Ես բանակցությունները սկսել եմ ոչ թե Սերժ Սարգսյանի կետից, այլ իմ սեփական կետից. Նիկոլ Փաշինյան

«Որեւէ մեկը չի կարող պետության, քաղաքացու կամ գյուղացու հետ շանտաժի լեզվով խոսել: Ասում են՝ եթե հարկերը պետք է մուծենք, ուրեմն էս կանենք, էն կանենք, դա ի՞նչ խոսելաձեւ է»:

Այս մասին այսօր լրագրողների հետ զրույցում հայտարարեց ՀՀ վարչապետ Նիկոլ Փաշինյանը՝ անդրադառնալով «Սպայկա» ընկերության շուրջ զարգացումներին ու տնօրենի կալանավորմանը:

Հիշեցնենք, վարչապետը Ազգային ժողովում էր, հանդիպում ուներ իշխող կուսակցության պատգամավորների հետ:

Պատասխանելով լրագրողներից մեկի՝ Ադրբեջանի նախագահի հետ հանդիպման արդյունավետության մասին հարցին, Նիկոլ Փաշինյանն ասաց.

«Քանի դեռ Ղարաբաղի հարցը չի կարգավորվել, որեւէ բանակցություն արդյունավետ չէ: Բայց հանդիպումը գնահատվել է կառուցողական եւ դրական եւ այդ մտքի հետ բոլորս համաձայնել ենք»:

Պաշտպանության նախարար Դավիթ Տոնոյանի՝ պատերազմի մասին հայտարարությանն անդրադառնալիս, վարչապետը նշեց, որ հարցին արդեն բազմիցս անդրադարձել են:

«Մենք ասում ենք՝ մեզ մի վախեցրեք պատերազմով, որովհետեւ մենք պատերազմից վախեցողը չենք: Պաշտպանության նախարարի ասածի մեջ որեւէ ապակառուցողական բան չկա: Մենք ամեն բան անելու ենք, որ խաղաղության օրակարգն առաջ քաշենք: Բայց այս ամենն ասելով՝ թող ոչ ոք չկարծի, որ մենք վախենում ենք պատերազմից: Եթե մեկը մտածում է, որ Հայաստանի դեմ պատերազմ սկսի, Հայաստանը հանձնվելու է, ուրեմն միամիտ է: Մենք ասում ենք, որ պետք է հակամարտությունը լուծվի խաղաղությամբ: Պետք չէ անընդհատ խոսել պատերազմից: Ինչքան պատերազմից մենք վախենալու բան ունենք, այդքան էլ Ադրբեջանն ու տարածաշրջանն ունի, որովհետեւ պատերազմի մեջ փլավ չեն բաժանում: Մեզ առաջարկվող պատերազմին մենք հարկադրելու ենք խաղաղություն: Դա մեր պատերազմը չի լինելու, որովհետեւ մենք ոչ մեկին չենք պարտադրում պատերազմ, բայց եթե պատերազմ լինի, մենք հարկադրելու ենք խաղաղություն: Պետք չէ բոլոր հանդիպումներից առաջ եւ հետո խոսել պատերազմից:

Նույն հայտարարության մեջ՝ ԵԱՀԿ Մինսկի խմբի համանախագահների եւ 2 արտգործնախարարների, գրվել է, որ կողմերը պայմանավորվել են պահպանել եւ ակտիվացնել հրադադարի ռեժիմը: Կա՞ հնարավորություն, որ մենք դրժենք այդ պայմանավորվածությունը, ո՛չ, չկա:

Իսկ եթե որեւէ մեկը դրժի, չի նշանակում, որ մենք չենք պաշտպանվելու: Ես հուսով եմ՝ Ադրբեջանի նախագահն էլ չի դրժի այս պայմանավորվածությունը, որովհետեւ դրա գրավոր տարբերակն էլ կա՝ գրված ու ստորագրված: Մենք ընդամենը բոլորի ուշադրությունն ենք հրավիրում այն փաստի վրա, որ Ադրբեջանը ժամանակ առ ժամանակ պատերազմի մասին է խոսում: Եկեք խաղաղության օրակարգ ձեւավորենք եւ խոսենք խաղաղության օրակարգի շուրջ, սա է մեր ուզածը: Բայց ես էլի եմ ասում, սա պետք չէ ընդունել որպես վախ, մենք վախեր չունենք:

Երբ մենք կկարողանանք երկուստեք ապահովել 2 կողմերի գյուղերի անվտանգությունը եւ կկարողանանք երաշխավորել, որ կողմերը այլեւս չեն կրակի ու հատկապես գյուղատնտեսական աշխատանքների ժամանակ, դա կլինի մարդասիրություն:

Ես կրկնում եմ, այն, ինչ համանախագահների եւ արտգործնախարարների անունից հրապարակվել է, ես բնականաբար տեսել եմ եւ ամեն բառի հետ համաձայն եմ, այո, եղել է կառուցողական հանդիպում:

Եթե հիշում եք, ես ասել եմ, որ մենք լինելու ենք իրավիճակին ադեկվատ, եթե ակնկալվում է, որ մենք կառուցողական լինենք, ուրեմն կլինենք: Մեր խնդիրն է լինել լսելի եւ մենք պատրաստ ենք լսել»:

Վերջում, արձագանքելով լրագրողի դիտարկմանը, Նիկոլ Փաշինյանը նշեց, որ կա մեծ սխալ ընկալում եւ դա այն է, որ ինքը բանակցությունները սկսել է ոչ թե Սերժ Սարգսյանի կետից, այլ իր սեփական կետից:

Տպել
4138 դիտում

Դադարեցվում է հանրային տրանսպորտի գործունեությունը, թույլատրվում է տաքսիների գործունեությունը. պարետի նոր որոշսւմը

Պարետը նոր որոշում է ընդունել. կտեղադրվեն հատուկ անցակետեր՝ անձանց ու տրանսպորտային միջոցների շարժը վերահսկելու համար

Արցախում կայացած նախագահական ընտրությունների նախնական արդյունքներ

Առանձնացվել են տարբեր վայրեր, որոնք կարող են արդյունավետ ծառայել քաղաքացիների մեկուսացման համար

Միայն «մենք» չենք կարող կոտրել այս տեմպը, դա կարող ենք անել «մենք բոլորս»․ Արսեն Թորոսյան

Ինչու է ԱՄՆ-ը ցանկանում արդիականացնել Գերմանիայում գտնվող իր միջուկային զինանոցը

ԱԺ-ն ամբողջությամբ ընդունեց մարդկանց տեղաշարժն ու հեռախոսազանգերը ֆիքսելու մասին օրինագիծը

Անցկացվել է Լոռու կորոնավիրուսի վարակի տարածման, կանխարգելման եւ արձագանքման շտաբի հերթական նիստը

Հավաք-պարապմունքներ են անցկացվել 5-րդ զորամիավորումում․ ՊՆ

ԱԺ նախագահը 3 ժամ առաջ հայտարարել էր, որ 21։30-ից հետո նիստ է լինելու, սակայն ընդդիմությունն էլի չկա․ Ռուբեն Ռուբինյան

Բյուրեղավանի ոստիկանները գողության դեպքեր են բացահայտել

Կրակային պատրաստության պարապմունք է անցկացվել 4-րդ զորամիավորումում․ ՊՆ

Անելու եմ ամեն ինչ, որ իրավապահ մարմինները պատշաճ կերպով ընթացքավորեն բոլոր առերևույթ իրավախախտումները. ԱՀ ՄԻՊ

Կորոնավիրուսից մինչեւ նավթի շուկայում տիրող իրավիճակ. Պուտինն ու Թրամփը հեռախոսազրույց են ունեցել

Ես պատրաստ եմ ընդունել Արցախի բնակչության քվեարկության ցանկացած արդյունք. Արայիկ Հարությունյան

Ոստիկանության Նաիրիի բաժնի ծառայողները բնակարանային գողության դեպք են բացահայտել

Զոհրաբ Մնացականյանը երախտագիտություն է հայտնել ԱՄՆ-ին կորոնավիրուսի դեմ պայքարում աջակցության համար

Արցախի ընտրություններին մասնակցել է ընտրողների 72.7 տոկոսը. ամենացածր մասնակցությունը գրանցվել է Երեւանի տեղամասում

Ժամը 18:30-ի դրությամբ գանձապետարանում բացված ֆինանսական աջակցության հաշվի մուտքերը կազմել են 813 մլն 144 հազար դրամ

Կորոնավիրուսի հաստատված դեպքով եւս մեկ քաղաքացի այսօր վերակենդանացման բաժանմունքից տեղափոխվել է բուժական բաժանմունք