Ռեֆերատի էջը՝ 300 դրամ, կուրսային՝ 500, դիպլոմային՝ 800.դիպլոմայինների և կուրսայինների վաճառքը կարգելվի

ԱԺ պատգամավոր, ԿԳ նախկին փոխնախարար Հովհաննես Հովհաննիսյանը ԱԺ կրթության, գիտության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի երեկվա նիստում առաջարկել է սահմանափակել սովորողի կողմից ինքնուրույն կատարման աշխատանքների վաճառքի գովազդը:

Ըստ նախագծի` գիտական ուսումնասիրություններ պատրաստելու պարտադիր նախապայման է սովորողի կամ հետազոտողի ինքնուրույն աշխատանք կատարելու հանգամանքը։ Սակայն այսօր գովազդի տարբեր եւ բազմազան միջոցներով վաճառվում են կրթական, գիտական եւ հետազոտական ծրագրերի շրջանակներում կիրառվող աշխատանքները`ռեֆերատներ, կուրսայիներ, դիպլոմային եւ այլ ավարտական աշխատանքներ, գիտությունների թեկնածուի կամ դոկտորի գիտական աստիճանի հայցման նպատակով ատենախոսություն պատրաստելու ծառայություններ: Այս կեղծումները պարզապես խաթարում են կրթական ոլորտի ցուցանիշները, շրջանավարտների ինքնուրույն աշխատելու կարողությունները:

ԱԺ պատգամավոր Հովհաննես Հովհանիսյանի խոսքով` կարևոր խնդիրներից մեկն էլ այն է, որ որոշ ամբիոններում ամեն տարի նույն թեման են առաջարկում կուրսայինների, դիպլոմայինների համար: Ուսանողներն էլ, բնականաբար, տեսնելով նույն թեման, մոռանում են ինքնուրույն մտածելու և աշխատելու մասին: Հարցի լուծման համար Հովհանիսյանը կոչ արեց, որ առաջին հերթին բուհերում հետևողական և զգոն լինեն առաջակվող թեմաների ընտրության հարցում:

Մյուս կողմից էլ քիչ թիվ չեն կազմում այն կազմակերպությունները, որոնք զբաղվում են նմանատիպ աշխատանքների վաճառքով: Պատգամավորը նույնիսկ գնացուցակ ներկայացրեց, թե կազմակերպությունները հիմնականում ինչքանո՞վ են վաճառում այդ աշխատանքները. «Ռեֆերատները գրվում են 3000 դրամով, կուրսայինները`5000, դիպլոմայինները`7-8000 դրամով, որոշ տեղերում էլ էջերով են հաշվում, ինչպես`ռեֆերատի էջը՝ 300 դրամ, կուրսային՝ 500, դիպլոմային՝ 800 և այլն»:

Նման կազմակերպություները, կարծես ուսանողի դիպլոմայինները կամ կուրսայինները փախցնելու աշխատանքով զբաղված լինեն: Հովհաննիսյանն ասաց, որ լինում են նաեւ այսպիսի դեպքեր` ուսանողները տանում են իրենց աշխատանքները պատճենահանելու, այդ կազմակերպությունները պահում են, հաջորդ ուսանողին վաճառում: Պատգամավորն անձամբ տեղյակ էր, որ Հոգեբանության ֆակուլտետեում նման դեպք եղել է:

Հովհաննիսյանի բնորոշմամբ, թեեւ օրինագիծը արմատապես չի կարող լուծել խնդիրը, սակայն կտա ընդհանրական փոփոխություններ: Ըստ նրա` գրագողությանը վերջ տալու հիմնական լուծումը պետք է բուհերում փնտրել` աշխատանքները նույնականացնող սարքավորումներ օգտագործելով:

ԱԺ պատգամավոր Գոռ Գևորգյանն առաջարկեց ստեղծել անհատական աշխատանքների էլեկտրոնային բազա, որը կլինի լավագույն հակապլագիատը: Սլավոնական համալսարանում այս համակարգը վաղուց գործում է: Պատգամավոր Գևորգյանը նույնպես հայտնվել է այս երեւույթի թիրախում. «Ինձ զանգեցին և ասացին, որ իմ ատենախոսությունը վաճառվում է»:

Գումարով գիտական աշխատանքներ ձեռք բերելու ցանկություն է առաջանում անգամ այն ուսանողի մեջ, որը երբեւէ չի էլ մտածել իրեն հանձնարարված ռեֆերատը կամ կուրսային աշխատանքը համապատասխան գումարով գրել տալու մասին: Ակամայից այդպիսի ցանկություն է առաջանում, քանի որ բուհում ամեն քայլափոխի ինչ-որ մարդիկ թռուցիկներ են «հրամցնում»՝ զարտուղի ճանապարհով գիտական աշխատանքներ ձեռք բերելու գնացուցակով, իրենց հասցեներով ու հեռախոսահամարներով: Այդպիսի թռուցիկներով հիմնականում «գայթակղում» են Երևանի համալսարանների հարակից տարածքներում:

Այդ կազմակերպությունները շատ են, սակայն քիչ չեն նաև այն անձինք, որոնք գումարով աշխատանքներ կատարում են տանը: Մեր զրույցում Արմինե Հակոբյանը, ով վճարովի աշխատանքներ է կատարում տնային պայմաններում, պատմեց, որ շատ են «պատվերով» աշխատանքներ ցանկացող ուսանողները. «Ուսանողնների համար, ցավոք սրտի, կարևոր է էջերի քանակ ապահովելը: Թեմայի վերնագիրը ասում են ու գնում, գալիս են այն ժամանակ, երբ աշխատանքը պատրաստ է լինում: Ցավոք, ուսանողներին այսօր պակասում է վերլուծական մտքի առկայությունը»:

Գնացուցակի մասին էլ ասաց, որ կախված է էջի քանակից, հիմնականում մեկ էջը` 200 դրամից սկսած:

Ուսանողների շրջանում «Հայկական ժամանակ»-ի կատարած հարցախույզը ցույց տվեց, որ այս ծառայություններն ունեն մեծ պահանջարկ: Օրինակ՝  ԵՊՀ-ի ուսանողուհի Սոֆյա Մամյանը նկատեց. «Այդ ծառայությունները բավականին օգտակար են միայն աշխատող ուսանողների համար: Բայց ես դեմ եմ այսպիսի կենտրոնների գոյությանը, քանի որ ե՛ւ ռեֆերատը գնած ուսանողն է «գերազանց» ստանում, ե՛ւ իր քրտինքով այդ աշխատանքը կատարողը»:

Տպել
2042 դիտում

Քաղաքացիների ուղարկած խախտումների լուսանկարներն ու տեսանյութերը վարչապետը հրապարակել է ֆեյսբուքյան իր էջում

Կապանի գործով տուժողի նկատմամբ անվտանգության միջոց է կիրառվել. պաշտպանական կողմը աննախադեպ է որակում

Բժիշկները պայքարում են արդեն 50 օր թոքերի արհեստական օդափոխության սարքով շնչող պացիենտի կյանքի համար. Գևորգ Սիմոնյան

Եվրամիությունն այնքան էլ ուրախ չէ G7-ի կազմում Ռուսաստանին հետ կանչելու Թրամփի առաջարկով

Պարետի որոշմամբ ՀՀ-ում կարգելվեն շղթայական ռեակցիայի (ՊՇՌ) մեթոդով լաբորատոր հետազոտությունները

Դժգոհ չենք լինի, եթե այս տարի ՀՀ-ում ներքին զբոսաշրջության 150 տոկոս աճ ունենանք, 2019-ին 41 տոկոս ունեինք. վարչապետ

Խնդրում եմ հակահամաճարակային կանոնների խախտման դեպքերը նկարահանեք եւ ուղարկեք իմ ֆեյսբուքյան էջին. վարչապետ

Վանաձորի «Գլորիա» ֆաբրիկան պարետի որոշմամբ վաղը առավոտից կփակվի 72 ժամով. վարչապետ

Այրվել են Թումանյան եւ Նալբանդյան խաչմերուկում տեղադրված 4 աղբամանները. հրդեհողները 26-ամյա տղա ու 23-ամյա աղջիկ են

Երկրում դե յուրե շատ խիստ ռեժիմ է սահմանված այսօր, խնդիրը դե ֆակտոյի մեջ է. վարչապետ

Վանաձորի «Գլորիա» ֆաբրիկայի աշխատողները տեղափոխվում են գերբեռնված ավտոբուսով. վարչապետը լուսանկար է հրապարակել

Sputnik-ի պրոդյուսերից բացի, ԱՄՆ-ում տուժել են այլ ԶԼՄ-ների աշխատակիցներ. նահանգապետը ներողություն է խնդրել (տեսանյութ)

Դեպի ԵՄ երկրներ թռիչքների արգելքը չի վերաբերում միջազգային ավիաընկերություններին. քաղավիացիայի կոմիտեի արձագանքը

Իրավապահների վրա առանձնակի պատասխանատվություն է դրված. սահմանված կանոնների խախտումներին կլինի կոշտ ու չոր վերաբերմունք

Հայկական ավիացիայի մուտքը Եվրոպական Միության օդային տարածք արգելվեց. Հայաստանն այդպիսի 16 երկրներից մեկն է

Արարատ Միրզոյանը եւ իր ընտանիքի անդամները կորոնավիրուսի թեստ են հանձնել, պատասխանները բացասական են

Ուժեղացված վերահսկողություն է իրականացվել Մալաթիա-Սեբաստիա վարչական շրջանի նախադպրոցական ուսումնական հաստատություններում

Մարտի համեմատությամբ կորոնավիրուսային հիվանդության դեպքերն ապրիլին աճել են 3, մայիսին՝ 13 անգամ. ՀՎԿԱԿ տնօրեն

12 մարզադաշտերը, որոնք 10 օրից պետք է սկսեին ընդունել Եվրո 2020-ի խաղերը, եթե չլիներ կորոնավիրուսը

Կայացվել է 1393 կազմակերպության գործունեության դադարեցման որոշում