Սահմանադրական դատարանի անդամի ընտրությունը հարթ կանցնի՞․ պլան՝ ընդդեմ Վահե Գրիգորյանի

Դատելով մի շարք հանգամանքներից՝ Սահմանադրական դատարանի նոր դատավորի ընտրությունն Ազգային ժողովում կարող է հարթ չընթանալ։ Չի բացառվում, որ ՍԴ դատավորի թեկնածուի ընտրությունը տապալվի։

Հիշեցնենք՝ նախագահ Արմեն Սարգսյանը նախօրեին ՍԴ անդամի պաշտոնում Ազգային ժողովին է ներկայացրել փաստաբան Գոռ Հովհաննիսյանի թեկնածությունը, որին վերջին շրջանում բավական խնամքով ու ջանասիրաբար փորձում էին գովազդել նախկին իշխանություններին սպասարկող մի շարք լրատվամիջոցներ։ ՍԴ դատավորի թեկնածության համար առաջադրվել էր նաեւ հայտնի փաստաբան Վահե Գրիգորյանն ու Մարտին Մանուկյանը։ Ըստ ամենայնի՝ իշխող մեծամասնությունը Գոռ Հովհաննիսյանի ընտրությունը կտապալի ճիշտ այնպես, ինչպես ժամանակին ՀՀԿ-ն տապալեց Վահե Գրիգորյանի ընտրությունը։

Նախորդ տարվա հոկտեմբերին Արմեն Սարգսյանը Սահմանադրական դատարանի դատավորի թափուր տեղի համար առաջադրել էր փաստաբան Վահե Գրիգորյանի թեկնածությունը։

Սահմանադրական դատարանի դատավորի նախորդ ընտրության հարցը քննարկվեց Ազգային ժողովի՝ հոկտեմբերի 23-ին գումարված հերթական նիստում։ Սակայն ՍԴ դատավորի թեկնածու Վահե Գրիգորյանը չընտրվեց, ավելի կոնկրետ՝ ՀՀԿ խմբակցության արդեն նախկին պատգամավորները չընտրեցին Գրիգորյանին․ քվեարկությանը մասնակցեց ընդամենը 53 պատգամավոր։ Վահե Գրիգորյանի օգտին քվեարկել էր 30 պատգամավոր, մինչդեռ անհրաժեշտ էր 63 քվե։

Ազգային ժողովում Վահե Գրիգորյանի ընտրությունը տապալելուն զուգահեռ՝ Սահմանադրական դատարանը մի որոշում կայացրեց, որով հակասահմանադրական ճանաչեց «Սահմանադրական դատարանի մասին» ՀՀ սահմանադրական օրենքի եւ «Ազգային ժողովի կանոնակարգ» ՀՀ սահմանադրական օրենքի՝ Սահմանադրական դատարանի դատավորի ընտրությանը վերաբերող մի քանի հոդվածներ։ Մասնավորապես՝ ՍԴ այս որոշմամբ «Սահմանադրական դատարանի մասին» օրենքի 17-րդ հոդվածի 1-ին մասն այնքանով, որքանով ՍԴ դատավորի լիազորությունները դադարելուց կամ դադարեցվելուց հետո թափուր տեղում նոր դատավորի ընտրության ժամկետի սահմանումը վերապահում է ԱԺ կանոնակարգի իրավակարգավորմանը՝ ճանաչվել են հակասահմանադրական, «Ազգային ժողովի կանոնակարգ» օրենքի 141-րդ հոդվածի 1-ին, 3-րդ եւ 8-րդ մասերը եւս ճանաչվել են հակասահմանադրական։ Եւ ն ույն որոշմամբ Սահմանադրությանը հակասող ճանաչված դրույթների ուժը կորցնելու վերջնաժամկետ է սահմանել 2019 թվականի ապրիլի 1-ը։

Վերջին շրջանում բուռն քննարկումներ ծավալվեցին, որ Արմեն Սարգսյանն այս անգամ չի կարող առաջադրել Վահե Գրիգորյանի թեկնածությունը, քանի որ ԱԺ կանոկարգի, Սահմանադրական դատարանի մասին օրենքի վերոնշյալ հոդվածների համաձայն՝ եթե չի ընտրվում ՍԴ դատավոր, ապա իրավասու մարմինն առաջադրում է ՆՈՐ թեկնածու։ Եւ, ըստ շրջանառվող թեզի, քանի որ խորհրդարանը մշտապես գործող մարմին է, իսկ նախորդ գումարման Ազգային ժողովում Վահե Գրիգորյանն արդեն չի ընտրվել, իրավասու մարմինը պետք է առաջադրի ՆՈՐ թեկնածու։ Իսկ տվյալ օրենքներն ուժը կորցրած են ճանաչվելու միայն սույն թվականի ապրիլի մեկից հետո։

Նախօրեին ՀՀ կառավարությունը Ազգային ժողովին առաջարկեց մարտի 26-ին գումարել արտահերթ նիստ եւ քննարկել ««Ազգային ժողովի կանոնակարգ» ՀՀ սահմանադրական օրենքում փոփոխություններ կատարելու մասին», ««Սահմանադրական դատարանի մասին» ՀՀ սահմանադրական օրենքում փոփոխություններ եւ լրացումներ կատարելու մասին» իր առաջարկած նախագծերը։ Կառավարությունն այս նախագծերը մշակել է Սահմանադրական դատարանի վերոնշյալ որոշման հիման վրա։

Սակայն հինգշաբթի օրը, երբ կառավարության առաջարկով որոշվեց ԱԺ արտահերթ նիստ գումարել եւ քննարկել կառավարության առաջարկած նախագծերի փաթեթը, մի քանի ժամ անց ՀՀ նախագահի ֆեյսբուքյան էջում գրառում արվեց, որ Արմեն Սարգսյանը ՍԴ դատավորի պաշտոնում առաջադրել է փաստաբան Գոռ Հովհաննիսյանի թեկնածությունը։

Այնինչ, մասնագիտական շրջանակները միանշանակ պնդում են, որ Վահե Գրիգորյանը Հայաստանի լավագույն իրավաբաններից է եւ կարող է դատական համակարգում ակնհայտ դրական փոփոխություններ բերել: Դեռ նախորդ տարի մի շարք փաստաբաններ դիմել էին Արմեն Սարգսյանին՝ առաջարկելով ՍԴ դատավորի թափուր տեղի համար քննարկել հենց Վահե Գրիգորյանի թեկնածությունը։ 

Սարգսյանը կես տարի չէր առաջադրել ՍԴ դատավորի թեկնածու, եւ, ըստ էության մինչեւ ապրիլի 1-ը թեկնածու առաջադրելու խնդիր չուներ, այսինքն՝ եթե սպասեր ԱԺ արտահերթ նիստին եւ որոշման ընդունմանը, ապրիլի 1-ից հետո վերանալու էր ՀՀԿ-ական նախկին պատգամավոր Հրայր Թովմասյանի ղեկավարած հիմնարկում Վահե Գրիգորյանի թեկնածության առաջադրման համար ստեղծված խոչընդոտը։

«Իմ քայլը» խմբակցության պատգամավոր Վահագն Հովակիմյանը կարծում է, որ այս որոշմամբ Արմեն Սարգսյանը զգուշավորություն է ցուցաբերել, որովհետեւ այս ընթացքում անընդհատ արծարծվում էր «նոր թեկնածու» եզրույթը, եւ նա էլ որոշել է «նոր» թեկնածու առաջադրել․

«Կարծում եմ՝ Արմեն Սարգսյանն ուղղակի ավելորդ քննադատություններից խուսափելու համար ընտրել է այդ տարբերակը՝ շատ լավ գիտակցելով, որ եթե ԱԺ մեծամասնությունը չցանկանա քվեարկել իր առաջադրած թեկնածուին, ապա դեմ կքվեարկի, եւ ինքը կվերադառնա այլ տարբերակի։ Վահե Գրիգորյանը հին իշխանությունների համար եւ հին իշխանությունների շնորհիվ դատական համարգում այսօր տեղ զբաղեցողներից շատերի համար ուղղակի անցանկալի անձ է եւ ՍԴ-ում նրա հայտնվելը շատերի համար կարող է խնդիրներ հարուցել։ Այսինքն, եթե Վահե Գրիգորյանն ընտրվի ՍԴ դատավոր, տեսակների բախում է լինելու»,-նշեց պատգամավորը։

Մեր հարցին՝ խմբակցությունում քննարկե՞լ են նախագահի առաջադրած թեկնածուի հարցը, Վահագն Հովակիմյանն ասաց, որ դեռ ոչ, սակայն մինչ խորհրդարանում թեկնածուի հարցը քննարկելը իրենց խմբակցությունը դիրքորոշում կհայտնի։

Ըստ ԱԺ կանոնակարգի՝ Սահմանադրական դատարանի դատավորի ընտրության հարցը քննարկվելու է թեկնածուի առաջադրումից հետո՝ Ազգային ժողովի առաջիկա հերթական նիստերում, այսինքն՝ եկող շաբաթ։

Տպել
3748 դիտում

Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու

ԼՂ-ում տեղակայված ռուս-թուրքական համատեղ մշտադիտարկման կետրոնն ավարտում է իր գործունեությունը

ՔԿ զինվորական քննչական գլխավոր վարչության չորրորդ կայազորային բաժինը նոր ղեկավար ունի

Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական

«Լունապարկում» 1 տարեկան երեխան ընկել է ատրակցիոնից

Ռուսաստանը Հայաստանից հստակ արձագանք է ակնկալում. Զախարովա

ԱՄՆ-ի կողմից Հայոց ցեղասպանության ճանաչմանն ու դատապարտմանը պետք է հետևեն իրական հետևանքներ․ Ադամ Շիֆ

«Ուշ ա». Լիլիթ Հովհաննիսյանն ու GASOIIA-ն ներկայացրել են տեսահոլովակի պրեմիերա

Խոշոր ավտովթար Կոտայքի մարզում. ուղևորը մահացել է, վարորդը՝ հոսպիտալացվել (լուսանկարներ)

Սամվել Վարդանյանը ճանաչվել է տուժող. վերջինիս բռնության ենթարկելու հաղորդման հիման վրա նախաձեռնվել է վարույթ

Մահվան ելքով վրաերթի հեղինակ դարձած և փախուստի դիմած վարորդը հայտնաբերվել է

Եղանակը կտաքանա ևս 2-3 աստիճանով. սպասվում է կարճատև անձրև և ամպրոպ

«Նուբարաշեն» ՔԿՀ տեսակցության եկած անձը մարիխուանայով փաթեթ է բերել

Մարդը, կոռուպցիայի ակունքին նստած, գնում ես, ժպտում են, ասում՝ ամեն ինչ նորմալ է, թող գնա մենք մեր գործն անենք. վարչապետ

Սիմոնյանն ու Լիտվայի վարչապետը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում

Կոնգրեսական Շերմանը կարևորում է ԼՂ տեղահանվածներին տրվող օժանդակության ընդլայնումը և Ադրբեջանին օգնության կրճատումը

ՀՀ կառավարությունը հաստատեց Դավիթ Գյուրջինյանի թեկնածությունը Բրյուսովի անվան բուհի ռեկտորի պաշտոնում

Որ հիվանդությունների դեպքում այսուհետ զինծառայությունը կլինի պարտադիր. մանրամասնել է Պապիկյանը

Կոստանյանն ու Ալ-Սայանը քննարկել են Հայաստանի և Սաուդյան Արաբիայի միջև ՏՏ ոլորտում համագործակցության հնարավորությունները

Կառավարությունը չի կարող մտնել ամեն դպրոց, ասի՝ երեխաները, ուսուցիչները, տնօրենը՝ այստեղ, գնդակը՝ այստեղ. Փաշինյան

Խաղաղապահների կարիքն այլևս չկա, որովհետև ոչ ոք չի վիճում, թե ում է պատկանում Ղարաբաղը. Ժուրավլյով

«Պորշ»-ից գողացել են համարանիշը, տեղադրել իրենց մեքենային, հագել ԱԱԾ աշխատակցի հագուստ. ՀՀ-ն ցնցած գործի նոր մանրամասներ

Խաղաղապահների դուրս բերումը վկայում է ռուս-ադրբեջանական առավել խորացող դաշնակցային հարաբերությունների մասին. Մարգարյան

Գետափնյա գյուղի մոտակա կամրջով երթևեկությունը շարունակում է փակ մնալ

Մարտին ձմեռ էր, ապրիլին՝ ամառ. Սուրենյան

1 զոհ, 1 վիրավոր․ մեքենան բախվել է երկաթե արգելապատնեշներին, հողաթմբին և գլխիվայր շրջվել

Մադրիդի «Ռեալը» հաղթել է «Մանչեսթեր Սիթիին» և դուրս եկել Չեմպիոնների լիգայի կիսաեզրափակիչ

«Գրքի աշխարհ»-ը չկառուցելու դիմաց հափշտակված մոտ 236 քմ տարածքով գույք է վերադարձվել պետությանը

Պետդեպարտամենտից մեկնաբանել են Ղարաբաղից ռուս խաղաղապահների վաղաժամ հեռացումը

Իմ, երեխաներիս, կնոջս, ծնողներիս մասին ինչ ասես՝ ասվեց, ես արժանապատվություն չունե՞մ, պետք է զոհաբերես. Փաշինյան

Տնային կալանք և 7 մլն դրամ գրավ․ դատարանը որոշել է Սամվել Վարդանյանի խափանման միջոցը

«Էրեբունի» օդանավակայան տանող ավտոճանապարհին ավտոմեքենա է այրվել

Արարատ Միրզոյանն ու Սաուդյան Արաբիայի Թագավորության ԱԳ նախարարը կարևորել են պարբերական ուղիղ չվերթների իրականացումը

Աշխարհի գավաթ․ Հայաստանի մարմնամարզության հավաքականի 3 ներկայացուցիչ եզրափակչում է

Մոտեցումը հստակ է, որակի հարցում կոմպրոմիս չի լինի․ քաղշինկոմիտեի նախագահը և Շիրակի մարզպետը եղել են շինհրապարակներում

Ինչու են ռուս խաղաղապահները դուրս գալիս Լեռնային Ղարաբաղից. ինչ պայմանավորվածություն կա

Խաղաղություն տանող ճանապարհը դժվար է, միայն կողմերի միջև երկխոսությամբ է հնարավոր հասնել դրան․ Կասուն՝ Խանդանյանին

«Խաղաղության խաչմերուկ»-ը մեր ճանապարհային քարտեզն է դեպի խաղաղություն․ Ալեն Սիմոնյանը՝ Լիտվայի ԱԳ նախարարին

Փոխվարչապետը «Վեոլիա» ընկերության փոխնախագահի հետ երկկողմ հետաքրքրություն ներկայացնող հարցեր է քննարկել

Քաղաքացին ընկել է շենքի նկուղը