Ըստ դատախազի՝ Քոչարյանի սահմանահատումների վերաբերյալ տվյալները հիմք են տալիս ենթադրել, որ նա կարող է թաքնվել

Երեւան քաղաքի ընդհանուր իրավասության դատարանում երկարատեւ քննարկումներից հետո սկսվեց Ռոբերտ Քոչարյանի խափանման միջոցի հարցով քննությունը:

Մասնավորապես գործի նկատմամբ դատավարական հսկողություն իրականացնող դատախազ Պետրոս Պետրոսյանը անդրադարձավ Քոչարյանին առաջադրված մեղադրանքներում հիմնավոր կասկածի հանգամանքներին՝ հրապարակելով մի շարք տեղեկություններ եւ փաստեր: Ըստ դատախազի՝ դատարանին բավարար է ուսումնասիրելու քրեական գործի նախաքննության ընթացքում առգրավված ՀՀ պաշտպանության նախարարության արխիվից 2008 թվականի փետրվարի 23-ին Պաշտպանության նախկին նախարար Միքայել Հարությունյանի կողմից ստորագրված համապատասխան գաղտնի հրամանը, որպես վկաներ հարցաքննված մի շարք անձանց՝ Արշակ Կարապետյանի, Վարդան Հարությունյանի, Վալերի եւ Վիկտոր Պողոսյանների եւ մի շարք այլ անձանց հարցաքննության արձանագրությունները: Պետրոս Պետրոսյանի խոսքով՝ դատարանը կարող է ուսումնասիրել նախագահի կողմից 2008 թվականին հրավիրված խորհրդակցությանը մասնակցած անձանց հարցաքննության արձանագրությունները, որոնք եւս հիմնավորում են առաջադրված մեղադրանքի հետ մեղադրյալի առնչությունը: Նա նաեւ վկայակոչեց Քոչարյանի՝ 2008 թվականի հեռուստատեսային նյութի տեսագրությունը, լազերային սկավառակները՝ զինված ուժերի տարբեր ստորաբաժանումների զրահատեխնիկայի վերաբերյալ, ՀՀ ազգային արխիվից ստացած արտակարգ դրություն հայտարարելու մասին 2008 թվականի մարտի 1-ի հրամանագիրը:

Ինչ վերաբերում է կաշառքի դրվագին, ապա Պետրոս Պետրոսյանը նշեց, որ արարքի կատարման փաստը հիմնավորող նյութերն են Սիլվա Համբարձումյանի հարցաքննությունները (նա նաեւ այլ անուններ թվեց, որոնք լսելի չէին,-հեղ.), Սիլվա Համբարձումյանի, Վարդան Օսկանյանի եւ Սամվել Մայրապետյանի հետ տեղի ունեցած առերես հարցաքննությունների արձանագրությունները:

Պետրոսյանը նշեց, որ գործը գտնվում է, ըստ էության, քննության փուլում եւ քննությունից թաքնվելու ռիսկերն ավելի բարձր են. ըստ նրա՝ գործը դատարանում է եւ այս պայմաններում հնարավոր փախուստը արդեն հնարավոր է դառնում: «Քրեական գործով թաքնվելու ռիսկերի հետ կապված մենք վկայակոչում ենք հետեւյալ քրեական գործում առկա տեղեկությունները՝ մասնավորապես մեղադրյալի հիմնական գործունեության վայրը հանդիսանում է ՀՀ-ից դուրս. Եվրոպական դատարանը բազմաթիվ վճիռներում անդրադարձել է անձի սոցիալական կապերին, դիրքին, նրա ֆինանսական միջոցներին եւ դրանք իրենց ամբողջության մեջ գնահատելով՝ թե՛ թաքնվելու, թե՛ խոչընդոտելու ռիսկերը ավելի քան բարձրանում են: Վերլուծելով էլեկտրոնային սահմանային համակարգում նրա սահմանահատումների տվյալները՝ մեր ենթադրությունը ողջամիտ համարելու հիմքեր է տալիս»,- ասաց Պետրոսյանը:

Դատավոր Դավիթ Գրիգորյանը մեղադրող դատախազ Պետրոս Պետրոսյանին լսելուց հետո վկայակոչեց մեղադրող դատախազի խոսքից մի հատված այն մասին, որ պաշտպանական կողմը դիմել է նախաքննական մարմնին՝ Ռոբերտ Քոչարյանի անձնագիրը ստանալու եւ երկրից հեռանալու թույլտվություն ստանալու համար ու հարցրեց. «Դուք ասացիք, որ նախաքննական մարմինը մերժել է այդ պահանջը՝ դիտարկելով փախուստի ռիսկը։ Ի՞նչ նկատի ունեիք փախուստի ռիսկ ասելով։ Այսինքն՝ նա դիմում է՝ ասելով՝ ես ցանկանում եմ դիմել փախուսի՞։ Ի՞նչն եք դիտում որպես փախուստի ռիսկ»։ Ի պատասխան Պետրոսյանն ասաց. «Երկրի տարածքից դուրս գալու հնարավորությունն ենք մենք դիտարկել։ Վարույթն իրականացնող մարմինը կարող է օբյեկտիվ ենթադրություն ունենա, որ մեղադրյալը կարող է դիմել փախուստի։ Այսինքն՝ կանխել ենք նրա փախուստի ռիսկը՝ հնարավորություն չտալով դուրս գալ երկրից»: Դատավորը դատախազից հետաքրքրվեց նաեւ, թե կալանքի ժամկետը երկարաձգելու մասին դատական ակտի կայացումից հետո կատարվե՞լ են քննչական գործողություններ, ձեռք բերվե՞լ են այնպիսի տվյալներ, որոնք կվկայեն կամ կփաստեն: Դատախազ Պետրոսյանը հստակ պատասխան չտվեց՝ նշելով, որ գործի ամբողջ նյութերը ներկայացվել են դատարան, երբ քննարկվում էր խափանման միջոցը երկարացնելու մասին հարցը։

Տպել
4475 դիտում

Օտար լեզվի քննության ժամանակ արձանագրվել է արտակարգ դրության իրավական ռեժիմի կանոնների խախտման 27 դեպք

Ոչ մեկը հստակ չի կարող ասել, Նարեկը ուր է, սահմա՞նն է անցել, թե՞ ինչ-որ դեպք է տեղի ունեցել

Ամեն անգամ նմանատիպ դեպքերը մեզ համար կարծես նորություն են, դասեր չենք քաղում․ Մարտիրոսյանը՝ «Յուքոմ»-ի խափանման մասին

Փարիզի Աստվածամոր տաճարը հրդեհից հետո կվերականգնվի նախկին ճարտարապետությամբ

30-ամյա Նարեկ Սարդարյանը որոնվում է որպես անհետ կորած

«Աջարաբեթ»-ի գրասենյակում պայթուցիկ սարք չի հայտնաբերվել

Ռուսաստանը հուլիսի 15-ից վերսկսելու է միջազգային ավիահաղորդակցությունը. ով կարող է մեկնել ՌԴ եւ ինչպես

Նրա գմբեթը բավական մեծ էր բոլորի համար. Գարո Փայլանն անդրադարձել է Սուրբ Սոֆիայի տաճարը մզկիթի վերափոխելու որոշմանը

«Է»-ն լեզվի «փողկապ»- ն է, երբ այն չկա, մարդը բարեկիրթ չէ. Վիկտոր Կատվալյան

Գերդրամատիկ խաղում «Նոան» առաջին անգամ Հայաստանի ֆուտբոլի գավաթակիր դարձավ

Կարեն Վարդանյանի հոգեհանգիստը տեղի կունենա հուլիսի 12-ին, Նոր Նորքի 5-րդ զանգվածի Սբ. Սարգիս եկեղեցում

12 մլն դրամ, 8000 դոլար, կենսաթոշակ ոստիկանությունից․ Սյունիքի մարզպետ Հունան Պողոսյանի հայտարարագիրը

Բենիամինում կայծակնահար է եղել գյուղի նախրապանը. երեքով են եղել՝ ինքը, թոռը, տղան

Նոր Գեղիում անօդաչու թռչող սարքերի միջոցով բույսերի որակական ստուգման և բուժման առաջին փորձն է իրականացվել

Գեղարքունիք համայնքի 12 փողոցներում կանցկացվի գիշերային լուսավորության համակարգ

Կարեն Վարդանյանի մահվան կապակցությամբ կառավարական հանձնաժողով է ստեղծվել

Հինգերորդ զորամիավորման զորամասերից մեկում անցկացվել է մարտական հերթապահություն իրականացնող զինծառայողների հերթափոխ

21-ամյա երիտասարդը դանակահարվել է վիճաբանությանը միջամտելու ժամանակ. հարուցվել է քրեական գործ

Էջմիածնի բնակարաններից մեկում հայտնաբերվել է մոտ 23կգ մշակված կանեփի բույս, 240գ. նույն բույսի թաց զանգված, կաթուցիչ

Հուլիսի 6-9-ը Տեսաչական մարմինը մայրաքաղաքի նախադպրոցական հաստատություններում իրականացրել է 40 մշտադիտարկում