Հրայր Թովմասյանն ուներ եւ ունի քաղաքական մոտիվացիա, հետեւաբար նա չի կարող լինել ՍԴ նախագահ․ Արարատ Միրզոյան

Ջայլամությունը եւ փարիսեցիությունը երբեք լավ կետի չեն հանգեցնում, եւ եթե ուզում ենք ֆունդամենտալ հարցերի լուծում, ուղղախոսությունն է միակ ճանապարհը։ Ազգային ժողովում՝ Հրայր Թովմասյանի լիազորությունները դադարեցնելու մասին ԱԺ որոշման նախագծի քննարկման ժամանակ, ԱԺ նախագահ Արարատ Միրզոյանն այսպես սկսեց իր ելույթը։

Նա նշեց, որ որպես ԱԺ նախագահ՝ ողջունում է «Իմ քայլը» խմբակցության զուսպ, հավասարակշիռ ձեւակերպումներով նախաձեռնությունը, իսկ որպես ԱԺ պատգամավոր եւ քաղգործիչ՝ ավելացումներ ունի նախագծին եւ այդ ավելացումներն արեց իր հիշատակած ուղղախոսության ճանապարհով։

Միրզոյանի խոսքով՝ 2 տասնամյակից ավելի՝ ՀՀ-ում զանգվածաբար ապօրինի ազդեցություններ են գործադրվել ընտրական գործընթացների նկատմամբ եւ սրա վերաբերյալ կա լայն հանրային ընկալում եւ կոնսենսուս․

«Այդ ընտրությունների գործընթացներում կասկած կա, որ փորձ է արվել տապալել սահմանադրական կարգը, եւ դրա վերաբերյալ մենք ունենք դատավարություն։ Այսպիսի ընտրությունների արդյունքում ձեւավորվել է համակարգ, որտեղ ամբողջ տնտեսությունը կենտրոնացված է եղել մի քանի ընտանիքների ձեռքին եւ արհեստական խոչընդոտներ են առաջացել այլ տնտեսվարողների նկատմամբ։ Այս ընտրությունների արդյունքում ձեւավորված համակարգում, ըստ էության, թալանվել են, մսխվել են հանրային միջոցները, բյուջեն։ Սրա վերաբերյալ կասկածանքներով կան քրեական գործեր եւ օր օրի նոր անձանց է մեղադրանք առաջադրվում: Նույնիսկ, եթե այս բոլոր գործերի ընթացքում պարզվի, որ այդ կասկածներն անհիմն էին, միայն այն խնդիրը, որ կար լայն հանրային ընկալում, թե նման բան է տեղի ունեցել, արդեն իսկ ֆունդամենտալ ճգնաժամի՝ հասարակական հարաբերությունների ճգնաժամի մասին է խոսում։ Ահա, այս պայմաններում ենք մենք ապրել 2 տասնամյակից ավելի»,- ասաց ԱԺ նախագահը՝ հավելելով, որ եթե որեւէ մեկն այս գնահատականներին համաձայն չէ, թող ձայն հանի։

Միրզոյանն ասաց, որ եթե կազմեին նախկին ռեժիմի փաստաբանների թոփ հնգյակը, վստահաբար Հրայր Թովմասյանը լինելու էր նրանցից մեկը․

«Հիմա հարց՝ արդյոք սա բավարա՞ր է, որ Թովմասյանը չկարողանա լինել ՍԴ նախագահ։ Քաղաքական, բարոյական առումով՝ գուցե այո, գործող իրավական կարգավորումների պայմաններում՝ թերեւս ոչ: Նույնիսկ եթե անտեսենք Հրայր Թովմասյանի՝ ՍԴ անդամ եւ ապա նախագահ ընտրվելու մեխանիզմը եւ հապճեպությունը, հանգամանքները, որոնց բերումով ՍԴ նախագահ է դառնում մի մարդ, որը մի քանի օր հետո ընտրվելու դեպքում կպաշտոնավարեր վեց տարով, ոչ թե մինչեւ 2035 թվականը: Սա ոչ այլ ինչ է, քան Սահմանադրության ոգու բռնաբարություն»։

Միրզոյանի խոսքով՝ Հրայր Թովմասյանը միակը չէ, էլի մարդիկ կան, որ «ծլում-ծաղկում, մեկ-երկուսի դեպքում նույնիսկ բարգավաճում են»։

Նրա կարծիքով՝ Թովմասյանն ունեցել է հստակ քաղաքական մոտիվացիա եւ այդ մոտիվացիան ամենեւին չի եղել ՀՀ շահը կամ ՍԴ-ի անկախությունը պահպանելը: Միրզոյանի պնդմամբ՝ այդ մոտիվացիան եղել է նախկին իշխանության ժամանակ եղած հանցագործությունները կոծկելը:

«Ես պնդում եմ, որ Հրայր Թովմասյանն ուներ եւ ունի քաղաքական մոտիվացիա եւ հետեւաբար նա չի կարող լինել ՍԴ նախագահ: Նա կարող է լինել քաղաքական գործիչ, կարող է գլխավորել մի ընդդիմադիր կուսակցություն, որն ամենադաժան քննադատության կենթարկի մեզ: Նա կարող է, ըստ էության, զբաղվել օրենքով չարգելված ցանկացած գործունեությամբ: Մենք, ի վերջո, ազատ երկրում ենք ապրում, սակայն նա ՍԴ նախագահ լինել չի կարող: Նա այդ շանսն ուներ ու կորցրել է»,- ասաց Միրզոյանը։

Տպել
1443 դիտում

Գյումրիում կախված վիճակում ռուս զինծառայողի դի է հայտնաբերվել. հարուցվել է քր. գործ, դեպքով զբաղվում է հայկական կողմը

Տավուշում շրջվել է զինվորներին տեղափոխող «Կամազ»-ը. ժամկետային 7 զինծառայող է տեղափոխվել զին. հոսպիտալ. Shamshyan.com

Բարձրագույն խմբի ձևաչափ և «լեգեոներների» սահմանափակում. Արմեն Մելիքբեկյանը դիմել է ակումբների նախագահներին. ՀՖՖ

«Ազգերը տարբեր են, բայց զգայուն մարդը բոլոր տեղերում էլ նույնն է»

ԲԴԽ և ՀՀ դատարանների պահուստային ֆոնդից կորոնավիրւսի դեմ պայքարի միջոցառումների համար հատկացվել է 14 մլն 740.000 դրամ

Հրազդանի կիրճում հետախուզվող է հայտնաբերվել և բերման ենթարկվել

ՍԱՏՄ-ն Երևանում 72 ժամով 3 հանրային սննդի օբյեկտի աշխատանք է կասեցրել. խախտվել է պարետի՝ նարգիլե օգտագործելու արգելքը

Վերահսկողական աշխատանքներ են իրականացրել Գեղարքունիքի մարզի Վարդենիս և Մարտունի քաղաքներում

Սարսանգի ջրամբարում 11 և 14-ամյա երեխաներ են ջրահեղձ եղել. գտնվել է նրանցից մեկի դին. «Արցախպրես»

Հրդեհ է բռնկվել Երևանի ամառանոցներից մեկում

Կասեցվել է «Սուրմալու» և «Փեթակ» առևտրի կենտրոների աշխատանքը. ՇՎՏՄ

Նախկին «սահմանադրական կարգի» շահառուները

Երևանի բնակարաններից մեկում տեղի է ունեցել գազի արտահոսք՝ հրդեհի բռնկմամբ

Հուլիսի 3-ին իրականացված արտակարգ ռեժիմով ծառայության ընթացքում հայտնաբերվել է իրավախախտման 3028 դեպք (տեսանյութ)

Գոշավանքի մոտակայքում մեքենան գլխիվայր շրջվել է. 28-ամյա տուժածը հոսպիտալացվել է

Ինձ ձեզնից միայն ծափեր են պետք, այնքան, մինչև ափերդ թմրի. այսօր Մհեր Մկրտչյանի ծննդյան օրն է

ԱՀ պաշտպանության նախարար Ջալալ Հարությունյանն ամփոփել է անցկացված մարտավարական զորավարժությունների արդյունքները

Արտակարգ դրության իրավական ռեժիմի կանոնները խախտելու փաստերով արդեն 63 հազար արձանագրություն է կազմվել (տեսանյութ)

Արցախի ժողովրդի կողմից ընտրված իշխանությունները լիազորված են անհրաժեշտ մանդատով՝ առաջ տանելու խաղաղ գործընթացը

Աճառյան փողոցում մեքենաներ են բախվել. հոսպիտալացվել է վարորդներից մեկը