2017-ին «Ելք»-ի աջակիցների վրա զինված հարձակման գործով դատարանում ցուցմունք տվեց վարչապետ Նիկոլ Փաշինյանը

ՀՀ վարչապետ Նիկոլ Փաշինյանն այսօր Երեւան քաղաքի ընդհանուր իրավասության դատարանում ցուցմունք տվեց 2017 թվականին «Ելք» դաշինքի անդամների եւ Հոկտեմբերի 27-ի գործով ազատազրկման դատապարտված Արթուր Այվազյանի (մականունը՝ Մանախ) միջեւ տեղի ունեցած միջադեպի գործով: 

Հայաստանում վերջին տասը տարիների ընթացքում աննախադեպ է, երբ երկրի ղեկավարը վկայի կարգավիճակով հարցաքննվում է դատարանում: 

Այս միջադեպի հետեւանքով տուժել էր Հայկ Սարգսյանը, որն այժմ ՀՀ ԱԺ պատգամավոր է:

Վարչապետը սույն գործի շրջանակում վկայի կարգավիճակ ունի: Մինչ ցուցմունք տալը դատավոր Ռոբերտ Պապոյանի հարցին ի պատասխան Փաշինյանն ասաց, որ գործով դատավարության մասնակիցներից ճանաչում է տուժող Հայկ Սարգսյանին, որը խորհրդարանական ընտրությունների ժամանակ շտաբի պետն է եղել, եւ նրա հետ ընկերական հարաբերություններ է ունեցել եւ մինչեւ միջադեպը եւ միջադեպից հետո, իսկ ամբաստանյալ Արթուր Այվազյանին առաջին անգամ է հանդիպում. «Բայց երբ ես Ազգային ժողովի պատգամավոր եմ եղել, նրանից նամակներ եմ ստացել, այդքանով գիտեմ»,- ասաց վարչապետը:

Փաշինյանը պատմեց, որ դեպքի օրը՝ 2017 թվականի մարտի 31-ին, խորհրդարանական ընտրությունների քարոզարշավի վերջին օրը ինքը տանն է եղել, երբ երեկոյան ժամը 22:00-ի սահմաններում իրեն է զանգահարել Ալեն Սիմոնյանը եւ ասել, որ Հայկ Սարգսյանի վրա հարձակում է տեղի ունեցել: «Ես փորձեցի զանգահարել Հայկ Սարգսյանին, նրա հեռախոսը չպատասխանեց, հետո, եթե չեմ սխալվում, Ալենի միջոցով ասացի՝ թող ինձ զանգեն, ով կա դեպքի վայրում: Ինձ զանգեցին եւ ասացին, որ՝ այո, միջադեպ է եղել եւ ես նրանց ասացի՝ արագ այդ տարածքից հեռացեք եւ եկեք նախընտրական շտաբ: Ինչո՞ւ այդպիսի առաջադրանք դրեցի, որովհետեւ մտածում էի՝ շատ ավելի մեծ մասշտաբի բան է եւ ցանկացա, որպեսզի մեր ժողովուրդը այդտեղից դուրս գա: Գնացի նախընտրական շտաբ, ես շարժական շտաբ ունեի նախընտրական, երբ մոտեցա, տեսա, որ իմ նկարի վրա ներկ է փչած, պատմեցին, որ երբ շենքից իջել են, տեսել են, որ մեքենայի վրա ամրացված դրոշը չկա եւ հետաքրքրվել են, թե այն որտեղ է, նկատել են ներկված նկարը: Հարցրել են՝ ո՞ւր է դրոշը, ո՞վ է տարել, մի քանի քաղաքացի է եղել այդտեղ կանգնած, նրանցից մեկն ասել է՝ ես եմ տարել եւ ըստ իրենց պատմածի՝ իրենք ասել են՝ ի՞նչ իրավունք ունեք այս դրոշը օգտագործել՝ խոսքը ՀՀ պետական դրոշի մասին է: Այդ ֆոնի վրա խոսակցություն է տեղի ունեցել, մեր տղաները ետ են պահաջել դրոշը, խոսակցության ընթացքում դրոշը տանող քաղաքացիներից մեկը հարվածել է Հայկ Սարգսյանին, բնականաբար, մեր ժողովուրդը միջամտել են, փորձել են թույլ չտալ, որ հետագա հարվածներ տեղի ունենան եւ այդ պրոցեսի ընթացքում այդ անձը հանել է զենքը, պահել Հայկի վրա, ներկաներից մեկը արագ արձագանքել է, խփել է նրա ձեռքին, զենքն ընկնել է: Զենքն իրենք վերցրել են եւ հետագայում այդ միջադեպի վայրից հեռացել են»,- պատմեց Փաշինյանը:

Վարչապետն ասաց, որ հետագայում, երբ ինքը իմացել է, որ զենքը նաեւ իրենց մոտ է, իրեն ցույց են տվել, նա զենքը վերցրել է, իհարկե, առանց զենքին դիպչելու, անմիջապես ուղիղ եթեր մտել եւ պատմել տեղի ունեցածի մասին: «Նաեւ անմիջապես ահազանգել եմ ոստիկանություն, պատմել ենք, թե ինչ է տեղի ունեցել, եւ ասել, որ «ԵԼՔ» շտաբի մոտ սպասում ենք, որ գան արձանագրեն: Ֆեյսբուքյան իմ էջով ուղիղ եթեր եմ մտել, ցուցադրել եմ զենքը, թե ինչ է տեղի ունեցել շարժական շտաբի հետ: Հայկ Սարգսյանը հրաժարվեց, որ իրեն ուղիղ եթերում ցույց տանք, որովհետեւ իր վրա ակնհայտ վնասվածքներ կային, նաեւ զենքի մեջ մարտական փամփուշտներ կային: Հետագայում ես չեմ հիշում՝ ինչպես եմ զենքը հանձնել ոստիկանությանը: Եթե չեմ սխալվում, ոստիկանությունը կարծես այդպես էլ չեկավ Տերյան հասցե, ես ինքս եմ գնացել ոստիկանության բաժին ու հանձնել զենքը»,- շարունակեց իր ցուցմունքը: Մեղադրող դատախազի հարցին ի պատասխան վարչապետն ասաց, որ հարձակումը, իր հիշելով՝ Հարավարեւմտյան թաղամասում էր, Զորավար Անդրանիկի արձանից աջ ընկած թաղամասում, շենքերի բակում: Հարցին, թե ո՞րն է եղել միջադեպի պատճառը, Փաշինյանն արձագանքեց, որ իրեն պատմել են, որ եղել է մի դրվագ, որ ասել են՝ ինչ իրավունք ունեք այդ դրոշն օգտագործել: Ասել են, որ անձը, որ այդ թեմայով ակտիվ խոսել է, ասել է, որ այդ դրոշը տարել, դրել է իր ընկերոջ գերեզմանի վրա: «Ինձ ասացին, որ այդ ակտիվ անձի մասին խոսելիս օգտագործվել է «Մանախ» անունը կամ մականունը: Քանի որ դեպքը 2 տարի առաջ է տեղի ունեցել... ես շատ մանրամասն նախաքննական ցուցմունք եմ տվել հենց դեպքի նույն օրը կամ հաջորդ օրը, երբ հիշողությունները թարմ էին»,- ասաց նա: Այվազյանի պաշտպան Հայկ Ալումյանի հարցին, թե ինչպե՞ս է տեսել, որ մարտական փամփուշտներ են եղել զենքի մեջ, Փաշինյանը պատասխանեց, որ թմբուկավոր ատրճանակ է եղել. «Ես ուղիղ եթերում ցույց եմ տվել եւ եթե փողի կողմից նայում ենք, թմբուկի անցքերի մեջ երեւում է, որ գնդակավոր փամփուշտ է: Ոչ մարտական փամփուշտը այլ կերպ է լինում»: Ալումյանի դիտարկմանը՝ նախաքննությունն իրականացրել է քննիչ Սուրեն Նավոյանը, հարցին՝ դուք Նավոյանի հետ որեւէ այլ հարաբերություններ ունեցե՞լ եք, վարչապետը պատասխանեց. «Քննիչ Նավոյանի հետ այդ գործի հանգամանքի շրջանակներում այլ հարաբերություն չեմ ունեցել, միայն հիշում եմ, որ 2018-ի իրադարձությունների ժամանակ, եթե չեմ սխալվում, քննիչ Նավոյանը իրավապահ համակարգի այն աշխատակիցներից էր, որոնք աջակցություն էին հայտնել Հայաստանում տեղի ունեցող քաղաքական փոփոխություններին, ոչ բռնի թավշյա հեղափոխությանը: Մինչեւ նախաքննությունը շփում չեմ ունեցել, նախաքննությունից հետո շփում, հնարավոր է զանգ եղած լինի, եւ հաջորդ շփումը եղել է Հանրապետության հրապարակում, երբ ինքը եկել է, մոտեցել եւ ասել, որ դիմում է գրել»,- ասաց Փաշինյանը: Մեղադրող դատախազը առարակեց Ալումյանի «ինչի մասին» հարցի դեմ՝ նշելով, որ այն մեղադրանքի հետ առնչություն չունի: Ալումյանը պարզաբանեց, որ քննիչի վերաբերմունքը վկայի նկատմամբ, քննիչի անաչառությունը կասկածի տակ դնող հանգամանք կարող է առաջանալ: «Քննիչը ոչ թե աջակցություն է հայտնել պարոն Փաշինյանին, այլ նաեւ պարոն Փաշինյանի կողմից ղեկավարված քաղաքական ուժին...: Մեղադրյալ Արթուր Այվազյանը հանկարծ տեսնում է, որ այն քննիչը, որ իր գործը քննել է հանարահավաքի ժամանակ, իր աջակցությունն է հայտնում պարոն Փաշինյանի քաղաքական ուժին»,- շարունակեց Ալումյանը: Վարչապետը արձանագրեց, որ ոչ մի խնդիր չի տեսնում բոլոր հարցերին մանրամասն պատասխանել. «Ես դատարանից թաքցնելու որեւէ բան չունեմ»,- ասաց նա եւ շարունակեց. «Հանրապետության հրապարակում եղել են տասնյակ քննիչներ, ոստիկաններ, նույնիսկ չեմ բացառում, որ եղել են նաեւ դատավորներ, պաշտպաններ, մեղադրյալներ, դատախազներ եւ այլն: Հիմա դա ներկայացնել որպես իմ անձի կամ մեր քաղաքական ուժի հետ ընկալվող իրադարձություն, ճիշտ ընկալում չէ: Ես չեմ հիշում՝ Նավոյանն ինչ ասաց, կարծես ասաց՝ դիմում եմ գրել, թե աշխատանքից դուրս եմ եկել եւ այլն»: Հարցին, թե ում նախաձեռնությամբ եք հեռախոսային խոսակցություն ունեցել քննիչի հետ եւ ինչի մասին, Փաշինյանը պատասխանեց, որ եթե չի սխալվում՝ հեռախոսային խոսակցությունը եղել է նախաքննության ավարտին: «Եթե չեմ սխալվում, խոսքը եղել է այն մասին, որ ես հետաքրքրվել եմ, թե ճիշտ է արդյոք, որ գործի նախաքննությունն ավարտվել է: Կարող եմ վստահ լինել, որ խոսակցությունը կապված էր գործի ընթացակարգային ինչ-որ խնդրի հետ: Ենթադրում եմ, որ խոսելու նախաձեռնությունն իմն էր»,- ասաց վարչապետը: Պաշտպան Հայկ Ալումյանի հարցին՝ տեղյակ եք, որ Արթուր Այվազյանի շորերը քննիչի կողմից առգրավվել են, որեւէ բան չի արձանագրվել, որ գրպաններում կա, բայց երբ դրանք հայտնվել են փորձագետի մոտ, պարզվել է, որ բազմաթիվ փամփուշներ են առկա շորերի մեջ: «Ես պիտի տեղյա՞կ լինեի նման բանից: Վստահ չեմ, որ տեղյակ եմ այդ մանրամասներից»,-եզրափակեց վարչապետը:

Ամբաստանյալ Արթուր Այվազյանն էլ ասաց, թե հարցեր պատրաստել էր, բայց քանի որ որոշ մարդկանց կողմից փորձ է արվել իրեն ներքաշել քաղաքական խաղերի մեջ, իսկ ինքը թույլ չի տա, որ իրեն վերաբերող հարցերը որեւէ մեկն օգտագործի: Դրա համար ձեռնպահ մնաց հարցեր տալուց:

Այսքանով ՀՀ վարչապետ Նիկոլ Փաշինյանի հարցաքննությունն ավարտվեց:

Ըստ մեղադրական եզրակացության համառոտ բովանդակության՝ Արթուր Այվազյանին մեղադրանք է առաջադրվել այն բանի համար, որ նա 31.03.2017թ ժամը 22:40-ի սահմաններում Անդրանիկի փող 53 շենքի բակում, անթաքույց արհամարհանք դրսևորելով հասարակության նկատմամբ, «ԵԼՔ» դաշինքի համակիր Հայկ Սարգսյանի նկատմամբ բռնություն գործադրելով՝ կոպիտ կերպով խախտել է հասարակական կարգը:

Տպել
5912 դիտում

Նիկոլ Փաշինյանը ցավակցություն հայտնեց մայիսի 25-ին Լոռու և Տավուշի մարզերում տեղի ունեցած ջրհեղեղի զոհերի հարազատներին

Հունիսի 9-ից Առաջինի լրատվական ալիքը իրականացնելու է հանրապետական սփռում

Վազգեն Գալստանյանի և նրա աջակիցների ակցիան Հանրապետության հրապարակում

«Տելեգրամ»-ի միջոցով իրացրել է թմրամիջոց՝ փաթեթը 10 դոլար վարձատրությամբ. երիտասարդը կալանավորվել է

Մահացել է դերասանուհի Անաստասիա Զավորոտնյուկը

Տավուշում և Լոռիում Ucom շարժական կապը վերականգնվել է

Ապրիլին նախորդ տարվա համեմատ ՀՀ սպառողական շուկայում գները նվազել են 0.7%-ով, աճել է առևտրաշրջանառությունը

Պարզվում է երկաթուղուն հասցված վնասի չափը, տարվում են վերականգնողական աշխատանքներ. ՀԿԵ

27-ամյա կինը պատմել է՝ ինչպես է հող փորելու բրիչով սպանել 63-ամյա համագյուղացուն (տեսանյութ)

Անհնազանդության ակցիայի ժամանակ ոստիկանների նկատմամբ արցունքաբեր գազ կիրառած 54-ամյա տղամարդը կալանավորվել է

Լարված իրավիճակ Արմավիրում. ոստիկանները 5 ժամից ավել բանակցել են կասկածյալի հետ, ապա վնասազերծել, հնչել են կրակոցներ

Կատարվում են շուրջօրյա աշխատանքներ՝ Ալավերդի-Բագրատաշեն հատվածում անցանելիությունը ապահովելու համար (տեսանյութ)

Շարունակում է փակ մնալ Վանաձոր-Ալավերդի-Այրում -Բագրատաշեն ավտոճանապարհը. ինչպես հասնել Վրաստան

Լոռու մարզպետի գլխավորությամբ անցկացված խորհրդակցությանը քննարկվել են սննդի և դեղորայքի պաշարների բաշխվածության հարցերը

Տեղի է ունեցել «Քաղաքացիական պայմանագիր» կուսակցության վարչության նիստ․ ով է հեռացվել

Հանդիպել են Ադրբեջանի և Թուրքիայի պաշտպանության նախարարները․ ինչ է քննարկվել

Հայաստանը կընդունի հրաձգության Եվրոպայի 2026 թվականի մեծահասակների առաջնությունը

Ինչպես կարող են ԼՂ-ից բռնի տեղահանվածները բնակարան ձեռք բերել․ Արթիկում ներկայացվել է պետական աջակցության ծրագիրը

Ալեն Սիմոնյանի գլխավորած պատվիրակությունը կգործուղվի Լյուբլյանա․ ովքեր են կազմում

Լոռու մարզպետն ու Ալավերդու համայնքապետը եղել են ջրհեղեղից տուժած բնակավայրերում, զրուցել բնակիչների հետ (լուսանկարներ)

Առկա է երկկողմ համագործակցության զգալի ներուժ․ Վահան Կոստանյանն ընդունել է Սաուդյան Արաբիայի դեսպանին

Կրեմլյան զգացմունքները գրգռվել են, «5-րդ շարասյունը» պատերազմի ժամանակ կմտնի տատիկների թումբանների մեջ. Կոռնիձորի Արո

Գնել Սանոսյանը մասնագետների հետ դիտարկել է հեղեղից վնասված կամուրջները

Վթարավերականգնողական, ջրահեռացման աշխատանքներ Ալավերդիում և Քարկոփում (լուսանկարներ, տեսանյութ)

Հորդառատ անձրևների պատճառով Մուսայելյանում տներ ու անասնագոմ է ջրալցվել

Միրզոյանը հեռախոսազրույց է ունեցել Ալի Բաղերի Քանիի հետ․ անդրադարձ է կատարվել երկկողմ և տարածաշրջանային օրակարգին

Բրազիլիայի նախագահը պաշտոնապես հետ է կանչել Իսրայելում իր դեսպանին

Առողջապահության նախարարության և ԱՀԿ Եվրոպայի տարածաշրջանային գրասենյակի միջև համագործակցության համաձայնագիր է ստորագրվել

Հեռացվում են ըստ կարիքի անհրաժեշտության․ ինչու է Գյումրու քաղաքապետարանը որոշ կրպակ-տաղավարները շրջանցել

Ինչին պետք է ուշադրություն դարձնել արագ սննդի կետերից օգտվելիս․ ինչ է հորդորում ՍԱՏՄ-ն

17 երգչախումբ՝ 500 մասնակցով․ Գյումրիում կայացավ «Հայաստան» երգչախմբային հանրապետական երրորդ մրցույթ-փառատոնը

ԱՄՆ Թմրամիջոցների դեմ պայքարի վարչության և ՆԳՆ ոստիկանության միջև համագործակցության հուշագիր է ստորագրվել

Խաղաղարար առաքելություն իրականացնող հայ զինծառայողները միշտ աչքի են ընկել կամային և մասնագիտական բարձր որակներով․ Ասրյան

Աշխատանքներն ինտենսիվ շարունակվում են, սննդի և ջրի կարիք չկա․ կայացել է օպերատիվ շտաբի ընդլայնված կազմով նիստը

Վազգեն Գալստանյանի հավաքը Սուրբ Աննա եկեղեցու բակում (լուսանկար)

Զորամասի հրամանատարի տեղակալը վրաերթի է ենթարկել հեծանվորդին, հետո բախվել այլ մեքենայի և հայտնվել դաշտում․ կա 5 վիրավոր

Հունիսի 1-ից կփոխվի D տեսակի ազգային մուտքի արտոնագրի դիմում-հայտի համար նախատեսված գումարի չափը

Սարդարապատում սադրանքը չգիտեմ՝ ըստ նախապես ծրագրվածի՝ ստացվե՞ց, թե՞ ոչ, հայրաբար պետք է այցելել Լոռի, Տավուշ․ Բաբաջանյան

Քարկոփն ամբողջությամբ տարհանվել է․ Գնել Սանոսյանը ներկայացրել է աղետի գոտում իրականացվող աշխատանքները

Ուսումնասիրություններ են իրականացվում աղետի գոտում․ Քաղաքաշինության կոմիտեում ստեղծվել են աշխատանքային խմբեր