Հայաստանում է Լիբանանի պաշտպանության նախարարի գլխավորած պատվիրակությունը

20/09/2019 schedule18:12

Սեպտեմբերի 19-ին պաշտոնական այցով Երևան է ժամանել Լիբանանի Հանրապետության ազգային պաշտպանության նախարար Էլիաս Բու Սաաբի գլխավորած պատվիրակությունը։

Սեպտեմբերի 20-ին, ՀՀ ՊՆ վարչական համալիրում տեղի ունեցած դիմավորման պաշտոնական արարողությունից հետո, կայացել է ՀՀ պաշտպանության նախարար Դավիթ Տոնոյանի և Լիբանանի Հանրապետության ազգային պաշտպանության նախարար Էլիաս Բու Սաաբի հանդիպումը, որը շարունակվել է ընդլայնված կազմով՝ պատվիրակությունների մասնակցությամբ։

Ողջունելով նախարար Սաաբին, Դավիթ Տոնոյանը նշել է, որ Հայաստանի և Լիբանանի միջև առկա է բարձր մակարդակի բազմակողմանի համագործակցություն, և երկու ժողովուրդների բարեկամական հարաբերությունները պարտավորեցնում են զարգացնել համագործակցությունը նաև պաշտպանական ոլորտում: ՀՀ պաշտպանության նախարարը կարևորել է 2018թ. նոյեմբերին Բեյրութում ստորագրված ռազմական համագործակցության մասին համաձայնագրի վավերացումը, որը նոր հնարավորություններ կընձեռի ռազմական և ռազմատեխնիկական բնագավառում փոխգործակցության համար:

Էլիաս Բու Սաաբը շնորհակալություն է հայտնել ջերմ ընդունելության համար և կարևորել բազմակողմանի համագործակցության զարգացումը` հանուն երկու երկրների պաշտպանունակության ամրապնդման: Լիբանանի պաշտպանության նախարարը հանդես է եկել երկու երկրների միջև համագործակցության զարգացմանն աջակցող հանձնաժողովներ ստեղծելու նախաձեռնությամբ, որոնք կներառեն ոչ միայն պաշտպանության, այլ նաև մշակույթի, զբոսաշրջության, տնտեսական և այլ ոլորտների պատասխանատուներին:

Որպես պաշտպանության բնագավառում համագործակցության կարևոր ոլորտներ՝ նշվել են փոխադարձ հետաքրքրություն ներկայացնող բնագավառներում փորձի փոխանակումը, ուսումնավարժական ծրագրերը, ռազմատեխնիկական ուղղություններ և այլն:

Հանդիպման ընթացքում քննարկվել են նաև միջազգային և տարածաշրջանային անվտանգության խնդիրներին առնչվող հարցեր: Այս համատեքստում երկուստեք կարևորվել է կողմերի միջև հետախուզական տեղեկատվության փոխանակումը ։

ՀՀ պաշտպանության նախարարը ներկայացրել է Սիրիայում ՀՀ հումանիտար առաքելության նպատակները և խնդիրները: Լիբանանի ազգային պաշտպանության նախարարը ողջունել է Հայաստանի հումանիտար գործողությունները Սիրիայում` նշելով, որ այդպիսի առաքելությունները ուղղված են խաղաղության հաստատմանը: Էլիաս Բու Սաաբը շնորհակալություն է հայտնել նաև Լիբանանի հարավում ՄԱԿ-ի ՅՈՒՆԻՖԻԼ առաքելությանը հայ խաղաղապահների մասնակցության համար և ընդգծել, որ Լիբանանում այս առաքելությունը հատուկ է Հայաստանի համար և միայն միջազգային պարտավորություն չէ:

Այցի շրջանակում նախատեսված են Լիբանանի Հանրապետության ազգային պաշտպանության նախարար Էլիաս Բու Սաաբի գլխավորած պատվիրակության հանդիպումները ՀՀ նախագահ Արմեն Սարգսյանի, ՀՀ վարչապետ Նիկոլ Փաշինյանի, արտաքին գործերի նախարար Զոհրաբ Մնացականյանի հետ: Այցի ծրագրում ընդգրկված են նաև արարողակարգային այցելություններ Հայոց Մեծ Եղեռնի հուշահամալիր և Մայր Աթոռ Սուրբ Էջմիածին:

Սեպտեմբերի 21-ին Լիբանանի ազգային պաշտպանության նախարարը տիկնոջ և պատվիրակության ուղեկցությամբ Գյումրիում կմասնակցի Հայաստանի Անկախության 28-րդ տարեդարձի տոնական միջոցառումներին:

Տպել
1565 դիտում

Կարծում եմ՝ լինելու են արտահերթ ընտրություններ․ քաղաքագետը՝ Փաշինյանի ակնարկների, սպասվող զարգացումների մասին

Մահացել է բանաստեղծ Եղիշե Չարենցի թոռնուհին՝ բանաստեղծուհի Հասմիկ Չարենցը

Ում հասանելի կլինեն եւ որքան կարժենան կորոնավիրուսի դեմ պատվաստանյութի տարբեր տեսակները

Լոռու մարզի 18 դպրոցում կտեղադրվեն արևային վահանակներ, կկառուցվեն ջերմոցներ, ինտենսիվ այգիներ

Այս տարի Վայոց ձորում աննախադեպ է եղել խաղողի բերքը․ տեղեկություններ մթերումների մասին

Ադրբեջանում գտնվող գերիների վերաբերյալ ողջ տեղեկատվությունը տրամադրվել է ՄԻԵԴ-ին, նաեւ ԱԳՆ, ՊՆ եւ Կարմիր խաչին

Հավատում ենք խաղաղությանն ու պայծառ ապագային. ԱՄՆ ՄԶԳ/Հայաստանի աշխատակիցներն այցելել են Արցախից տեղահանված երեխաներին

Հիմնանորոգվում է Գառնի-Լանջազատ ճանապարհը

Շուտով կավարտվի Արմավիր քաղաքի Երևանյան փողոցի ճանապարհահատվածի հիմնանորոգումը

Տեղի է ունեցել Գերիների, պատանդների և անհայտ կորած անձանց հարցերով զբաղվող միջգերատեսչական հանձնաժողովի նիստ

81-ամյա կինը մահացել է որդու հարվածների հետևանքով.43-ամյա տղամարդը կալանավորված է

Երազանք էր նրա դեմ խաղալը. Ռազմիկ Գրիգորյանն ու Խորեն Հովհաննիսյանը վերհիշում են Մարադոնայի հետ հանդիպումները

Գիշերային շրջիկ ծառայության ժամանակ ոստիկաններն ապօրինի թմրաշրջանառության դեպք են բացահայտե լ(տեսանյութ)

ԿԽՄԿ ներկայացուցիչը վարչապետին տեղեկատվություն է տրամադրել հայ գերիների հետ հանդիպումների մասին

Սարալանջ գյուղի մոտակայքում մոտ 3 հա բուսածածկույթ է այրվել

«Արմավիր» ՔԿՀ-ում կանխվել է նույն անձին թմրամիջոց փոխանցելու 3-րդ դեպքը

Մայիսյանում թեթև և ծանր տեխնիկայի կայանման սպասարկման կենտրոն է կառուցվում. ստեղծվում է 5 հիմնական աշխատատեղ

Էդուարդ Հարությունյանը կգործուղվի Մոսկվա՝ նախապատրաստելու վարչապետ Նիկոլ Փաշինյանի այցը

ՀՀ պաշտպանության նախարարն ընդունել է ՌԴ խաղաղապահ զորախմբի հրամանատարին

Ֆրանսիայից Հայաստան է ժամանել արցախահայությանը տրամադրված հումանիտար օժանդակության երկրորդ ինքնաթիռը (տեսանյութ)