Դիմորդները գոհ են, ծնողները՝ դժգոհ. քննություն հանձնեց նաեւ աշխարհի չեմպիոնը

Այսօր՝ հունիսի 18-ին, անցկացվեց մաթեմատիկայի միասնական քննությունը: Սա մեծ քննություններից վերջինն էր: Հանրապետության 28 քննական կենտրոնում քննություն պետք է հանձներ 4 428 շրջանավարտ-դիմորդ, որից 1 656-ը՝ մայրաքաղաքի 9 կենտրոնում:

Երեւանի համար 170 դպրոցում տեղակայված քննական կենտրոնից դուրս եկող դիմորդները մեզ հետ զրույցում, ըստ էության, դժգոհություններ չէին հայտնում. գոհ էին թե՛ գործընթացի կազմակերպվածությունից, թե՛ թեստերի բովանդակությունից: Նույնը, սակայն, չի կարելի ասել նրանց ծնողների մասին:

«Հսկողությունը ուժեղ էր, արտագրություն չկար, այդպիսի բան չեմ նկատել: Թեստը շտեմարանից էր, այնպես չէ, որ ինչ-որ անծանոթ հարց կար, որը չկարողանայի լուծել: Հնարավոր է՝ օրինակը փոխած լինեին, բայց ես չեմ նկատել: Մաթեմատիկայից ես, օրինակ, միջին մակարդակ ունեմ, շատ բարձր չեմ, եւ ինձ համար սովորական էր: Պարապելու ընթացքում թեստերը միշտ ինչպես գրել եմ, ինչին որ պատրաստվել եմ, այդպես էր: Ընդհանուր շատ լավ էր»,- ասաց Երեւանի պետական տնտեսագիտական համալսարան դիմած Սոֆա Չուտլյանը, որը շուրջ մեկ տարի պարապել է կրկնուսույցի մոտ: «Դպրոցի գիտելիքը հերիքում է, ինձ նորմալ բացատրել են, բայց մասնավոր պարապելն ինձ թվում է՝ պետք է: Եթե ես մենակ պարապեի, կարող է այնքան չաշխատեի տանը, ինչքան որ երբ ուսուցիչն է պարտադրում», - նկատեց նա:

«Հայոց լեզու եւ գրականություն» առարկայի միասնական քննությունը, դիմորդի ձեւակերպմամբ, մի քիչ ավելի խառն էր, շտեմարաններից շեղումներով: «Բայց ես իմ միավորից դժգոհ չեմ եւ բողոքարկելու կարիք չեմ տեսնում: Անգլերենի թեստերում էլ ուղղակի տեքստերն էին փոխել շտեմարանի համեմատությամբ: Ես գոհ եմ, որ փոխել էին, որովհետեւ լիքը մարդիկ անգիրով էին այդ միավորները հավաքում, այլ ոչ թե հասկանալով»,- կարծիք հայտնեց Սոֆան:

Նշված քննական կենտրոնում քննություն հանձնողներից մեկը, պարզվեց քիք բոքսինգի՝ Եվրոպայի ու աշխարհի չեմպիոն է: Վոլոդյա Մելիքյանն ասաց, որ դիմել է Տնտեսագիտական համալսարան` բիզնես կառավարման ֆակուլտետ: «Սպորտով տուն չես պահի»,- ուղղությունն այդպես փոխելու որոշումը հիմնավորեց նա: Անդրադառնալով քննությանը՝ նշեց. «Թեստերը մատչելի էին: Եթե լավ ես սովորում, հաստատ կարող ես գրել: Ամեն մեկն էլ կարող է գրել, որովհետեւ այնպիսի առաջադրանքներ կան, որոնք մաթեմատիկայի հետ շատ քիչ կապ ունեն, օրինակ հարց կա, թե չորս սեղանը քանի ձեւով է հնարավոր դնել: Կարող ես գծել, որոշել: Դա որպես առավելություն եմ նշում, որովետեւ հեշտ է, ամեն մեկն էլ կարող է գրել ու միավոր հավաքել: 0.25 միավոր օդից վերցնի, այսպես ասած»: «Մեկ-մեկուկես տարի է, ինչ սովորում եմ կյանքիս ընթացքում, մնացած ժամանակ սպորտսմեն եմ եղել»,- ծիծաղելով հավելեց Վոլոդյան:

Ռիմա Սարգսյանը, որը նույնպես ցանկանում է ստանալ տնտեսագետի մասնագիտություն, բայց Երեւանի պետական համալսարանում, նախորդ երկու քննությունից 19.75 միավոր է ստացել: Այս մեկից նույնպես հույս ունի, որ բարձր գնահատական է վաստակելու: Նա նկատեց, որ թեստային առաջադրանքները շտեմարանից էին, բայց փոփոխված թվերով: «Դպրոցում ստացած գիտելիքով էլ հնարավոր կլիներ մասնակցել քննությանը, ուղղակի կրկնուսույցի մոտ պարապելը ավելի է երաշխավորում բարձր գնահատականը»,- ասաց նա: Նշեց, որ կրկնուսույցին դիմել է միայն մաթեմատիկայի դեպքում:

Նրա մայրը եւ ոչ միայն նա, վստահ է, որ բուհի ընդունելության քննություններն ավելորդ են կամ, ամենաշատը, դրանք պետք է հեշտությամբ հաղթահարելի լինեն: «Ընդհանուր համակարգը պիտի փոխվի, շտեմարանները պետք է հանվեն, երեխաներին այս սթրեսից դուրս բերեն: Սովորող երեխան իր գիտելիքով պիտի նստի ինստիտուտ, ապացուցի, եթե ի վիճակի է սովորելու, թող սովորի, եթե չէ, թող դուրս մնա: Պետք է պարտադիր փոխվի այս համակարգը, ափսոս են ուղղակի այս գիտելիքներով երեխեքը: Ինչու պիտի ամբողջ ընթացքում 20 ստացող երեխան այսօր ստանա 14 կամ 10 միավոր: Եթե այդպես է, թող դպրոցից միանգամից տեղափոխվի բուհ: Այդ հոգեկան ապրումները, որոնք ունենում են ծնողն ու երեխան, աննկարագրելի է: Ճիշտ է, դժվար է, ժամանակի խնդիր է, բայց արագ պետք է այս համակարգը փոխվի, որովհետեւ մեր երկիրը կարգավորելու, նոր ապագա կառուցելու համար նոր սերունդը պետք է պարտադիր հասկանա՝ սովորողը սովորող է, չսովորողը թող գնա արհեստագործական ուսումնարան: Մի նորմալ արհեստավոր չունենք: Թող գնան արհեստ սովորեն, լավ արհեստավորներ դառնան, իսկ գիտելիք ունեցողն էլ թող գնա իր գիտելիքներով երկիրը կառուցի»,- ասաց Արմինե Մանուկյանը:

Նա օրինակ բերեց անգլերենի քննությունը, երբ թեստային առաջադրանքները տարբերվում էին շտեմարանների առաջադրանքներից: Ծնողը վստահ է, որ երեխաներին անակնկալի բերելը ճիշտ չէր: Իրենք, օրինակ, ըստ նրա, միայն քննության օրն են իմացել այդ փոփոխության մասին, ինչը հերթական սթրեսի պատճառ է դարձել: «Երեխաներ կային, որ երեք տարի պարապել էին ու փաստի առաջ կանգնեցին: Ինչի՞ համար: Այդ փոփոխությունները պետք է արվեին առնվազն վեց ամիս առաջ»,- նկատեց նա:

Տպել
5886 դիտում

2 իրանցիները Երեւանի խանութներից մեկից գողացել էին 120 հազար դրամ

Միլիարդների չարաշահումներ ու նոր բացահայտումներ «Հյուսիս-Հարավ»-ի գործով. ինչ կապ ունի «Մուլտի Գրուպ»-ը. պաշտոնական

«Հյուսիս-Հարավ»-ի գործով մեղադրանք է առաջադրվել «Մուլտի Գրուպ» կոնցեռնի տնօրենին

Աննա Հակոբյանը մեկնում է Յարոսլավլ

Ադրբեջանը չունի ճանաչված սահմաններ, բացի ռուս-ադրբեջանական հատվածից. Արցախի ԱԳՆ-ի պատասխանը

Վանաձորում թալանել են «Վանաձոր» բ/կ-ի բժիշկ-վնասվածքաբանի տունը՝ պատճառելով 1,5 մլն դրամի վնաս

Աշխարհի առաջնություն. բռնցքամարտիկ Հովհաննես Բաչկովը կիսաեզրափակչում է

Նիկոլ Փաշինյանը և Աննա Հակոբյանը ներկա են գտնվել Մայր Աթոռ Սուրբ Էջմիածնի հիմնանորոգված Վեհարանի բացմանը

Հայաստանի ԱԳ նախարար Զոհրաբ Մնացականյանը հանդիպել է Լատվիայի ԱԳ նախարար Էդգարս Ռինկևիչսին

Հրդեհ Երասխ գյուղում. այրվել է 720 հակ անասնակեր

Ուկրաինայում զինված տղամարդը սպառնացել է պայթեցնել Կիեւի «Մետրո» կամուրջը. նրան ձերբակալել են

Բնակարաններից մեկից գողացել էր դրամապանակ ու օծանելիք. ոստիկանության բացահայտումը (տեսանյութ)

Վանեցյանի և Օսիպյանի գործունեությունը վարչապետին չի գոհացրել. Էդուարդ Աղաջանյան

Հրդեհ Հայթաղ գյուղում. այրվել են 2 տների տանիքներ

ԲԴԽ նախագահը ներկայացրեց Երեւանի ընդհանուր իրավասության դատարանի նորանշանակ նախագահին

Կձևավորվի ռիսկի վրա հիմնված տեսչական վերահսկողության լիարժեք համակարգ. ՍԱՏՄ

Կառավարությունում քննարկվել են Հրանտ Մաթևոսյանի մշակութային կենտրոն-թանգարանին վերաբերող հարցեր

ՔՊ-ն նիստ է հրավիրել. օրակարգում ուժային կառույցների ղեկավարների հրաժարականներն են

Անի խոշորացված համայնքի ղեկավար Արտակ Գեւորգյանին եւ եւս 2 աշխատակցի մեղադրանք է առաջադրվել

Տեղի է ունեցել Հայաստանի խաղողագործության և գինեգործության հիմնադրամի հոգաբարձուների խորհրդի նիստը