Ազգային կինոկենտրոնը 30 միլիոն դրամ է հատկացրել Ցեղասպանությանը նվիրված «Ամերիկացի երախտավորները» ֆիլմին

Ազգային կինոկենտրոնի 2019 թվականի մրցույթում պետական ֆինանսավորմամբ ընտրված լիամետրաժ նախագծերից ամենաշատ գումար (30 միլիոն) հատկացվել է Ամբեր Կարլինսի «Ամերիկացի երախտավորները» ֆիլմին: Ֆիլմի գլխավոր պրոդյուսեր Մանվել Սարիբեկյանի խոսքով՝ կինոկենտրոնի տված գումարը նախագծի ընդամենը 25-ից 30 տոկոսն է:

«Ամերիկացի երախտավորները» վավերագրական խաղարկային ֆիլմ է, ծրագիրն իրականացնում է «Ման փիքչըրս» ստուդիոն: Պրոդյուսեր Մանվել Սարիբեկյանի փոխանցմամբ՝ սա «Ման փիքչըրս»-ի «Երախտագիտության քարտեզ» խորագրով երկրորդ հեղինակային ֆիլմն է:

Առաջինը՝ «Փրկության քարտեզ» ֆիլմն է, որը նվիրված էր Հայոց ցեղասպանության 100-րդ տարելիցին: «Փրկության քարտեզ»-ը փաստագրական ֆիլմ է, որը պատմում է եվրոպացի 5 հումանիստ կանանց մասին, ովքեր Հայոց ցեղասպանության ականատեսն են եղել եւ իրենց կյանքի լավագույն տարիները նվիրել են Հայոց ցեղասպանությունից հրաշքով փրկված հայ երեխաներին եւ կանանց:

Երկրոդը՝ դեռեւս նախապատրաստական փուլում գտնվող «Ամերիկացի երախտավորներ»-ն է: Ֆիլմի նկարահանումները նախատեսված է սկսել սեպտեմբերից, ավարտել 2020 թվականի ապրիլին: «Իհարկե՝ ես այնքան էլ չեմ ընդունում, որ ցեղասպանության մասին ֆիլմերը միշտ ապրիլ ամսին են ցուցադրվում, սա մի այնպիսի թեմա է, որը նաեւ փաստագրություն է, ուստի պետք է կլոր տարին այս թեման բարձրաձայնվի»,-ասաց պրոդյուսերը:

Վավերագրական ֆիլմի նպատակն է ստեղծել կինոփաստաթուղթ, որը կնպաստի ոչ միայն ցեղասպանությունների ճանաչման, այլեւ ցեղասպանվածների եւ նրանց սերունդների պահանջատիրության եւ հատուցման գործընթացին:

Ֆիլմի պրոդյուսեր Մանվել Սարիբեկյանը «Հայկական ժամանակ»-ի հետ զրույցում հայտնեց, որ ֆիլմի ստեղծման գլխավոր նպատակն է մոռացությունից վեր հանել եւ ճանաչելի դարձնել ազգերի փրկության գործի նոր նվիրյալների անունները: Ֆիլմում որպես ոչ շահագրգիռ կողմի տեսակետ, պատմության անհերքելի իրողությունները ներկայացվելու են այլազգի  հետազոտողների եւ պատմական հերոսների միջոցով:  

Ֆիլմի պատմական ժամանակների գլխավոր հերոսներն  են. 

Հենրի Մորգենթաու՝ Ամերիկայի Միացյալ Նահանգների դեսպանը Օսմանյան  կայսրությունում, Կլարա Բարտոն՝ Ամերիկյան Կարմիր խաչի հիմնադիր, Լեսլի Դեւիս՝ Գրող, հասարակական գործիչ, Ամերիկայի Միացյալ Նահանգների հյուպատոսը Խարբերդում, Քենթ Ջենինգս՝ Միսիոներ, «Երիտասարդ մարդկանց քրիստոնեական կազմակերպության» անդամ, Վիլյամ Շեդ՝ միսիոներ, Ամերիկայի Միացյալ Նահանգների  հյուպատոսը Ուրմիայում:

Մանվել Սարիբեկյանի խոսքով՝ այդ 5 հերոսներից բացի՝ ֆիլմում էպիզոդիկ դերակատարում ունեն նաեւ այլ հասարակական-քաղաքական եւ արվեստի գործիչներ:

Ըստ նախնական պայմանավորվածության՝ ֆիլմի ռեժիսորը պիտի լիներ Էդգար Բաղդասարյանը, սակայն վերջինիս մասնակցությունը դադարեցված է: «Հայկական ժամանակ»-ի հետ զրուցում Էդգար Բաղդասարյանը եւ Մանվել Սարիբեկյանը հայտնեցին, որ իրենց համագործակցության դադարեցման պատճառը ֆիլմի արտադրության եւ կոնկրետ այս ֆիլմի վերարտադրման վերաբերյալ տարբեր մոտեցումներն են եղել, ոչ մի անձնական դրդապատճառ չկա: «Մենք եկանք այն եզրահանգման, որ այս նախագծում դադարեցնել է պետք մեր համագործակցությունը»,-ասաց պրոդյուսերը:

Ֆիլմի ռեժիսորը Դիանա Սկայան է: Ռեժիսորն ազգությամբ հայ է, սակայն 20 տարուց ավելի է՝ ապրում է Կանադայում:

Պրոդյուսերից հետաքրքրվեցինք, թե մոտավորապես ինչքան գումար է պահանջվում ֆիլմը վերջնական ավարտին հասցնելու համար, Սարիբեկյանը փոքր-ինչ տատանվելուց հետո ասաց, որ բյուջեի նախնական հաշվարկն արված է, բայց չի կարող դիտարկվել որպես վերջնական չափաբաժին: Ըստ նախնական հաշվարկի՝ 144 միիոն դրամի մասին է խոսքը:

«Ամերիկացի երախտավորները» ֆիլմում մի շարք տեսարաններ կառուցված են խաղարկային դրվագներով, որոնց միջոցով ներկայացվում են ֆիլմի հերոսների ծանր ապրումները եւ այն բարդ իրավիճակները, որոնք նրանք ստիպված են եղել հաղթահարել:

Ամերիկացի գրողը եւ պատմության հետազոտողը, որպես ֆիլմը պատմողներ, ուսումնասիրելով 20-րդ դարի սկզբին իրենց երկրում կատարված իրադարձությունները, ներկայացնում են այդ տարիներին Ամերիկայի Միացյալ Նահանգների կողմից պետականորեն իրականացրած հումանիտար օգնության մանրամասները, որոնց շնորհիվ հազարավոր տեղաբնակ հայեր, հույներ, ասորիներ, եզդիներ, ինչպես նաեւ ոչ իսլամադավ այլ ժողովուրդներ փրկվել են Օսմանյան Թուրքիայի ծրագրավորած ու իրագործած ցեղասպանությունից:

Վավերագրական ֆիլմում հերոսներն իրենց հետազոտությունները կառուցում են միմյանց հետ կապակցված բացահայտումների եւ վերլուծությունների ճանապարհով: Բացելով ԱՄՆ-ի Պետքարտուղարության եւ այլ կառույցների արխիվները, հետազոտողներն ի հայտ են բերում եւ ներկայացնում ամերիկացի այն միսիոներներին, պետական եւ հումանիտար կառույցների գործիչներին, որոնք ականատես լինելով կոտորածներին ու տեղահանումներին՝ մեծ ջանքեր են գործադրել դրանք կանխարգելելու, իսկ հետագայում նաեւ փրկելու միլիոնավոր գաղթականների, որբերի եւ թուրքական հարեմներում ստրկացված քրիստոնյա կանանց:                                                                 

Ոսումնասիրություններն այնուհետեւ նրանց տանում են պատմական իրադարձությունների վայրերով՝ Թուրքիա, Հունաստան, Լիբանան, Սիրիա, Իրան եւ Հայաստան, որտեղ էլ տարբեր դրվագներ են նկարահանվելու ֆիլմից:

Տպել
16436 դիտում

Կառավարությունը վճռական է խաղաղության հասնելու իր ջանքերում ինչպես երկրի ներսում, այնպես էլ տարածաշրջանում. Միրզոյան

Վճռաբեկ դատարանի դատավորի թափուր տեղի համար թեկնածուներ են առաջադրվել

Աշխատել «բոլորի համար Եվրոպա» ստեղծելու ուղղությամբ. Ռոբերտա Մեցոլան վերընտրվել է Եվրախորհրդարանի նախագահի պաշտոնում

Ոսկեհասկում հարևանի շունը հարձակվել է բնակիչների վրա. 5 անձ հիվանդանոցում է, 4-ամյա երեխայի վիճակը ծանր է

Երևանում, Արագածոտնի, Վայոց Ձորի մարզերում գազաբենզալցակայանների գործունեություն է դադարեցվել, Տավուշում՝ ապամոնտաժվել

Ակնկալում ենք խորացնել ՀՀ-ԵՄ գործընկերությունը. Ալեն Սիմոնյանը շնորհավորել է Ռոբերտա Մեցոլային

Ընդգծել է Հայաստան-ԱՄՆ երկկողմ հարաբերությունների առաջընթացի կարևորությունը. փոխվարչապետն ընդունել է Ուզրա Զեյային

Ստեփանակերտի նախկին քաղաքապետ Դավիթ Սարգսյանն ազատ է արձակվել

ԱՄՆ կառավարությունն աջակցում է ՀՀ-ում ընթացող հակակոռուպցիոն բարեփոխումներին. Աննա Վարդապետյանն ընդունել է Ուզրա Զեային

«Ռեալ»-ը ցուցադրել է Մբապեի մանկության բացառիկ լուսանկարը Զիդանի հետ (լուսանկար)

«Ռեալ»-ում Մբապեի շնորհանդեսին 80 հազար հանդիսական է եղել․ ինչ համարի մարզաշապիկով կխաղա ֆուտբոլիստն իր երազած ակումբում

Փորձաքննության արդյունքները հայտնի են. ինչ է հայտնաբերվել ընթիքից հետո թունավորված ընտանիքի և մահացած երեխայի սննդում

ԱԽ քարտուղարը կարևորել է ԱՄՆ-ի կողմից Հայաստանի ժողովրդավարական ինստիտուտների զարգացմանն ուղղված աջակցությունը

«Օպել»-ը բախվել է էլեկտրասյանը և գլխիվայր շրջվել. վարորդը տեղում մահացել է

Դոլարը շարունակում է էժանանալ. ինչ փոփոխություններ է արձանագրել տարադրամի շուկան հուլիսի 16-ին

Մհեր Գրիգորյանը արձակուրդ կմեկնի

Ադրբեջանում նոր սկանդա՞լ է հասունանում. ինչ հնչեղ հայտարարություն է արել երկրի բարձրաստիճան պաշտոնյան

Մամիկոն Ասլանյանն ազատ է արձակվել

Երևանի մետրոպոլիտենն ամբողջությամբ կանցնի նոր վճարային համակարգի՝ հրաժարվելով ժետոններից

Ucom-ի ֆիքսված ցանցը հասել է Բյուրեղավան

Երևանի կենտրոնում բացվել է Յունիբանկի «Բայրոն» մասնաճյուղը

ԼՂ-ում բռնի տեղահանման օրերին ՆԳ նախարարի օգնականը յուրացրել է տասնյակ պետական մեքենաներ ու գոլդ համարանիշեր (ցանկ)

Պաշտպանության նախարարը հետևել է սպաների հերթական խմբի ատեստավորման գործընթացին (լուսանկարներ)

Առաջիկա օրերին շրջաններում սպասվում են հորդառատ անձրև, ամպրոպ, քամու ուժգնացում

40 վարպետ Հայաստանից և արտերկրից. արհեստների 2-րդ միջազգային փառատոնը կանցկացվի Դիլիջանում

Նոր ատոմակայանի կառուցման նկատմամբ հետաքրքրություն են ցուցաբերել ԱՄՆ-ը, ՌԴ-ն, Հրվ. Կորեան և Չինաստանը. ՏԿԵ փոխնախարար

Քաղցկեղ և միաժամանակ սրտային պաթոլոգիաներ ունեցող անձինք այսուհետ կբուժվեն Ուռուցքաբանության կենտրոնում (լուսանկարներ)

Նախարարն անակնկալ այց է կատարել ՊՆ լեռնային ուսումնական կենտրոն, զրուցել ժամկետային զինծառայողների հետ (լուսանկարներ)

Առնվազն 17 մարդ զոհվել է Աֆղանստանում ավտոբուսի կիրճն ընկնելու հետևանքով

Միրզոյանը Օմանի նախարարին է ներկայացրել ՀՀ կառավարության կողմից մշակված «Խաղաղության խաչմերուկ» նախագիծը

Համաշխարհային բանկը հրապարակել է Հայաստանի տնտեսական զարգացման միամսյա ամփոփագիրը

Հայտնի են Հանրային ռադիոյի տնօրենի թեկնածուները

Թրամփը մահափորձից հետո առաջին անգամ հանրության առաջ հայտնվել է վիրակապված ականջով (լուսանկար)

«Հյուսիսային տերևաթափ» անվանումով ահաբեկչական գործողություն նախապատրաստելու դեպքով նախաքննությունն ավարտվել է

Վիկտոր Օրբանը կոչ է արել Շառլ Միշելին վերականգնել դիվանագիտական ​​հարաբերությունները Ռուսաստանի հետ

Հունիսին 87 հարկատուի մոտ արձանագրվել է ՀԴՄ կիրառման կանոնների խախտում. հայտնի է տուգանքի չափը

Ռուբեն Ռուբինյանի գլխավորությամբ Թբիլիսի պատվիրակություն կմեկնի

Ֆինանսների փոխնախարարը Քիշնևում մասնակցել է ԱՄՀ և ՀԲ խորհուրդների՝ Հայաստանն ընդգրկող ընկերակցային խմբի հանդիպմանը

Մեքենան մխրճվել է բեռնատարի մեջ. կա տուժած

Անկախ բոլոր մարտահրավերներից՝ Հայաստանը հավատարիմ մնաց ժողովրդի համար իրական փոփոխություններին. Միրզոյանը՝ Նյու Յորքում