Գագիկ Ջհանգիրյանը քիչ առաջ արդարացվեց Մարտի 1-ի գործով․ Վճռաբեկ դատարանը հրապարակեց որոշումը

18/09/2019 schedule18:00

ՀՀ նախկին զինդատախազ Գագիկ Ջհանգիրյանը քիչ առաջ արդարացվեց։ Նման որոշում հրապարակեց Վճռաբեկ դատարանը՝ Համլետ Ասատրյանի նախագահությամբ։

Դատարանն այսպիսով բեկանեց նրա վերաբերյալ դատավճիռը, ճանաչեց նրա անմեղությունը եւ արդարացրեց նրան՝ քրեական գործի վարույթը կարճվեց հանցակազմի բացակայության հիմքով։

Մարտիմեկյան իրադարձություններից 11 տարի անց ՀՀ նախկին զինդատախազ Գագիկ Ջհանգիրյանը դիմել էր ՀՀ վճռաբեկ դատարան՝ խնդրելով բեկանել իր վերաբերյալ առաջին ատյանի դատարանի դատավճիռն ու վերաքննիչ դատարանի որոշումը՝ այն անփոփոխ թողնելու մասին: Ջհանգիրյանը նաեւ խնդրել էր ճանաչել եւ հռչակել իր անմեղությունը եւ կայացնել արդարացման դատական ակտ:

Վճռաբեկ դատարանը այդպես էլ արեց՝ բավարարեց Ջհանգիրյանը բողոքը՝ բեկանեց դատավճիռը եւ արդարացրեց նրան:

Մինչ սույն որոշումը բողոքը զեկուցողի կողմից ներկայացնելուց հետո Գագիկ Ջհանգիրյանը հանդես եկավ ելույթով: Նա նկատեց, որ այդ նույն ամբիոնից որպես ՀՀ զինվորական դատախազ եւ որպես գլխավոր դատախազի տեղակալ հարյուրավոր բողոքներ է ներկայացրել, պաշտպանել մեղադրանքի կողմի դիրքորոշումը դատավարության այլ մասնակիցների բողոքներ քննարկելիս, սակայն հիմա պալատին դիմում է այլ կարգավիճակով, որպես հանիրավի դատապարտված. «Դիմում եմ՝ հույսով, որ ի վերջո դեպքից ավելի քան տասը տարի անց աներկբա կշտկեք, կվերացնեք ՀՀ քաղաքացու, իրավագետի, նախկին դատախազի նկատմամբ թույլ տրված աննախադեպ ապօրինություններն ու անարդարությունները»,- ասաց նա: Ջհանգիրյանը նշեց, որ իր նկատմամբ վրեժխնդրության դրդապատճառներով մինչդատական վարույթի դատական քննության անվան տակ ուղղակի հաշվեհարդար է իրականացվել ի զգուշացում մնացած պաշտոնյաների, ովքեր պատրաստվում էին այդ օրերին միանալ դժգոհների բանակին եւ բարձրաձայնել կատարված բռնությունների եւ ապօրինությունների մասին: «Պետք է խոստովանեմ, որ որքան էլ վիրավորական ու ցավալի է եղել տառապանքի իմ ուղին, ես նեղացած չեմ ոչ ինձ ձերբակալած ու մեղադրած քննիչներից ու դատախազներից, ոչ դատապարտած, բողոքները մերժած ու վարույթ չընդունած դատավորներից՝ քաջ գիտակցելով, որ նրանցից յուրաքանչյուրի ինքնուրույն կայացրած որոշումն ու քայլն այդ ահաբեկչական ժամանակահատվածում նրանց համար ճակատագրական կլիներ: Եթե ինձ հետ այդպես վարվեցին, կարելի է պատկերացնել, թե ինչպես կվարվեին մյուսների հետ: Չխախտելով իմ խոստումը՝ տեղին է ուղղակի  նշել, որ 2008 թվականի փետրվարի 23-ի երեկոյան Արգավանդի խաչմերուկում ոստիկանության հատուկ նշանակության ստորաբաժանումը իմ կարծիքով չէր եկել ապօրինի զենք եւ զինամթերք հայտնաբերելու եւ ինձ բերման ենթարկելու... Այդ է վկայում այն հանգամանքը, որ երբ ես կամավոր նստել էի ոստիկանության միկրոավտոբուսը եւ նրանց էի հանձնել ինձ մոտ առկա ատրճանակը, նրանք չգիտեին՝ ինձ ուր տանել»,- իր ելույթում ասաց նախկին զինդատախազը:

Նա նաեւ պարզաբանեց, թե ինչու է հեղափոխությունից միայն մեկ տարի եւ մի քանի ամիս անց նախաձեռնել այս բողոքարկումը: «Բարոյական եւ հոգեբանական առումով ինձ համար գերադասելի կլիներ, որ իմ գործով վճռաբեկ բողոքը բերեր ՀՀ գլխավոր դատախազությունը, հատկապես, որ տեղեկատվություն ունեի, որ գործն առաջին ատյանի դատարանից դատախազությունը պահանջել է: Անուղղակի խողովակներով ինձ տեղեկություններ էին փոխանցվում նաեւ, որ գլխավոր դատախազությունը տեքստի վրա է աշխատում եւ այլն: Սակայն գլխավոր դատախազի՝ լրատվամիջոցների ներկայացուցիչներին տրված մեկ-երկու պարզաբանումներից ակնհայտ դարձավ, որ դատախազությունը յուրաքանչյուր գործով սպասելու է ՄԻԵԴ վճիռներին, ապա նոր հանգամանքի առկայության հիմքով անդրադառնա այդ դատավճիռների բողոքարկման հարցին: Իմ գործով կոմունիկացիաները երեք-երեքուկես տարի ավարտվել են: ...Ամենայն պատասխանատվությամբ հայտարարում եմ, որ պալատի կողմից ակնկալվելիք որոշումը կայացնելուց հետո պատրաստ եմ հրաժարվել ՄԻԵԴ-ում իմ հետագա բողոքի քննարկումից, իսկ եթե արդեն ուշ է, ապա նաեւ այդ որոշման արդյունքում հօգուտ ինձ տրվող փոխհատուցումից: Ոչ այն պատճառով որ դրա կարիքը չունեմ, ուղղակի ինձ համար ընդունելի չէ նման հատուցում ստանալը, քանի որ իմ աշխատանքային գործունեության ընթացքում միլիոնավոր դոլարներ են վերադարձվել պետական գանձարան»:

Ջհանգիրյանը նշեց, որ թեեւ ինքը պալատից խնդրել է բեկանել իր վերաբերյալ կայացված դատական ակտերը, հռչակել իր անմեղությունն ու կարճել գործի վարույթը հանցադեպի բացակայության հիմքով, հիմնավոր եւ օրինական կգնահատի նաեւ վարույթը հանցակազմի բացակայության հիմքով կարճելու՝ պալատի որոշումը:

Ջհանգիրյանի կողմից բերված բողոքի վերաբերյալ դիրքորոշում հայտնեց նաեւ դատախազ Պետրոս Պետրոսյանը: Նա նույնպես գտավ, որ այս գործով քննության ընթացքում թույլ են տրվել դատավարական իրավունքի այնպիսի խախտումներ, որոնց արդյունքում ընդունված դատական ակտը խաթարում է արդարադատության բուն էությունը: Մասնավորապես դատախազը նշեց, որ խախտվել է մարդու իրավունքների եւ հիմնարար ազատությունների պաշտպանության մասին եվրոպական կոնվենցիայի 6-րդ հոդվածով եւ ՀՀ քրեական դատավարության օրենսգրքով երաշխավորված գործի արդարացի քննության իրավունքը: Դատախազը նշեց, որ Գագիկ Ջահանգիրյանի մեղադրանքի հիմքում դրվել են պատշաճ հետազոտված ապացույցներ, որոնցով հիմնավոր կերպով չեն հերքվել առաջադրված մեղադրանքում նկարագրված հանգամանքների վերաբերյալ պաշտպանության կողմից առաջ քաշված հանգամանքները: Դատաքննության ընթացքում դատարանն անհիմն կերպով մերժել է պաշտպանական կողմի միջնորդությունները՝ դատարան հրավիրելու եւ որպես վկա հարցաքննելու դեպքին ականատես անձանց: Պետրոսյանն ասաց, որ Ջհանգիրյանի վերաբերյալ մեղադրական դատավճռի հիմքում դրվել է ոստիկանների՝ պատշաճ չստուգված ցուցմունքներ: Պետրոսյանը նշեց, որ ի սկզբանե այս գործի քննությունը կանխորոշված է եղել՝ պաշտպանություն արդյունավետ իրականացնելու որեւէ հնարավորություն չտալով: «Գտնում եմ, որ բերված բողոքը քրեադատավարական իրավունքի հիմնարար իրավունքների մասով հիմնավոր է, պետք է բեկանել ու գործն ուղարկել առաջին ատյանի դատարան՝ նոր քննության»,- նշեց նա:

Վճռաբեկ դատարանը հեռացավ խորհրդակցական սենյակ եւ վերադառնալով՝ արդարացման դատական ակտ կայացրեց:

Սա ըստ էության Մարտի 1-ի գործով առաջին արդարացումն էր:

Գագիկ Ջհանգիրյանը ձերբակալվել էր 2008 թվականի փետրվարի 23-ի հանրահավաքից հետո։ Նա մեղադրվում էր իշխանության ներկայացուցչի նկատմամբ բռնություն գործադրելու համար եւ դատապարտվել էր 3 տարվա ազատազրկման։

 

Տպել
12041 դիտում

Գյուլբենկյան փողոցի 30/3 շենքի մոտ զինամթերքի նմանվող առարկայի հայտնաբերման առթիվ քրեական վարույթ է նախաձեռնվել

Հայտնի է՝ երբ կհուղարկավորեն Նավալնիին

Աճել են մեղադրական եզրակացությամբ դատարան ուղարկված գործերը. ամփոփվել են Ավանի և Նոր Նորքի դատախազության աշխատանքները

Հայաստանի նախագահը պաշտոնական այցով ժամանել է Իրաք

Սիմոնյանը գերմանացի գործընկերներին ներկայացրել է Ադրբեջանի ռազմատենչ քաղաքականության հետեւանքները

Փետրվարի 27-ին գումարվող հերթական նիստերի օրակարգի նախագծում ընդգրկվել է 28 հարց

«Խորապես գիտակցում ենք ձեր խնդիրները. Արագածոտնի մարզպետը հանդիպել ԼՂ-ից տեղահանվածների հետ, ծանոթացել նրանց կարիքներին

«Արմավիր» քրեակատարողական հիմնարկի ծառայողի կոշիկների միջից հայտնաբերել են 3 տուփ ծխախոտ՝ թմրամիջոցի փաթեթներով

Կարևորում եմ, երկխոսության բարձր մակարդակի պահպանումը մեր երկրների միջև. Նախագահը ընդունել է ՀՀ-ում Քուվեյթի դեսպանին

Գավառում կասեցվել է հանրային սննդի օբյեկտի արտադրական գործունեությունը

ԲՏԱ նախարարն ու Համաշխարհային բանկի ներկայացուցիչները քննարկել են նոր ծրագրեր նախաձեռնելու հեռանկարները

ՀՀ-ի և Ադրբեջանի ԱԳ նախարարների հանդիպումը տեղի կունենա փետրվարի 28-29-ը Բեռլինում

ԵՄ դիտորդական առաքելության ղեկավարն ընդունել է Բունդեսթագի Իրավական հանձնաժողովի պատվիրակությանը

Գևորգ Պապոյանը հրաժարականի դիմում է ներկայացրել. ԱԺ նախագահի հայտարարությունը

ՔՊ գրասենյակի մոտ հայտնաբերվածը պայթուցիկ սարք չի եղել, այլ՝ «մուլյաժ», այն վտանգ չի ներկայացնում. Հովհաննիսյան

ՀԿ-ների ներկայացուցիչների հետ հանդիպմանը քննարկվել են ընթացող բարեփոխումների վերաբերյալ հարցեր (տեսանյութ)

Նոր նշանակում Քննչական կոմիտեում

Մեկնարկել է ԶՈՒ բարձրագույն սպայական կազմի ատեստավորման գործընթացը. Պապիկյանը ՊՆ վարչական համալիրում է

Մարմնի վրա տեսանելի են կենդանիների կողմից հոշոտման հետքեր. հայտնաբերվել է անհետ կորած տղամարդու դիակը

«Ռադ արեք»․ Մարտիրոսյանն ահազանգել է «Վոթզափով» իրականացվող խաբեության մասին

Գևորգ Պապոյանը պատգամավորական մանդատից հրաժարվելու դիմում է ներկայացրել

Ադրբեջանցիները ռազմական հարցում զգայուն են, նրանց անհանգստացնում է ՌԴ ԶՈՒ շարժը․ Կարեն Հովհաննիսյան

Ես ինձ պատկերացնում եմ այնտեղ, որտեղ պետք է լինեն բոլոր նախարարները՝ «հայաստանամետ»․ Պապոյան

Արաբկիրում ռումբի ահազանգ է եղել, տեղում է նաև ՆԳ նախարարի տեղակալը

Արշակ Վարդանյանի լիազորությունները Վերաքննիչ քրեական դատարանի դատավորի և ԲԴԽ անդամի պաշտոնում դադարեցվել են

ԼՂ-ում մարտական գործողություններից 181 զինծառայող զոհվել է, 11-ը՝ անհետ կորել․ հիմնադրամը մանրամասներ է հայտնել

ՔԿ-ն մանրամասներ է ներկայացրել ապօրինի արդյունահանված ավազի, պետությանը պատճառված վնասի և դրա վերականգնման մասին

ՀԱՊԿ կանոնադրությունը չի նախատեսում «սառեցված անդամակցություն» կարգավիճակ․ Մոսկվան հստակեցում է պահանջում Երևանից

Լուկաշենկոն ճորտի կարգավիճակով ապրում է, իսկ մենք ուզում ենք անկախ երկիր դառնալ․ Մելքոնյան

Միհրան Պողոսյանի հետ կապված մենք հարցում չենք ստացել․ ՆԳ նախարար

Նիկոլ Փաշինյանը կարևորել է կանցլեր Օլաֆ Շոլցի ներդրումը Հայաստան-Ադրբեջան խաղաղության գործընթացում

Եթե Զելենսկին գա, կընդունենք, ՌԴ-ի ճորտը չենք, իրենք էին ընտրում՝ մեր երկրում ով լիներ նախագահ, ով ՊՆ ղեկավար․ Մելքոնյան

Որոշում դեռ չունենք․ Կոնջորյանը՝ ՍԴ դատավորի թեկնածու Դավիթ Բալայանի հետ հանդիպման մասին

Վանաձորի քրեակատարողական հիմնարկում դատապարտյալը բուլավկայով կարել է շուրթերը (լուսանկար)

Սառեցված բառը նշանակում է, որ սառեցված է․ Անդրանիկ Քոչարյանը՝ ՀԱՊԿ-Հայաստան հարաբերությունների մասին

Պաշտոնանկանություն Արտաքին գործերի նախարարությունում

Մենք մեր գործառույթները իրավաչափ իրականացրել ենք․ ՆԳ նախարարը՝ Մոսկվայում ադրբեջանցու ձերբակալման և ազատ արձակման մասին

Պուտինը զանգել է Էրդողանին, շնորհավորել նրա ծննդյան օրը

Քննարկում եղել է․ Թունյանը՝ իրեն Էկոնոմիկայի նախարարի պաշտոնն առաջարկելու մասին

Պետության կամ կառույցների ղեկավարները պահի տակ հայտարարություններ չեն անում․ Թունյանը՝ ՀԱՊԿ-ի մասին