Հայաստանը կարևորում է գերմանական շուկան. կայացել է զբոսաշրջությանը նվիրված հայ-գերմանական գործարար համաժողովը

06/06/2019 schedule18:31

Հունիսի 6-ին Երևանում կայացել է զբոսաշրջությանը նվիրված հայ-գերմանական գործարար համաժողովը։  Այս մասին հայտնում են Էկոնոմիկայի նախարարությունից:

Համաժողովին մասնակցել են հունիսի 4-ից 7-ը ճանաչողական այցով Հայաստանում գտնվող  Գերմանիայի ճամփորդական ասոցիացիայի (German Travel Association), Բավարիայի ուխտագնացության գրասենյակի, Հայաստանի զբոսաշրջության ոլորտի պետական և մասնավոր հատվածի, ինչպես նաև Հայաստանում միջազգային դոնոր կազմակերպությունների ներկայացուցիչները։ 

Համաժողովին ողջույնի խոսքով հանդես են եկել ՀՀ էկոնոմիկայի նախարարության  Զբոսաշրջության կոմիտեի նախագահ Սուսաննա Սաֆարյանը և Հայաստանում Գերմանիայի փոխդեսպան Քլաուս Վենդելբերգերը։

Ողջունելով համաժողովի մասնակիցներին՝ Սուսաննա Սաֆարյանը նշել է․ «Այս միջոցառման նպատակն է ներկայացնել պետական քաղաքականությունը զբոսաշրջության ոլորտում, բնագավառի առաջնահերթությունները և հնարավորությունները, համագործակցություն ստեղծել Հայաստանի և Գերմանիայի մասնավոր հատվածների միջև, փորձել հասկանալ, թե որոնք են այն առաջարկները, որ մենք կարող ենք տալ գերմանական շուկային, և լսել գերմանական կողմի այն առաջարկները, որոնք պահանջվում են գերմանական շուկայի համար։ Մենք նաև  հրավիրել ենք միջազգային կազմակերպությունների ներկայացուցիչներին, որոնք Հայաստանում տարբեր ծրագրեր են իրականացնում զբոսաշրջության բնագավառում, որպեսզի իրենք էլ կարողանան ներկայացնել այն,  ինչ արվում է Հայաստանում տուրիզմի զարգացման ուղղությամբ»։

«Հայաստանը կարևորում է գերմանական շուկան, Գերմանիայից Հայաստան զբոսաշրջային այցելությունները։ Հարկավոր է առավելագույնս օգտագործել Հայաստանի զբոսաշրջային հնարավորությունները և ներկայանալ գերմանական շուկայում, իսկ այսօրվա միջոցառումը  ևս մեկ լավ հնարավություն է դրա համար», - ասել է Սուսաննա Սաֆարյանը։ 

Համաժողովի ընթացքում ներկայացվել են շնորհադեսներ, քննարկվել են զբոսաշրջության բնագավառում հայ-գերմանական զբոսաշրջային գործընկերության առանձնահատկությունները և դրանց զարգացման հեռանկարները, ձեռք են բերվել տեղեկատվության փոխանակման և փոխգործակցության պայմանավորվածություններ։ 

Համաժողովը կազմակերպվել է ՀՀ էկոնոմիկայի նախարարության Զբոսաշրջության կոմիտեի, Գերմանական տնտեսական միավորման (DWV), Գերմանիայի ճամփորդական ասոցիացիայի (DRV)  և «Մասնավոր հատվածի զարգացում և ՄԿՈՒ Հարավային Կովկասում» ծրագրի համագործակցությամբ (ծրագիրն իրականացվում է Գերմանիայի միջազգային համագործակցության ընկերության (GIZ)-ի կողմից՝ Գերմանիայի կառավարության պատվիրակմամբ):

Տպել
473 դիտում

Երբ «Արարատը» կրկին հաղթող է. շնորհավորում եմ բոլորիս. Նիկոլ Փաշինյան

Ամերիկաբնակ 2 հայերը դատի են տվել Թուրքիային՝ հայրենի գյուղ մեկնելու նպատակով վիզա չտրամադրելու համար

Շատ եմ ափսոսում մեծ արդյունքը, որը հստակ տեսանելի էր, ափսոսում եմ սեպտեմբերից սպասվող ամեն մի ծրագիր. Հայրապետյան

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին