Դպրոցի տնօրենին անվստահություն կարող է հայտնել ծնողական խորհուրդը. Ավշարում կրքերը չեն հանդարտվում

Ավշարի միջնակարգ դպրոցի ուսուցիչները չեն նահանջում. նորընտիր տնօրեն Հերմինե Անդրեասյանի հետ աշխատել չեն պատրաստվում ու վերջ, թեկուզեւ դրա գինը լինի իրենց աշխատանքից հեռացվելը:

Հիշեցնենք, որ այստեղ բողոքի ալիք էր բարձրացել այն բանից հետո, երբ առաջին օրն աշխատանքի ներկայացած տնօրենը ցանկություն էր հայտնել ուսումնական գծով փոխտնօրեն Գայանե Մարտիրոսյանին ազատել պաշտոնից եւ նրա փոխարեն նշանակել Արարատի մարզպետի մորաքրոջ հարսին ու իր մանկության ընկերուհուն: Դրան հաջորդել էին լարված մթնոլորտը, ընդվզումներն ու փոխադարձ վիրավորանքները:

Մարտի 20-ին մարզպետ Գարիկ Սարգսյանի հետ հանդիպման ժամանակ ուսուցիչներին փոխզիջումային տարբերակ է առաջարկվել՝ իրենք ընդունում են նոր տնօրենին, բոլորը շարունակում են աշխատել (չնայած որ այս օրերին իրականացրած բողոքի գործողությունները գնահատվում են անօրինական), իսկ ուսմասվարի փոփոխություն տեղի չի ունենում: Մարզպետը միեւնույն ժամանակ ասել է, որ դպրոցի տնօրենին աշխատանքից ազատելու իրավասություն ինքը չունի:

Այսօր մամուլի ասուլիս հրավիրած մանկավարժներից հետաքրքրվեցինք, թե ո՞ւմ են ուղղված Հերմինե Անդրեասյանի չաշխատելու մասին իրենց պահանջները եւ ինչպես են պատկերացնում խնդրի լուծումը, եթե մարզպետը նրան զբաղեցրած պաշտոնից հեռացնելու իրավասություն չունի:

«Մարզպետը 35 հոգու, 500 ծնողի հորդորում է, որ աշխատեն: Ընդամենը կարող է հորդորել իրեն, որ դիմումը գրի, ինքն էլ մակագրի այդ դիմումը, եւ ամեն ինչ վերջանա, հակառակ դեպքում, ինչպես հարգարժան նախարարն էր ասում՝ վերջնագիր են ներկայացնում, ինչպես ուզում են որակեն, սա մենք ասում ենք ամբողջ կոլեկտիվի անունից՝ մենք չենք աշխատելու իր հետ: Օրինակա՞ն է մեր քայլը, անօրինակա՞ն է, դա մենք չենք քննարկում, որովհետեւ մենք իրավաբաններ չենք: Այդ պահին այդպես է եղել, մեր ձայնը մենք այդպես ենք կարողացել հասցնել, այդպես ենք արել: Թող ազատեն 35 մանկավարժի, ընդունեն այն մարդկանց, որոնք կարող են իրենց հետ աշխատել»,- պատասխանեց Ասպրամ Հովսեփյանը:

«Երբ որ մարզպետն ասաց՝ ինքը տեղյակ չի եղել Հասմիկի (մորաքրոջ հարսի-խմբ) նշանակումից, ես հավատացի: Բայց թույլ մի տվեք, պարոն մարզպետ, շարունակվել: Լուծեք այս հարցը, տնօրենին հեռացրեք, դրանից հետո արեք ինչ ուզում եք՝ հեռացրեք բոլորիս, կանչեք դատարաններ, որ մենք չենք նշանակել բացակա»,- շարունակեց Շուշանիկ Ղահրամանյանը:

Արդեն մի քանի օր շարունակվող բողոքի ցույցերի ընթացքում այնքան էլ հասկանալի չէր՝ դպրոցում դասադո՞ւլ է, գործադո՞ւլ, թե՞ երկուսը միասին: Ավելի հաճախ խոսվում էր դասադուլի մասին, որովհետեւ գործադուլի համար պարտադիր ընթացակարգերը չեն պահպանվել: Բայց երբ Արարատի մարզպետի քեռին ու պոտենցիալ փոխտնօրենի ամուսնու հորեղբայրն իրենց ընտանիքի երեխաներին բերել են դպրոց ու պահանջել դաս անել, ուսուցիչները հրաժարվել են՝ պատճառաբանելով, որ ամեն դասարանում մեկ աշակերտի հետ չեն կարող աշխատել: Ի դեպ, մարզպետի քեռին ինքն է այդ օրը ուսուցչի դեր ստանձնել ու դաս անցկացրել:

Այսօր Ավշարի միջնակարգ դպրոց են այցելել կրթության եւ գիտության նախարարի տեղակալ Լուսինե Առաքելյանը, հանրակրթության վարչության պետ Աշոտ Արշակյանը եւ նախարարության իրավաբաններից մեկը: Շուշանիկ Ղահրամանյանի փոխանցմամբ նրանք ընդգծել են, որ եթե տեղի ունեցողը դասադուլ է, ապա ուսուցիչները պետք է աշակերտներին բացակա նշանակեին, եթե գործադուլ է, ապա դրա իրավունքը չունեին, քանի որ սահմանված կարգով նախապես չեն տեղեկացրել այդ որոշման մասին: «Բոլորին իրավական հիմքերն են ցույց տալիս: Մենք այսօր բարոյական արժեքների մասին ենք խոսում»,- նկատեց նա:

Դպրոցի խորհուրդը տնօրենի թափուր պաշտոնի մրցույթում Հերմինե Անդրեասյանին ընտրել է 7 կողմ եւ 1 ձեռնպահ ձայներով: Նա սկսել է աշխատել մարտի 11-ից: Ուսուցիչներից մեկը՝ Կարինե Փամբուկյանը, որն այդ խորհրդի անդամ է, ասաց, որ ինքը նույնպես քվեարկել է Անդրեասյանի օգտին, որովհետեւ «թղթի վրա ներկայացրել էր հրաշալի ծրագիր», նաեւ գեղեցիկ խոսք ուներ:   

«Մեր հետեւում, հավատացնում եմ, ոչ մի քաղաքական ուժ, ոչ մի ուղղորդող չկա: Ուղղակի մենք ուզում ենք, որ վերջապես մեր ձայնը լսեն, ի վերջո նշանակություն տան ուսուցչին որպես մարդ-անհատականության: Ինչ է նշանակում՝ 35 հոգին պիտի լռի, ինչ է թե մի հոգին աշխատի՞: Այդ մի հոգին մեկ օրում այնքան հակակրանք է շահել ամբողջ համայնքի հասարակությունից, աշակերտությունից: Մենք որեւէ մեկի դեմ ոչինչ չունենք, մենք ուզում ենք, որ ի վերջո աշխատենք հանգիստ, խաղաղ պայմաններում: Ես ութ տնօրենի հետ եմ աշխատել, ինչ խնդիր ունեի իններորդի հետ աշխատելու, եթե մարդը գոնե կարողանար պահպանել բարեկրթության սահմանները: Դուք ինձ ընտրել եք եւ վերջ: Հետո՞ ինչ, որ ընտել ենք: Միանձնյա իշխանուհի՞ ես: Վարչապետն ասում է՝ ժողովուրդը կուզի, կաշխատեմ: Մի ամբողջ համայնք, մի ամբողջ ուսուցչություն ասում է՝ մենք, սիրելիս, չենք ուզում քեզ հետ աշխատել, շնորհակալ ենք, գնա մի ուրիշ տեղ կայացիր, դպրոցը կայանալու տեղ չէ, դպրոցը կայացած մարդու տեղ է»,- ասաց նրան ընտրելու համար զղջացող ուսուցչուհին:

Բայց հարց է առաջանում՝ արդյոք չկա՞ հնարավորություն, որ տնօրենին ընտրելուց հետո դպրոցի կառավարման մարմինը հանդիսացող խորհուրդը վերանայի կամ հրաժարվի իր որոշումից: Պարզվում է՝ տնօրենի նկատմամբ անվստահություն հայտնելու գործընթաց կարող է նախաձեռնել ծնողական խորհուրդը:

Պետական հանրակրթական ուսումնական հաստատության օրինակելի կանոնադրությունը սահմանում է. «Դպրոցի ծնողական խորհուրդը կարող է տնօրենի նկատմամբ անվստահության վերաբերյալ առաջարկ ներկայացնել դպրոցի խորհրդին»: Հետագա կարգավորումները բավական լղոզված են: Խորհրդի լիազորությունների շարքը եզրափակվում է այսպիսի դրույթով. «Իրականացնում է օրենքով, հիմնադրի կողմից իրեն վերապահված եւ (կամ) դպրոցի կանոնադրությամբ նախատեսված այլ լիազորություններ»: Ենթադրվում է, որ ծնողական խորհրդի դիմումը ստանալուց հետո, նշված այլ լիազորությունների շրջանակում, կառավարման մարմին-խորհուրդը այն պետք է քննարկի, ու եթե տնօրենին անվստահություն հայտնելու առաջարկը համարի հիմնավոր, ինքն էլ իր հերթին նման առաջարկով դիմի մրցույթի արդյունքում տնօրենին այդ պաշտոնում նշանակած մարզպետին:

Աշխատանքային օրենսգիրքը նախատեսում է, որ աշխատանքային պայմանագիրը գործատուի նախաձեռնությամբ կարող է լուծվել նաեւ աշխատողի նկատմամբ վստահությունը կորցնելու դեպքում: Բայց դրա համար կարող է հիմք հանդիսանալ երեք պատճառ: Եթե. «1) դրամական կամ ապրանքային արժեքներ սպասարկելիս կատարել է այնպիսի արարքներ, որի հետեւանքով գործատուն կրել է նյութական վնաս, 2) ուսումնադաստիարակչական գործառույթներ իրականացնող աշխատողը թույլ է տվել տվյալ աշխատանքը շարունակելու հետ անհամատեղելի արարք, 3) հրապարակել է պետական, ծառայողական, առեւտրային կամ տեխնոլոգիական գաղտնիքներ կամ դրանց մասին հայտնել է մրցակից կազմակերպությանը»:

Նախարարությունում թերահավատ են, որ հնարավոր կլինի մեկ օր կամ թեկուզ մեկ շաբաթ աշխատած մարդուն հիմնավոր մեղադրանքներ ներկայացնել մեջբերված երկրորդ կետի առնչությամբ:  

Տպել
2639 դիտում

Ասում են` չեն կռվի այդ հրամանատարության ներքո, բայց հանկարծ սկսում են բահ ու քլունգ գնել, ի՞նչ փոխվեց. Հովհաննիսյան

Կրթվելու և մշակույթին էլ ավելի մոտ լինելու «խրամատը» ևս ամուր պետք է լինի․ կայացավ գրքի երևանյան փառատոնի բացումը

Հայ-ադրբեջանական սահմանին իրադրության փոփոխություն չի արձանագրվել. ՊՆ

ՀԱՊԿ-ում նույնպես արձանագրվել է, որ Հայաստանում կառույցի նկատմամբ հանրային որոշակի տրամադրություններ են փոխվել. Փաշինյան

«ԳեոՊրոՄայնինգը» շարունակում է համայնքներում համալրել կոմունալ ծառայությունների սպասարկման տեխնիկական պարկը

Հրապարակումները, որոնք եղել են հնդկական մամուլում, ՀՀ-ի կողմից չեն հերքվել, լրացուցիչ բան ասել չեմ կարող. վարչապետ

Դիտորդական առաքելության նպատակներից մեկը սահմանի իրադրության վերաբերյալ անաչառ տեղեկատվության փոխանցումն է. վարչապետ

Երաշխավորված անվտանգությունը կարող է ապահովել միայն համապարփակ խաղաղությունը. Նիկոլ Փաշինյան

Նիկոլ Փաշինյանը հայտնեց, թե ինչու չեն հրապարկվում Ադրբեջանի հրահրած վերջին ագրեսիայի հետևանքով զոհվածների անունները

Կիևը արագացված կարգով դիմում է ՆԱՏՕ-ին անդամակցելու համար. Զելենսկի

Իշխանությունը և անձամբ ես գիտակցում ենք երկրի ճակատագրի հանդեպ պատասխանատվությունը և պատրաստ ենք այն կրել. վարչապետ

Արտակ Բեգլարյանի նախագահությամբ գումարվել է թվայնացման խորհրդի նիստ

Անահիտ Ավանեսյանն ու ԱՄՆ-ում ՀՀ պատվավոր հյուպատոսը քննարկել են առողջապահության ոլորտում փոխգործակցության հեռանկարները

Սեպտեմբերի 28-ին զոհված Հովհաննեսը վերջին անգամ հեռախոսով ծառայող որդու և կնոջ հետ է խոսել, կինը լսել է պայթյունի ձայնը

Հայ պատգամավորների պատվիրակությունը հանդիպումներ է ունեցել Լեհաստանի Սեյմում

Իրավիճակը Լարսում կարգավորվել է․ Վրաստանի ՆԳՆ

Վկա և տուժող երեխաների մասնակցությամբ քննչական և այլ գործողությունները կկազմակերպվեն «մեկ պատուհան» սկզբունքով

Վարդենիս-Սոթք ավտոճանապարհին վթարի է ենթարկվել բլոգեր Արսեն Հակոբյանը. վերջինիս վիճակը ծանր է

ԱԳ նախարարն ընդունել է Հայաստանում Իրանի դեսպանին ու նորանշանակ գլխավոր հյուպատոսին, ստացել վերջինիս արտոնագիրը

ՏԻՄ ընտրություններին քարոզչության դրդելու առթիվ վարույթի շրջանակում կալանավորվել է նաև Բերդ համայնքի ղեկավարի տեղակալը

Դոնբասը, Զապարոժյեի ու Խերսոնի շրջանները պաշտոնապես հաստատվեցին որպես ՌԴ մաս. Պուտինը ստորագրել է հրամանագրերը

ԵԱՏՄ անդամ պետությունների մաքսային ծառայությունների միավորված կոլեգիայի նիստի շրջանակում ստորագրվել է 19 որոշում

Շիրակի մարզպետարանում քննարկվել են սուբվենցիոն ծրագրերի արդյունավետության, մարզի քաղպաշտպանությանը վերաբերող հարցեր

Աբովյան քաղաքի Դարանի փողոցի վերջնամասում այրվել է ավտոմեքենա

Ջերմաստիճանը հոկտեմբերի 1-2-ը աստիճանաբար կնվազի 2-4 աստիճանով

Դոլարի փոխարժեքը նվազել է. ՀՀ կենտրոնական բանկը հրապարակել է նոր փոխարժեքներ

Տարբեր ժողովուրդների մշակութային տարրերի ցուցահանդեսին ՀՀ-ն մասնակցել է հայկական ժանյակի ցուցադրությամբ

Հանրայինն իրավական գործընթաց է սկսել, որպեսզի վերականգնի «Կյանք ու կռիվ» ֆիլմը ցուցադրելու իր հեղինակային իրավունքները

Դավիթ Բեկ գյուղի մոտակայքում այրվել է 10 հա խոտածածկ տարածք

Ինչ կարող է անել սփյուռքը այս իրավիճակում. Էդմոն Մարուքյանը գործողությունների ծրագիր է ներկայացրել (տեսանյութ)

Երևանում կայացել է առևտրատնտեսական համագործակցության հարցերով հայ-բելառուսական միջկառավարական հանձնաժողովի 16-րդ նիստը

Քննարկվել են երկրի անվտանգությանը վերաբերող հարցեր. «Դուրս ՀԱՊԿ»-ից միության անդամը՝ Քոչարյանի հետ հանդիպման մասին

Պետություն կառուցել՝ սա ենք մենք պարտք Անմահներին. Աննա Հակոբյան (լուսանկարներ)

Ոստիկանները որսագողության դեպք են բացահայտել

Վնասվել է Արշակունյաց պողոտայով անցնող միջին ճնշման ստորգետնյա գազատարը

Տնտեսական ակտիվության ցուցանիշը կազմել է 13.9%. նախարարությունը հրապարակել է օգոստոս ամսվա մակրոտնտեսական ցուցանիշները

Վերջին մեկ շաբաթում Մոսկվա-Երեւան քանի չվերթ է իրականացվել «Զվարթնոց» օդանավակայանից

ՀՀ քննչական կոմիտեն որոնում է տեսագրության մեջ պատկերված անձին

Քննարկվել են հայ-մեքսիկական մշակութային համագործակցության հարցեր

Զինծառայողը կալանավորվել է տնամերձ հողամասում նռնակը պայթեցնելու դեպքի առթիվ նախաձեռնված վարույթի շրջանակում