Մենք բոլորս մեր դերը պետք է գիտակցենք եւ ճիշտ կատարենք. Վարազդատ Կարապետյան

Եթե մենք ուզում ենք, որ մեր երկիրը զարգանա, այս լավատեսության պաշարը չպետք է թուլանա, այլ պետք է ուժեղանա: Այս մասին այսօր Ազգային ժողովում կառավարության ծրագրի քննարկման ժամանակ` մտքերի փոխանակության ժամին ասաց ԱԺ «Իմ քայլը» խմբակցության պատգամավոր Վարազդատ Կարապետյանը:

«Մենք պետք է հստակ սահմանենք՝ ինչ է տնտեսական հեղափոխությունը, որովհետեւ իրականում այստեղ ընկալման տարբերություններ կան: Հնարավոր է, որ մենք ընկալենք տնտեսական հեղափոխությունը որպես մի իրավիճակ, երբ մեր երկրում, օրինակ, ավելի շատ արտաքին ներդրումներ են արվում: Հնարավոր է, որ ընկալենք իրավիճակ, երբ մեր ՀՆԱ-ն պետք է կրկնապատկվի, արտահանումը դառնա ՀՆԱ-ի 50 տոկոսը եւ այլն:

Բայց, եթե մենք խոսում ենք հեղափոխությունից, նշանակում է՝ դրա տակ ինչ-որ փիլիսոփայություն կա եւ ինչ-որ արժեքների համակարգ: Առավելապես` ինչպես հեղափոխության ժամանակ, մարդը ամենակարեւոր արժեքն է գործընթացի եւ այս ամբողջ պրոցեսի հիմնական դերակատարը: Եւ ինչով է Հայաստանում առկա իրավիճակը հիմա աշխարհի ուշադրության կենտրոնում, որ մենք բացառիկ հնարավորություն ունենք մարդկային ստեղծարար ուժը դարձնել տնտեսական աճի հիմնական գործոն»,- ասաց Կարապետյանը:

Պատգամավորի խոսքով՝ իրենք հայտարարում են, որ Հայաստանում ոչ թե կապիտալն է տնտեսական աճի շարժիչ ուժը, այլ մարդկային ստեղծարար ուժը եւ այստեղ է հեղափոխությունը:

«Այսինքն, եթե մեր գործընկերները ուզում են մեզ նոր ճանապարհներ ցույց տալ, պետք է ցույց տան այն ճանապարհները, որոնք հնարավորություն կտան` ինչպես անել, որ մարդիկ ավելի շատ ստեղծագործեն մեր երկրում, ավելի լավ աշխատեն մեր երկրում, ավելի լավ մարդիկ զգան իրենց այդ աշխատանքի մեջ, սիրեն այդ աշխատանքը: Մենք էլ մեր աշխատանքը վերջիվերջո, որովհետեւ մեր դահլիճում տխուր է անընդհատ անցնում օրը, եթե նկատել եք: Ժպիտ չկա մեր դահլիճում, դա նշանակում է, որ մենք էլ մեր աշխատանքից հաճույք չենք ստանում ու դա շատ վատ է: Մենք մեր աշխատանքից պետք է սկսենք հաճույք ստանալ:

Իհարկե, այստեղ լուսամուտներ չկան, ամեն ինչ արված է, որ մենք վատ զգանք մեզ, բայց մենք պետք է փորձենք կոտրել այս իրավիճակը եւ փոխել իրավիճակը: Մենք պիտի ժպտանք եւ այն ամեն ինչը, ինչ որ ասում ենք ժողովրդին, պետք է ժպիտով ասենք: Որովհետեւ եզակի հնարավորություն է մեր ժողովրդի համար՝ վերցնել իրավիճակը իր ձեռքը, տնտեսության զարգացման եւ ստեղծարար աշխատանքը դարձնել առանցքային գործոն՝ զարգացման համար»,- նշեց Կարապետյանը:

Մյուս խնդիրը, ըստ պատգամավորի, այն է, որ ասում են՝ կառավարության ծրագրի մեջ շատ են նմանությունները նախորդ կառավարությունների ծրագրերին. «Եթե վերցնենք, ինչ անել հարցի տեսանկյունից, հնարավոր է՝ շատ են նմանությունները: Որովհետեւ, օրինակ, ճանապարհ պետք է սարքենք եւ նախորդ կառավարության եւ այս կառավարության խնդիրներից մեկը ճանապարհ սարքելն է: Բայց հիմնական տարբերությունը ինչումն է. մենք հայտարարում ենք՝ ինչ նպատակով պետք է աշխատենք, այսինքն, ում համար է այս ամեն ինչը արվում եւ ինչպես անենք: Եւ հայտարարվում է, որ ծրագրի հիմնական նպատակը մարդն է եւ մարդու զարգացումը, որովհետեւ, եթե մարդու զարգացումը չլինի, այլ ասենք այն թիվը` օրինակ 5 տոկոսը, որ քննադատում, ասում են՝ 5 տոկոս է դրված, եթե լիներ 9 տոկոս կամ 15 տոկոս, դրանից ի՞նչ կփոխվեր: 5 տոկոսը նվազագույն շեմ է դրված, որպեսզի մենք հասկանանք, որ դրանից ներքեւ մեր բյուջեի ծախսերի կատարման տեսանկյունից խնդիր կունենանք: Բայց ինչպիսին կլինի իրավիճակը, շատ դժվար է կանխատեսել:

Մեր գործընկերը քիչ առաջ խոսում էր, որ տնտեսության զարգացման մոդելը պարզ չի: Պարզ չի, որովհետեւ մենք չենք կարող հիմա մոդել դնել տնտեսության զարգացման հիմքում, որովհետեւ մոդելը կաղապար է: Իսկ չի կարող ստեղծագործ պրոցեսը կաղապարել, երբ մենք խոսում ենք հեղափոխության մասին, հեղափոխական արժեքների մասին:

Եւ մյուսը՝ ինչպես անել. այդ ինչպես անել հարցի պատասխանը ծրագիրն ամբողջությամբ տալիս է՝ ազատ դաշտ ստեղծելով, կոռուպցիայից զերծ հանրություն ստեղծելով: Այսինքն, մենք էլի հնարավոր է՝ նույն ճանապարհը կառուցենք, բայց ճանապարհը կկառուցենք մեր ժողովրդի համար, Հայաստանի քաղաքացու համար, այլ ոչ թե այն բանի համար, որ Իրանի բեռնատարը անցնի Վրաստան»,- ասաց Կարապետյանը:

Պատգամավորը նշեց, որ դա էլ է շատ կարեւոր նպատակ, բայց մեր երկրի ցանկացած գործողության վերջնանպատակ մարդն է, մեր երկրի քաղաքացին. «Եւ ինչպե՞ս անենք, անենք այնպես, որ այդ ճանապարհը կառուցելու պրոցեսում կոռուպցիոն ռիսկերը բացառենք:

Մի շատ կարեւոր խնդիր կա` կապված է լավատեսության հետ: Սա ամենամեծ ռեսուրսն է, որ կուտակված է հիմա եւ մենք այդ ռեսուրսը պետք է սնենք բոլոր կողմերից` բոլորս: Որովհետեւ, եթե մենք ուզում ենք, որ մեր երկիրը զարգանա, այս լավատեսության պաշարը չպետք է թուլանա, այլ պետք է ուժեղանա: Դրա համար բոլորս մեր դերը ունենք:

Կառավարությունը իր դերը` հավասար պայմաններ ստեղծելով, ժողովուրդն իր դերը ունի`ստեղծարար աշխատանքով, անընդհատ աշխատելով եւ սովորելով: Պետք է միջավայր ստեղծենք, որ բոլորս հաճույք ստանանք մեր սովորելուց: Մարդկանց տարբեր գործոններ կան, որ դրդում են ծուլության: Ամենակարեւոր գործոնը, եթե մարդը չի գտնում իր սրտի թելադրած կրթությունը կամ աշխատանքը: Եթե չգտավ` գնում է ծուլության:

Դա ես ամեն օր իմ ընտանիքում, իմ մեծ աղջկա օրինակով գիտեմ: Հենց այդ կրթական առարկան իրեն հետաքրքիր չի, ինքը ծուլանում է, անհնար է սովորի այդ առարկան: Այսինքն, մենք պետք է այնքան բազմազանություն ապահովենք ե՛ւ մեր կրթական համակարգում ե՛ւ մեր տնտեսության մեջ, որ մեր երկրի բոլոր քաղաքացիները իրենց հարմար, իրենց սրտի թելադրած զբաղմունքը, կրթությունը եւ աշխատանքը կարողանան գտնել»,- ասաց Կարապետյանը:

Նրա խոսքով՝ լավատեսության տեսանկյունից մի կարեւոր խնդիր էլ կա. «Հիմա ընդդիմության դերը ճանապարհներ ցույց տալն է, եթե մենք սահմանում ենք նպատակը եւ ասում ենք, որ մեր նպատակն այն է, որ մարդիկ մեր երկրում երջանիկ լինեն եւ մարդու ստեղծարար աշխատանքը ամենակարեւոր գործոնն է մեր երկրի աճի, նշանակում է՝ ակնկալում ենք, որ դուք լրացուցիչ ճանապարհներ ցույց կտաք:

Այսինքն, մեր տեսած ճանապարհին կգումարեք եւս մի քանի ճանապարհ եւ հանրությունը ընտրելու շատ տարբերակներ կունենա: Եւ մենք չենք ակնկալում, որ դուք ուղղակի կսեւացնեք այն ճանապարհները, որոնք նախանշվում են: Սա շատ կարեւոր հարց է: Ես խնդրում եմ եւ մեր ընդդիմադիր ընկերներին եւ հատկապես լրագրողներին:

Հիմա էլ, որ դուրս ենք գալիս, միջանցքներում կարող է լրագրողը կանգնեցնի եւ հարցնի՝ այս մարդը այս մարդուն ասել է բոմժ, դու համաձա՞յն ես այդ կարծիքին, թե չէ: Սա է հիմա լրագրության պատմությունը, ցավոք սրտի, եթե լրագրողը չի գիտակցում, որ ինքն էլ պետք է արժեք ավելացնի եւ որ ինքը պետք է խոսի այսօրվա գործողություններից եւ մեր ապագա պլաններից: Տեսեք, ինչո՞ւ պետք է լրագրողը ապագա պլաններից խոսի, որովհետեւ մենք պետք է կապված լինենք իրար հետ այսօր եւ կապված լինենք իրար հետ վաղը: Եւ այսօր պետք է դնենք մեր վաղվա ամուր կապերի հիմքը: Որտեղի՞ց իմանանք այդ մասին` այդ հիմնական ֆունկցիան լրագրողներինն է»- ասաց պատգամավորը:

Պատգամավորը մի խնդիր նշեց կառավարության ծրագրի մեջ. «Մենք նշում ենք, որ՝ այո, տնտեսության հիմնական դերակատարը ձեռնարկություններն են եւ մարդիկ, ես շատ կուզեի, որ հիմա, երբ որ կառավարությունը սկսի իր աշխատանքը, ստեղծվեն հարթակներ, որոնց միջոցով ձեռնարկությունները ուղիղ կապ կունենան կառավարության հետ` բոլոր ոլորտներում` գինեգործության, դեղագործության:

Այսինքն, եթե մենք ասում ենք՝ արտահանումը մեր համար էական է, բոլոր ոլորտներում ձեռնարկությունների եւ կառավարության կապը ստեղծող հարթակներ պետք է ունենանք: Հարթակները իհարկե առավելապես պետք է ֆինանսավորվեն մասնավոր հատվածի կողմից, բայց քանի որ դրա կարեւորությունը նաեւ գիտակցվում է կառավարության կողմից, այն կարող է սկզբնական շրջանում նաեւ խրախուսվել կառավարության կողմից ե՛ւ արհմիությունների գործունեության մասով ե՛ւ մասնագիտական ե՛ւ գործարար միությունների մասով:

Երբ որ ես դուրս էի գալիս` մեր սենյակում 2 մարդ՝ Ռիման եւ Գրիշան` վարորդը եւ գործավարը, ասացին, որ ես պետք է կողմ քվեարկեմ ծրագրին, որովհետեւ իրենք վստահում են: Վստահում են, որ այս առաջնորդությամբ մեր երկիրը կգնա առաջ եւ իրենք պատրաստ են իրենց դերը վերցնել եւ մենք բոլորս մեր դերը պետք է գիտակցենք եւ ճիշտ կատարենք»,- իր ելույթը եզրափակեց Կարապետյանը:

Տպել
2096 դիտում

Հայնի է՝ որքան կլինի իգական սեռի զինծառայողների ծառայության ժամկետն ու պատվովճարը. նախագծի մանրամասները

Նորիկյանը ստանձնել է հրդեհի հետևանքով զոհված 13 զինծառայողների ազգականների՝ որպես տուժողի ներկայացուցչի կարգավիճակը

Կիրականացվի ուսումնական հաստատությունների քարտեզագրում

Թուրքիայում ավերիչ երկրաշարժի զոհերի թիվը շարունակ աճում է՝ մոտենալով 6 հազարին

Բքի պատճառով Ջրաբեր-Ֆանտան ճանապարհը, Ջերմուկի խաչմերուկից մինչև Սիսիան հատվածը փակ են բոլոր ավտոմեքենաների համար

Գերմանիան էական մասնակցություն կունենա Հայաստանում ԵՄ քաղաքացիական դիտորդական առաքելությանը. Աննալենա Բերբոք

Օլաֆ Շոլցի խորհրդականն ու Արարատ Միրզոյանը քննարկել են երկկողմ համագործակցության և Լաչինի արգելափակման մասին հարցեր

Հալեպի՝ երկրաշարժից տուժած բնակչության մեծամասնությունը գիշերն անցկացնում է ակումբներում ու եկեղեցիներում

Թուրքիա փրկարարներ ուղարկելը քննադատողների թվում առավել ծիծաղելի իրավիճակում են Քոչարյանի և Սարգսյանի կողմնակիցները

Մարդասիրական այս քայլը կարևոր է ոչ միայն թուրք հասարակության, այլև միջազգային հանրության վերաբերմունքի առումով. Արշակյան

Քարաթափում Երևանի Կոնդ թաղամասում՝ «Սուրբ Հովհաննես» եկեղեցու մոտ. տուժել է կայանված մեքենան

Արցախի նախագահն ու պետնախարարը ինչպես և ինչ առաքելությամբ են առանձին-առանձին օրերս այցելել Մոսկվա․ Արման Բաբաջանյան

Պարտատոմսերը՝ խնայողությունների դիվերսիֆիկացիայի լավագույն տարբերակ

Հայաստանի ուղարկած փրկարարական ջոկատն ու օգնությունն արդեն վայրէջք է կատարել Թուրքիա․ Կարո Փայլան

Փրկարարները հղի կնոջը Նիգավանից տեղափոխել են Ապարանի ԲԿ

ՆԳ նախարար Վահե Ղազարյանը ճանապարհել է Թուրքիա և Սիրիա մեկնող փրկարարական ջոկատների ծառայողներին (լուսանկարներ)

Թուրքիայում կրկին երկրաշարժ է գրանցվել

Մարտակերտի շրջանում հրադադարի ռեժիմի խախտում է արձանագրվել․ ՌԴ ՊՆ

«44-օրյա պատերազմից հետո հարցն անձամբ բարձրացրել եմ». ռազմական փորձագետը՝ բանակի համազգեստը փոխելու մասին

Ամերիաբանկն ավելի քան 14 մլրդ դրամի բիզնես վարկ է տրամադրել վերականգնվող էներգետիկայի ոլորտում

Փոխարժեքների անկում տարադրամի շուկայում․ Կենտրոնական բանկի տվյալներ

Դուք արդեն ապացուցել եք, որ մեծ նվաճումների հասնելու ներուժ ունեք. Կարեն Գիլոյանը հանդիպել է շախմատիստների հետ

«Երկու դեպքում էլ Հայաստանը ճիշտ է վարվել». Թորոսյանը՝ այժմ և 1999-ին Թուրքիային հումանիտար օգնություն առաջարկելու մասին

Կոյուղին մաքրելու համար 1000-ական դրամ՝ բնակիչներից. Մերձավանի նախկին համայնքապետի վերաբերյալ բողոքները շարունակվում են

Վթարվել է «Արզնի 2-Երևան» մայրուղային ջրատարը․ դադարեցվել է Արաբկիր վարչական շրջանի ջրամատակարարումը (տեսանյութ)

Թռիչքի է պատրաստվում ՀՀ փրկարարական ուժերին Թուրքիա տեղափոխող ինքնաթիռը․ Փաշինյանի հեռախոսազրույցը Էրդողանի հետ

Հայաստանը որպես առաջնահերթություն Սիրիա կուղարկի սնունդ․ Նիկոլ Փաշինյանը հեռախոսազրույց է ունեցել Բաշար Ալ Ասադի հետ

Նախնական գնահատականով՝ առողջապահական փաթեթի համար քաղաքացիները տարեկան կվճարեն 150-200 հազար դրամ. մանրամասներ

Ադրբեջանական ագրեսիան խաթարում է խաղաղություն հաստատելու ՀՀ ջանքերը․ Միրզոյանը հանդիպել է Բունդեսթագի պատգամավորների հետ

2023 թվականի հունվարին Հայաստան է այցելել 159 հազար 475 զբոսաշրջիկ, նախորդ տարի՝ 94 հազար. Քերոբյանի անդրադարձը

Արսեն Թորոսյանը պատրաստվում է հանդիպել քաղաքացիների հետ. նա հայտնել է օրվա, ժամի և վայրի մասին

Համատեղ ջանքերով կհաջողվի որակական նոր մակարդակի բարձրացնել հայ-խորվաթական փոխգործակցությունը․ Խորվաթիայի ԱԳ նախարար

Վրաստանը մեր քաղաքականությունների համար առաջնահերթություն է, նրա և ԱՄՆ-ի հետ պետք է մշակել ռեգիոնալ խաղաղության նախագծեր

Շվեդիան պատրաստ է շարունակել աջակցել ՀՀ արդարադատության ոլորտի բարեփոխումներին. նախարարն ընդունել է Պատրիկ Սվենսոնին

ՀՀ նախագահի նստավայրում տեղի է ունեցել դատավորների երդման արարողություն (տեսանյութ)

Ամպրոպային ամպը՝ Երևանի արևմուտքում․ Գագիկ Սուրենյանը տեսանյութ է հրապարակել

ՀՀ-ի և Թուրքիայի միջև կա երկխոսություն սահմանների բացման և դիվանագիտական հարաբերությունների հաստատման վերաբերյալ․ ԱԳՆ

Քննարկվում է հումանիտար օգնության փոխանցումն ու փրկարար ծառայության ջոկատների գործուղումը Թուրքիա և Սիրիա․ Միրզոյան

Քննարկվել են Շառլ Ազնավուրի ծննդյան 100-ամյակին նվիրված հոբելյանական միջոցառումների նախապատրաստական աշխատանքները

Մասնակիորեն վերականգնվել է Հայաստանից դեպի Արցախ գազամատակարարումը