Քոչարյանի գործով դատավորին կրկին ինքնաբացարկի միջնորդություն ներկայացվեց. գլխավոր դատախազը ձգձգելու միտում է տեսնում

Ռոբերտ Քոչարյանի եւ մյուսների գործը քննող դատավոր Արմեն Դանիելյանին քիչ առաջ կրկին ինքնաբացարկի միջնորդություն ներկայացվեց:

Նման միջնորդությամբ հանդես եկավ Ռոբերտ Քոչարյանի պաշտպաններից Հովհաննես Խուդոյանը: Նրա միջնորդությունը վերաբերում էր երեկվա նիստին տեղի ունեցած դատավորի գործողություններին: Խուդոյանը նշեց, որ երեկ նախագահող դատավորը պարբերաբար եւ անհարկի ընդհատել է պաշտպաններին, արգելել է նրանց իր գործողությունների դեմ ներկայացնել առարկություններ, արգելել է հանդես գալ հայտարարություններով: «Այդ գործողությունների հետեւանքով առաջացած լարված իրադրության պայմաններում հայտարարված ընդմիջումից հետո դատարանը այնուամենայնիվ թույլատրել է պաշտպաններին ներկայացնել առարակություններ ինչով փաստել է իր նախորդող գործողությունների անհիմն լինելը»,- ասաց Խուդոյանը: Վերջինիս խոսքով դատավարության որեւէ փուլում նման կամայական մոտեցման ցուցաբերումը վկայում է դատարանի կանխակալ վերաբերմունքի մասին, դատավարության այն մասնակցի դեմ, որի իրավունքները սահմանափակվում են: Խուդոյանն ասաց, որ դատարանը փաստացի հրաժարվել է դատավարության մասնակիցներին պարզաբանել վերջիններիս իրավուքներններն ու պարտականությունները այն դեպքում, երբ վերջիններս այդպիսի պարզաբանում խնդրել են նախագահող դատավորից: «Այդպիսի խնդրանքով դատարանին դիմել են պաշտպաններ Միհրան Պողոսյանը եւ Հայկ Ալումյանը, մինչդեռ դատարանը պարզաբանելու փոխարեն վերացական դիտարկումներով դատավարության մասնակիցներին ուղղված անպատասխան հայտարարություններով չի հստակեցրել, թե ինչ դատավարական կանոններով է իրականացվելու բողոքների քննությոնը, ըստ այդմ ինչ իրավունքերով են օժտված դատավարության մասնակիցները?,- ասաց նա եւ դատավորին բացարկ հայտնելով միջնորդեց ինքնաբացարկ հայտնել:

Միջնորդության դեմ առարակեցին մեղադրող դատախազներն ու տուժողի իրավահաջորդները:

Մասնավորապես ՀՀ գլխավոր դատախազ Արթուր Դավթյանը պաշտպանի կողմից ներկայացված միջնորդությունը ակնհայտ անհիմն որակեց: «Միջնորդությունում ներկայացված հիմնավորումը ըստ էության նախորդ երկու ժամանոց դատական նիստի կարճ սղագրություններ էր եւ ամենակարեւոր հատվածները բաց թողնվեցին: Նախորդ երկու ժամանոց նիստը հենց ծառայեց այդ իրավունքների պարզաբանումներին: Ակնհայտ դարձավ, որ անառարկելիորեն դատարանը հետեւություններ արեց ընթացակարգերի հետ կապված: Նման պայմաններում այդպիսի հիմնավորմամբ հարուցված միջնորդությունը մենք դիատրկում ենք որպես պաշտպանության կողմից արհեսատականորեն սույն գործի քննությունը ձգձգելու միտում եւ նմանատիպ միտումի շարունակությունը կարծում եմ հետագայում կարժանանա դատարանի պատշաճ գնահատականին՝ որպես իրավունքների չարաշահում»,- հայտարարեց գլխավոր դատախազը:

Դատարանը հեռացավ խորհրդակցական սենյակ ներկայացված ինքնաբացարկի միջնորդության վերաբերյալ որոշում կայացնելու. որոշումը կհրապարակվի ժամը 12:30-ին:

Հիշեցնենք, որ արդեն 4 նիստ է, պաշտպանները ինքնաբացարկի միջնորդություններ են ներկայացնում դատավորին: Այլ հիմքով ինքնաբացարկի միջնորդություն ներկայացրել էր նաեւ տուժող Արթուր Ավագյանի ներկայացուցիչ Սեդա Սաֆարյանը: Դատարանը սակայն մերժել էր ներկայացված միջնորդությունները եւ ինքնաբացարկ չէր հայտնել:

Այսօր նախատեսվում է, որ մեղադրող դատախազները դատարանում կներկայացնեն իրենց բողոքի հիմնավորումները:

Տպել
1545 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը