Վտանգավոր ուղերձներ. մնացածը դատարկ հռետորաբանություն է

ԼՂՀ Պաշտպանության բանակի նախկին հրամանատար, Արցախի նախագահական ընտրություններին մասնակցելու հավակնություններ ունեցող Սամվել Բաբայանը հայտարարել է, թե «մեկ հազարամյակ հայ ժողովուրդը մի մետր հող չի գրավել, իմ ղեկավարության ժամանակ դա կատարվել է»։ Ու ավելացրել է, թե բանակցություններ են ընթանում տարածքներ հանձնելու շուրջ, որից հետո մենք պիտի Լաչինի միջանցքով «պա պլաստունսկի» գնանք-գանք, իսկ ինքը գալիս է Արցախ, որպեսզի դա թույլ չտա։ Համենայն դեպս՝ նրա ուղերձի հիմնական իմաստը սա է։

Խնդիրը նույնիսկ այն չէ, որ Սամվել Բաբայանն իրեն է վերագրում արցախյան հաղթանակը՝ շեշտելով, որ դա տեղի է ունեցել «իր ղեկավարության ժամանակ» (կարծես թե ՀՀ զինված ուժերի գերագույն-գլխավոր հրամանատար չկար, ՀՀ պաշտպանության նախարար չկար, ԼՂՀ Պաշտպանության պետական կոմիտե չկար, գենշտաբ չկար․․․)։ Ռոբերտ Քոչարյանն էլ համարյա ամեն ինչ իրեն է վերագրում, որովհետեւ հաղթանակն, ինչպես հայտնի է, բազում տերեր ունի, իսկ պարտությունը որբ է։ Շատ ավելի կարեւոր է Սամվել Բաբայանի հայտարարությունների այն ենթատեքստը, թե բոլորը բանակցել եւ բանակցում են տարածքներ զիջելու հարցի շուրջ, իսկ ինքը այդպես չի վարվելու։ Այսինքն՝ իրենից բացի բոլորը կամ հիմարներ են (որովհետեւ չեն հասկանում, որ տարածքներ զիջել չի կարելի), կամ դավաճաններ (որովհետեւ «Ղարաբաղը ծախում են»)։

Սա շատ վտանգավոր ուղերձ է ոչ միայն այն պատճառով, որ փաստորեն փորձ է արվում սեպ խրել Հայաստանի եւ Արցախի միջեւ (որովհետեւ ստացվում է, որ վերջին 25 տարիների ընթացքում Հայաստանի չորս ղեկավարներն էլ սկզբունքորեն դեմ չեն եղել ազատագրված տարածքների մի մասը զիջելուն), այլեւ այն պատճառով, որ խեղաթյուրվում է հարցի խորքային բովանդակությունն ընդհանրապես։

Մեծ հաշվով, խնդիրն այն չէ, թե Հայաստանի ղեկավարներից ով է ավելի կամ պակաս հայրենասեր, ով է ռազմատենչ, եւ ով՝ ավելի խաղաղասեր, եւ այլն։ Խնդիրն այն է, որ գործնականում Հայաստանի որեւէ ղեկավար չի կարող հենց այնպես վերցնել ու ազատագրված տարածքներից թեկուզ մեկ մետր վերադարձնել Ադրբեջանին։ Այսինքն՝ այնպես չէ, որ Հայաստանի որեւէ ղեկավար կարող է բանակցությունների սեղանի շուրջ ինչ-որ փաստաթուղթ ստորագրել, հետո գալ ու ասել «վերջ, ես համաձայնությունս տվել եմ, մի ամիս հետո այս-այս-այս տարածքները վերադարձնում ենք»։ Դա բացառված է։ Այսինքն, խոսքն այն մասին չէ՝ վերադարձնե՞լ տարածքները, թե չվերադարձնել։ Խոսքն այն մասին է, թե ինչպե՞ս ապահովել չվերադարձնելը։

Եթե հարցին նայում ենք այս տեսանկյունից՝ ակնհայտ է դառնում, որ տարածքները պահելու միակ արդյունավետ ձեւը հզոր տնտեսություն եւ մարտունակ բանակ ունենալն է։ Իսկ հզոր տնտեսություն ունենալու համար պետք է արմատախիլ անել կոռուպցիան, վերացնել ստվերը, մրցակցային հավասար պայմաններ ապահովել եւ այլն, ինչի արդյունքում բյուջեի մուտքերը կավելանան, այդ գումարները կդառնան ժամանակակից հրթիռներ, եւ այսպես շարունակ։ Սա է, ուրիշ ճանապարհ չկա։ Հետեւաբար՝ արցախյան կարգավորման նկատմամբ Հայաստանի այս կամ այն ղեկավարի դիրքորոշումը գնահատելիս պետք է հաշվի առնել ոչ այնքան նրա հրապարակային հայտարարությունները (որեւէ ամբիոնից խրոխտ ելույթներ ունենալն առանձնապես բարդ չէ), որքան այն, թե ինչ է արել տվյալ ղեկավարը հզոր, առողջ տնտեսություն ու համապատասխանաբար՝ մարտունակ բանակ ունենալու համար։

Ընդ որում՝ ընդհանուր ռազմավարությունը շատ ավելի կարեւոր է, քան կարճաժամկետ էֆեկտ տվող քայլերը։ Օրինակ՝ կարելի է էներգետիկ ենթակառուցվածքները վաճառել որեւէ երկրի ու դրա դիմաց ինչ-որ փուլում սպառազինություն ստանալ, բայց երկարաժամկետ կտրվածքով՝ եթե այդ ենթակառուցվածքները մերը մնային, տնտեսությունն ավելի դինամիկ կզարգանար, ու բանակն էլ համապատասխանաբար ավելի մարտունակ կլիներ՝ ոչ թե ինչ-որ փուլում, այլ միշտ։ Կամ վերցնենք նույն Սամվել Բաբայանի օրինակը։ Եթե ժամանակին ԼՂՀ-ում փաստացի իշխանությունը պատկանած լիներ ոչ թե նրան, այլ պակաս կոռումպացված մեկին, Արցախի տնտեսությունն էլ այսօր երեւի ավելի առողջ կլիներ, բանակը՝ ավելի հզոր, ազատագրված տարածքները չվերադարձնելու մեր փաստարկներն էլ՝ ավելի ամուր։

Այնպես որ՝ միայն խոսելով չէ, խոսել կարող են բոլորը։ Բայց հայրենիքի անվտանգությունը կոնկրետ գործերով են պաշտպանում։ Տնտեսություն զարգացնելով, արդարություն ապահովելով, արտագաղթ կասեցնելով, մի խոսքով՝ արդյունավետ եւ ժամանակակից պետություն դառնալով։ Մնացածը դատարկ հռետորաբանություն է։

Տպել
13512 դիտում

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում

Խմելու ջրի սակագինը չի թանկանա

ԱՄՆ-ը համաձայն չէ Ադրբեջանի պնդումների հետ․ Մեթյու Միլլեր

Հայաստանը կստանա 92,3 մլն եվրոյի բյուջետային վարկ և 16 մլն եվրոյի դրամաշնորհ. ինչ նպատակների համար կծառայեն դրանք

Հայաստանում, բացի ՀՀ կառավարությունից, որևէ այլ կառավարություն չի կարող գոյություն ունենալ. Փաշինյան