Ջեբկիրների քաղաքական հավակնությունները․ հիմա պարզվում է՝ բոլորը «ռեպրեսիաների զոհեր» են

Այն, ինչ տեղի ունեցավ «Հայաստան» համահայկական հիմնադրամի նախկին տնօրեն Արա Վարդանյանի հետ, Հայաստանում այսօր տեղի ունեցող «ներքաղաքական» իրադարձությունների ճշգրիտ արտացոլումն է: Բանն այն է, որ ԱԱԾ-ն նրա նկատմամբ նոր մեղադրանք է առաջադրել, ըստ որի՝ այդ մարդը ԼՂՀ վեց շրջանների վարչակազմերին իբր մոտ 150 միլիոն դրամի գույք է մատակարարել, բայց իրականում այդ գումարները պարզապես յուրացրել է: Արա Վարդանյանն էլ հայտարարություն է տարածել, թե իշխանություններն իր դեմ ռեպրեսիայի մեքենա են գործի դրել, այս ամենի նպատակը մեր հայրենիքը ոչնչացնելն է, բայց դա նրանց չի հաջողվի, միեւնույն է՝ բոլորը պատժվելու են, եւ այլն:

Համաձայնվեք՝ ծանոթ պատկեր է: Փաստորեն ամբողջ աշխարհից հայերը փող են ուղարկում, ինչ-որ մեկն այդ փողով Արցախին օգնելու փոխարեն պարզապես յուրացնում է գումարը, իսկ երբ ԱԱԾ-ն մեղադրանք է առաջադրում (որը, հասկանալի է, դեռ պիտի ապացուցվի դատարանում), հայտարարում է, թե դրա նպատակը մեր հայրենիքը ոչնչացնելն է: Ճիշտ այդպես են վարվում նաեւ բոլոր նրանք, ովքեր նախկին իշխանությունների օրոք տիրապետել են ինչ-ինչ լծակների (պարզ ասած՝ գտնվել են կերակրատաշտի մերձակայքում), եւ դրանից օգտվելով՝ թալանել են ինչքան կարողացել են: Հիմա, պարզվում է, նրանք բոլորը «ռեպրեսիաների զոհեր» են՝ եւ՛ Սերժ Սարգսյանի՝ Հայաստանից փախած եղբայրներն ու տարբեր «Գոնսալեսները», եւ՛ Մոսկվայում ապաստանած Միհրան Պողոսյանը, եւ՛ ինչ-որ տեղ Հոլանդիայի կողմերում քաղաքական ապաստան փնտրող Գագիկ Բեգլարյանը (երեւի քաղաքական ապաստան է հայցում՝ նկատի ունի Հյուսիս-հարավ մայրուղու քաղաքական նշանակությունը)...

Ամենամեծ զավեշտն այն է, որ սրանք իրենք իրենց նույնացնում են հայրենիքի հետ, որովհետեւ իրենց տեսակի դեմ պայքարը համարում են պայքար հայրենիքի դեմ: Հիշո՞ւմ եք հայտնի ֆիլմի հերոսի խոսքերը. «որ պետության հացը ձրի ուտում ես, ուրեմն պետությո՞ւն ես»: Բայց սրանք պետության հացը չեն կերել, սրանք պետությունն են կերել: Ու հիմա դեռ հոխորտում են՝ «վաղ թե ուշ բոլորդ պատժվելու եք»: Այդքանը որ հասկանում էիք՝ ինչո՞ւ էիք լափում, չգիտեի՞ք, որ վաղ թե ուշ պատժվելու եք:

Իրականում բախտներս բերել է, որ ջեբկիրները սեփական լրատվամիջոցներ չունեն, այլապես բռնվելուց հետո իրենց լրատվամիջոցներով կհայտարարեին, թե իրենց նկատմամբ քաղաքական ռեպրեսիաներ են իրականացվում, եւ այդ ամենի նպատակը մեր ազգային ավանդույթներն ու դրանով իսկ՝ պետականությունը ոչնչացնելն է: Չէ՞ որ մեծ հաշվով՝ տարբերություն չկա. ջեբկիրները մարդկանց գրպաններից դրամապանակ թռցնելու հնարավորություն ունեն՝ դա են անում, պաշտոնյաները պետության գրպանը մտնելու հնարավորություն ունեին՝ պետության գրպանն էին մտնում: Ու երկու դեպքում էլ հետագա քայլերը մոտավորապես նույնն են. պարզապես մեկը մտնում է մոտակա «քյաբաբնոց» կամ «Վիվարո», մյուսը՝ Լաս-Վեգաս կամ Բադեն-Բադեն: Բայց մարդկային որակների առումով որոշակի տարբերություն այնուամենայնիվ կա: Ջեբկիրները բռնվելուց հետո գոնե չեն աղմկում, գլուխները կախում են ու սուսուփուս ենթարկվում ճակատագրին: Իսկ սրանք, պարզվում է, ինչ անում էին՝ հայրենիքի համար էին անում, ու բանտում էլ շարունակելու են պայքարել:

Իսկ մեծ հաշվով՝ դժբախտություն է, որ ընդդիմադիր քաղաքական դաշտը զբաղեցրել ու քաղաքական հավակնություններ են դրսեւորում սովորական ջեբկիրները՝ գողոնը պաշտպանելու իրենց ջանքերը ներկայացնելով որպես պայքար հանուն հայրենիքի ու պետության ապագայի: Մինչդեռ իրական ընդդիմությունը քաղաքական լուրջ մրցակցություն կապահովեր եւ կնպաստեր պետության ու հասարակության զարգացմանը:

Տպել
5608 դիտում

Այվազովսկու նկարը Լոնդոնում վաճառվել է օնլայն աճուրդի համար ռեկորդային գնով՝ 2,3 մլն ֆունտով

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան

Քաղաքացիներին ուղղված մեղադրանք չկա, սխալ կարծիք է, կա իրավիճակի գնահատում. վարչապետ

Հայրիկներ ջան, ի՞նչ եք անում. վարչապետը լուսանկար է հրապարակել