Աննա Հակոբյանը ՄԱԿ-ի գլխավոր քարտուղարի տեղակալին ներկայացրել է «Կանայք հանուն խաղաղության» նախաձեռնության նպատակը

ՀՀ վարչապետի տիկին, «Իմ քայլը» և «City of smile/ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանը հոկտեմբերի 29-ին հանդիպել է ՄԱԿ-ի գլխավոր քարտուղարի քաղաքական և խաղաղության ամրապնդման հարցերով տեղակալ Ռոզմարի Դի Կարլոյի գլխավորած պատվիրակությանը: Հանդիպմանը ներկա են գտնվել Հայաստանում ՄԱԿ-ի մշտական համակարգող Շոմբի Շարփն ու «Իմ քայլը» հիմնադրամի գործադիր տնօրեն Հովհաննես Ղազարյանը։

Ինչպես հայտնում են Աննա Հակոբյանի գրասենյակի մամուլի ծառայությունից, Տիկին Դի Կարլոն հետաքրքրվել է Աննա Հակոբյանի «Կանայք հանուն խաղաղության» նախաձեռնությունից և խնդրել ներկայացնել մանրամասներ։ Աննա Հակոբյանը պատմել է, որ  նախաձեռնության մեկնարկը տրվել է 2018 թվականին, երբ Նիկոլ Փաշինյանն ընտրվեց վարչապետ։

«Իմ ելույթներում բազմիցս ասել եմ, որ 2016 թվականի Ապրիլյան պատերազմի ժամանակ երկու կողմերն էլ ունեցան զոհեր և նրանց գերակշռող մասը 18-20 տարեկան ժամկետային զինծառայողներ էին։ Այդ օրերին ես «Հայկական ժամանակ» օրաթերթի գլխավոր խմբագիրն էի, անընդհատ հետևում էի լուրերին, կարդում էի հոդվածներ։ Դա շատ բարդ էր ինձ համար՝ որպես մայր, որպես կին, և երբ իմ ամուսինն ընտրվեց վարչապետ, ես հասկացա, որ չեմ կարող ոչինչ չանել, որովհետև Լեռնային Ղարաբաղի հակամարտությունն ամեն վայրկյան կարող է վերսկսվել և հակառակորդ կողմը կարող է էսկալացիայի ենթարկել իրադրությունը։

«Կանայք հանուն նախաձեռնության» արշավը կանանց կոչն է հակամարտության հարցում որոշում կայացնողներին երբեք չսկսել պատերազմ և փորձել հակամարտությունը կարգավորել ոչ թե պատերազմի, բռնության, մարդկային կյանքերի գնով, այլ բանակցային սեղանի շուրջ։ Եվ ես կոչ եմ անում այլ երկրների առաջին տիկիններին, հատկապես Ադրբեջանի ղեկավարի տիկնոջը միանալ այս նախաձեռնությանը, քանի որ միասին մեր ձայնն ավելի ազդեցիկ կլինի։

Մենք չենք ներգրավվում հակամարտության կարգավորման մանրամասների մեջ: Այս նախաձեռնությունը բացառապես խաղաղության և մարդկային կյանքեր պահպանելու մասին է։ Ես հավատում եմ, որ հնարավոր է անգամ Լեռնային Ղարաբաղի նման բարդ հակամարտությունը կարգավորել բացառապես բանակցությունների միջոցով»,- ասել է Աննա Հակոբյանը՝ շեշտելով, որ նախաձեռնությունը չի սահմանափակվում միայն Լեռնային Ղարաբաղի հակամարտությամբ։

Վարչապետի տիկինը պատմել է, որ վերջին շաբաթներին անընդհատ հետևել է Սիրիայում տեղի ունեցող իրադարձություններին և մտածել, թե ինչպես հուշել Թուրքիայի նախագահի տիկնոջը, որպեսզի նա էլ իր երկրում խաղաղության կոչ անի։ Աննա Հակոբյանը նշել է, որ նախաձեռնությանը միանալու ուղիղ կոչով չի դիմել Ադրբեջանի նախագահին և վերջինս էլ ուղիղ կոչով չի արձագանքել, սակայն այս տարվա ապրիլին, երբ ԱՄՆ Կոնգրեսում «Կանայք հանուն խաղաղության» նախաձեռնության մասին ելույթ էր ունեցել, տիկին Մեհրիբան Ալիևան հաջորդ օրերին հանդիպել էր պատերազմի վետերանների հետ և իր հայտարարության մեջ նշել, որ Արցախի յուրաքանչյուր գյուղում պետք է դնել Ադրբեջանի դրոշը։ «Ես համոզված եմ, որ որքան շատ ազդեցիկ կանայք միանան այս նախաձեռնությանը, այնքան մեր ձայնն ավելի բարձր ու լսելի կլինի»,- ասել է Աննա Հակոբյանը, ինչին ի պատասխան՝ տիկին Դի Կարլոն հաջողություն է մաղթել նախաձեռնությանը՝ շեշտելով, որ այն հրաշալի գաղափար է։

Հանդիպմանը Աննա Հակոբյանը պատմել է նաև իր ղեկավարած «Իմ քայլը» և «City of smile/Ժպիտների քաղաք» բարեգործական հիմնադրամների գործունեության մասին, ներկայացրել երկու հիմնադրամների կատարած աշխատանքները։

Հանդիպումից հետ Աննա Հակոբյանը ներկա է գտնվել ՄԱԿ-ի օրվան նվիրված տոնակատարությանը։

Տպել
1069 դիտում

330 կիլոմետր ասֆալտը, ինչպես և խոստացել էինք, արված է. մնաց մնացածը. վարչապետ (տեսանյութ)

Երևանի Նաիրի Զարյան փողոցում այրվել է փայտե տնակ. տուժածներ չկան

Սկսել են շահարկել Կոտայքի մարզում ողբերգական պատահարը` երեխաների մահվան մեջ մեղադրելով ինձ. Զ. Բաթոյան

Արմավիրում այրվել են բնակչի «Lexus GX 470» մակնիշի ավտոմեքենան, ավտոտնակը և մոտ 6000 հակ անասնակեր

Եվրոպայում էլ են հերթեր գոյանում. ինչո՞ւ է լռում «Financial Times»-ը

ՍԴ-ն կատաղել է. դե, քեզ տեսնեմ, հայ դատավոր

Գորիս-«Զանգեր» ավտոճանապարհին առկա է մառախուղ, Ստեփանծմինդա-Լարս ավտոճանապարհը բաց է բոլոր տեսակի ավտոմեքենաների համար

Օգնում են ու օրհնանք ստանում. խոստացավ անպայման աղոթել

Նոր-Հաճնի բնակարաններից մեկում հայտնաբերվել են 77-ամյա կնոջ եւ նրա 4 թոռների դիերը․ նրանք թունավորվել են շմոլ գազից

Հրազդանի կիրճում բախվել են ավտոմեքենաներ. տուժածը հոսպիտալացվել է

Կիևում ձերբակալվել է «Իսլամական պետության» առաջնորդներից մեկը

Դավիթ Տոնոյանն այցելել է ՀՀ ժողովրդական արտիստ Ռոբերտ Ամիրխանյանին

Գյումրիում 3-րդ հարկից ընկած աղջկա վիճակը շարունակում է մնալ ծայրահեղ ծանր

Արայի լեռան լանջին բռնկված հրդեհը մեկուսացվել է

Կարեն Զադոյանը դադարեցրել է Հանրային խորհրդին անդամակցությունը

ԿԳՄՍՆ մասնագետներն այցելել են օրերս ավերված՝ 16-17 դարերի գինու հնձանի տարածք

Արթուր Բաղդասարյանի կողմից գույքի ապօրինի օտարման մասին հաղորդման հիման վրա ոստիկանությունը նյութեր է նախապատրաստում

Նիկոլ Փաշինյանը շնորհավորական ուղերձ է հղել Ռոբերտ Ամիրխանյանին ծննդյան 80-ամյակի կապակցությամբ

Բակո Սահակյանն ընդունել է ԿԲ նախագահ Արթուր Ջավադյանի գլխավորած պատվիրակությանը

«Ջոքերը» համաշխարհային վարձույթում գրեթե 1 միլիարդ դոլար է հավաքել