Եթե զգամ, որ խորհրդականի կարիք կա՝ որոշում կկայացնեմ՝ դեռ չեմ կողմնորոշվում. ՀՌՀ խորհրդի նախագահ

Հանրային հեռուստառադիոընկերության խորհրդի նախագահ Արա Շիրինյանը դեռ չի գտել խորհրդականի հարմար թեկնածու: Այս մասին «Հայկական ժամանակ»-ի հետ զրույցում հայտնեց ինքը՝ Շիրինյանը:

Հանրային հեռուստառադիոընկերության խորհրդի նախագահի խորհրդականի պաշտոնը զբաղեցնում էր ռեժիսոր Տիգրան Պասկեւիչյանը: Վերջինս այդ պաշտոնից ազատվել էր հունիսի 16-ին՝ սեփական դիմումի համաձայն: Գրեթե երկու ամիս է, ինչ Հանրային հեռուստառադիոընկերության խորհրդի նախագահն աշխատում է առանց խորհրդականի, վերջինիցս հետաքրքրվեցինք, թե արդյո՞ք դա որեւէ կերպ անդրադարձել է ՀՌՀ-ում իրականացվող աշխատանքներին:

Հանրային հեռուստառադիոընկերության խորհրդի նախագահը նկատեց, որ շատ հավանական է, որ խորհրդական այդպես էլ չունենա, քանի որ վստահ չէ, թե դրա կարիքը ունի: «Այս պահին դեռ չեմ կողմնորոշվում, այս ընթացքում այդ պատասխանն եմ փորձում ստանալ, եթե զգամ, որ կարիքը կա՝ որոշում կկայացնեմ»,-ասաց նա:

Արա Շիրինյանը հայտնեց, որ արդեն հասցրել է հարմարվել ՀՌՀ խորհրդի նախագահի իր աշխատանքին եւ ամեն ինչ բնականով հունով է ընթանում:

Ավելի վաղ ֆեյսբուքյան էջի միջոցով իր ազատման լուրը հայտարարելով Տիգրան Պասկեւիչյանը նշել էր, որ իր բոլոր խորհուրդներն ու առաջարկները՝ հանրային հեռուստաընկերությունը դուրս բերել քոչարյան-սարգսյանական ճահճից, մի կողմից հանդիպեցին սառը անտարբերության, մյուս կողմից՝ կոշտ դիմադրության։ «Ցանկացած համակարգ արմատականորեն վերափոխելը ծավալուն եւ դժվարին աշխատանք է ենթադրում, ինչին տրամադրված չէ ո՛չ նոր նախագահը, ո՛չ հին տնօրենը»,-գրել էր Տիգրան Պասկեւիչյանը:

Պասկեւիչյանի գրառմանն արձագանքել էր Արա Շիրինյանը եւ պատասխան հայտարարությամբ հանդես եկել: ՀՌՀ խորհրդի նախագահը նշել էր, որ իր եւ Պասկեւիչյանի անհամաձայնությունն իրականում եղել է միայն մեկ հարցի շուրջ, ավելի ստույգ՝ մի անձի: Սակայն իր համար ընդունելի չէ տասնամյակների ինստիտուցիոնալ մեղքը մի մարդու վրա բարդելը: Հանրայինն ինքն էլ եղել է քոչարյանական-սարգսյանական ռեժիմի զոհը, եւ պարզունակ վրեժխնդրությամբ փոփոխություններ չեն իրականացվում:

Ըստ Շիրինյանի՝ բազմաթիվ հրաշալի նախագծեր եւ հայեցակարգեր մնացին թղթի վրա եւ Հանրայինի՝ այնքան մոտ թվացող բաղձալի փոխակերպումը 75 օրում (Պասկեւիչյանի պաշտոնավարման ժամկետը) այդպես էլ տեղի չունեցավ:

Տպել
1215 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին