Եթե Հենրիխ Մխիթարյանը մի քանի հարյուր հազար դոլարանոց մեքենայով անցնի Երևանի փողոցներով, որեւէ մեկը նրա ետևից չի հայհոյի

Իշխանությունների հասցեին առավել հաճախ հնչող մեղադրանքներից մեկն այն է, թե մարդիկ իրենց մաշկի վրա չեն զգում տնտեսական հեղափոխության արդյունքները, թե բնակչության սոցիալական վիճակը շարունակում է մնալ ծանր, իսկ իշխանությունները միայն պոպուլիստական ճառեր են արտասանում, եւ այլն: Մի խոսքով՝ «իշխանությունները լավ չեն նայում ժողովրդին», եւ երկրում սոցիալական արդարություն չկա: Ու այս ամենը որոշակի ազդեցություն է ունենում հանրային գիտակցության վրա, որովհետեւ հանրության շրջանում հստակություն չկա, թե հատկապես ինչ սոցիալական մոդելի է ձգտում պետությունը: Հասարակության մեծամասնությունը սոցիալական արդարություն է պահանջում՝ «զարգացած սոցիալիզմի մոդելով», մինչդեռ պետության առաջնահերթությունը կարծես թե սոցիալական համերաշխությունն է:

Սոցիալական արդարության եւ սոցիալական համերաշխության տարբերությունը հասկանալը չափազանց կարեւոր է: Կոպիտ ասած՝ սոցիալական արդարությունը հասարակության զգալի մասը պատկերացնում է այսպես. պետք է հարուստներից խլել նրանց ունեցվածքը եւ արդարաբար բաժանել աղքատների միջեւ, նրանց առանձնատները դարձնել մանկապարտեզներ եւ այլն, ու ընդհանրապես՝ ինչո՞ւ պիտի գիշեր-ցերեկ աշխատող մարդիկ հազիվ մի 150-200 հազար դրամ ստանան, իսկ «ձրիակեր պաշտոնյաները» (նաեւ՝ բանկային համակարգի աշխատողները, դատավորները, ծրագրավորողները եւ այլն)՝ մի քանի անգամ ավելի շատ: Իսկ սոցիալական համերաշխությունն այն է, երբ հասարակության մեջ կան ե՛ւ աղքատներ, ե՛ւ հարուստներ, բայց աղքատները չեն անիծում հարուստներին, չեն հայհոյում նրանց գերշքեղ առանձնատների կողքով անցնելիս, որովհետեւ ընդունում են, որ նրանք իրենց հարստությանը հասել են ոչ թե հանցավոր ճանապարհով, այլ որոշակի արժանիքների (տաղանդ, աշխատասիրություն, մասնագիտական բարձր որակներ եւ այլն) շնորհիվ: Հարուստներն էլ իրենց հերթին չեն արհամարհում, վերեւից չեն նայում աղքատներին, այլ նրանց ընդունում են որպես հասարակության լիարժեք անդամներ իրենց հավասար իրավունքներով: Սա է սոցիալական համերաշխությունը, եւ հենց սրան է, որ պիտի ձգտենք հասնել, եթե ուզում ենք հզոր պետություն ու ամուր հասարակություն ունենալ:

Հասկանալի է, որ այս նպատակին հասնելու համար տասնամյակներ են պետք: Մեծ հաշվով՝ հասկանալի է նաեւ, թե կոնկրետ ինչ քայլեր պիտի ձեռնարկեն իշխանություններն այդ նպատակին հասնելու համար: Առաջին՝ պիտի պայքարեն ապօրինի հարստացման մեխանիզմների դեմ եւ այնպիսի միջավայր ստեղծեն, որտեղ հարստանալ հնարավոր է միայն օրինական ճանապարհով: Դա կլուծի հարուստների եւ հարստության նկատմամբ հասարակության վերաբերմունքի փոփոխության հարցը, որովհետեւ իրականում այս հարցերում մեր հասարակությունը բավականին արդարամիտ է: Օրինակ՝ եթե Հենրիխ Մխիթարյանը մի քանի հարյուր հազար դոլարանոց մեքենայով անցնի Երեւանի փողոցներով, որեւէ մեկը նրա ետեւից չի հայհոյի, իսկ եթե նույնպիսի մեքենա քշի որեւէ որեւէ պաշտոնյա կամ օլիգարխ՝ ետեւից ինչ հայհոյանք ասես կտան: Որովհետեւ Հենրիխը դրան հասել է իր արժանիքների շնորհիվ, իսկ մյուսները՝ ամենայն հավանականությամբ հանցավոր ճանապարհով:

Երկրորդ՝ իշխանությունները պիտի հնարավորություններ ստեղծեն, որ ամեն մեկը կարողանա դրսեւորել իր տաղանդը, այսինքն՝ Հայաստանը պիտի դառնա հավասար հնարավորությունների (եւ ոչ թե հավասար եկամուտների) երկիր: Եվ երրորդ՝ պետությունը պիտի հոգա այն խավերի սոցիալական կարիքները, որոնք տարբեր պատճառներով ի վիճակի չեն օգտվել պետության ընձեռած հավասար հնարավորություններից (թոշակառուներ, երեխաներ, բազմազավակ ընտանիքներ, հաշմանդամ երեխաներ եւ այլն):

Եթե օբյեկտիվորեն ուսումնասիրենք նոր իշխանությունների ավելի քան մեկամյա գործունեությունը՝ ակնհայտ է, որ նրանք այս երեք ուղղություններով էլ ակտիվորեն աշխատում են եւ լուրջ արդյունքներ են արձանագրել: Այսինքն՝ կարեւորագույն քայլեր են արել սոցիալական համերաշխության հաստատման ուղղությամբ: Ուրիշ բան, որ արդյունքները տեսանելի կլինեն տասնամյակներ անց, բայց քաղաքակիրթ բոլոր երկրներն անցել են այս ճանապարհը, իսկ մենք նոր միայն սկսում ենք:

Իսկ «ժողովրդին լավ նայելը» բոլորովին այլ կատեգորիա է եւ որպես կանոն՝ գործում է միայն ավտորիտար համակարգերում: Եթե, իհարկե, կան անհրաժեշտ ռեսուրսներ ու «բարի միապետ»:

Տպել
33128 դիտում

Ալիևը փակուղում է, միջազգային դաշտում տանուլ է տալիս, հաջորդ քայլը կարող է լինել պատերազմական էսկալացիան. Խալաթյան

ԱՊՀ-ի, ՀԱՊԿ-ի, ՇՀԿ-ի փորձագետները պայմանավորվել են համատեղ հակաահաբեկչական զորավարժություններ անցկացնել

ՀՀ արդարադատության նախարարությունը տեղեկություն է հրապարակել Վարուժան Ավետիսյանի առողջության վերաբերյալ

Արջուկը Գառնիի փողոցներում․ Կոտայքի մարզպետը տեսանյութ է հրապարակել

Հայաստանում ապաստան ստանալու 700 խնդրագիր է ստացվել․ որ երկրի քաղաքացիներն են ավելի շատ դիմում ներկայացրել (տեսանյութ)

Երևանում մեկնարկել է հայ-ռուսական առողջապահական 7-րդ համաժողովը

Ոչ թե հայկական, այլ՝ ադրբեջանական ԶՈՒ-ն է խախտել հրադադարի ռեժիմը․ ՀՀ ՊՆ

Ադրբեջանի ՊՆ-ն շարունակում է ապատեղեկատվություն տարածել․ ՊԲ

Հրդեհ Գյումրու «ԼՈՖԹ» ժամանցային կենտրոնում (լուսանկարներ)

Օդի ջերմաստիճանը կնվազի, լեռնային շրջաններում թաց ձյուն կտեղա

Պուտինն ու Ալիևն այս շաբաթ երկրորդ անգամ են քննարկել Հայաստանի հետ պայմանավորվածությունների կատարման հարցը

ԿԸՀ ռազմավարական պլանավորման աշխատանքային քննարկման ընթացքում կվերանայվեն ընտրական վարչարարության ուժեղ և թույլ կողմերը

Բռնցքամարտիկ Էրիկ Իսրայելյանը՝ աշխարհի երիտասարդական առաջնության հաղթող

Շուրջ 800 աշակերտ է այս տարի մասնակցել Երևանի քաղաքապետարանի նախաձեռնած կրթական-ճանաչողական ծրագրին (տեսանյութ)

Գանձաքար-Բերդ ավտոճանապարհին բեռնատարը ձորն է գլորվել․ վարորդը մահացել է

ԿԸՀ-ն ընտրատարածքային ընտրական հանձնաժողովների անդամակցության 600-ից ավելի դիմում է ստացել

«Առողջություն և անվտանգ երթևեկություն բոլորիս». վթարի է ենթարկվել ԱԺ պատգամավոր Գևորգ Պապոյանը

Շիրակի մարզպետը ակնկալում է եղբորը բերման ենթարկելու դեպքի մանրամասն ուսումնասիրություն, ընդհուպ՝ ծառայողական քննություն

ԵԱՀԿ ԽՎ-ն պետք է ամուր լինի ուժի սպառնալիքից կամ դրա կիրառումից զերծ մնալու սկզբունքի պաշտպանության հարցում. Խանդանյան

Արման Եղոյանը Մարլեն Լունդ-Կոպպարկլինտիի հետ խոսել է Հայաստանին սպառնացող վտանգների աշխարհաքաղաքական ենթատեքստի մասին

Գորայքում, Վարդենյաց լեռնանցքում և ՀՀ այլ ավտոճանապարհներում ձյուն է տեղում

Հոկտեմբերից Հայաստանում գտնվող ՀՀ ազգային հերոս, սրտային վիրաբույժ Հրայր Հովագիմյանը 40 բարդ վիրահատություն է կատարել

Մեկ ամիս Արարատ գյուղում ջրամատակարարումը կիրականացվի ժամանակացույցի խախտումներով

ԱԽ քարտուղար Արմեն Գրիգորյանն աշխատանքային այցով կմեկնի Ֆրանսիա և Գերմանիա

Նորագավիթ 1-ին փողոցում բախվել են երկու մարդատար ավտոմեքենաներն ու բեռնատար գնացքը

ԱԱ-2022․ նոյեմբերի 26-ի խաղացանկը

ՊԲ-ն հերքում է ադրբեջանական նոր ապատեղեկատվությունը

Մարտունի-Գավառ ավտոճանապարհին մեքենաներ են բախվել․ կան տուժածներ և 4 զոհ

Մեղրիի լեռնանցքում ձյուն է տեղում

Հակառակորդը կրակ է բացել հայ-ադրբեջանական սահմանի հայկական դիրքերի ուղղությամբ

Չկա սահման՝ չկա ճանաչված տարածք, ուրեմն ինչ ամբողջականության մասին էիք խոսում 30 տարի. Աղաջանյանի ելույթը ԵԽԽՎ-ում

Կանադան պատրաստակամ է աջակցելու Հայաստանում ժողովրդավարության ամրապնդմանը. հանդիպել են Միրզոյանն ու դեսպանը

Շաբաթն ուրբաթից շուտ եկավ, կամ՝ ինչու են ընդդիմադիր պատգամավորները մանդատները վայր դնում

Երևան-Մարգարա ավտոճանապարհին «Նիսսան»-ը բախվել է կցորդիչով բեռնատարին. վարորդը մահացել է

ԿԳՄՍ նախարարի տեղակալն առաջարկել է Կապանը հռչակել ԱՊՀ 2026-ի երիտասարդական մայրաքաղաք

Պուտինը ՌԴ ԱԽ մասնակիցների հետ կքննարկի ՀԱՊԿ գագաթնաժողովի արդյունքները և Փաշինյանի հետ հանդիպումը

Փարիզը պատրաստ է աջակցել Փաշինյանի և Ալիևի հետագա բանակցություններին. Ֆրանսիայի ԱԳՆ

Խոշոր վթար Ափնագյուղի մոտ. ըստ նախնական տվյալների՝ կա 1 զոհ և 3 տուժած

Երևանում բեռնատար գնացքը բախվել է մարդատար ավտոմեքենային

Ադրբեջանից սպառնում են Էդմոն Մարուքյանին