Տրամաբանական են այսօր առկա շնչառական վիրուսները. մոտենում է գրիպի սեզոնը

0-4 տարեկան երեխաներն առավել խոցելի են, նրանք ավելի շուտ են արձագանքում վիրուսային ազդակին, հաճախ են հիվանդանում սուր շնչառական վարակներով, քանի որ ունեն չձեւավորված իմունային համակարգ: Այս պատկերը միայն Հայաստանում չէ, ամբողջ աշխարհում է այդպես:

Այս մասին այսօր՝ «Գրիպի տարեկան աշխատաժողով»-ի ընթացքում նշեց «Հիվանդությունների վերահսկման եւ կանխարգելման ազգային կենտրոն» ՊՈԱԿ-ի վարակիչ հիվանդությունների համաճարակաբանության բաժնի պետ Լիանա Թորոսյանը: Քանի որ մոտենում է գրիպի սեզոնը, աշխատաժողովի ընթացքում բանախոսները ներկայացրին նախորդ տարիների վարակների ցուցանիշները: Թեեւ, ներկա դրությամբ, ըստ առողջապահության համաշխարհային կազմակերպության տարածած հաղորդագրության, չկա գրիպի վիրուսի շրջանառում, այնուամենայնիվ առկա է պարագրիպ, ադենովիրուս եւ այլ վարակներ:

«Տրամաբանական են այսօր առկա շնչառական վիրուսները, որովհետեւ երկիրը գնում է դեպի գրիպի սեզոն: Այս շրջանում, ինչպես նախորդ տարիների փորձն է հուշում, այլ շնչառական վարակները կարծես հետ են քաշվում եւ առաջ են գալիս գրիպի վիրուսները, ինչն էլ բերում է ծանր դեպքերի արձանագրմանը»,- իր խոսքում նշեց Լիանա Թորոսյանը՝ ավելացնելով, որ սուր շնչառական վարակներն ուղիղ համեմատական են եղանակները ցրտելուն, դպրոցները սկսվելուն, ակտիվ կոնտակտին փակ տարածության մեջ, քանի որ կա նաեւ օդակաթիլային վարակի  փոխանցման հնարավորություն:

Բանախոսը նշեց, որ այս տարի հունվարին մեզ մոտ վարակի բարձր ինտենսիվություն կար. նպաստող պայմանները շատ էին՝ Ամանորը, բնակչություն ակտիվ շփումները, շնչառական վարակների սեզոնայնությունը, շրջանառվող վիրուսի առանձնահատկությունները: Այդ ամսին թոքաբորբը հարաբերականորեն ցածր ցուցանիշներ ուներ, պատկերը փոխվեց փետրվար ամսին:

Ըստ Լիանա Թորոսյանի՝ մեզ մոտ սեզոնի ծանրությունը սկսվում է հունվարի վերջից եւ փետրվարի սկզբից, գրանցվում են ծանր շնչառական վարակներ, թոքաբորբեր: Բարդացման պատճառներից են ուշ դիմելիությունը, վիրուսի ակտիվ շրջանառությունը եւ այլն:

Համեմատելով նախորդ տարիների ցուցանիշներն այս տարվա հետ՝ ստացվում է, որ 2017-2018 թվականներին ավելի շատ սուր շնչառական վարակների դեպքեր գրանցվեցին: Այս տվյալները հայտնի են դառնում՝ պոլիկլինիկական հաստատություններին դիմելու արդյունքում: Ըստ տվյալների՝ նախորդ սեզոնի ժամանակ մեզ մոտ տարածված է եղել գրիպի Ա տեսակի H1N1 ենթատեսակը, որով սկսվել է սեզոնը եւ շարունակվել, չնայած 3-4-րդ շաբաթների ընթացքում գրանցվել է նաեւ H3N2 ենթատեսակը:

 «Գրիպի տարեկան աշխատաժողով»-ին մասնակցեցին ինչպես մարզերի, այնպես էլ Երեւանի բժշկական կազմակերպությունների ներկայացուցիչներ, համաճարակաբաններ, Սննդամթերքի անվտանգության տեսչական մարմնի ներկայացուցիչներ: Ներկա էին նաեւ Առողջապահության համաշխարհային կազմակերպության եվրոպական եւ հայաստանյան գրասենյակի ներկայացուցիչներ:

Տպել
833 դիտում

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»

Հայտնաբերվել է փողոցում մի կնոջ պարանոցից ոսկյա շղթա հափշտակած և փախուստի դիմած տղամարդը (տեսանյութ)

Արցախի հետ Հայաստանի նախկին սահմանի փոխարեն ձևավորվել է սահման՝ Հայաստանի և Ադրբեջանի միջև․ ՊՆ

Ճամբարակ քաղաքում ձյուն է տեղում․ ՀՀ տարածքում ավտոճանապարհներն անցանելի են

Կարմիր Խաչը գերիների ավելի մեծ ցուցակ ունի, քան Ադրբեջանն է հաստատում․ ըստ պատգամավորի՝ աշխատում են մի քանի օղակներով

Սուբվենցիոն ծրագրով ավարտին են մոտենում Արմավիր քաղաքի 12 բակային տարածքների հիմնանորոգման աշխատանքները

Լեռնուտում 70 երեխայի համար նախատեսված մանկապարտեզ է վերակառուցվում