Երևան
18 °C
Հայաստանն ու Ադրբեջանը քիչ-քիչ մոտենում են արցախյան հակամարտության կարգավորման գործընթացում մեկ տարի առաջ սկիզբ առած խաղաղարար քայլերի սպառման եզրագծին: Դեռեւս ամիսներ առաջ կողմերը գրեթե համաձայնեցված հայտարարություններով էին հանդես գալիս, խոսում էին խաղաղության մասին, խոսում նույն «լեզվով», կարեւորում հումանիտար միջոցառումների իրականացումը: Այժմ քայլ առ քայլ հակամարտության կարգավորման ընդհանուր ֆոնն ու կողմերում տրամադրությունները փոխվում են:
Խաղաղության հռետորաբանությունը սկսում է իր տեղը զիջել պատերազմի հռետորաբանությանը, կողմերը նույն խնդրի մասին սկսում են խոսել «տարբեր» լեզուներով կամ տարբեր կերպ մեկնաբանում նույն հայտարարությունները, շփման գծում լարվածությունը մերթընդմերթ կտրուկ աճում է, իսկ հումանիտար միջոցառումների իրականացման մասին արդեն չեն էլ խոսում: Այն կարծես դուրս է մնացել հանրային քննարկումների ու հայտարարությունների խորապատկերից: Հայկական կողմը խոսում է լարվածության թուլացման մասին, այլ կերպ ասած՝ կարեւորում է վերադարձը վիճակին, որն առկա էր մինչև վերջին օրերի սահմանային լարումը։ Բաքուն առաջ է մղում խաղաղության պայմանագրի կնքման գաղափարը՝ առանց հաշվի առնելու շփման գծում իրավիճակը:
Հենց այս մթնոլորտում է անցել Վաշինգտոնում ԵԱՀԿ ՄԽ համանախագահների ներկայությամբ Հայաստանի եւ Ադրբեջանի ԱԳ նախարարների վերջերս կայացած հանդիպումը: «Քննարկվել են այն բոլոր քայլերը, որ անհրաժեշտ են՝ լարվածությունը նվազեցնելու համար, որպեսզի խուսափենք որևէ լրացուցիչ զարգացումներից, որոնք է՛լ ավելի կսրեն վիճակը», - հունիսի 27-ի ասուլիսի ժամանակ ասաց ՀՀ ԱԳ նախարար Զոհրաբ Մնացականյանը՝ ներկայացնելով Ադրբեջանի ԱԳ նախարար Էլմար Մամեդյարովի հետ հանդիպման մանրամասները: Նրա խոսքով, անհրաժեշտ է վերադառնալ վիճակի, որն առկա էր մինչև վերջին օրերի սահմանային լարումը:
Այդ հանդիպումից անմիջապես հետո Ադրբեջանի ԱԳ նախարար Էլմար Մամեդյարովը հայտարարեց, որ համանախագահները հավելյալ փաստաթղթեր են տրամադրել՝ ավելի բովանդակալից բանակցությունների համար: «Մանրամասնությունների շուրջ կային որոշ տարաձայնություններ, սակայն, ինչպես ասում են, ամենակարևորը հենց մանրամասնություններն են: Մենք հասկանում ենք, որ անհրաժեշտ է ավելի մեծ քաղաքական կամք ցուցաբերել: Շփման գծում տիրող իրավիճակը չպետք է խանգարի հռչակագրին կամ խաղաղ պայմանագրին հասնելուն», - ասաց նա, որին անմիջապես հակադարձեց հայկական կողմը՝ նշելով, որ Ադրբեջանի ԱԳ նախարարի պնդումները չեն համապատասխանում իրականությանը:
«Մենք ունենք մի քանի նախաձեռնություններ, որոնք համանախագահների կողմից ևս առաջ են բերվել, և ես կարծում եմ, որ այդ առումով մենք կկարողանանք հասնել իրավիճակի, որ մինչև հաջորդ հանդիպումը մենք կարողանանք գրանցել, որ կարողանում ենք պահպանել միջավայր, որը նպաստում է խաղաղ գործընթացին», - օրերս ասաց Մնացականյանը։
Վաշինգտոնում Հայաստանի եւ Ադրբեջանի արտգործնախարարների հանդիպման ժամանակ բեկում չի գրանցվել, այդուհանդերձ, զսպվածություն ցուցաբերելու միջնորդների կոչը կարեւոր նշանակություն ունի, համոզված է ԵԱՀԿ Մինսկի խմբի ԱՄՆ-ի նախկին համանախագահ, պաշտոնաթող դեսպան Քերի Քավանոն, գրում է Ամերիկայի ձայնը: Ինչ վերաբերում է միջնորդների առաջարկների բովանդակության շուրջ կողմերի միջեւ ծագած հակասություններին, Քավանոյի կարծիքով՝ կողմերից յուրաքանչյուրը մեջբերում է իր ցանկացած հատվածները. «Նրանք հավանաբար նույն փաստաթուղթն են կարդում, սակայն՝ տարբեր կերպ: Հակառակ դեպքում, անհավատալի է, որ մի կողմին մի փաստաթուղթ է ներկայացվել, մյուս կողմին՝ մեկ այլ փաստաթուղթ»:
Դատելով Բաքվից հնչող վերջին ռազմատենչ հայտարարություններից, թերևս կարելի է ասել, որ ադրբեջանական կողմը դժգոհ է ստատուս քվոյից, իսկ այդ դժգոհության արտահայտման ձեւը սահմանին իրավիճակի լարումն ու մկանների ցուցադրությունն է: Ադրբեջանի պաշտպանության նախարար Զաքիր Հասանովը համարում է, որ Հայաստանի հետ բանակցելն իրենց կողմից զիջում է, ավելին, նա հայտարարել է, թե 2016 թվականին Ադրբեջանը ցույց տվեց, որ կարող է հարցն այլ ճանապարհով լուծել։ Նախագահ Իլհամ Ալիևն էլ իր հերթին հայտարարել է՝․Հայաստանի հետ պատերազմն ավարտված չէ, ուստի Ադրբեջանը պետք է հզորացնի իր զինուժը:
Պատերազմական հռետորաբանությունը եւ պատերազմի սպառնալիքի մարտավարությունը շարունակվում է: Սա ԼՂ հակամարտության վերջին 25 տարվա պատմության անքակտելի մասն է: Օրերս Մոսկվայում գտնվող Հայաստանի պաշտպանության նախարար Դավիթ Տոնոյանը հայտարարել էր, որ Ռուսաստանում ընթացող «Բանակ–2019» ֆորումի ընթացքում Հայաստանը կնքել է մի քանի պայմանագիր՝ սպառազինության և ռազմամթերքի մատակարարման համար։ Արտգործնախարար Զոհրաբ Մնացականյանը ևս մեկ անգամ հիշեցնում է՝ բանակցային գործընթացում սպառնալիքի լեզուն չի աշխատելու։
Ավելին՝ հայկական կողմը, Բաքվի ռազմական հռետորաբանության սաստկացման ու սահմանին իրավիճակի լարման ֆոնին՝ դիվանագիտական պահոցից հանել ու սկսել է խաղարկել 2016 թ-ի ապրիլյան քառօյայից հետո Վիեննայում, ապա Սանկտ-Պետերբուրգում ձեռք բերված պայմանավորվածությունների կատարման խաղաքարտը՝ այսպիսով հիշեցնելով Բաքվին չկատարված պայմանավորավածություների մասին: Այնպես չէ, որ Բաքուն դրանք կատարելու է, սակայն սա հավելյալ դիվանագիտական գործիքակազմ է, որ խաղարկվում է՝ միջնորդների ուշադրությունը դեպի Բաքու սեւեռելու համար:
«Ռուսաստանը գլոբալ քաղաքականության մեջ» ամսագրի գլխավոր խմբագիր, ռուսաստանցի փորձագետ Ֆյոդոր Լուկյանովը վստահ է՝ քանի դեռ հակամարտությունը կարգավորված չէ՝ կողմերը բախվելու են դրա տարբեր փոխակերպումերի հետ: «Հակամարտության ճոճանակը թեքվելու է մեկ դեպի խաղաղություն, մեկ դեպի պատերազմ: Սա յուրահատուկ է բոլոր չկարգավորված եւ կիսասառեցված հակամարտություններին: Կողմերը ակնհայտորեն ունեն տարաձայնություններ հակամարտության կարգավորման գլխավոր, անկյունաքարային կետերում: Հենց այդ պատճառով էլ ցանկացած խաղաղարար նախաձեռնություն բախվում է դրանց: Կկարողանա՞ն արդյոք կողմերը, թեկուզ ժամանակավոր, մի կողմ դնել այդ հակասություններն ու զբաղվել այլ, առաջին հայացքից ոչ շատ էական խնդիրներով եւ աշխատել խաղաղության կառուցման վրա, այս հարցը բաց է մնում», - մեզ հետ զրույցում ասաց Լուկյանովը:
ՀՀ նախագահ Վահագն Խաչատուրյանը մասնակցել է Համբուրգի Կայունության համաժողովի բացմանը
Տեղի է ունեցել ՀՀ ուսանողական մարզական ֆեդերացիայի ղեկավար կազմի ընտրությունը
Գևորգ Պապոյանը կգործուղվի Ֆրանսիա
Եկեղեցու վերնախավն ուղղորդվում է արտաքին ազդակներով, չի բացառվում, որ Գալստանյանին փոխարինեն Աջապահյանով. Դալլաքյան
Երևանի քաղաքապետի ոսկե մեդալ՝ աշխարհահռչակ տենոր Պլասիդո Դոմինգոյին. Տիգրան Ավինյանը պարգևատրել է
ԱՊՀ ԱԳ նախարարների խորհրդի նիստում Հայաստանի Հանրապետությունը չի միացել երկու հայտարարության. ԱԳՆ
«Մերսեդես»-ը դուրս է եկել հանդիպակաց, բախվել «Ֆորդ»-ին․ 57-ամյա վարորդը մահացել է
Հրդեհը զարգացել է կայծակնային արագությամբ, ազդանշման համակարգն աշխատել է. «Դոմուս»-ը հայտարարություն է տարածել
Հասանք Մոսկվա. վարչապետը տեսանյութ է հրապարակել
2018-ին ամենուր «Մերժիր Սերժին» խոսույթն էր, երեխաներին հատուկ չէին սովորեցնում, այս դեպքի հետ համեմատելի չէ. Հակոբյան
ԱՊՀ ԱԳ նախարարների խորհրդի նիստում Միրզոյանն անդրադարձել է խաղաղության պայմանագրի կնքման շուրջ վերջին զարգացումներին
Վարչապետն աշխատանքային այցով ժամանել է Ռուսաստանի Դաշնություն (լուսանկարներ, տեսանյութ)
Զինծառայող Վահե Հարությունյանի մահվան դեպքի առթիվ քրեական վարույթ է նախաձեռնվել
Հարցաքննվել են դպրոցի տնօրինությունն ու ուսուցիչները, համադասարանցիները. մանրամասներ 15-ամյա աշակերտի մահվան դեպքից
Չենք ողջունում Հայաստանում ԵՄ առաքելության ներկայությունը․ ՌԴ նախագահի օգնական
Վերին Լարսի անցակետը փակ է
Պարզվել են Սուրենավանում զենքի գործադրմամբ տեղի ունեցած խուլիգանության դեպքի էական հանգամանքները. մեկ անձ կալանավորվել է
Գրիգոր Մինասյանը նոր պաշտոն ունի
Հայաստանն ուսումնասիրում է կորեական K2 «Սև Հովազ» մարտական տանկերի ձեռքբերման հնարավորությունը. Army Recognition
Հրդեհ է բռնկվել Երևանի շենքերից մեկում
ԲՐԻԿՍ-ի շրջանակներում Պուտին-Էրդողան առանձին հանդիպման պայմանավորվածություն է հաստատվել. հեռախոսազրույց է տեղի ունեցել
Անհրաժեշտ է սահմանել փորձագետների ընտրության չափանիշ. վարչապետի գլխավորությամբ նիստ է տեղի ունեցել
Աշխատանքային այցով մեկնեցի Մոսկվա. վարչապետը տեսանյութ է հրապարակել ինքնաթիռից
«Գործարանային» կայարանի շարժասանդուղքներն ամբողջությամբ կփոխարինվեն
Լավագույն ֆինանսական փորձառությունը Converse Mobile-ում
Շուրջ 14կգ տարբեր տեսակի թմրամիջոցների մաքսանենգության, ապօրինի շրջանառության նոր դեպք է բացահայտվել. կա 2 կալանավորված
ԱԽ քարտուղարն ու Գերմանիայի դեսպանը տարածաշրջանային անվտանգային իրավիճակին առնչվող հարցեր են քննարկել
Ադրբեջանի նախագահը Ռուսաստանում է. ովքեր են դիմավորել Իլհամ Ալիևին
Առողջապահության նախարարն աշխատանքային այցով Տավուշի մարզում է. ինչ հարցեր են քննարկվել
Ադրբեջանում գտնվելու ընթացքում Դուրովն այցելել է Լեռնային Ղարաբաղ. ինչ է պատմել Ալիևի նախկին փեսան
Արևմուտքը փորձում է քաոս ստեղծել Հարավային Կովկասում, երևում է ՆԱՏՕ-ի՝ պղտոր ջրում ձուկ որսալու ցանկությունը. Զախարովա
Հիմք չկա ասելու, որ ահաբեկչություն էր. Նարեկ Սարգսյանը՝ «Դոմուս»-ի հրդեհի ժամանակ լսված պայթյունի ձայների մասին
Դոլարը թանկացել է. ինչ փոփոխություններ է արձանագրել տարադրամի շուկան հոկտեմբերի 7-ին
Ucom-ի գլխավոր տնօրենը մասնակցել է Ներքին Աուդիտորների Ինստիտուտ-Հայաստանի միջազգային համաժողովին
Տեսչական մարմինը «Դոմուսի» Իսակովի հասցեում վերահսկողական գործառույթներ չի իրականացրել
ՌԴ նախագահը հանդիպումներ կունենա Նիկոլ Փաշինյանի և Իլհամ Ալիևի հետ
Հրդեհը մեկուսացվել է, տուժածներ չկան. Կամո Ցուցուլյանը մանրամասներ է հայտնել
«Դոմուս»-ի աշխատակիցները դիմում են «Շտապօգնություն» ծառայությանը․ մեկ հոգի տեղափոխվել է բժշկական կենտրոն
Հաջորդ հանդիպումը՝ Ղազախստանում. ինչ փաստաթուղթ են հաստատել ԱՊՀ երկրների ԱԳ նախարարները
«Դոմուս»-ի պահեստում հրդեհաշիջման աշխատանքներին աջակցելու համար հատկացվել է Երևանի քաղաքապետարանի մոտ մեկ տասնյակ ջրցան
