Ս. Սարգսյանի ռեժիմից հետո տարածքներ հանձնելու միտքը մարդիկ բացառում են. ադրբեջանցի խմբագրի անդրադարձը

Դժվար է գնահատել իրավիճակը մի երկրում, որի հետ փաստացի պատերազմի մեջ ես գտնվում:

Այսպես է սկսել Հայաստանից ստացած իր տպավորությունների մասին հոդվածը ադրբեջանական Turan գործակալության գլխավոր խմբագիր Շահին Հաջիեւը:

Խմբագիրը նշել է, որ Բաքվից, այնուհետ Երեւանից այցի համար թույլտվություններ ձեռք բերելն այնքան էլ հեշտ չի եղել, բոլոր  պայմանավորվածությունների համար ամիսներ են պետք եղել:

«Օգտվելով առիթից, ուզում եմ շնորհակալություն հայտնել 2 երկրների գերատեսչություներին՝ նման հնարավորություն ունենալու համար: Առանձնակի շնորհակալություն ՀՀ ԱԳՆ-ին՝ ադրբեջանցի լրագրողին հավատարմագիր տրամադրելու համար: Այդ քայլը Հայաստանում դժգոհությունների ալիք է բարձրացրել, քիչ դժգոհություններ չկան նաեւ ադրբեջանական կողմում, որի մեծ մասի համար միայն Հայաստան այցի մասին տեղեկությունը դիտվում է որպես դավաճանություն»,-գրել է հեղինակը:

Շարունակելով, խմբագիրը բացահայտում է Հայաստան այցի բուն պատճառը: Նա նշում է, որ անձամբ իրեն ու իր նման շատ-շատերին հիմնականում հետաքրքրում է մեկ հարց՝ ի՞նչ է փոխվել Հայաստանում հեղափոխությունից հետո, ինչպիսի՞ն են մարդկանց տրամադրությունները երկրում, արդյոք կա՞ հույս, որ Փաշինյանի թիմի հետ հնարավոր կլինի պայմանավորվել:

«Այս հարցերը ես ուղիղ կերպով տվել եմ իմ բոլոր զրուցակիցներին, արդեն ամփոփելով, պատասխանները կարելի է տեսնել անզեն աչքով: Եթե խմբագրելու լինեմ Հայաստանում զրուցակիցներիս խոսքերն ու գնահատականները, ապա դրանք այսպիսի տեսք կունենան՝

1․ Մենք՝ հայերս, ձեզ՝ ադրբեջանցիներին, չենք վստահում

 2․ Դուք պետք է անեք առաջին քայլը և ապացուցեք, որ այլևս չի լինի պատերազմ

 3․ Ղարաբաղն ու հարակից շրջանները չենք վերադարձնելու, և այդ հարցն առհասարակ պետք է ուղղել ոչ թե մեզ, այլ Ղարաբաղին

4․ Պատերազմից չենք վախենում, և դուք ուժով ոչնչի չեք հասնի:

Չեմ կարծում, որ Հայաստանում բոլորն անխտիր այս նույն կարծիքն ունեն, սակայն հակառակ կարծիքները չեն գերազանցի 5-10 տոկոսը»:

Հաջիևը կարծում է, որ Հայաստանում տեղի ունեցած Թավշյա հեղափոխությունը և Փաշինյանի թիմի՝ իշխանության գալը ավելի շուտ կոշտացրել են հայ հասարակության դիրքորոշումն Արցախյան հակամարտության հարցում։

«Այդ դիրքորոշումները կարելի է նկարագրել մոտավորապես այսպես. Սերժ Սարգսյանի ծախված ռեժիմը պատրաստ է եղել հանձնել Ղարաբաղի տարածքները՝ իշխանությունը պահպանելու համար: Սակայն իշխանության փոխանցումից եւ կոռումպացված համակարգի տապալումից հետո ժողովուրդն այդ միտքը բացառում է: Էյֆորիան այն մասին, որ հաջողվել է տապալել ատելի վարչակարգը, և բոլոր մյուս հարցերը հիմա արդեն լուծելի են, զգացվում է ամենուր: Բոլոր տրամադրություններն այն մասին էին, որ նոր իշխանությունները պատրաստվում են տնտեսական բարեփոխումների, ազգային շահերի պաշտպանության եւ արտաքին քաղաքականության պահպանման»:

Խոսելով բուն հակամարտության մասին, Հաջիեւը նշում է, որ բարդ է 2 կողմի համար էլ հասկանալ, թե ինչ են քննարկում Մնացականյանն ու Մամեդյարովը փակ դռների հետեւում իրենց բանակցություններում: Նոր իշխանությունների մոտեցումը առայժմ դրսեւորվել է ղարաբաղցիների հետ բանակցելու ուղղորդմամբ: Ընդհանուր գնահատականները, ըստ խմբագրի, եթե լավատեսական էլ չեն, ապա գոնե չեզոք են:

«Իմ զրուցակիցները բոլորը միակարծիք են, որ Ղարաբաղի հարցում առաջին քայլը պետք է անի Ադրբեջանը: Երբ ես հարց եմ ուղղում, թե ինչու՞ չպետք է Հայաստանը անի առաջին քայլը, միաբերան մեկ պատասխան է հնչում՝ էլ ի՞նչ քայլ կարող է լինել 2016-ի ապրիլից հետո՝ Ադրբեջանում համընդհանուր հայատյացության դասերի համատեքստում»,-գրել է խմբագիրը:

Տպել
4560 դիտում

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը