Թող դատի տա, ես մեծ հաճույքով սպասում եմ այդ օրվան. Մատենադարանի տնօրենի պատասխանը գիտնականին

Մատենադարանի միջնադարյան ժողովրդական մշակույթի ձեռագիր աղբյուրների հետազոտման խմբի ղեկավար Արծրունի Սահակյանը պատրաստվում է դատի տալ տնօրեն Վահան Տեր-Ղեւոնդյանին:

Այս մասին այսօր նա հայտարարեց լրագրողների հետ հանդիպման ժամանակ: «Երբ որ նա տեսավ, որ խումբը փակելու գիտական հիմնավորումները բավարար չեն, ավելացրեց եւս մեկ պատճառ, ասաց՝ դե որ այդպես է, պարզ, անկեղծ խոսեմ եւ ինձ մեղադրեց այն բանում, որ ես շանտաժով, խաբեությամբ, բանսարկությամբ ճնշում եմ գործադրել նախկին տնօրեն Հրաչյա Թամրազյանի վրա, եւ որ իբր թե Թամրազյանը իրեն ասել է (այսինքն՝ հանգուցյալին է վկայակոչում), որ չուզենալով բացում եմ ես այդ խումբը, որովհետեւ ճնշում են, ինչ անեմ: Ես էլ ասում եմ՝ դա այնպիսի մեղադրանք է, որ ես չեմ ուզում որեւէ այլ տեղ այն քննարկել, քան դատարանում: Ահա իմ անելիքներից մեկը»,- նշեց Արծրունի Սահակյանը:

«Ուրիշ ինչպե՞ս ես մաքրվեմ, ինչպե՞ս կարող եմ հերքել, դա ամբողջ կոլեկտիվի առաջ է ասում, հոգաբարձուների խորհրդի առաջ է ասում: Եթե ես լռեմ, նրանք կմտածեն, որ այդ խարդախ ճանապարհով եմ այդ խումբը բացել: Ընդ որում ակնարկում էր նախկին հոգաբարձուների խորհրդի նախագահ Լեւոն Սարգսյանին՝ նախկին նախագահի եղբորը, որ եղել է այդ ճնշման մասնակիցներից մեկը: Եթե ես նրա միջոցով նման ճնշում ունենայի, ես կլինեի տնօրենը, ոչ թե Վահան Տեր-Ղեւոնդյանը: Մատնադարանը այնպիսի հիմնարկ է, որի տնօրենը առանց նախագահի իմացության անգամ տնօրեն լինելու երազանք չի կարող ունենալ: Մարդը դառնում է հիմնարկի տնօրեն նախկին իշխանությունների հովանավորությամբ եւ ինձ մեղադրում, որ բաժնի վարիչ եմ դարձել նրանց օգնությամբ»,- արձանագրեց գիտնականը:

Ավելի վաղ նա ահազանգել էր, որ Մատենադարանում ձեռնարկված կառուցվածքային փոփոխությունների արդյունքում լուծարվելու է իր ղեկավարած գիտական խումբը, քանի որ տնօրենն այդպիսով փորձում է հաշվեհարդար տեսնել: Արծրունի Սահակյանը դա հիմնավորում էր այն հանգամանքով, որ Վահան Տեր-Ղեւոնդյանի դոկտորական ատենախոսությունների հաստատումը երկու անգամ մերժվել է իր գաղտնի գրախոսության պատճառով, ինչը նա բացահայտել է, եւ ձգձգվել է տնօրեն դառնալու գործընթացը: Իսկ դոկտորի գիտական աստիճանը պարտադիր պայման է գիտական այդ կառույցը ղեկավարելու համար:

Արծրունի Սահակյանը ասաց, որ առաջիկայում հրապարակելու է իր գրախոսությունը: Նաեւ փորձելու է հասնել այն բանին, որ ստուգման ենթարկվեն Մատենադարանում այս տարի անցկացված աուդիտի արդյունքները, որովհետեւ չի ուզում կասկածներ ունենալ, որ աշխատում է ազնիվ հիմնարկում: Նա մանրամասնեց, որ աուդիտը հրավիրվել, ապա  արդյունքները զեկուցվել են ՊԵԿ-ին՝ առանց հոգաբարձուների խորհրդի իմացության: Պատասխանելով մեր հարցին՝ Սահակյանը հաստատեց, որ աուդիտի անցկացումը օրենքի պահանջ էր: Այն պետք է իրականացվեր մինչեւ մարտի 25-ը, այնինչ հոգաբարձուների խորհրդի առաջիկա նիստը հրավիրված էր ապրիլի 6-ին: Հետեւաբար, ըստ նրա, ստեղծված իրավիճակում Մատենադարանի ղեկավարությունը նախընտրել է խախտել հաստատության կանոնադրությունը, ոչ թե օրենքը:

Գիտնականը նաեւ տարակուսանք հայտնեց Մատենադարանի հոգաբարձուների խորհրդում հաստատության ներկայացուցիչների ընդգրկման սկզբունքի մասին: Սա հաստատության կառավարման բարձրագույն մարմինն է, որը նաեւ տնօրեն է ընտրում: Կազմված է 23 անդամից, 11-ը Մատենադարանի աշխատակիցներ են: «Տնօրենը ինքն է առաջարկել, ոչ ոք մատենադարանից տղյակ չի եղել, թե մատենադարանի 11 անդամը ինչպես հայտնվեց այդ ցուցակում: Դա հայտնի է միայն մատենադարանի տնօրենին ու (ԿԳ) նախարարին: Նախարարը կա՛մ պիտի հարցներ՝ ինչ ձեւով ես սրանց անունները բերել, կա՛մ պիտի սուսուփուս տաներ վարչապետի հաստատմանը: Կանոնադրությունը չի սահմանում՝ խորհրդի համար ինձ ձեւով ընտրել, բայց դա չի նշանակում, թե տնօրենը իր ընտրիչներին ինքը պիտի ընտրի,- համոզմունք հայտնեց Արծրունի Սահակյանը:

Մատենադարանի տնօրեն Վահան Տեր-Ղեւոնդյանը, մեր զրույցում անդրադառնալով հաստատության 11 ներկայացուցիչներին ընտրելու սկզբունքին, նշեց. «Նախկինում, երբ Մատենադարանը ՊՈԱԿ էր, ոչ թե հիմնադրամ, հոգաբարձուների խորհրդի փոխարեն ուներ կառավարման խորհուրդ: Մենք ունենք նաեւ գիտական խորհուրդ: ՊՈԱԿ-ի մասին օրենքով թույլատրվում էր, որ նույն անձը լինի թե՛ գիտխորհրդի, թե՛ կառավարման խորհրդի անդամ, մինչդեռ Հիմնադրամների մասին օրենքը խստորեն ասում է, որ նույն անձը չի կարող լինել երկու խորհրդի անդամ: Դրա համար լրիվ տարբեր մարդիկ են գիտխորհրդում եւ հոգաբարձուների խորհորդում: Իսկ սկզբունքը հետեւյալն է. եթե մենք ունենք գիտխորհուրդ, որտեղ քննարկվում են գիտական հարցեր, բնականաբար տրամաբանական է, որ այդտեղ լինեն գիտական բաժինների ղեկավարները, գիտության դոկտորները եւ համեմատաբար ավելի հայտնի, վաստակաշատ կամ անվանի գիտնականները: Իսկ հոգաբարձուների խորհուրդը, եթե նայեք նրա կանոնադրության մեջ, թե ինչ հարցեր է քննում, ապա կտեսնեք, որ դրանք հիմնականում հետեւյալն են՝ նախորդ տարվա բյուջեի կատարողականի ընդունում, ընթացիկ տարվա բյուջեի նախահաշվի հաստատում, տարբեր կառուցվածքային, հաստիքային եւ ֆինանսատնետսական հարցեր: Արդյոք տրամաբանակա՞ն չէ, որ այդտեղ ներկայացված լինի նաեւ Մատենադարանի վարչական մասը՝ տնօրենի տնտեսական գծով տեղակալ, գլխավոր հաշվապահ, կադրերի բաժնի վարիչ: Հիմա եթե ինչ-որ մեկը մեծ ցանկություն է ունեցել այդ խորհրդում ընդգրկվելու եւ չի հայտնվել ու սրտնեղում է, դա իր գործն է»:

Աուդիտը հոգաբարձուների խորհրդի նիստից առաջ անցկացվելու վերաբերյալ էլ ասաց. «Դրանք եթե լուրջ հարցեր լինեին, ապա հոգաբարձուների խորհուրդը ինքը կահազանգեր: Ինչ-ինչ կազմակերպական պատճառներվ հոգբարձուների խորհուրդը մեկ-մեկուկես ամիս առաջ հնարավոր չի եղել հավաքել, եւ դա արվել է միայն ապրիլի 6-ին»: Տնօրենը նույնպես փաստեց, որ ստեղծված իրավիճակում իրենք ընտրել են Հայաստանի Հանրապետության օրենքը պահպանելու եւ միայն Մատենադարանի կանոնադրության ենթակետը խախտելու տարբերակը: Նա նշեց, որ աուդիտ անող կազմակերպության ընտրության մրցույթը օրինական ձեւով անց է կացվել, հաղթել է «Ասատրյան» ՍՊԸ-ն:

Ինչ վերաբերում է իր դեմ դատական հայց ներկայացնելու Արծրունի Սահակյանի մտադրությանը՝ Մատենադարանի տնօրենը արձագանքեց. «Թող դատի տա, ես մեծ հաճույքով սպասում եմ այդ օրվան»:

Հ.Գ. Մատենադարանի միջնադարյան ժողովրդական մշակույթի ձեռագիր աղբյուրների հետազոտման խմբի լուծարման թեմայի շուրջ առավել մանրամասն Արծրունի Սահակյանի հետ մեր զրույցն ու տնօրեն Տեր-Ղեւոնդյանի մեկնաբանությունները ներկայացրել ենք մեր նախորդ հրապարակման մեջ:

Տպել
2155 դիտում

50-ամյա տղամարդն ու որդին ծեծել են Հարկադիր ծառայության բաժանմունքի պետին ու դիմել փախուստի

«Քաղաքացիական պայամանագիր» խմբակցության պատգամավորները մեկնաբանում են երեկ ԱԺ-ում տեղի ունեցած միջադեպը

Արդյոք ԵՊՀ ռեկտորի պաշտոնում Հովհաննես Հովհաննիսյանից բացի այլ մարդ կառաջադրվի՞, թե՞ ոչ

Արաբկիրի փողոցներից մեկով կոյուղաջուր է հոսում. «Վեոլիա Ջրից» պնդում են՝ պատճառը բնակիչների անբարեխիղճ պահվածքն է

Տղամարդը 34-ամյա ընկերուհուն սպանել է՝ իմանալով այլ մարդու հետ կապի մասին. գործը դատական փուլ է հասել

Ներքաղաքական գզվռտոցի պատճառով երբևէ չենք բոյկոտել աշխատանքը դրսում, ամոթ ձեզ. Սամսոնյանը՝ ընդդիմադիր խմբակցություններին

Վերականգնվել են Ծովագյուղ-Շողակաթ-Վարդենիս ավտոճանապարհի երկու փլվածքները

Կալանք է դրվել Սեյրան Օհանյանի, նրա կնոջ, Սերժ Սարգսյանի թիկնազորի նախկին պետի և նրանց մերձավորների գույքի վրա

Մահացել է «Միություն ընդդեմ ցեղասպանության» կազմակերպության նախագահ Ալի Էրթեմը

Հաստատվել է ուսումնական հաստատություններին դասագրքերով ապահովելու կարգը

«Բուրգըրի»-ն կվերսկսի գործունեությունը. հանրային սննդի օբյեկտի ամբողջ տարածքը ենթարկվել է մանրակրկիտ ախտահանման

«Նաիրիտի» աշխատակիցները բողոքի ակցիա են իրականացնում Կառավարության դիմաց

Մեզ համար անսպասելի էր Բաքվի հայտարարությունը. Մհեր Գրիգորյանը ներկայացրել է եռակողմ խմբի աշխատանքների ընթացքը

ԱԺ-ն կողմ քվեարկեց ՀՀ ոստիկանության և ՌԴ ներքին գործերի նախարարության միջև տեղեկատվության փոխանակման մասին համաձայնագրին

ՀՀ տարածքում կան փակ ավտոճանապարհներ

Կորոնավիրուսի դեմ չպատվաստված կամ չթեստավորված աշխատողներն աշխատանքից կազատվեն. նախագիծը առաջին ընթերցմամբ ընդունվեց

Հայաստանում վերջին 1 օրում կորոնավիրուսի 410 նոր դեպք է հաստատվել, գրանցվել՝ 10 մահ

Հոնկոնգի համալսարանի հետազոտողները հրապարակել են կորոնավիրուսի «Օմիկրոն» շտամի մանրապատկերները (լուսանկար)

Արարատ Միրզոյանը կմեկնի Ֆրանսիա

36 ժամ ջուր չի լինելու Քանաքեռ-Զեյթուն և Արաբկիր վարչական շրջաններում

Այլ տարբերակ մենք չունենք, դա լինելու է ՌԴ խաղաղապահ առաքելության շրջանակներում. ԱՀ նախագահը՝ անվտանգության մասին

Վերսկսել աշխատանքները, խուսափել սադրանքներից. ԵԱՀԿ ՄԽ համանախագահները հանդես են եկել Ղարաբաղի վերաբերյալ հայտարարությամբ

Հայաստանում մինչև տարեվերջ նախատեսվում է հիմնել ԱԹՍ կրթական լաբորատորիաներ. Սեդրակ Վարդանյան

Հաագայի դատարանը բավարարել է Հայաստանի գրեթե բոլոր պահանջները և մերժել Ադրբեջանի պահանջների մեծ մասը․ Եղիշե Կիրակոսյան

Նիկոլ Փաշինյանի որոշմամբ՝ պատվիրակություն է գործուղվում Փարիզ

Խոսել են անհանգստացնող բոլոր հարցերի մասին. Պուտինի ու Բայդենի հանդիպումը տևել է 2 ժամ

Էրդողանի այցի ընթացքում Թուրքիայի և Կատարի միջև 15 փաստաթուղթ է ստորագրվել

Հայաստանի 7 մարզերի և Երևանի մի մասում մի քանի ժամով հոսանքազրկում է սպասվում

Հրդեհ Լոռու մարզի Դսեղ գյուղում. այրվել են անասնագոմն ու ներսում կուտակված անասնակերը

Ես ալ շվի կածեի, շվին մնաց ավերակների տակ. լիբանանահայ երաժիշտը փնտրում է գյումրեցուն, ում տարիներ առաջ սրինգ է նվիրել

Գնել Սանոսյանը մասնակցել է ԱՄՆ տնտեսական քարտուղարության կազմակերպած «Կանաչ էներգիայի Հարավային Կովկասի ֆորում»-ին

Լիանա Սիմոնյանն ազատվել է Ազգային ժողովի նախագահի օգնականի պաշտոնից եւ նշանակվել խորհրդական

Մխիթար Զաքարյանի գործը քննող դատավորը նրա մտերիմ ընկերն է. վերջիններիս կապը բացահայտվելուց հետո նա ինքնաբացարկ է հայտնել

Իսպանական հեղինակավոր թերթը լավագույն զբոսաշրջային ուղղություններում ներառել է Հայաստանը

Զորամասերից մեկում անցկացվել են անվտանգության կանոնների պահպանման պարապմունքներ

ԱԺ-ն հյուրընկալել է Հայաստանի մարզերի, սահմանամերձ գյուղերի երեխաներին

ՊՎԾ-ն Երեւանի քաղաքապետարանում շինթույլտվությունների վերաբերյալ տարաբնույթ խախտումներ է հայտնաբերել

Կոնջորյանը և Գալջյանը քննարկել են Երևանում տեղական ինքնակառավարման մասին օրենքում փոփոխություններ կատարելու մասին հարցեր

Հանրապետական ուսանողական 22-րդ մարզական խաղեր. հայտնի են բասկետբոլի և վոլեյբոլի մրցումների հաղթողները

Սպիտակի ավերիչ երկրաշարժի տարելիցի կապակցությամբ հիշատակի արարողություններ են անցկացվել, հարգանքի տուրք մատուցվել