Վերջին մի քանի տարիների ընթացքում Ադրբեջանում զորավարժությունները շատ ավելի ինտենսիվ են դարձրել. Տիգրան Աբրահամյան

Վերջին շրջանում ադրբեջանական բանակը մի քանի անգամ զորավարժություններ է անցկացրել, այդ թվում՝ թուրքական բանակի հետ համատեղ:

Ադրբեջանական «Թուրան» գործակալության փոխանցմամբ՝ Ադրբեջանում եւս մեկ լայնամասշտաբ զորավարժություն է սկսվել: Սա այս տարի արդեն 4-րդ զորավարժությունն է: Զորավարժությանը կմասնակցի ավելի քան 10. 000 զինծառայող: Նաեւ ներգրավված է 100 միավոր զրահապատ զինտեխնիկա, 20 միավոր ռազմական թռչող սարքեր, այդ թվում՝ ինքնաթիռներ եւ ուղղաթիռներ, 120 միավոր հրետանահրթիռային տարբեր տրամաչափի կայաններ, հրթիռային համազարկային կայաններ, ականանետեր եւ այլն: Զորավարժությունների սցենարով նախատեսված՝ դժվար ռելիեֆային, անտառային, գիշերային, ինչպես նաեւ բարձր ռադիոէլեկտրոնային հաճախականության պայմաններում ռազմական գործողություններ իրականացնել հրետանու, ռազմական օդուժի համադրմամբ: Գործակալության փոխանցմամբ՝ նպատակ է դրված, որ այս ամենը հնարավորինս նույնականացվի իրական ռազմական գործողության հետ: Զորավարժությունները տեղի են ունենալու Ադրբեջանի ողջ տարածքում, բոլոր այն հրաձգարաններում, որոնց պայմանները թույլատրում են սցենարի իրական պահանջներին:

Թե որքանով են այս զորավարժությունները լուրջ վտանգ ներկայացնում, մեր զրույցում մանրամասնեց Արցախի նախագահի խորհրդական Տիգրան Աբրահամյանը:

-Պարո՛ն Աբրահամյան, վերջին շրջանում Ադրբեջանը մի քանի զորավարժություններ է անցկացրել, հիմա էլ նոր զորավարժություն են սկսել: Ի՞նչ է սա նշանակում, արդյո՞ք ուժի ցուցադրություն է:

-Ցանկացած դեպքում էլ, հատկապես՝ Ադրբեջանի կողմից իրականացվող զորավարժությունները, առաջին հերթին ուժի ցուցադրում է: Պետք է նաեւ արձանագրել, որ հատկապես վերջին մի քանի տարիների ընթացքում Ադրբեջանում  զորավարժությունները շատ ավելի ինտենսիվ են դարձրել: Այսինքն՝ տարվա ընթացքում զորավարժությունների թիվը եւ դրանց մասնակից զինտեխնիկայի ու մարդկային ուժի թիվն է միտված դրան: Իհարկե, եթե համեմատելու լինենք կոնկրետ այս օրերին սկսված զորավարժությունները նախորդ տարվա նույն ժամանակահատվածում անցկացված զորավարժությունների հետ, ապա ակնհայտ է, որ ընդհանուր զինտեխնիկայի քանակության առումով զիջում է նախորդ տարվա նույն ժամանակահատվածում անցկացված զորավարժությանը: Այսինքն՝ այս պահին ընթացող զորավարժությունն իր մասշտաբներով աննախադեպ դժվար է համարել: Ամեն դեպքում՝ դա իր մեջ տարբեր մեսիջներ է պարունակում, հիմնականում՝ ուղղված մեզ, մեր հանրությանը, Հայաստանի եւ Արցախի իշխանություններին, ու դրանց պետք է մոտենալ առավել լրջորեն:

-Սրան զուգահեռ ի՞նչ քայլեր են ձեռնարկում ՀՀ ՊՆ-ն եւ Արցախի ՊԲ-ն:

-Որպես կանոն՝ այդ ժամանակահատվածում, երբ որ Ադրբեջանում նման մասշտաբի զորավարժություններ են ընթանում, իսկ դրանք հիմնականում ընթանում են սահմանի ոչ այդքան մեծ հեռավորության վրա, Պաշտպանության բանակն անհրաժեշտ միջոցառումներ է իրականացնում՝ կանխելու  հնարավոր սադրանքները, որոնք զորավարժությունների ժամանակ կարող են տեղի ունենալ: Այսինքն՝ այս ամբողջ ընթացքը՝ բոլոր առումներով, գտնվում է մեր ուշադրության կենտրոնում, եւ լիարժեքորեն իրավիճակը վերահսկվում է:

-Արդյո՞ք դա հղի է պատերազմի վտանգով, թե՞ այս պահին դրա նախադրյալները չկան:

-Կոնկրետ այս դեպքը նկատի չունեմ, բայց, առհասարակ, սցենարներից մեկը կարող է համարվել՝ հերթական զորավարժություններից հետո կտրուկ ռազմական գործողությունների մեկնարկը: Այսինքն՝ բոլոր առումներով, նաեւ այդ առումով, զորավարժությունները վտանգավոր են: Այդ իսկ պատճառով է, որ ցանկացած զորավարժություն սահմանագծի՝ թե՛ մերձակա, թե՛ որոշակի հեռավորության վրա, ամբողջությամբ դիտարկվում եւ վերահսկվում է, որպեսզի անհրաժեշտության դեպքում անհրաժեշտ միջոցառումներ իրականացվեն:

-Այս զորավարժություններին զուգահեռ սահմանին լարվածություն նկատվո՞ւմ է:

-Այստեղ երկու հարթության վրա պետք է ընդհանուր գնահատականներ հնչեցնել. առաջինն այն է, որ ցանկացած դեպքում զորավարժությունն ինքնին լարվածությունը մեծացնում է, քանի որ զորավարժությունն ինքնին տեղաշարժ է, ինքնին զորքերի կուտակում է: Այսինքն՝ դրանով արդեն իսկ լարվածություն է հաղորդում սահմանին: Երկրորդը, ինչպես արդեն նշեցի, զորավարժություններն ու հակառակորդի մեծաքանակ շարժերն ինքնին սցենարային առումով կարող են վտանգավոր լինել: Այսինքն՝ նաեւ այս հարթության մեջ պետք է սա դիտարկել:

-Հակառակորդի՝ դեպի մեր կողմ առաջխաղացման փորձ կամ առհասարակ շարժ կա՞:

-Ամառվա ընթացքում մի ընթացք եղել է, որ բավականին լարված էր, բայց վերջին մեկուկես ամսվա ընթացքում իրավիճակը հիմնականում հանգիստ է եղել: Հակառակորդի կտրուկ շարժեր եւ կուտակումներ առանձնապես չեն եղել Արցախի ուղղությամբ: Հրադադարի ռեժիմի խախտումները հիմնականում քիչ են եղել:

-Այս պահին՝ թե՛ զորքի մարտունակության եւ թե՛ զինտեխնիկայի առումով հայկական բանակն ի զորո՞ւ է համարժեք պատասխան տալ, եթե Ադրբեջանը որոշակի ագրեսիա դրսեւորի:

-Համոզված եմ:

-Այսինքն՝ հանկարծակիի գալու տարբերակներ այլեւս չկա՞ն:

-Ժամանակակից աշխարհում տեխնիկական միջոցներն անընդհատ զարգանում են, անընդհատ նոր հնարավորություններ են ստեղծում, այդ թվում՝ նաեւ ռազմական ոլորտում: Սակայն ընթացիկ գործընթացներին համահունչ՝ մենք անընդհատ փորձում ենք արդիականացնել այն համակարգերը, որոնք մեզ հնարավորություն են տալիս հակառակորդի շարժերը տարբեր հեռավորությունների վրա անընդհատ մեր դիտարկման տիրույթում պահել: Ամեն ինչ արվում է, որ անկանխատեսելիության ռիսկը նվազի:

Նշենք, որ երեկ ՀՀ ՊՆ-ն հայտարարություն է տարածել՝ նշելով, որ Պաշտպանության նախարարությունը սեպտեմբերի 24-ից հոկտեմբերի 5-ը կանցկացնի աննախադեպ ծավալի ու բնույթի ռազմավարական զորավարժություն։ Տեղի է ունենալու Զինված ուժերի լիարժեք ներգրավում եւ պահեստազորի զորահավաք: «Բացառիկ զորավարժություններ մարտական ներդաշնակմամբ, պաշտպանությունից՝ հարձակում եւ հակառակորդի ոչնչացում: Պաշտպանական եզակի միջոցառում, որին ներգրավված կլինեն ողջ երկիրն ու յուրաքանչյուրը»,- նշել է ՊՆ-ն:

Տպել
1102 դիտում

Վարչապետը մարտի 1-ին Հանրապետության հրապարակում հանրահավաքի և երթի է հրավիրում

Պահանջում ենք բանակը չներքաշել քաղաքական պրոցեսների մեջ, երկրի անվտանգությունը չստորադասել սեփական քաղաքական շահերին. ՊՆ

Վարչապետի աշխատակազմն անհիմն է համարում և չի ընդունում նախագահի աշխատակազմից ստացված առարկությունները. Արսեն Թորոսյան

Զինծառայողների հարազատները դեռ Արցախում են, բայց որոնողական աշխատանքները չեն վերսկսվում. ռուսական կողմը բանակցում է

ԳՇ պետին պաշտոնանկ անելու միջնորդությունը կրկին ուղարկում եմ Հանրապետության նախագահին. Նիկոլ Փաշինյան

Մնալով ազատության մեջ կարող են խոչընդոտել գործի քննությանը. ՔԿ-ն պարզաբանել է Շահումյան գյուղի 5 բնակչի կալանավորումը

Անհրաժեշտություն է առաջացել նորից ծավալել կորոնավիրուսային բժշկական կենտրոններ. Գևորգ Սիմոնյան

Բավրայի սահմանային անցակետում հետախուզվող է հայտնաբերվել

Գերագույն հոգևոր խորհուրդն ավարտեց աշխատանքները. Մայր Աթոռ

Ադրբեջանը դեռևս պատրաստ չէ քայլեր ձեռնարկելու Հարավային Կովկասում խաղաղության և կայունության համար. Աննա Նաղդալյան

ՀՀ նախագահը առարկություններով վերադարձրեց ԳՇ պետին պաշտոնից ազատելու հրամանագրի նախագիծը

Նախագահ Սարգսյանն ամբողջությամբ և խորապես գիտակցում է իրեն բաժին հասած պատասխանատվությունը սերունդների առաջ. Բաբաջանյան

Հայ-ադրբեջանական շփման գծում սահմանային իրադրությունը կայուն է

Խորությամբ զգում եմ ձեր ցավը և պատրաստ եմ աջակցել ձեզ. ՀՀ նախագահը հանդիպել է անհետ կորածների ընտանիքների անդամների հետ

ՃՈ երկու տեսուչի մեղադրանք է առաջադրվել․ Ներքին անվտանգության վարչության բացահայտումը (տեսանյութ)

Ադրբեջանական կողմը մանիպուլյացիայի է ենթարկում հայ գերիների ցուցակը. Արա Այվազյան

Ընդդիմությունը հանրահավաք է անցկացնում Բաղրամյան պողոտայում

Օդի ջերմաստիճանը փետրվարի 27-ից 28-ը կբարձրանա 3-ից 4 աստիճանով և նույնքան կնվազի մարտի 1-ին ու 2-ին

ՀՀ նախագահը Օնիկ Գասպարյանին ազատելու վերաբերյալ որևէ որոշում չի կայացրել, դեռ ժամանակ ունի

Հայաստանի և Ռուսաստանի պաշտպանության նախարարները հեռախոսազրույցում քննարկել են տարածաշրջանային իրավիճակը. «Արմենպրես»

Նախագահ Արմեն Սարգսյանը հանդիպել է ԱԺ խմբակցություններում չընդգրկված մի խումբ պատգամավորների հետ (տեսանյութ)

Ադրբեջանը չի կարող որևէ դեր ունենալ Արցախ օտարերկրացիների մուտքի ընթացակարգերում, դա մեր բացառիկ իրավունքն է. Բեգլարյան

Նարեկ Մալյանին մեղադրանք է առաջադրվել

ՀՀ արտգործնախարարն անդրադարձել է Ադրբեջանի գործընկերոջ հետ հնարավոր հանդիպմանը. «Արմենպրես»

Վանաձորում վրաերթի է ենթարկվել 7-ամյա տղա. անցած մեկ օրում ՀՀ -ում 7 ՃՏՊ է արձանագրվել

Վանաձորում եղբայրներ են դանակահարվել. ձերբակալվել է 26-ամյա երիտասարդ

2020 թվականին քրեական ենթամշակույթին առնչվող 16 դեպք է արձանագրվել

Արարատ Միրզոյանը հարգանքի տուրք է մատուցել Սումգայիթի ջարդերի զոհերի հիշատակին

ՊԵԿ նախագահը քննարկել է կոմիտեի տեղեկատվական տեխնոլոգիաների ոլորտի նախագծերը

Ներկայացվել է «Հայոց լեռների գաղտնիքներից» անիմացիոն տեսանյութը՝ սուրդո թարգմանությամբ

Լրամշակվում է Երիտասարդական պետական քաղաքականության 2021-2025 թթ. ռազմավարության նախագիծը

Վիճաբանություն և դանակահարություն Ազատության հրապարակում. կա ձերբակալված

Վարդենյաց լեռնանցքը դժվարանցանելի է կցորդիչով տրանսպորտային միջոցների համար

Կոչ ենք անում միջազգային հանրությանը դատապարտել սումգայիթյան ցեղասպանությունը և Ադրբեջանի հայատյաց քաղաքականությունը

Հրապարակվել է կեղծված ձևաթուղթ. Դիլիջանի համայնքապետ Դավիթ Սարգսյանն անդրադարձել է իր անձի հետ կապված հրապարակումներին

Ադրբեջանում պահվող հայկական կողմի բոլոր զինծառայողները և քաղաքացիական անձինք կարգավիճակով գերիներ են. ՄԻՊ

Վարչապետը հարգանքի տուրք է մատուցել Սումգայիթի ոճրագործության զոհերի հիշատակին (լուսանկարներ)

Սումգայիթյան ջարդերը պատասխանն էին Արցախի ժողովրդի՝ իր պատմական հայրենիքում կյանքի անօտարելի իրավունքի բարձրաձայնման

ՀՀ նախագահն ու Արման Թաթոյանը քննարկել են գերիների վերադարձի, սահմանամերձ համայնքների բնակիչների հետ կապված հարցերը

Սննդից ու կացարանի ապահովումից բացի առաջնային է տեղահանված արցախցիների կրթության իրավունքի իրացումը. Կարինե Գյադուկյան