Կառավարությունը վերցնում է խմելու ջրի խնդիրը հիմնավոր լուծելու հարցը, համայնքը պետք է վերցներ ժամանակավոր լուծման հարցը

ՀՀ Տավուշի մարզի Այրում խոշորացված համայնքի Արճիս բնակավայրը, որն ունի մոտ 1300 բնակիչ, արդեն երկու ամիս է՝ խմելու ջրի լրջագույն խնդիր ունի։ Այսօր գյուղացիները փակել էին Ալավերդի-Բագրատաշեն մայրուղու Արճիս գյուղի հատվածը՝ իրենց ձայնը լսելի դարձնելու համար։ Երկու ամիս առաջ բնակիչները նույն խնդրով փակել էին Բագրատաշեն-Վանաձոր միջպետական ճանապարհը: 

Այսօր գյուղացիները մոտ հինգ ժամ փակ պահեցին ճանապարհը՝ այդ ընթացքում ձեւակերպելով երկու հիմնական պահանջ․ 1. Կառավարության առաջիկա նիստին հաստատել գյուղի ջրամատակարարման ծրագիրը, 2. հնարավորության դեպքում մինչեւ ծրագրի իրականացումը ապահովել ժամանակավոր լուծում՝ կենսական նշանակություն ունեցող խնդիրը հաղթահարելու համար։

Արճիս գյուղի բնակիչ Գարիկ Միսկարյանը «Հայկական ժամանակ»-ի հետ զրույցում հայտնեց, որ վերջին երկու ամսվա ընթացքում տեղի բնակիչները մի կերպ այստեղից-այնտեղից են խմելու ջուր հայթհայթել։ Նրա խոսքով՝ առանցքային խնդիրն այն է, որ Ստեփանավանից դեպի Նոյեմբերյան մեծ ջրախողովակ է գնում, որն անցնում է հենց Արճիս բանակավայրի միջով, եւ խնդրին ժամանակավոր լուծում տալու համար պետք է այդ խողովակի վրա պոմպ դրվի՝ Արճիսի բնակիչներին խմելու ջուր հասցնելու համար։

Այրում խոշորացված համայնքի ղեկավար Արայիկ Պարանյանը մեր զրույցում ասաց, որ թեպետ կառավարությանը այս հարցով բազմիցս դիմել են, սակայն որեւէ արձագանք մինչ օրս չեն ստացել։ Ինքը չգիտի՝ պատասխան ինչու չի եկել, բայց գիտի, որ մարզպետարանում տեղյակ են խնդրից։ Պարանյանն ասաց, որ մարզպետարանից հայտնել են՝ պետք է մեծ ծրագիր նախագծվի՝ խնդիրը հիմնովին վերացնելու համար, պետք է դիտահորեր ու ջրաչափներ տեղադրվեն, բայց մինչ խնդիրը ժամականավորապես լուծելու համար այլ քայլեր են անհրաժեշտ։ Մեր զրուցակիցը եւս հիշատակեց Ստեփանավանից Նոյեմբերյան գնացող ջրախողովակին Արճիսի համար պոմպ ավելացնելու տարբերակը։

Տավուշի մարզպետ Հայկ Չոբանյանը, սակայն, մեր զրույցում ասաց, որ իրենք ի սկզբանե ձեւակերպել են այս հարցն ու նախնական հաշվարկ արել՝ խնդիրը հիմնովին լուծելու համար մոտ 100 մլն դրամ է անհրաժեշտ․

«Մենք խնդիրը ձեւակերպել ենք հենց առաջին պահից, նախնական հաշվարկ ենք արել, կառավարությունը որոշել է հիմնավոր լուծել խնդիրը, խոսքը 100 մլն դրամի մասին է։ Ծրագիրը նախագծային փուլում է, կառավարությունը գումար է հատկացնելու նախագծի համար, եւ հիմնավոր լուծվելու է խնդիրը»,- «Հայկական ժամանակ»-ի հետ զրույցում ասաց մարզպետը՝ ընդգծելով, որ այս համայնքում երբեւէ խմելու ջրի խնդիրը հիմնովին լուծված չի եղել, բայց հիմա արդեն լրջագույն քայլեր են ձեռնարկվում։ Չոբանյանը, սակայն, չկարողացավ հստակ ժամանակահատված նշել, թե նախագիծը երբ պատրաստ կլինի, խնդիրը երբ լուծված կլինի, քանի որ հարցը վերաբերում է շինարարական ծավալուն աշխատանքներին։

Մարզպետի կարծիքով՝ հարցի ժամանակավոր լուծումը համայնքապետարանի հնարավորությունների տիրույթում է․

«Ես կարծում եմ, որ համայնքապետարանն այս ընթացքում պետք է ժամանակավոր լուծում տար հարցին, որովհետեւ, ակնհայտորեն, 100 մլն-անոց ծրագիրը օրերի խնդիր չէ, դա մեծ շինարարական աշխատանք է ենթադրում, այսինքն՝ կառավարությունն իր վրա է վերցնում խմելու ջրի խնդիրը հիմնավոր լուծելու հարցը, համայնքը պետք է իր վրա վերցներ ժամանակավոր լուծման հարցը»,- ասաց Չոբանյանը՝ հավելելով, որ այն գումարը, որն անհրաժեշտ է ժամանակավոր լուծման համար, համայնքը լիարժեք ի վիճակի է տրամադրել․

«Երբ ժամանակին գնում, ընտրությունների ժամանակ ձայներ էին խնդրում, թվեր էին ստանում, պիտի մտածեցին նաեւ այս խնդիրների մասին, ոչ թե ցույց տային, թե աշխատում են։ Ժամանակավոր լուծումը լիարժեք Այրում խոշորացված համայնքի ուժերի շրջանակում է»,- ասաց Չոբանյանը, որը մեր զրույցի պահին ուղեւորվում էր բողոքի ակցիա անող գյուղացիների մոտ։

Այրում համայնքի ղեկավար Արայիկ Պարանյանը մեր զրույցում հայտնեց, որ համայնքի տարեկան բյուջեն կազմում է 280 մլն դրամ, սակայն իրենք չէին կարող խնդիրը նույնիսկ ժամանակավոր լուծել, քանի որ Ստեփանավանից Նոյեմբերյան գնացող ջրախողովակին պոմպ տեղադրելու խնդիր կար, որը, ըստ համայնքապետի, պետք է համաձայնեցվեր նաեւ «Վեոլիա ջուր» ընկերության հետ։

Ի վերջո, միջպետական ճանապարհը փակած Արճիս գյուղացիներին այցելեց Տավուշի մարզպետ Հայկ Չոբանյանը, որը բնակիչներին տեղեկացրեց, որ գյուղի ջրամատակարարման խնդիրը կառավարության ուշադրոթյան կենտրոնում է, իսկ նրանց երկրորդ պահանջը՝ ապահովել ժամանակավոր լուծում, նույնպես բավարարվեց․ մարզպետը բնակիչներին հայտնեց, որ «Վեոլիա ջրի» հետ արդեն կա պայմանավորվածություն՝ մինչեւ հիմնական նախագծի հաստատումը գյուղը կապահովվի խմելու ջրի մինիմալ քանակով, եւ այդ աշխատանքները կսկսեն հենց նույն օրվանից։ Տեղի բնակիչները բացեցին ճանապարհը։

Ի դեպ՝ խնդիրը նաեւ Մարդու իրավունքների պաշտպանի ուշադրության կենտրոնում է։ Պաշտպանի աշխատակազմը հարցը քննարկել է մարզպետարանի, Այրում խոշորացված համայնքի ղեկավարի, ինչպես նաեւ գյուղի վարչական շրջանի ներկայացուցչի հետ։ Պաշտպանի աշխատակազմին տրվել է պարզաբանում, որ ձեռնարկվում են քայլեր խնդրի ժամանակավոր եւ երկարատեւ լուծման համար։ Մասնավորապես, քննարկվում է գյուղի մոտակայքով անցնող այլ համայնք սպասարկող ջրագծից գյուղին ջրով ապահովելու հարցը, ինչպես նաեւ որպես հիմնարար լուծում՝ նոր պոմպակայան եւ ներքին ջրամատակարարման ցանց կառուցելու հնարավորությունը։ Մարդու իրավունքների պաշտպանն իր իրավասության շրջանակում կձեռնարկի անհրաժեշտ քայլեր, այդ թվում՝ գրավոր պարզաբանումների պահանջով։

Խնդրին արձագանքել է նաեւ ԱԺ «Իմ քայլը» խմբակցության պատգամավոր Վարազդատ Կարապետյանը, որը ֆեյսբուքյան իր էջում տեղադրել էր արճիցի երեխաների՝ դատարկ ջրամաններով լուսանկարը՝ կից գրառմամբ․ «Արճիսի հսկաները ճանապարհը փակել են ու բոլորիցս խմելու ջուր են ուզում։ Ինչքան մեծ է պատասխանատվությունն այս երեխեքի հանդեպ։ Գյուղի մաքուր, կարմրաթուշ աղբյուրներ։ Մենք մի բան ունենք անելու։ Գնանք խոնարհվենք դեմները՝ որպես հնազանդ ծառա ու հենց այսօր սկսենք լուծել խնդիրը։ Դուք եք տերը մեր երկրի»,- գրել է պատգամավորը։

Տպել
2076 դիտում

Էջմիածնում 67-ամյա տղամարդուն դանակահարելու համար 27-ամյա երիտասարդ է բերման ենթարկվել

Կոտայքի և Գեղարքունիքի մարզերի մի շարք բնակավայրերի գազամատակարարումը կդադարեցվի

Պուտինը հայտնել է, որ Միշուստինն ու Վոլոդինը առաջիկայում կմեկնեն Բաքու

Սերժ Սարգսյանն «անիծեց» Իշխան Սաղաթելյանին և ճանապարհեց. Ալեն Սիմոնյան

Ռուբեն Ռուբինյանը վերահաստատում է՝ հայկական կողմի օրակարգում «Զանգեզուրի միջանցք» հասկացություն գոյություն չունի

Հունահռոմեական ոճի հայ ըմբիշները 4 մեդալ են նվաճել Մ20 տարեկանների Եվրոպայի առաջնությունում

1,5 տարի ունենք՝ Բերձորի և Աղավնոյի բնակիչների և ճանապարհի խնդիրը լուծելու համար. Արմեն Գրիգորյան

Նրանց երազանքը փոխադարձ է. Աննա Հակոբյանը շնորհակալություն է հայտնել Նիցցայի հայազգի գործիչներին

Կենցաղում օգտագործվող մետաղական գազի բալոնները վտանգավոր են. ԱԻՊԾ-ը զգուշացնում է

Կենսաթոշակները և նվազագույն աշխատավարձը 2023թ-ի հունվարից կբարձրանան. Նիկոլ Փաշինյան

Կառավարությունը 1 միլիարդ 385 միլիոն դրամ հատկացրեց մի շարք մարզպետարանների

Փոխնախարար Ժաննա Անդրեասյանը հյուրընկալել է ՀԲ ծրագրերի ղեկավար Ելենա Տիմուշևային

Էրեբունի վարչական շրջանը նոր ղեկավար ունի

Կասպյան գագաթնաժողովի շրջանակում հանդիպել են Պուտինն ու Ալիևը

Հարկաբյուջետային քաղաքականությունը կուղղվի 7 տոկոս տնտեսական աճի ապահովմանը. Կառավարությունն ընդունեց նախագիծը

Շնորհակալ եմ հավատի ու վստահության համար. Սեդա Սաֆարյանն առաջադրվեց Սահմանադրական դատարանի դատավորի թեկնածու

ՀՀ նախագահը ցավակցական հեռագիր է հղել ամերիկահայ բարերար Ֆլորա Գալուստյանի մահվան կապակցությամբ

Քաղաքացիներից ստացած բողոքների և նամակների հիման վրա ՊՎԾ-ում հարուցվել է 5 քրեական գործ

ԱԳ նախարարի տեղակալը կարևորել է ԵԱՀԿ ներգրավվածությունը Արցախում հումանիտար հարցերին և ռազմագերիների ազատ արձակմանը

Բասկետբոլի Հայաստանի հավաքականը հաղթեց Ջիբրալթարին

Կառավարությունը հետևողական է տարածքային համաչափ զարգացմանը․ փոխվարչապետ Մաթևոսյանն այցելել է Արագածոտնի մարզ

Շիրակի մարզում հրդեհ է բռնկվել երկաթուղու գնացքի վագոններից մեկում

ՀՀ կառավարության՝ Սահմանադրական դատարանի դատավորի թեկնածուն Սեդա Սաֆարյանն է

ՀՀ-ում ստացած վարորդական իրավունքի վկայականները հնարավոր է ընդունվեն ՌԴ-ում. Պետդուման նախագիծ է մշակել

Լարսի ճանապարհը բաց է բոլոր տեսակի մեքենաների համար

Մի քանի ժամով լույս չի լինելու Երևանի և 4 մարզերի բազմաթիվ հասցեներում

2 օրում փրկարարներն արգելափակումից դուրս են բերել 4 ավտոմեքենա

Պոկված տանիքներ, վնասված այգիներ. ուժեղ քամու և առատ անձրևի պատճառով Արցախի Ասկերանի շրջանը մեծ վնասներ է կրել

Կանխվել է ՌԴ քաղաքացու ինքնասպանության փորձը Երևանի Մաշտոցի պողոտայի շենքերից մեկից

Ուսուցչի մասնագիտական չափանիշների համար սահմանվել է չորս ոլորտ. Ժաննա Անդրեասյան

Ըմբիշ Սուրեն Աղաջանյանը նվաճել է Եվրոպայի առաջնության ոսկե մեդալը

Ողբերգական դեպք Երևանում. բանկերից մեկի հարևանությամբ գտնվող տնակում տղամարդու դի է հայտնաբերվել

«Օգտվել հնարավոր չէ». Երևանում հասարակական զուգարանները սակավաթիվ են և անմաքուր, ի՞նչ է առաջարկում քաղաքապետարանը

Ամասիայում բնակարաններից մեկի ավտոտնակից առանձնապես խոշոր չափի թմրանյութ է հայտնաբերվել

Գարգառ բնակավայրով անցնող ճանապարհահատվածում գտնվող կամրջի հիմնանորոգման աշխատանքներն ընթացքի մեջ են

Օտարերկրացի զբոսաշրջիկների հրապարակած տեսանյութի հիմքով մսամթերքի արտադրամասի գործունեություն է կասեցվել (տեսանյութ)

Կներդրվի հայտարարագրման նոր էլեկտրոնային համակարգ

Հայաստանի և Բենինի միջև միջազգային տարբեր հարթակներում ձևավորված փոխգործակցության դրական փորձը բարձր է գնահատվում

ՄԱԿ ՓԳՀ-ն առաջարկել է Սյունիքի մարզպետարանին ստանձնել իրենց կողմից մարզում իրականացվող գործողությունների համակարգումը

Մոտոցիկլիստները և դրիֆտի սիրահարները՝ անդորրը խաթարողներ. բնակիչները ահազանգում են, ոստիկանությունը պնդում՝ տուգանում են