Նոր անուններ Հանրային հեռուստառադիոընկերության խորհրդի նախագահի թեկնածուների թվում

Հանրային հեռուստառադիոընկերության խորհրդի նախագահի թեկնածուների հայտերի ընդունման վերջնաժամկետը մարտի 21-ն է: Այս մասին «Հայկական ժամանակ»-ին հայտնեց 2018 թվականից ձեւավորված Հանրային հեռուստառադիոընկերության խորհրդի անդամների ընտրության հանձնաժողովի անդամ եւ Գյումրու «Ասպարեզ» ակումբի ղեկավար Լեւոն Բարսեղյանը:

Նա ասաց, որ մասնակիցների թվի մասին դեռեւս որեւէ պաշտոնական ինֆորմացիայի չի տիրապետում: ՀՌՀ նախագահ Տիգրան Հակոբյանը եւս չի ցանկանում որեւէ անուն հրապարակել: Հակոբյանի խոսքով՝ ելնելով մի շարք օբյեկտիվ պատճառներից՝ հանձնաժողովը հակված չէ մրցույթի մասնակիցների հայտերը ստանալուց հետո միանգամից հրապարարկել դրանք:

Չնայած ՀՌՀ նախագահի, ՀՌՀ խորհրդի եւ հանձնաժողովի անդամների համառ լռությանը Հանրային հեռուստառադիոընկերության խորհրդի նախագահի պաշտոնի հավակնորդներից շատերի անուններն արդեն հայտնի են: Շատերն անգամ իրենց ծրագրերի եւ հետագա անելիքների մասին են հայտարարել:

«Հայկական ժամանակ»-ին հայտնի են դարձել եւս մի քանի մասնակիցների անուներ, որոնց թվում է ռեժիսոր Արա Շիրինյանը: Մեր զրույցում Շիրինյանը հաստատեց տեղեկությունը:

Թեկնածուների թվում է նաեւ Հեռուստատեսության եւ ռադիոյի ազգային հանձնաժողովի անդամ Արմեն Մկրտչյանը, Երեւանի նախկին փոխքաղաքապետ, ռեժիսոր Արամ Սուքիասյանը, որը 2011-2018 թվականներին աշխատել է Երեւանի քաղաքապետարանում, զբաղեցրել քաղաքապետի խորհրդականի, մշակութային ծրագրերի համակարգողի պաշտոնները:

Մրցույթին կմասնակցի նաեւ հեռուստամեկնաբան Համլետ Ղուշչյանը, որը ի տարբերություն մասնակիցներից շատերի՝ փաստաթղթերն արդեն հանձնել է մրցութային հանձնաժողովին եւ ներկայացրել իր ծրագիրը: Ավելի վաղ ՀՌՀ նախագահ Տիգրան Հակոբյանը հայտնել է, որ հենց ինչ-որ մեկը հայտ է ներկայացնում, մրցակիցները ամբողջ մամուլով սկսում են նրան վարկաբեկել: ՀՌՀ նախագահը թերեւս չէր սխալվում. Համլետ Ղուշչյանի թեկնածությունը շատերի կողմից սուր քննադատության է արժանացել: Մասնավորապես վարկաբեկիչ մեկնաբանությունների տեղիք է տվել Ղուշչյանի վարած՝ դեռեւս թարմ ու չմոռացված հարցազրույցը Ռուբեն Հախվերդյանի հետ՝ «ԲԱՑ» թիվի-ի հարթակում:

Հանրային հեռուստառադիոընկերության խորհրդի նախագահի թեկնածուների թվում շրջանառվում է նաեւ 1991 թվականից տարբեր հեռուստաընկերություններում աշխատած եւ բազում հաղորդումների կոմերցիոն պրոդյուսեր Հովհաննես Թովմասյանի անունը: ՀՌՀ խորհրդի նախագահի պաշտոնի համար հայտարարված մրցույթի հայտերի ընդունումը սկսվել է մարտի 11-ից: Մրցույթին մասնակցելու մասին պաշտոնապես եւ ամենաառաջինը հայտարարել էր «Ա1+» հեռուստաընկերության տնօրեն Մեսրոպ Մովսեսյանը:

Ավելի վաղ հայտնել էինք Խորհրդի նախագահի թեկնածուներից Հ2 հեռուստաալիքի կոմերցիոն բաժնի տնօրեն Վլադիմիր Հայրապետյանի մասին, «Հայեր» մեդիահարթակի գլխավոր խմբագիր Արայիկ Մանուկյանի, ՀՌՀ նախկին նախագահ Գագիկ Բունիաթյանի, հաղորդավար, սցենարիստ, ռեժիսոր Արթուր Բախտամյանի եւ բանաստեղծ, ռեժիսոր Տիգրան Պասկեւիչյանի մասին:

Դե իսկ ՀՌՀ խորհրդի անդամ Ստեփան Զաքարյանը «Հայկական ժամանակ»-ի հետ զրույցում հայտնել էր, որ հավակնություններ ուներ մինչեւ այն պահը, երբ իմացավ, որ մրցույթին մասնակցելու է Մեսրոպ Մովսեսյանը:

Տպել
2075 դիտում

Թրամփը հրահանգել է կազմակերպել Բայդենին իշխանության փոխանցման գործընթացները, թեպետ դեռ պայքարում է

Մասիս Մայիլյանը ԿԽՄԿ առաքելության բարձրաստիճան ներկայացուցչի հետ քննարկել է պատանդների վերաբերյալ մի շարք հարցեր

Ամենայն Հայոց Կաթողիկոսը ցավակցագիր է հղել Սերժ Սարգսյանին

Լուսաղբյուր համայնքում 30-35 հեկտարով կավելանա ոռոգվող հողերի մակերեսը

Արտակարգ իրավիճակների արձագանքման ծրագրեր և միջոցառումներ Շիրակի մարզում՝ Արցախից տեղահանված ընտանիքների համար

Հայաստանի պատմության թանգարանը հավաքագրում է Արցախյան պատերազմի նահատակների լուսանկարներն ու իրերը (տեսանյութ)

Արա Այվազյանը հեռախոսազրույց է ունեցել ԱՄՆ պետքարտուղարի տեղակալ Սթիվեն Բիգանի հետ

1 հատ ընկույզը 1000 դրամով վաճառելուց հետո փոքրիկ Վահեն այլ գործ է ձեռնարկել․ զինվորներից մեկը բուժման կարիք ունի

«Իմ քայլը» սպասում է բանակի ազդակներին. ռազմական դրությունը վերացնելու հարցով վաղը ԱԺ-ում հանձնաժողովի նիստ է հրավիրվել

Հայ ֆուտբոլիստների թիմերը Ղազախստանի առաջնությունում պայքարում են մրցանակային տեղերի համար

Սգո ծառայություններ մատուցող կազմակերպությունների համար սահմանվել են Covid-անվտանգության առանձին կանոններ

Ոսկետափ համայնքում ավարտվել է ներհամայնքային փողոցների ասֆալտապատումը

Զավեն Սարգսյանի մահվան կապակցությամբ ստեղծվել է թաղման կառավարական հանձնաժողով

Վարչապետը կրկին հանդիպում է ունեցել գերեվարված և անհետ կորած անձանց ընտանիքների անդամների հետ (լուսանկարներ)

Վաղը երեկոյան Ֆրանսիայի Սենատում կսկսվեն Արցախի ճանաչման բանաձևի քննարկումները

Նորածնային ինկուբատորներ, սոնոգրաֆիկ սարքեր. Գյումրու բուժհաստատությունները նոր բուժսարքավորումներով են համալրվել

Խոշտանգումների ու անմարդկային վերաբերմունքի ուղիղ պատասխանատուն Ադրբեջանի իշխանություններն են. ՀՀ ՄԻՊ

ԱԻ նախարար Անդրանիկ Փիլոյանն այսօր աշխատանքային շրջայց է կատարել․ նախատեսված են նաև մարզային այցեր

Գագիկ Ծառուկյանին մանդատից զրկելու հարցով կդիմեն ՍԴ. ԱԺ խորհրդի նիստն ավարտվեց

Գյումրու գազալցակայանի մոտ ավտովթար է տեղի ունեցել․ կան տուժածներ