնագրի վավերացման գործընթացը: Խոսեցինք նաև Հայաստանի քաղաքացիների համար Եվրամիության երկրներ մուտքի արտոնագրերի ազատականացման հարցի մասին, և իմ լավ բարեկամը խոստացավ աջակցել գործընթացի արագացմանը:

Քննարկեցինք Հայաստան-ԵՄ հարաբերություններին վերաբերող մի շարք հարցեր, մասնավորապես՝ իմ բարեկամն առաջարկեց, որ Հունաստանը Հայաստանի համար ԵՄ-ում դառնա առաջին գործընկերը, իհարկե, նշելով, որ Հայաստանն ունի նաև այլ բարեկամներ՝ Ֆրանսիան, Գերմանիան և այլն: Խոսվեց նաև Հայաստան-Հունաստան-Կիպրոս ձևաչափով համագործակցության մասին:

Պարոն նախագահի հետ զրուցեցինք այն թեմայի շուրջ, որ Հայաստանը կարող է դառնալ Հունաստանի համար դարպաս դեպի ԵԱՏՄ տարածք, այսինքն՝ աշխատելով Հայաստանի հետ և Հայաստանի միջոցով, Հունաստանը կարող է ունենալ մուտք ավելի մեծ շուկա: Այստեղ, կարծում եմ, մենք շատ անելիք ունենք:

Մեր երկխոսության ընթացքում անդրադարձանք ոչ միայն ԵՄ շրջանակում, այլև շատ ավելի լայն շրջանակներում փոխգործակցությանը: Խոսքը ՄԱԿ-ի, նրա միջազգային ինստիտուտների, մասնավորապես՝ ՅՈւՆԵՍԿՕ-ի շրջանակներում, ինչպես նաև համամարդկային և քրիստոնեական արժեքների պահպանության և պաշտպանության ոլորտներում համագործակցության մասին է:

Զրուցեցինք մեր պատմության մասին: Երկու ժողովուրդները ոչ միայն ընդհանուր պատմություն, մշակույթ ունեն, այլ նաև՝ ընդհանուր մոտեցումներ: Մեր բարեկամությունը հազարամյակների պատմություն ունի: Սրանից մոտավորապես 100 տարի առաջ հայերն անցել են Մեծ եղեռնի օրհասական ճանապարհով, Պոնտոսի հույները ևս նմանատիպ՝ ցեղասպանության ճանապարհ են անցել:

Պայմանավորվեցինք, որ հայկական և հունական մեծ սփյուռքները, որոնք տարածված են ամբողջ աշխարհով, համագործակցեն և ծառայեն մեր երկու պետությունների և ազգերի շահերին: Այդ շահերը շատ ընդհանրություններ, ընդհանուր գծեր ու խնդիրներ ունեն, որ կարող ենք համատեղ լուծել: Ակնկալվում է այդ համագործակցությունը խորացնել նաև տնտեսության ոլորտում:

Խոսեցինք նաև երկու պետությունների խորհրդարանական ինստիտուտների համագործակցության, ինչպես նաև՝ կրթության, գիտության, նոր տեխնոլոգիաների, սննդի անվտանգության ոլորտներում գործակցության մասին:

Կարծում եմ, որ քաղաքական երկխոսության, ռազմաքաղաքական, տնտեսական, մշակութային, գիտական ոլորտներում գործակցության մակարդակը բավական բարձր է: Սակայն, իրականում երկու պետությունների ու ժողովուրդների մեջ համագործակցության ներուժը շատ ավելին է: Հետևաբար, մեր բոլոր ինստիտուտները՝ և՛ նախագահական ինստիտուտները, և՛ կառավարությունները, խորհրդարանները, Սփյուռքի կառույցները կարող են ավելի մեծ ներդրում ունենալ և խորացնել երկու պետությունների համագործակցությունը:

Համագործակցությունը նաև կոնկրետ գործնական քայլեր է ենթադրում: Այդ առումով առաջարկեցի, որ հունական կողմը դիտարկի Հայաստան-Հունաստան-Կիպրոս եռակողմ առաջին հանդիպումը մյուս տարի Հայաստանում անցկացնելու գաղափարը, որին կմասնակցեն պետական գործիչներ, սփյուռքի ներկայացուցիչներ, որպեսզի կարողանանք համագործակցության համատեղ ծրագիր մշակել:

Ուզում եմ հավատալ, որ այս այցելությունը պատմական է լինելու ոչ միայն Ձեր՝ որպես Հունաստանի նախագահի առաջին այցելություն Հայաստան, այլ նաև պատմական՝ բոլորիս համար, և նոր էջ է բացելու Հայաստան-Հունաստան հարաբերություններում, հայ և հույն ժողովուրդների միջև: Վստահ եմ, որ և՛ Հունաստանը, և՛ Հայաստանը 21-րդ դարում պայծառ ապագա են ունենալու: Ուրախությամբ կաշխատեմ Ձեզ հետ միասին, որ մեր համագործակցությունը լինի ավելի խորը, կազմակերպված և ապագայի համար թիրախավորված: Հույս ունեմ, որ մեր համագործակցությունը կշարունակվի երկար տարիներ:

Շնորհակալություն եմ հայտնում Ձեզ, Հունաստանի կառավարությանն այն աջակցության համար, որ ցուցաբերում եք Արցախի հիմնահարցի կարգավորմամբ զբաղվող միջազգային ձևաչափին՝ ԵԱՀԿ Մինսկի խմբի համանախագահությանը:

Կիսում եմ Ձեր այն մոտեցումը, որ իրավունքն ընդհանրապես, և միջազգային իրավունքը, կարևոր են ու գերակա: Համաձայն եմ նաև, որ յուրաքանչյուր խնդիր, հակամարտություն իրապես յուրօրինակ է, և շատ դժվար է պատմական, քաղաքական, միջազգային իրավունքի սահմաններում դնել, համեմատել և ուղղակի վերարտադրել կամ վերատպել որոշումները կամ լուծումները: Լավագույն մոտեցումն այն է, որ մեզանից յուրաքանչյուրը խորապես հասկանում է մյուսի խնդիրները, գիտակցում, որ այդ լուծումները պետք է գտնել համամարդկային արժեքների և իրավունքների սահմաններում»:

Տպել
731 դիտում

Բելգիան արդեն 3 տարուց ավելի է գլխավորում է ՖԻՖԱ-ի վարկանիշային աղյուսակը

ԱՄՆ-ն և ՆԱՏՕ-ն անտեսել են իրենց պատասխաններում Ռուսաստանի համար կարևոր կետերը․ Պուտին

Հոնդուրասի առաջին կին նախագահ Սիոմարա Կաստրոն պաշտոնապես ստանձնել է հանրապետության նախագահի պաշտոնը

«Տելեկոմ Արմենիա» ՓԲԸ-ի տարածքում հրդեհ է բռնկվել․այրվել են հեռակառավարման վահանակներ, թվային սարքեր

Նոր մանրամասներ՝ Երևան-Սևան ավտոճանապարհին տեղի ունեցած վթարի մասին

Իջևանում միջոցառումների շարքը սկսվել է դեպի Ազատամարտիկների հրապարակ հանդիսավոր երթով (լուսանկարներ)

15-ամյա աղջիկը հայտնաբերվել է

Բանակի օրվան նվիրված միջոցառումները Վաղարշապատ համայնքում մեկնարկել են ծաղկեպսակի խոնարհմամբ (լուսանկարներ)

Բրեդ Փիթը նոր սիրավեպ ունի․ նա հանդիպում է շվեդ երգչուհու հետ

ԱԱՏՄ-ն ստուգայցեր է իրականացրել հյուրանոցային գործունեությամբ զբաղվող տնտեսավարողների մոտ․ բացահայտվել է 11 խախտում

Էրդողանը վերահաստատել է, որ Թուրքիան չի հրաժարվելու ռուսական ՀՕՊ համակարգերից

Դու պետք է ապրես․ «Բազկամարդ»՝ գիրք հայ անկոտրում սպայի ու մարտիկի՝ Սարգիս Ստեփանյանի կյանքի մասին

Բա օտարերկրյա ազդեցության գործակալներն էլ ո՞նց են լինում. պատգամավորները՝ ԵԽԽՎ-ում Հայկ Մամիջանյանի քայլի մասին

Գերմանիայի կառավարությունը երկրից արտաքսել է Ռուսաստանի հյուպատոսության աշխատակցին

Վարանդայից հայտնաբերվել է ևս մեկ հայ զինծառայողի աճյուն․ Արցախի ԱԻՊԾ

Սահմանին մի քանի անկանոն կրակահերթ է արձակվել Ադրբեջանի կողմից, որոնց հայկական կողմը չի պատասխանել. ՊՆ

Պատերազմի ընթացքում և դրանից հետո Արցախի ժողովրդի իրավունքների առաջին պաշտպանը հայկական ԶՈՒ-ն է. Արցախի ՄԻՊ

Պուտինը հեռախոսազրույց կունենա Մակրոնի հետ, այնուհետ կանցկացնի անվտանգության խորհրդի նիստ

ՌԴ դեսպանի արտաքսման մասին ԱՄՆ-ի սպառնալիքները Լավրովը վիրավորանք է համարում

2 մարզերում ձյուն է տեղում, կան փակ ավտոճանապարհներ

Ռուսաստանի Դեսպանությունը շնորհավորել է Հայաստանի բոլոր քաղաքացիներին Բանակի օրվա առթիվ

Որոնվում է 15-ամյա Էլեն Ասատրյանը

Կոտայքի մարզպետը պարգևատրել է 44-օրյա պատերազմում վիրավորում ստացած երկու բժշկի

Երևան-Սևան ավտոճանապարհին մեքենան բախվել է ծառին. վարորդը մահացել է, տուժածներից երկուսի վիճակը ծանր է

Հայոց բանակը հաղթական է՝ անկախ վայրիվերումներից, անդառնալի կորուստներից. օրվա մեկնարկը Գյումրիում տրվել է պանթեոնից

ԵԽԽՎ-ում հայանպաստ բանաձևին թուրք և ադրբեջանցի պատգամավորների հետ միասին դեմ է քվեարկել նաև Հայկ Մամիջանյանը

Ինչ եղանակ սպասել առաջիկա օրերին. նոր տվյալներ Հիդրոօդերևութաբանության և մոնիտորինգի կենտրոնից

ԵԽԽՎ-ն վերահաստատել է հայ ռազմագերիների վերադարձի հրամայականը. Էդմոն Մարուքյան

Ինչ է տեղի ունեցել Արցախում Սամվել Բաբայանի որդու և Արթուր Օսիպյանի միջև. պարզաբանում է ԱՀ ոստիկանությունը

Ոչ կենացով, ոչ էլ «Եռաբլուր»-ում ցավը ցույց տալով չեն սիրում հայրենիքը, պետք է դուրս գանք այդ կսկիծից. Ռազմիկ Պետրոսյան

Արարատ Միրզոյանը 29 միլիոն դրամ արժողությամբ կահույքի հավաքածու չի գնել. ԱԳՆ մամուլի քարտուղարը հերքում է նման լուրերը

Արցախում ծայրահեղ ծանր վիճակում է 5, ծանր՝ 12 քաղաքացի. կորոնավիրուսի 8 նոր դեպք է հաստատվել

Հետևողական կլինենք Հայրենյաց պաշտպանի կոչումը բարձր պահելու համար. Կամո Վարդանյան

Երախտագիտությունս եմ հայտնում զինվորի հետ ծառայություն իրականացնող ռազմաբժիշկներին, ռազմաբժշկական անձնակազմին. Ավանեսյան

Ինչ վիճակում է Ստեփանծմինդա-Լարս ավտոճանապարհը

Հրթիռակոծվել է Բաղդադի միջազգային օդանավակայանը

Մհեր Գրիգորյանը կորոնավիրուսի դեմ պատվաստվել է 4 դեղաչափով

Եղբայրաբար գրկում ու շնորհավորում եմ առաջնագծում, զորամասում ու իրենց վաստակած հանգիստը վայելող Հայրենիքի պաշտպաններին

Եթե նորից ապավինենք Աստծուն, կկարողանանք վերականգնել մեր բանակի վաղեմի փառքը․ Կարեն Ջալավյան

«Թռիչք վերջին անգամ». Րաֆֆի Ալթունյանը հրապարակել է իր ու Հայկոյի վերջին աշխատանքը