Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Թող պատրաստվեն ջախջախվելու, սա իսկական առիթ է: «Հայկական ժամանակ»-ի հետ զրույցում երեկ հայտարարեց քաղաքագետ Լեւոն Շիրինյանը՝ անդրադառնալով Ադրբեջանի պաշտպանության նախարար Զաքիր Հասանովի հայտարարությանը: Վերջինս երեկ «օպերատիվորեն»  արձագանքել էր ՀՀ վարչապետ Նիկոլ Փաշինյանի՝ օգոստոսի 5-ին Արցախում արված «Արցախը Հայաստան է եւ վերջ» հայտարարությանը եւ նշել, որ իրենք առաջիկայում իրենց խոսքը կասեն ռազմի դաշտում, իրենք երազում են այդ մասին: Հասանովին պատասխանել է ՀՀ պաշտպանության նախարար Դավիթ Տոնոյանը՝ ասելով, որ երազելը շատ լավ է:

- Պարոն Շիրինյան, Ադրբեջանի պաշտպանության նախարար Զաքիր Հասանովի հայտարարությունն ինչպե՞ս կմեկնաբանեք, արդյոք Ադրբեջանը մոտալուտ պատերազմի մասի՞ն է ակնարկում:

- Ինչու, իրենք տեղյակ չէի՞ն, որ Արցախը Հայաստան է եւ վերջ: Ողջ հայ ժողովուրդը վարչապետի թիկունքին է: Ես մի կարճ բան ունեմ ասելու Զաքիր Հասանովին՝ կարող ե՞ք՝ արեք: Պրակտիկան ի՞նչ է ցույց տալիս, պրակտիկան գործնականում ցույց է տալիս հետեւյալը, որ ինչքան գրոհել են, այնքան ջախջախվել են, ու դա ուղեկցվել է նոր տարածքների ազատագրումով: Ուրիշ ոչինչ չի եղել: Ապրիլյան պատերազմի ժամանակ իրենց թիկունք էր կանգնած եղել մեր հյուսիսի «բարեկամը»: Մեր նախկին իշխանության պարագայում, անհասկանալի գերագույն հրամանատարության գործողությունների պայմաններում իրենք ի՞նչ հաջողություն ունեցան, կարո՞ղ եք ասել: Որեւէ հաջողություն չունեցան, բացի Վարազաթումբը, որը վերցրել են: Սա քարոզչություն է, իսկ քարոզչությունը զուտ խոսելու վրա է: Մեր բանակի ոգին բարձր է: Մեր դաշնակիցն ուզի, թե չուզի՝ իր նախկին դերը չի կարող խաղալ: Նրանց դիրքորոշման մեջ փոփոխություն կա ու չեն կարող հաշվի չառնել հայկական գործոնի նշանակությունը: Ժողովուրդը այսօր իշխանությունից օտարում չունի, ճի՞շտ է: Ունի նեղացվածություն, որ ռեֆորմները դժվար է լինում, բայց օտարում գոյություն չունի այնպես, ինչպես Սերժի ժամանակ էր: Հայաստանում արմատական փոփոխություններ են լինում: Թող փորձեն, դրա համար ասում ենք՝ կարո՞ղ ես՝ արա:

- Վարչապետի ելույթից մեկուկես ամիս անց արձագանքելը կապ ունի՞ Հայաստանի ներքաղաքական վիճակի հետ՝ հաշվի առնելով, որ վերջին օրերին երկրում պաշտոնից ազատվեցին նաեւ 2 ուժային կառույցների ղեկավարները:

- Հիմա պաշտպանական համակարգն ավելի լավ վիճակում է: Ներքին ի՞նչ կա: Ես կարող եմ ասել՝ Քոչարյանի երեկվա այն փորձը, որ նորից չնստի եւ այլն, դա կուլմինացիան էր: Ես կարծում եմ, որ մեր ժողովրդի հետ համապատասխան աշխատանք տանելու դեպքում մեր դիրքերն ավելի կուժեղանան: Այս փոփոխությունները պետության օգտին են, պարզ չէ՞: Եթե վարչապետի առաջարկով՝ նախագահի ստորագրությամբ նրանք ազատվել են աշխատանքից, նշանակում է ինստիտուտներն աշխատում են չէ՞: Տեսնում էի՝ պանդայի նման գրոհում էին դատարանը, թե «Քոչարյան հերոս», նրանք հասարակության մեջ քանի՞ տոկոս են՝ ոչ մի: Կարծում եմ, որ մեր դիրքերն ավելի պինդ են: Իմ ասածը չի նշանակում, որ իշխանությունն այսօր մոբիլիզացիոն վիճակի մեջ է: Հակառակը՝ նշանակումները պետք է արագ անեն եւ վերջանա:

- Պատասխանելով Հասանովին՝ ՀՀ պաշտպանության նախարար Դավիթ Տոնոյանն էլ նշել է, որ երազելը շատ լավ է: Սա արդյոք նշանակո՞ւմ է, որ հայկական կողմի համար ամեն ինչ կանխատեսելի է այս պահին եւ մտահոգվելու բան չկա:

- Ճիշտ է ասել Դավիթ Տոնոյանը: Նա գրագետ մարդ է եւ տիրապետում է մեր, ռուսական եւ արեւմտյան ռազմական արվեստին: Թող պատրաստվեն ջախջախվելու, սա իսկական առիթ է:

- Ըստ ձեզ Ադրբեջանն ու ադրբեջանական բանակն այս պահին ինչի՞ են ունակ:

- Ոչ մի բանի: Կարող են ավանտյուրա անել, պատահական բան կարող է լինել եւ նրանք կարող են սադրել: Բայց որ ստրատեգիական որեւէ հարց կարողանան լուծել՝ բացառված է: Այս անգամ մեր բանակը հակագրոհելու է անպայման: Չպիտի բավարարվենք դիրքերի վրա թողնելով, ինչը որ Դավիթ Տոնոյանն ասել էր Նյու Յորքում («Նոր պատերազմ՝ նոր տարածքներ»): Այդ տեսակետը պետք է պետական ստրատեգիայի մեջ լինի:

Հարցազրույցը տպագրվել է «Հայկական ժամանակ»-ի սեպտեմբերի 19-ի համարում

Տպել
6099 դիտում

Զինվորը պիտի առողջ լինի, որ նաեւ մարտունակ լինի, մի՛ մոռացեք վարակի մասին. Արտավազդ Վանյան

Ջավախահայերը հումանիտար ապրանքներով բեռնված մեքենաները տեղափոխում են Հայաստան. Վրաստանը թույլատրեց

Մակրոն, Թրամփ, Պուտին, Մերկել, Հռոմի Պապ. ազդեցիկ առաջնորդները խաղաղության ու երկխոսության կոչ են անում

Շվեյցարիան աջակցում է Ղարաբաղյան հակամարտությունը բանակցային ճանապարհով լուծելուն ուղղված ԵԱՀԿ Մինսկի Խմբի ջանքերին

Հայկական զինուժի կողմից հակառակորդի՝ մինչ այժմ խոցված սպառազինությունը. ՀՀ ՊՆ-ն նոր տվյալներ է հրապարակել

Աշխատավարձը՝ 1500-2000 դոլար եւ Թուրքիայի գրանցում. ում է հավաքագրել Թուրքիան եւ ինչի դիմաց

Զգուշացնում ենք՝ ոչ մի գնդակ չպետք է արձակվի մեր սահմանների ուղղությամբ. Իրանի սահմանապահ ուժերի հրամանատարի տեղակալ

ՄԱԿ-ի գլխավոր քարտուղարը Փաշինյանի հետ զրույցում խոր մտահոգություն է հայտնել Արցախում ստեղծված իրավիճակի մասին

Թուրքիան սիրիացի մարտիկներ է ուղարկում՝ օգնելու իր հավատակից Ադրբեջանին. պատմել են զինյալները․ Reuters

Պետք է պատրաստ լինենք շատ ավելի ծանր ու երկար մարտական գործողությունների. ԱՀ նախագահ

Հայկական կողմի զոհերի թիվն ավելացել է եւս 26–ով. Արցախի ՊՆ-ն նոր ցանկ է հրապարակել

Առաջնագիծ մեկնեց օգոստոսին Լիբանանից հայրենադարձված պահեստազորի լեյտենանտ Արեգ Ասրապեանը. Զարեհ Սինանյան

Սահմանափակված է ՀՀ տարածքից ելքը պահեստազորում հաշվառված անձանց համար

Վիրավորվել է մոտ 30 քաղաքացիական բնակիչ. Արցախի ՄԻՊ-ի խոսքով՝ մարդկանց ոգին բարձր է, բայց զգուշավոր են

Վրացի իրավապահները ջավախահայերին թույլ չեն տալիս հումանիտար օգնությունը հասցնել սահման եւ փոխանցել հայկական կողմին

Փաշինյանը Մերկելին կոչ է արել գործադրել բոլոր ջանքերը՝ Թուրքիայի ապակառուցողական կեցվածքը սանձելու համար

Հայ ազգը եղել է, կա ու կլինի. միասին մենք ուժեղ ենք. Արթուր Աբրահամ

Ադրբեջանի ռազմաօդային և հրթիռային հարձակումներն ուղեկցվում են էթնիկ հայերի նկատմամբ մեծ ծավալի ատելության խոսքով. ՄԻՊ

Տեսանյութում բաց աղբյուրներով ապացուցվում է, որ Ադրբեջանն է հարձակվել հայկական կողմի վրա. Հովհաննես Մովսիսյան

Խնդիրը միայն Արցախը չէ, և սա պետք է բոլորս իմանանք. Արայիկ Հարությունյան