Եղել են պահեր, երբ ինքս ինձ վրա վերցրել եմ պատասխանատվություն եւ անձնական որոշումներ եմ կայացրել․ վարչապետ

Այսօր մամուլի ասուլիսի ժամանակ լրագրողը Նիկոլ Փաշինյանին հիշեցրեց, որ 2014 թվականին, երբ դեռ «Քաղաքացիական պայմանագիրը» հանրային-քաղաքական միավոր էր, դրա կառավարման խորհրդի անդամ Նիկոլ Փաշինյանն իր հարցազրույցներից մեկում վստահեցրել էր, որ ՔՊ-ի իշխանության գալու դեպքում իրենց խնդիրն է լինելու քաղաքական լիդերի ինստիտուտը փոխարինել քաղաքական լիդերության ինստիտուտով։ Փաշինյանն այդ ժամանակ ասել էր, որ իրենց հարկավոր է մի կառույց, որտեղ որոշումները կայացվում են ոչ թե մի սուպեր լիդերի կողմից, որտեղ «ինքն» ասում է, մյուսները «չեստ» են տալիս, այլ տեղի է ունենում իրական քննարկում, բանավեճ, լիդերի քննադատությունը չի ընկալվում որպես թշնամանք։ Լրագրողը Փաշինյանին հարցրեց՝ կարո՞ղ է վստահեցնել, որ քաղաքական լիդերի ինստիտուտը փոխարինել է քաղաքական լիդերության համակարգով, եւ արդյոք ինքն ունի՞ սուպեր թիմ, հաշվի է նստում իր թիմակիցների կարծիքների հետ, քանի որ, ըստ լրագրողի, հանրությունն արդեն մի քանի անգամ կառավարության նիստերին ականատես է եղել, թե ինչպես վարչապետը թույլ չի տալիս կառավարության ներկայացուցչին իր տեսակետը ներկայացնել, եւ վերջում որոշումն ընդունվում է այնպես, ինչպես ի սկզբանե ասել էր վարչապետը։

Փաշինյանը պատասխանեց, որ ՔՊ-ում երկու ֆորմատ կա, որտեղ շաբաթը երկու անգամ ինքը քննարկումների է մասնակցում.

«Մեկը վարչության նիստն է, մյուսը մենք կոչում ենք նախաձեռնող խումբ, որտեղ տարբեր հարցեր ենք քննարկում։ Այդ քննարկումները նման հարթակներ են, որպեսզի տարբեր որոշումներ քննարկենք եւ լուծենք»,- ասաց Փաշինյանը։

«Երբ ասում եմ` ամեն մեկն իր լիազորությունները պետք է ունենա, այս 100 փաստի հեղինակը էն թիմն է, այդ թվում` կառավարությունը, որը երկրում առկա է: Ըստ էության, հեղափոխությունը եղել է թիմային աշխատանքի արդյունք։ Ըստ էության, այսօր էլ երկիրը կառավարվում է թիմային սկզբունքով, գուցե բազմաթիվ հանգամանքների բերումով որոշակի բալանսներ դեռ չեն գործում այն կատարելությամբ, ինչպես պետք է գործեն»,-ասաց նա։

Վարապետն ասաց, որ այո, եղել են դեպքեր, երբ թիմակիցների հետ չի խորհրդակցել, կայացրել է միանձնյա որոշումներ, օրինակ հոկտեմբերի երկուսին, երբ իր կոչով քաղաքացիները շրջափակեցին ԱԺ շենքը, որպեսզի ԱԺ կանոնակարգում փոփոխություններ չլինեն․ այդ օրը վարչապետը աշխատանքից ազատեց ԲՀԿ-ական եւ ՀՅԴ-ական նախարարներին ու մարզպետերին․

«Եղել են պահեր, երբ ինքս ինձ վրա վերցրել եմ պատասխանատվություն եւ անձնական որոշումներ եմ կայացրել, եւ կարծում եմ՝ քաղաքական լիդերությունը դրանում է, երբ պատասխանատու պահին պետք է կայացնես որոշում՝ ամբողջ պատասխանատվությունը վերցնելով քո վրա։ Հոկտեմբերի 2-ի ինչ անելու որոշումն, այո, ես միանձնյա եմ կայացրել (նկատի ունի «ԱԺ կանոնակարգ-օրենք»-ում փոփոխություններ անելու նախագիծը, որի արդյունքում Փաշինյանն ու քաղաքացիները շրջափակեցին խորհրդարանի շենքը- հեղ.), քանի որ ժամանակ չկար: Եթե փորձեինք ժողով անել, բանը բանից կանցներ, ու էլի են եղել դեպքեր։ Էն մարդը, որը պետության ղեկավարի կարգավիճակ ունի, պետք է ի վիճակի լինի կայացնել որոշումներ եւ պատասխանատվություն վերցնել իր վրա։ Արդյոք իմ ասածը հարյուր տոկսով իրականություն է, թե՝ ոչ, չեմ կարող ասել, որ հարյուր տոկոսով իրականություն է, բայց որ դա մեր գաղափարն ու նպատակն է, եւ որ այդ ուղղությամբ ենք շարժվում, դա նույնպես փաստ է»,- ասաց վարչապետը։

Տպել
1139 դիտում

Արա Այվազյանը և ԵԱՀԿ Մինսկի խմբի համանախագահները մտքեր են փոխանակել առաջիկա ժամանակացույցի շուրջ

Սենատի որոշումն իրավական ուժ չունի, վերջին խոսքը Ֆրանսիայի կառավարությանն է. ինչ է սպասվում հիմա

Արգենտինայում եռօրյա սուգ է հայտարարվել լեգենդար ֆուտբոլիստ Դիեգո Մարադոնայի մահվան կապակցությամբ

Մեկնարկել է «1991 ստորաբաժանման» նախապատրաստական երրորդ դասընթացի հայտագրումը

Արմեն Թավադյանի պաշտպանը միջնորդեց անթույլատրելի ապացույց ճանաչել նրա տնից առգրավված քարերն ու դրամական միջոցները

ԱԳՆ հայտարարությունը Ֆրանսիայի Սենատի կողմից ընդունված բանաձևի վերաբերյալ

Հրդեհ Գյումրիում. կա տուժած քաղաքացի

Արցախի ԱԳՆ-ն ողջունել է Ֆրանսիայի Սենատի կողմից Արցախը ճանաչելու անհրաժեշտության մասին ընդունված բանաձևը

Արցախի միջազգային ճանաչումը մտնում է միջազգային օրակարգ. Ֆրանսիայի Սենատի որոշումը պատմական է. Նիկոլ Փաշինյան

Մեր ենթադրությամբ՝ ՄԻՊ-ի նկատմամբ հարձակումները կազմակերպվում կամ համակարգվում են բարձրաստիճան պաշտոնյաների կողմից. ՄԻՊ

Արա Այվազյանը և ԵԽ պատվիրակության ներկայացուցիչներն ընդգծել են Արցախի ժառանգության պահպանման քայլերի անհրաժեշտությունը

Ֆրանսիայի Սենատն ընդունեց Լեռնային Ղարաբաղի Հանրապետության ճանաչման անհրաժեշտության մասին բանաձևի նախագիծը

Հայաստանում ԱՄՆ ՄԶԳ առաքելությունը օգնում է Լեռնային Ղարաբաղում տեղի ունեցած պատերազմի հետևանքով տեղահանված ընտանիքներին

Մահացել է լեգենդար ֆուտբոլիստ Դիեգո Մարադոնան

Երևանի 33-ամյա բնակիչը զարդեր է գողացել և գրավադրել դրանք. տղամարդը ձերբակալված է (տեսանյութ)

Հրդեհ Ստեփանակերտում. տուժածներ չկան

Զորահավաքով զորակոչվածների փուլային զորացրում, եռամսյա վարժական հավաքներ. ԳՇ-ն սահմանները պահելու տարբերակ է առաջարկում

ԱԺ հանձնաժողովը բացասական եզրակացություն տվեց ռազմական դրությունը վերացնելու մասին նախագծին

Ֆրանսիայի Սենատում մեկնարկել է «ԼՂՀ ճանաչման անհրաժեշտության մասին» բանաձևի նախագծի քննարկումը. «Արմենպրես»

Ռազմական դրությունը մասնակի չեղարկելու համար իրավական տեսանկյունից խնդիր չկա