Այդ նիստը ցույց տվեց, որ ԵՊՀ թիմը միասնական չէ. Արամ Սիմոնյանը դժգոհ է համալսարանականներից

Երեւանի պետական համալսարանում մարտի 4-ին տեղի է ունեցել ռեկտորատի ընդլայնված նիստ, որի ընթացքում ռեկտոր Արամ Սիմոնյանը նաեւ անդրադարձել է հոգաբարձուների խորհրդի ավելի վաղ կայացած նիստին՝ նշելով, թե այն ցույց տվեց, որ ԵՊՀ թիմը միասնական չէ: Նա դժգոհել է այդ նիստում համալսարանականների պասիվ կեցվածքից, խոսել ուսանողների իրավունքները հարգելու անհրաժեշտության մասին եւ այլն:

Հոգաբարձուների նիստի օրակարգում, հիշեցնենք, մեկ հարց էր՝ Արամ Սիմոնյանի լիազորությունների վաղաժամկետ դադարեցումը: Այդ օրակարգը, սակայն, չէր հաստատվել, եւ նիստը համարվել էր չկայացած: «Ես հասկանում եմ՝ այն թիմը, որն այս տարիներին ղեկավարում էր համալսարանը, այսօր միատարր չէ, եւ դա չի կարող մտահոգություն չառաջացնել: Ես ուզում եմ առանձնակի նշել այն հանգամանքը, որ շատ մարդիկ՝ համալսարանականին ոչ հարիր կեցվածքով, փորձում են, այնուամենայնիվ, պղտոր ջրում ձուկ որսալ, որը պատիվ չի բերում ո՛չ իրենց, ո՛չ մեզ եւ ո՛չ էլ համալսարանին»,- ռեկտորատի նիստում ասել է Արամ Սիմոնյանը:

Նշելով, որ համալսարանում կան շատ խնդիրներ եւ դիմելով ռեկտորատի անդամներին՝ ԵՊՀ ռեկտորն առաջարկել է բոլոր ստորաբաժանումներում առաջիկա մեկ շաբաթվա ընթացքում քննարկել ստեղծված իրավիճակը, գնահատական տալ տեղի ունեցած իրադարձություններին. «Եթե պետք է քննադատել համալսարանի ղեկավարությանը, քննադատեք, մատնացույց արեք սխալները եւ ներկայացրեք կոնկրետ առաջարկություններ, թե ինչպես կարելի է լավացնել համալսարանի գործունեությունը: Այդ փոփոխությունները ցույց կտան, որ անկախ նրանից, թե ովքեր են համալսարանի ղեկավարության կազմում, ԵՊՀ-ն ունի ներուժ, կամք եւ հնարավորություն՝ իր գիտակրթական գործունեությունը, առօրյան ավելի լավը դարձնելու համար»:

ԵՊՀ ռեկտորատի ընդլայնված նիստում հնչեցրած մի շարք հայտարարությունների վերաբերյալ փորձեցինք մեկնաբանություն ստանալ Արամ Սիմոնյանից: Նա հրաժարվեց: Ավելի ուշ պատասխանեց մեր գրավոր հարցերին, որը ներկայացնում ենք ստորեւ:

- Պարոն Սիմոնյան, ԵՊՀ ռեկտորատի ընդլայնված նիստում, անդրադառնալով հոգաբարձուների խորհրդի ավելի վաղ կայացած նիստին, դժգոհել եք, որ ԵՊՀ թիմը միասնական չէ: Դա նշանակո՞ւմ է, որ համալսարանում բոլորից կամ, առնվազն, հոգաբարձուների խորհրդում բուհը ներկայացնող բոլոր անդամներից պահանջում եք, որ նրանք պաշտպանեն Ձեզ եւ չհամարեն, որ ռեկտորի փոփոխության կարիք գուցե իսկապես կա:

- Իմ դժգոհությունը վերաբերում է նրան, որ այդ մարդիկ ոչ կողմ էին, ոչ դեմ։

- Նույն նիստում նկատել եք, որ համալսարանում կան շատ խնդիրներ, որոնք ունեն օբյեկտիվ ու սուբյեկտիվ պատճառներ եւ որ այդ խնդիրները հարուցում են ուսանողների ու պրոֆեսորադասախոսական կազմի դժգոհությունը: Հատկապես ինչի՞ց են դժգոհությունները:  

- Տարբեր դժգոհություններ կան։ Օրինակ՝ ուսանողները դժգոհում են քննություններին ու հատկապես միջանկյալ քննություններին հատկացվող ժամանակահատվածից, որոշ առարկաների դասախոսությունների մակարդակից, հայերեն գրականության պակասից, ինչն օբյեկտիվ է։ Պրոֆեսորադասախոսական կազմը դժգոհում է աշխատավարձի ցածր եւ ծանրաբեռնվածության շատ լինելուց, թեեւ ԵՊՀ-ում Հայաստանի մյուս բուհերի համեմատությամբ ծանրաբեռնվածությունն ավելի քիչ է։

- Հայտարարել եք, որ համալսարանում նախատեսվում են բարեփոխումներ, կադրային ու կառուցվածքային փոփոխություններ: Հնարավո՞ր է՝ որոշեք բուհից հեռացնել այն մարդկանց, որոնք դուրս են Ձեր նշած թիմային միասնականության շրջանակից:

- Կադրային եւ կառուցվածքային փոփոխությունները կապ չունեն թիմային միասնականության հետ։ Դրանց միակ նպատակը ԵՊՀ գործունեությունն ավելի նպատակային եւ արդյունավետ դարձնելն է։

- Պարոն Սիմոնյան, ռեկտորատի նիտում նաեւ խոսել եք ուսանողի ու նրա կարիքների նկատմամբ կոպիտ վերաբերմունքի, հարցի լուծումը ֆակուլտետներում եւ ստորաբաժանումներում միմյանց փոխանցելու Ձեր գնահատմամբ արատավոր պրակտիկայի մասին: Ընդգծել եք, որ ուսանողը ծառա չէ, այլ իր վճարի դիմաց ծառայություն ստացող քաղաքացի՝ նկատելով, որ կան դեկանատներ ու բաժիններ, որոնց աշխատակիցներն անցել են բոլոր սահմանները: Ինչո՞ւ միայն հիմա եք որոշել այդ ամենի դեմ միջոցներ ձեռնարկել: Խնդիրը նո՞ր է:

- Բազմիցս խոսել ենք վարվեցողության կանոնների եւ միջանձնային կոպիտ վերաբերմունքի խնդրի մասին, որը շարունակում է այժմեական մնալ։ Ցավոք, մեզ չի հաջողվել համոզել հատկապես բուհի միջին օղակին ավելի բարեհամբույր ու քաղաքակիրթ դառնալ։

Հ.Գ. ԵՊՀ կառավարման բարձրագույն մարմինը հանդիսացող հոգաբարձուների խորհրդից տեղեկացանք, որ ռեկտորի հետագա պաշտոնավարման նպատակահարմարությունը քննարկելու համար նոր նիստ հրավիրելու հարց առայժմ չի քննարկվում:

Տպել
1814 դիտում

Հայաստանյայց Առաքելական Սուրբ Եկեղեցին տոնախմբել է Համբարձման տոնը

Մեզ հետաքրքրող ցանկացած տարածք կարող ենք նկարել. Արծրուն Հովհաննիսյանը՝ ՀՀ առաջին տիեզերական արբանյակի մասին

Քրեական ոստիկանության և ՊԵԿ ծառայողները թմրամիջոցներ են հայտնաբերել. բերման է ենթարկվել 27-ամյա մի երիտասարդ

Գնել Սանոսյանն ընդունել է Եվրոպայի խորհրդի Կոնգրեսի տնօրեն Ռաֆայել Բենեդիկտին

Երբ նոր էի սկսել նվագել, պապիկս ասաց՝ դա պաշտոն չէ, որ ես քեզ տամ, ինքդ պիտի հասկանաս՝ քոնն է, թե չէ. Ջիվան Գասպարյան

Ծիծեռնակաբերդի խճուղին շարունակում է մնալ երկկողմանի փակ

Հայտնի է «Դիմադրություն» շարժման այսօրվա հանրահավաքի մասնակիցների թիվը

Բուլղարիայի ԱԳՆ-ն ողջունել է Հայաստանի ջանքերն ու տարածաշրջանային անվտանգային միջավայրի ձևավորմանն ուղղված քայլերը

Բյուրականի անտառպետությունում հրդեհաշիջման աշխատանքներին մասնակցել է նաև ՊՆ ուղղաթիռ. ուսումնավարժանք է անցկացվել

ՀՀ վարչապետը Չեռնոգորիայի նախագահին է ներկայացրել ԼՂ հիմնախնդրի խաղաղ կարգավորման հայկական կողմի դիրքորոշումը

Ինչ ունեցվածք են հայտարարագրել ընդդիմադիր պատգամավոր Հռիփսիմե Ստամբուլյանը և նրա ամուսինը՝ Վահե Անդրիասյանը

Ընթանում է «Դիմադրություն» շարժման հերթական հանրահավաքը

Նա ծաղրի է ենթարկվում և չի արժանանում հարգանքի. ուսուցիչների՝ աշխատանքը թողնելու խնդիրը վերջին շրջանում մտահոգիչ է

Զորամասերից մեկում հավաք-խորհրդակցություն է կայացել

ՀՀ առաջին տիեզերական արբանյակի կողմից արված լուսանկարները կօգտագործվեն արտակարգ իրավիճակների կանխարգելմանը և կառավարմանը

Կառավարությունը գումար կհատկացնի Լոռի Բերդ ամրոցի պարսպի հյուսիսարևելյան հատվածի ամրակայման և մասնակի վերականգնման համար

Աննա Հակոբյանը Դավոսում մասնակցել է «Կին քաղաքական առաջնորդներ» ամենամյա միջոցառմանը

ՀՀ բռնցքամարտի ֆեդերացիան ամփոփել է 1-ին մրցահերթը. այսօր հաղթանակ է տոնել հայաստանյան 3 պատվիրակ

Դոլարի փոխարժեքը նվազել է եւս 3,5 դրամով. ՀՀ կենտրոնական բանկը հրապարակել է նոր փոխարժեքներ

Աբովյանում վեց ժամ ջուր չի լինի

Ընդդիմադիրները բողոքի ակցիա են իրականացնում Կառավարության դիմաց

ՊԵԿ-ը հրապարակել է համալիր հարկային ստուգումների տարեկան ծրագիրը

ՀՀ Ազգային ժողովն արտահերթ նիստ կգումարի հունիսի 3-ին

Չեռնոգորիայի նախագահը հարգանքի տուրք է մատուցել Հայոց ցեղասպանության զոհերի հիշատակին (տեսանյութ)

Նիկոլ Փաշինյանը տեսակապի միջոցով մասնակցել է Բիշքեկում անցկացվող Եվրասիական տնտեսական ֆորումի աշխատանքներին (տեսանյութ)

Կարեն Անդրեասյանը հանդիպել է Ագնե Բիլոտաիտեին. հանդիպմանը անդրադարձել են երկկողմ հետաքրքրություն ներկայացնող հարցերի

Ինեկոբանկն Android օգտատերերի համար գործարկում է Mastercard քարտերով NFC վճարումները

ՀՀ վարչապետն ընդունել է Հակամարտությունների գոտիներում ժառանգության պաշտպանության միջազգային դաշինքի գործադիր տնօրենին

Ծաղկաձորում տաքսու վարորդը գողացել է զբոսաշրջիկի դրամապանակը (տեսանյութ)

Պաշտոնական այցով Հայաստան է ժամանել Չեռնոգորիայի նախագահ Միլո Ջուկանովիչը (լուսանկարներ)

Դաշնակցությունը որևէ գործարան, օբյեկտ չունի, դաշնակցականի ունեցվածքը տարբեր է, քաղաքական ուժինը՝ տարբեր. Սաղաթելյան

Միրզոյանը ընդունել է Հակամարտությունների գոտիներում ժառանգության պաշտպանության միջազգային դաշինքի տնօրենին (տեսանյութ)

Ելնելով Հայաստանում տիրող իրավիճակից՝ ցանկացա բեմադրել այս ներկայացումը. պրեմիերա Ազնավուր քոլեջի ուսանողական թատրոնում

Կալանքի երկարաձգման միջնորդությունը չբավարարվելու հետևանքով մեղադրյալը նոր հանցագործություններ է կատարել և թաքնվել

Առանձին շրջաններում սպասվում է կարճատև անձրև. առաջիկա օրերի եղանակային կանխատեսումը

Կառավարությունը 200 մլն դրամով ավելացրել է 2022 թ. մարզական ֆեդերացիաներին հատկացվող ֆինանսական միջոցները

ՀՀ նախագահը շնորհավորական ուղերձ է հղել իր վրաց գործընկերոջը ազգային տոնի առթիվ

Ամենայն հայոց կաթողիկոսը վավերացրել է Իրաքի հայոց թեմի առաջնորդի ընտրությունը

Դատախազությունն Առուշ Առուշանյանի դատավճռի դեմ վերաքննիչ բողոք է ներկայացրել

ԲԴԽ-ում ընդունել են զոհված զինծառայողների ծնողների՝ 30 հոգուց բաղկացած խմբին