ՀՀ-ից արտագաղթը շարունակում է կրճատվել. դրական դինամիկան պահպանվում է. Միգրացիոն ծառայության ղեկավար

Անցյալ տարվանից Հայաստանի միգրացիայի ոլորտում պահպանվում է դրական դինամիկա: 2019 թ-ի առաջին կիսամյակի տվյալներով՝ Հայաստանից արտագաղթի ցուցանիշը կրկին նվազել է: Այսպես, այս տարվա առաջին վեց ամիսների տվյալներով՝ երկրից ելքի ցուցանիշը մոտ 2334-ով գերազանցում է մուտքերը: Այս ցուցանիշը շուրջ 4 հազարով զիջում է անցյալ տարվա նույն ժամանակահատվածի ելքերի թվին, իսկ 2017 թ-ի առաջին կիսամյակում այդ ցուցանիշը կազմել էր -37 625 մարդ: Այս մասին մեզ հետ զրույցում հայտնեց ՀՀ Տարածքային կառավարման ու ենթակառուցվածքների միգրացիոն ծառայության ղեկավար Արմեն Ղազարյանը:

Հայաստանի միգրացիոն սալդոն հաշվելիս Վիճակագրական կոմիտեն հիմնվում է սահմանային հատումների էլեկտրոնային հաշվարկման համակարգի տվյալների վրա:

Պատկերը հայտնի է դառնում տարեվերջին

Թեեւ ՀՀ վիճակագրական կոմիտեն կիսամյակային տվյալները հրապարակելու է երկու օրից՝ հուլիսի 25-ին (կիսամյակային նախնական օպերատիվ տվյալները, իսկ հաջորդ ամսի 5-ին՝ արդեն դրանց բացվածքը), Արմեն Ղազարյանը տրամադրեց տեղեկատվություն նաեւ ՀՀ քաղաքացիների՝ երկրից ելքերի ու մուտքերի վերաբերյալ: Այստեղ եւս պահպանվում է դրական դինամիկա: «Այս տարվա վեց ամիսների տվյալները ցույց են տալիս, որ ՀՀ քաղաքացիների ելքերը երկրից 44 409-ով գերազանցում են մուտքերին: Այն դեպքում, երբ անցյալ տարվա նույն ժամանակահատվածում այդ ցուցանիշն ավելի բարցր էր՝ 50 784, իսկ 2017 թ-ի առաջին կիսամյակում՝ 75 625»,- ասաց միգրացիոն ծառայության ղեկավարը՝ նշելով, որ կիսամյակային տվյալների վրա պետք չէ շատ ուշադրություն սեւեռել, քանի որ միգրացիայի ընդհանուր պատկերը հայտնի է դառնում տարեվերջին:

«Սրանք սեզոնայնությամբ պայմանավորված տվյալներ են, որոնցից հեռուն գնացող հետեւություններ չի կարելի անել: Սակայն մեկ բան կարելի է ասել, որ արդեն երկրորդ տարին անընդմեջ պահպանվում է դրական դինամիկա այս ոլորտում, ինչը կարեւոր է: Իհարկե, խզվածքը դրական առումով այնպիսին չէ, ինչպիսին անցյալ ու նախանցյալ տարիների վեց ամիսների տվյալների միջեւ, սակայն դրական դինամիկան ակնհայտ է: Մասնագետների կարծիքով, կարեւորը դրական դինամիկայի պահպանումն է, որն այլ գործիքների հետ համադրմամբ էականորեն հեշտացնում է երկրում դեմոգրաֆիական իրավիճակի մեղմումը», - ասաց Արմեն Ղազարյանը:

Միեւնույն ժամանակ հետաքրքրական է այն, որ ռուսաստանյան որոշ աղբյուրներ հայտնում են Հայաստանից դեպի Ռուսաստան ներգաղթյալների աճի մասին, որը հակասում է ՀՀ պաշտոնական տվյալներին: Այն է՝ 2019 թ-ի հունվար-ապրիլին ՀՀ-ից ՌԴ ներգաղթյալների թվի աճ է գրանցվել, ասվում է «Ռուսաստանում տնտեսական իրավիճակի մշտադիտարկում» զեկույցում: Թեպետ ՀՀ Վիճակագրական կոմիտեի տվյալներով այս տարվա առաջին վեց ամսում ՀՀ քաղաքացիների արտագաղթն անցյալ տարվա առաջին կիսամյակի համեմատ նվազել է:

Համաձայն զեկույցի տվայլների, 2019 թվականի հունվարի 1-ի դրությամբ Ռուսաստանի տարածքում Հայաստանի քաղաքացիների թիվն ավելացել է 12 հազարով։ 2018-ի նույն ժամանակահատվածում այդ թիվը կազմել է 4,9 հազար: Ռուսաստանի հիմնական միգրացիոն դոնորներն են Ղազախստանը, Ուկրաինան, Տաջիկստանը եւ Հայաստանը։ Միեւնույն ժամանակ, միգրացիոն աճը Բելառուսից եւ Մոլդովայից Ռուսաստան կտրուկ նվազել է։

Այս տվյալների հետ, որը հրապարակված է «Ռուսաստանում տնտեսական իրավիճակի մշտադիտարկում» զեկույցում, համամիտ չեն Հայաստանի միգրացիոն ծառայությունում: «Ամբողջ խնդիրն այն է, թե ինչ մեթոդաբանությամբ են կատարվում չափումները եւ դրանց վերլուծությունը: Համաձայն Ռուսաստանի ՆԳՆ-ի տվյալների՝ 2017 թ-ի առաջին կեսին ՌԴ-ում հաշվառված ՀՀ քաղաքացիների թիվը կազմել է 316 հազար: 2018-ի նույն ժամանակահատվածում այն հասել է 326,5 հազարի, իսկ ահա այս տարվա վեց ամիսների տվյալներով՝ այդ թիվը կրճատվել է՝ հասնելով 303 հազարի», - նշում են միգրացիոն ծառայությունում՝ տարակուսելով, թե այս տվյալների ֆոնին վերնոշյալ զեկույցի եզրակացություններն անհասկանլի են:

ՀՀ միգրացիոն ծառայությունում նշում են, որ վերջին երեք տարում Ռուսաստանում օրինական աշխատող ՀՀ քաղաքացիների թիվը եւս նվազել է՝ 2017 թ-ի առաջին կիսամյակի 115,8 հազարից 2019 թ-ի նույն ժամանակահատվածում հասնելով 106 հազարի:

Արտագաղթելն «իդեա ֆիքս» էր

Հայաստանի միգրացիոն ցուցանիշներում արդեն երկրորդ տարին անընդմեջ ֆիքսվող դրական տեղաշարժերը նաեւ հանրության շրջանում որոշակի սպասելիքների ձեւանվորման եւ ՀՀ-ից արտագաղթելու տրամադրությունների անկման ցուցիչ է: Դեռեւս մի քանի տարի առաջ, համաձայն տարբեր սոցիոլագիական հետազոտությունների, Հայաստանի բնակչության շուրջ 40 տոկոսի մոտ գերակայում էր (հնարավորության դեպքում) արտագաղթելու ցանկությունը: Այս միտումը հատկապես նկատելի էր երիտասարդության շրջանում:

Նման ցանկություն ունեցող երիտասարդների շարքում էր նաեւ ՀՀ քաղաքացի, Երեւանի բնակիչ Կարեն Թովմասյանը: Վերջին մի քանի տարիներին Հայաստանից արտագաղթելն իր համար «իդեա ֆիքս» էր դարձել, սևեռվել էր այդ մտքի վրա ու տարբերակներ էր որոնում: Այդ ժամանակ ընդդիմադիր հայացների տեր Կարեն Թովմասյանը, որը «Հայ ազգային կոնգրես» կուսակցության անդամ է, ցանկանում էր արտագաղթել ոչ թե տնտեսական, այլ քաղաքական պատճառներով: Հայաստանից արտագաղթը հիմնականում սոցիալ-տնտեսական պատճառներով է պայմանավորված (հիմնականում՝ Ռուսաստան), սակայն քիչ չէին նաեւ քաղաքական պատճառներով հեռացածները՝ հատկապես տարբեր եվրոպական երկրներ:

Համաձայն Եվրոստատի տվյալների, որ 2019-ի առաջին կիսամյակում ԵՄ երկրներում առաջին անգամ ապաստան հայցած ՀՀ քաղաքացիների թիվը 2018-ի համեմատ նվազել է 27, իսկ 2017-ի համեմատ՝ 44 տոկոսով։ 2018 թվականին Հայաստան ժամանածների թիվը 15313-ով գերազանցել է մեկնածների թվին, ինչն առաջին անգամ է արձանագրվել վերջին 12 տարիների ընթացքում: Եվրոստատի տվյալներով՝ 2018 թվականին ԵՄ երկրներից ապաստան հայցած ՀՀ քաղաքացիների թիվն ավելի քան 3 անգամ նվազել է: Նախորդ տարի ԵՄ երկրներից ապաստան է հայցել ՀՀ 2190 քաղաքացի, մինչդեռ 2017 թվականին այդ թիվը կազմել է 6805, այսինքն՝ մեկ տարվա ընթացքում ավելի քան 3 անգամ նվազել է այդ թիվը:

Կարեն Թովմասյանն ԱՄՆ դեսպանատան ֆինանսավորմամբ հասցրել էր երկրորդ մագիստրոսական կրթությունը ստանալ տարածաշրջանի լավագույն լրագրողական դպրոցներից մեկում, Գերմանական արտգործնախարարության ֆինանսական աջակցությամբ երկամսյա պրակտիկա էր անցել Բեռլինում, ԵՄ ֆինանսավորմամբ կես տարի վերապատրաստվել էր Ստամբուլում Հրանտ Դինքի հիմնադրամի կրթաթոշակառույի կարգավիճակում, և, կարելի է ասել, իրեն պատրաստ էր զգում դրսում ապրելու ու աշխատելու համար:

«Արտագաղթի ինձ մղում էր ոչ թե սոցիալական վիճակը, որը միշտ էլ բավական լավ է եղել Հայաստանյան կյանքի պայմաններում, այլ նախևառաջ քաղաքական իրավիճակը, կեղծվող ընտրությունները, քաղաքական բեսպրեդելը, հեռանկարների բացակայությունը, անպաշտպանությունը և իշխանական ցինիզմը: Պարզապես զզվել էի այդ ամեն ինչից ու ուզում էի գնալ երկրից, ուր պատահեր, ինչ պայմաններով էլ պատահեր ուղղակի գնայի», - մեր զրույցում պատմում է Կարենը, որը մտափոխվել է երկրում տեղի ունեցած քաղաքական փոփոխություններից հետո:

Ինչո՞ւ մտափոխվեց

«Երբ սկսվեց Թավշյա հեղափոխությունը առաջին երկու օրերին թերահավատ էի, ավելին ծայրահեղ բացսաբար էի տրամադրված ընդդիմության լիդերի՝ Նիկոլ Փաշինյանի նկատմամբ, որի հետ ժամանակին շատ լավ հարաբերություններ էի ունեցել լինելով Իմպիչմենթ կամ Այլընտրանք քաղաքական ուժի համակիր, հետագայում նաև Նախագահ Լևոն Տեր-Պետրոսյանի երիտասարդական շտաբի անդամ և ՀԻՄԱ երիտասարդական նախաձեռնության համահիմնադիր, որին 2012-ին միացել էր նաև ինքը՝ Նիկոլ Փաշինյանը», - պատմում է նա:

«…Սերժ Սարգսյանի հրաժարականից ու հեղափոխությունից մի քանի օր անց, հասկացա նաև, որ Հայաստանից արտագաղթելու միտքն էլ է չքացել, որովհետև բացվում էին նոր հնարավորություններ ու նոր հեռանկարներ», - նշում է նա:

Բացի այն, որ հեղափոխությունից մի քանի ամիս անց ավելի լավ ու ավելի բարձր վարձատրվող աշխատանքի հրավեր է ստացել ոչ պետական՝ հասարակական ոլորտում, Կարենի կյանքում գրեթե ոչինչ չի փոխվել: «Մնացել եմ իմ քաղաքական հայացքներին ու սկզբունքներին հավատարիմ, քաղաքական թիմս այլ ակնկալիքներից դրդված չեմ փոխել, անհատապես ոչինչ կարելի է ասել չեմ շահել հեղափոխության արդյունքում, երբևէ չեմ փորձել գործի դնել իշխանության թե գործադիր և թե օրենսդիր մարմիններում ունեցածս կապերը  ու պայքարիս ընկերներին օգտագործել և ինձ համար շահեկան առաջարկներ ստանալ, բայց մենակ այն, որ հաղթանակ ենք տարել, ինձ էլ եմ ինչ որ չափով պատասխանատում համարում երկրի ապագայի համար:

Նոր հեռանկարներ ու հնարավորություններ են բացվել, որից պետք է փորձել օգտվել, կառուցել ավելի ազատ մրցակցային դաշտ, ժողովրդավարական հասարակություն և մարդու իրավունքներիը ավելի լավ պաշտպանող և հարգող երկիր: Հենց այդ պատասխանատվության զգացումն է, որ ինձ պահում է Հայաստանում», - եզրափակում է նա:

Տպել
6437 դիտում

Քննարկվել են Կապսի ջրամբարի մրցութային գործընթացն ու Ջրաձոր գյուղի վերաբնակեցման հարցը

Ավարտվել է հայկական կողմին փոխանցված 13 զինծառայողների դիերի նույնականացման գործընթացը․ անհայտ է 3-ի գտնվելու վայրը

Արտակարգ ու ողբերգական դեպք Երևանում. շան կողմից հարձակման ենթարկված և հոսպիտալացված կինը մահացել է

Երևանը «հիվանդ» է՝ «ինֆարկտի» մեջ, լուրջ «խիրուրգիական» միջամտությունների կարիք ունի. ճարտարապետ Հովհաննես Մութաֆյան

Ադրբեջանը շարունակում է ապօրինի պահել և բանտարկել հայ ռազմագերիներին և գերեվարված խաղաղ բնակիչներին. ԱՀՀ

ՀՀ-ում շատ ընտանիքներ կան, որոնք աջակցության կարիք ունեն, և Չինաստանի դեսպանությունը կփորձի օգնել նրանց․ Ֆան Յոնգ

Աղվանի գյուղից Սատանի կամուրջն ընկած ճանապարհահատվածը երկկողմանի փակ է բոլոր տեսակի տրանսպորտային միջոցների համար

Աղվանի-Տաթև միջպետական ավտոճանապարհի երթևեկությունը կկազմակերպվի որոշակի սահմանափակումներով

Դատարանը Շիրակի մարզպետարանին պարտավորեցրել է նախկին պաշտոնում վերականգնել ազատած աշխատակցին. վճիռը կբողոքարկվի

Կարեն Փթուկյանը նշանակվել է ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնի պետ

Կալանավորի համար ՔԿՀ տարված վերարկուի գրպանից հայտնաբերվել են թմրամիջոցին նմանվող զանգվածներ

ՀՀ վարչապետին ներկայացվել է Էկոնոմիկայի նախարարության 2022թ. գործունեության հաշվետվությունը

Երևանում և Գյումրիում կոլոռեկտալ քաղցկեղի վաղ հայտնաբերման անվճար սքրինինգային փորձարարական ծրագիր է իրականացվում

Անգլիական համալսարանների հետ մենք, կարծում եմ, չիրացված մեծ ներուժ և հնարավորություններ ունենք․ Վահրամ Դումանյան

Տիղմ ու կենցաղային աղբ. Երևանյան լճի մաքրման աշխատանքները շարունակվում են (լուսանկարներ, տեսանյութ)

Տարածաշրջանի լարված իրավիճակը ոչ միայն ՀՀ-ի և Արցախի, այլև միջազգային հանրության ուշադրության կենտրոնում պետք է լինի

ՀՀ վարչապետը Տոյվո Կլաարի հետ զրույցում ընդգծել է Պրահայի հանդիպման ձևաչափի համաձայն հետագա քննարկումների կարևորությունը

Էրիկ Իսրայելյանը հյուրընկալվել է ԿԳՄՍՆ-ում և ընդգծել, որ մշտապես զգացել է պետական աջակցություն

Նիկոլ Փաշինյանը կհանդիպի Վլադիմիր Պուտինի հետ․ ՀՀ վարչապետն աշխատանքային այցով կմեկնի Ղրղզստան

«Լուսակերտ» ուսումնական բազայում ԱԻՆ-ն ուսումնավարժանք է անցկացրել, որին հետևել են ԱԻ նախարարն ու Մայքլ Հայեսը

Ադրբեջանի շարունակական սադրիչ գործողությունները բերում են անվտանգային փխրուն իրավիճակի սրման․ Միրզոյանը՝ Տոյվո Կլաարին

Ռուբեն Ռուբինյանը հրաժեշտի հանդիպում է ունեցել Հայաստանում ԱՄՆ դեսպանի հետ

ՊՆ-ն հայտարարում է մրցույթ 2023թ. ձմեռային զորակոչին ենթակա զորակոչիկների համար․ ինչպես և ովքեր կարող են դիմել

Գերմանիայի Բունդեսթագի պատգամավոր Քրիստիան Հաասեի գլխավորած պատվիրակությունն այցելել է Հայոց ցեղասպանության հուշահամալիր

Իրանը Հայաստանին հակատանկային հրթիռային համակարգեր և հրթիռներ չի փոխանցել․ ՊՆ

Հանրապետության հրապարակում ապամոնտաժվել է հանրապետական նշանակության հուշարձանի տեսքն աղավաղող կրպակը

Ինքնասպանության փորձ՝ ընտանեկան բռնության պատճառով․ մեղադրանք է ներկայացվել 25-ամյա կնոջ ամուսնուն և վերջինիս մորը

Սիգի ձվադրման ժամանակահատվածով պայմանավորված՝ ուժեղացված հսկողություն կիրականացվի Հայաստանի ողջ տարածքում

Ամեն օր 1000-ից ավելի մարդ է աշխատում բեմում հիշարժան շոուի համար, կատարվել է հսկայական աշխատանք. Մարտին Օսթերդալ

Գնահատման և թեստավորման կենտրոնը Ջերմուկում խորհրդաժողով է կազմակերպել. մասնակցել է նաև Ժաննա Անդրեասյանը

Հայաստանն իր լրացումներն ու փոփոխություններն է կատարում տեքստում. ԱԽ քարտուղարը՝ խաղաղության պայմանագրի մասին

Աղվանի գյուղից Սատանի կամուրջն ընկած ճանապարհահատվածը երկկողմանի փակ է բոլոր տեսակի տրանսպորտային միջոցների համար

Պաշտոնական Անկարան Մոսկվային կդիմի ռուսական գազի ներկրման՝ Թուրքիայի համար ավելի քան 25 տոկոս զեղչի առաջարկով

Գույքահարկն այսուհետ կարելի է վճարել՝ մուտք գործելով Երևանի քաղաքապետարանի կայքէջ. ուղեցույց

Դեկտեմբերի 10-ին և 11-ին ժամանակ առ ժամանակ փակ են լինելու Աթենքի փողոցն ու Ծիծեռնակաբերդի խճուղին

Մոսկվայում հանդիպել են Ռուսաստանի, Հայաստանի և Ադրբեջանի գլխավոր դատախազները

Մենք խելքներս չենք թռցրել, տեղյակ ենք, թե ինչ է միջուկային զենքը. Պուտին

Լավրովը դեկտեմբերի 12-ին Մոսկվայում հանդիպում կունենա ԱՊՀ երկրների դեսպանների հետ

Խորհրդարանն ընդունեց 2023 թվականի պետական բյուջեի նախագիծը

«Հայաստան» դաշինքը խորհրդարանում կներկայացնի 4 նոր պատգամավոր. ովքեր են նրանք