Քիմիայի միասնական քննության թեստերը բողոքի պատճառ են դարձել. 20 միավոր ստացել է մեկ դիմորդ

Քիմիայի միասնական քննությունները որոշակի դժգոհություններ են առաջացրել դիմորդների, նրանց ծնողների եւ ուսուցիչների շրջանում: Խնդրահարույց է դարձել թեստային առաջադրանքներից համար 69-ը: Դրանում առաջարկվում է հաստատել կամ հերքել պնդումների ճշմարտացիությունն ալյումինի ու երկաթի հատկությունների վերաբերյալ եւ ներկայացվում է 6 պնդում:

Բայց դրանց մի մասի վերաբերյալ, ըստ բողոքողների, հակասական տեղեկատվություն կա քիմիայի եւ կենսաբանության դասագրքերում, հետեւաբար այդպիսի վիճելի հարցերը թեստերում ընդգրկելը ծուղակ է երեխաների համար: Գնահատման եւ թեստավորման կենտրոնն իր հերթին պնդում է, որ նշված առաջադրանքում սխալ չկա, որ հարցաշարը կազմող մասնագետներն առաջնորդվել են քիմիայի դպրոցական ծրագրերով, չափորոշիչներով ու  դասագրքերով, իսկ թե կենսաբանության դասագրքում ինչ է գրված կամ թե միջառարկայական կապն ինչպիսին է, դրա պատասխանատուն ԳԹԿ-ն չէ:

«Տեղեկացնում ենք բոլորին՝ դիմորդներին, նրանց ծնողներին եւ քիմիայի ուսուցիչ-կրկնուսույցներին, որ բարձրացված հարցերը անհիմն են: Հրավիրում ենք ուսուցիչների ուշադրությունը.
1. Ալյումինը սենյակային ջերմաստիճանում հեշտությամբ փոխազդում է յոդի հետ ջրի մի քանի կաթիլի առկայությամբ: Տե՛ս Քիմիա, 9-րդ դասարան, 2015 թ., էջ 190: 
2. Երկաթի հարուկի (Fe3O4) եւ ալյումինի փոշու փոխազդեցությունն ընթանում է մեծ քանակությամբ ջերմության անջատումով: Այդ ռեակցիան օգտագործում են պողպատե իրերը, մասնավորապես՝ գնացքի ռելսերը եռակցելու համար: Տե՛ս Քիմիա, 9-րդ դասարան, 2015 թ., էջեր 191, 195 և 198 խնդիր 4: 
3. Երկաթը եւ ալյումինը կենդանի օրգանիզմի միկրոտարրեր են. դա ապացուցման կարիք չունի: Տե՛ս Քիմիա, 9-րդ դասարան, 2015 թ., էջ 194, Քիմիա, հանրակրթական ավագ դպրոցի չափորոշիչներ և ծրագրեր, Երևան, 2009, էջ 43: Թեստը պարունակում է չափորոշչային երեք մակարդակներին համապատասխանող առաջադրանքներ, որոնցով ստուգվում են ե՛ւ գիտելիքները, ե՛ւ դրանց կիրառման ունակությունները, ե՛ւ, այո, կան նաեւ բարձր մակարդակը ստուգող խնդիրներ՝ լավը գերազանցից տարբերակելու համար»,- ասվում է գնահատման եւ թեստավորման կենտրոնի պարզաբանման մեջ: 

ԳԹԿ-ն նաեւ դիմում է քննություն հանձնած դիմորդների ծնողներին. «Մոտ 500 հոգի կամ դիմորդների 55 %-ը նշված հարցերին ճիշտ է պատասխանել: Իսկ թե ինչու են ձեր երեխաները սխալ գրել, թող ձեզ պատասխանեն այդ երեխաների բողոքող ուսուցիչները»:

Վերջին քննությունների արդյունքները

Բողոքների տեղիք տված քիմիայի միասնական քննությունների արդյունքները եւս չեն շեղվում այս տարվա համար օրինաչափ դարձած պատկերից, երբ նախորդ տարվա համեմատությամբ փոքր է թե՛ անբավարար եւ թե՛ առավելագույն գնահատական ստացածների քանակը: Այս առարկայի քննությանը մասնակցել է 986 շրջանավարտ-դիմորդ: Միջին միավորը՝ 12.4 է: Դրական 7.5 միավորի շեմը չի հաղթահարել 179 հոգի կամ մասնակիցների 18.2%-ը: 18-20 միավոր հավաքածների թիվը՝ 182 է կամ էլ մասնակիցների 18.5%-ը: Ի դեպ, քիմիայից 20 միավոր է վաստակել միայն մեկ դիմորդ:

Նախորդ տարի նույնպես քիմիայի քննության միջին միավորը կազմել է 12.4, անբավարար է ստացել քննությանը մասնակցածների 23.6 տոկոսը, 12-20 միավոր ստացել են 25.1 տոկոսը:

Քիմիայի քննության օրը դիմորդների գիտելիքները ստուգվել են նաեւ հայոց պատմություն առարկայից: Այս դեպքում քննությանը մասնակցել է 1 362 դիմորդ: Միջին միավորը եղել է 11.7: Դրական գնահատական չի ստացել 291 հոգի կամ քննության մասնակիցների 21.4%-ը: 18-20 միավոր հավաքածների թիվը՝ 191 է (մասնակիցների 14%-ը):

2018 թվականին հայոց պատմություն առարկայի քննական միջին միավորը 12.3 էր: Անբավարար գնահատականներն, ի տարբերություն, այլ առարկաների, այդ տարի ավելի քիչ են եղել՝ կազմելով 18.3 տոկոս: 18-20 միավոր վստակել էր քննություն հանձնածների 17.5 տոկոսը:  

Հայտնի են նաեւ ռուսաց լեզվի միասնական քննության արդյունքները: Այս առարկայի քննությունով հունիսի 25-ին եզարափակվել էր միասնական քննությունների հիմնական փուլը:

Ինչպես հայոց պատմության դեպքում, այս անգամ էլ արդյունքների որոշակի շեղում կա նախորդ տարվա արդյունքների համեմատությամբ: Տվյալ դեպքում, առավելագույն գնահատական ստացած դիմորդների քանակն է ավելի մեծ, քան եղել է 2018 թվականին:

Ռուսաց լեզվի քննությանը մասնակցել է 401 հոգի: Միջին միավորը եղել է 11.3: Դրական միավորի շեմը չհաղթահարածների թիվը՝ 75 կամ մասնակիցների 18.7%-ը: Նախորդ տարի այն կազմել է 31.8 տոկոս: 18-20 միավոր հավաքել է քննության մասնակիցների 4.7 տոկոսը՝ նախորդ տարվա 2.7 տոկոսի փոխարեն: Ինչպես քիմիայից, այս դեպքում էլ 20 միավոր է ստացել միայն մեկ դիմորդ:

Միասնական քննությունների լրացուցիչ փուլը տեղի կունենա հուլիսի 1-8-ը:

Տպել
9469 դիտում

Արսեն Թորոսյանը այցելել է Մարտունու ԲԿ. շուտով կգործի կորոնավիրուսով հիվանդների բուժման համար նախատեսված բաժանմունքը

Արսեն Թորոսյանը հյուրընկալել է ՀՀ-ում Լիտվայի արտակարգ և լիազոր դեսպան Ինգա Ստանիտե-Տոլոչկիենեին

Միասնական քննությունների արդյունքները հրապարակվելու են քննությունից հետո երրորդ օրը

«Թովմասյան» բարեգործական հիմնադրամը նմուշառման պարագաների հերթական խմբաքանակն է նվիրաբերել ՀՀ զինված ուժերին

Արմեն Սարգսյանը հյուրընկալել է Հայաստանում ԱՄՆ դեսպան Լին Թրեյսիին

Երևանում չորացած կոճղերին երկրորդ կյանք տված Կանաչապատման ՀՈԱԿ-ի աշխատակիցն իր տունն էլ է պարտեզի վերածել (լուսանկարներ)

Նախագահ Արմեն Սարգսյանը ծննդյան 80-ամյակի առթիվ շնորհավորել է գրող, հրապարակախոս Ռազմիկ Դավոյանին

Արարատ Միրզոյանը հեռախոսազրույց է ունեցել ՌԴ ԴԺ Դաշնային խորհրդի նախագահ Վալենտինա Մատվիենկոյի հետ

ՀՀ ֆուտբոլի առաջնությունում պայքարն ավելի է թեժանում. 2 տուր, ու չեմպիոնության 3 թեկնածու

Այս դրվագը ավելի լավ պատկերացում է տալիս, թե ինչ կարծիքի են մարդիկ մատուցվող առողջապահական ծառայության մասին. վարչապետ

Հայաստանում մեկնարկել է «Կալաշնիկով» ինքնաձիգների արտադրությունը

Զոհրաբ Մնացականյանն այսօր աշխատանքային այցով կմեկնի Արցախ

IDBank-ի նոր առաջարկը Բիզնեսին

ՀՀ ֆուտբոլի Առաջին խմբի առաջնությունը դադարեցվեց պայմանավորված խաղերի պատճառով. 5 ակումբ ու 58 անձ որակազրկվել են

Էմանուել Մակրոնը Ֆրանսիայի նոր վարչապետ է նշանակել

Կորոնավիրուսի թվերը կախված են ոչ միայն Կառավարության ջանքերից, այլեւ մեր բոլորի վարքագծից. նախարար

Դատախազության ներգործությամբ Սիսում ինքնակամ կառուցված ձկնաբուծարանն օրինականացվել է, համայնքի իրավունքը՝ վերականգնվել

«Սուրբ Գրիգոր Լուսավորիչ» ԲԿ-ում բուժվող կորոնավիրուսով վարակված մարդկանց հարազատները բարեկարգել են հիվանդանոցի բակը

«Իմ պատասխանից միգուցե նոր հանգամանքներ ի հայտ եկան». Արսեն Թորոսյանի հարցաքննությունն ավարտվեց

Հարցվածների 85%-ը հավանություն է տալիս ՀՀ վարչապետի գործունեությանը