«Փողոցային» երաժշտությունը հասավ Վանաձոր. 22-ամյա տղան նվագում ու երգում է քաղաքի փողոցներում

Վանաձորցի 22-ամյա Կորյուն Հարությունյանը թերեւս այն եզակի երաժիշտն է, ով քաղաքի կենտրոնական «Արցախ» պուրակում ձեռքն առավ կիթառն ու սկսեց  երգել: 

- Կորյուն, կպատմե՞ս քո մասին, ինչով ես ես զբաղվում, որտեղ ես սովորել:

- Այս շաբաթ կավարտեմ Վանաձորի պետական համալսարանը, քիմիկ եմ մասնագիտությամբ: Երաժշտական կրթություն ունեմ, 7 տարի հաճախել եմ դաշնամուրի բաժին, բայց  երգի եւ կիթառի մասով ինքնուս եմ: Ցանկանում եմ երաժշտական կրթությամբ խորանալ, արդեն երգեր եմ գրում, շուտով կձայնագրվեմ:

- Կասե՞ս ինչու եւ ինչպես որոշեցիր Վանաձորում «փողոցային» երաժշտությամբ զբաղվել:

- Որ մի քիչ լուսավորենք այս քաղաքը: Վանաձորում նման բաներ շատ քիչ կան: Որ կանգնում, նվագում եմ, մարդիկ միանգամից զարմացած նայում են, թե էս ով ա, ինչ ա անում ու ինչ ա լինելու (ժպտում է-խմբ), ու որ սկսում եմ երգել, երեւում է, որ սպասում էին, մարդիկ դրա կարիքն ունեն, որ բացվեն, երգեն…:

- Ինչպիսին էին արձագանքները ամենասկզբում:

- Առաջին անգամ, երբ որ սկսեցի նվագել ու երգել, չէի սպասում, որ դրական  արձագանք կլինի հատկապես երիտասարդների կողմից, բայց հենց ջահել տղաներն էին, որ եկան ու հավաքվեցին: Ու էսպիսի մի վարակ կա «պոստ սովետական». առաջին հերթին ասում էին՝ ախպերս, «դոլյան« կարա՞ս երգես, ես էլ չէի մերժում, բայց դա չափից շատ է մինչ օրս:

- Որն է հիմնական ոճը, որ երգում ու նվագում ես:

- Հիմնականում անգլերեն երգեր եմ երգում՝ պոպ, բլյուզ, ջազ, իսկ ինչ վերաբվերվում է փողոցային երաժշտությանը, ապա դու չես կարող միայն պոպ կամ բլյուզ նվագել, դու պետք է ադապտացվես ժողովրդին:

- Երբ որ սկսեցիր կոնկրետ Վանաձորի փողոցներում երգել, կոմպլեքսներ չունեի՞ր:

- Սա արդեն երկրորդ անգամն է, որ նվագում եմ Վանաձորում, հիմա արդեն գիտեի, թե ինչ է սպասվում ինձ: Նախորդ անգամ մարդիկ մեքենաներով միանգամից կանգնեցին, լույսերը գցեցին ու դարձավ փոքր համերգ: Այս անգամ այդ ռեակցիան չեղավ, ես ինքս էլ չուզեցի շատ «բլատնոյի» մեջ նվագել:

- Արդյոք Վանաձորը պատրաստ էր ունկընդրել «փողոցային երաժշտություն» եւ ինչպես ես տեսնում քո ապագան Վանաձորում:

- Հարցն, շատ տեղին էր, ես ինքս կցանկանայի մնալ ու ստեղծագործել այստեղ, բայց Վանաձորում ռեսուրսի խնդիր կա, այստեղ երգելով սարքավորումներ թարմացնել, եկամուտ ունենալ ուղղակի հնարավոր չի լինի: Առաջիկա մի քանի ամիսներին կաշխատեմ Երեւանում, գումար կհավաքեմ, հետո կվերադառնամ այստեղ ու կնվագեմ հենց Վանաձորում:

- Եթե գաղտնիք չէ, կասե՞ս առաջին անգամ երբ Վանաձորի փողոցներում սկսեցիր երգել, ինչքան գումար հավաքվեց, ու արդյոք գոհ էիր թե՛ արձագանքներից, թե՛ ստացված գումարից:

- Շատ-շատ հավաքվեց, բում էր ուղղակի: Ու սա 90-ականների տակ մնացած որոշ տղաների շնորհիվ: Հավաքվեց շատ ավելին, քան օրինակ Երեւանում կամ Վրաստանում: Ես «փողոցային» երաժշտության առաջին քայլերս հենց Երեւանում եմ սկսել: Այնտեղ աշխատում էի, նաեւ երգում ազատ ժամանակ: Իմ ընկերը, ով ձեռքից բռնեց ու տարավ Երեւանում նվագելու, բրիտանացի փողոցային հզոր երաժիշտ էր, նա հիմնականում փողոցում էր նվագում:

Տպել
2770 դիտում

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ

Ֆրանսիայում տեղի է ունեցել հայ ցուցարարների վրա թուրքերի հարձակման գործով դատական 1-ին նիստը

Գեղարքունիքի մարզում բախվել են Mercedes Vario-ն ու Mercedes C240-ը. կան վիրավորներ

Երեւանի բակերից մեկում կայանված մեքենայից կատարված գողությունը բացահայտվել է

Նուբարաշենի աղբավայրում հրդեհաշիջման աշխատանքները շարունակվում են (տեսանյութ)

Արցախում հաստատվել է կորոնավիրուսի 4 նոր դեպք. բոլորը՝ Ստեփանակերտից

Մեքենան ճանապարհից սահել է դեպի «Բելաջիո» ռեստորանային համալիր. փրկարարներն ուղղել են

Ինչո՞ւ է աղմկում Ծառուկյանը

Լուսաղբյուր գյուղում այրվել է անասնագոմ. մեկնել է 2 մարտական հաշվարկ

Նիկոլ Փաշինյանի շնորհավորական ուղերձ է հղել Ավրորա մարդասիրական նախաձեռնության 5-րդ տարեդարձի կապակցությամբ

Արարատի մարզում մեծ շուքով նշվել է «Բերքի տոնը»․ մարզպետ

Լոռիում ավտովթարի հետեւանքով ՌԴ 102-րդ ռազմաբազայի 27-ամյա զինծառայող է զոհվել (լուսանկարներ)

Հաստատվել է կորոնավիրուսի 277 նոր դեպք. մահացել է քրոնիկական հիվանդություններ ունեցող 2 տղամարդ

Մահացել է բժիշկ, առողջապահության նախկին նախարար Նորայր Դավիդյանցը

Բալահովիտ–Աբովյան ավտոճանապարհին բախվել են Mercedes G500 և KIA մակնիշների ավտոմեքենաները. կա տուժած