Հայաստանը պետք է ունենա իր ազդեցության լծակները դրսի մեդիադաշտում. Մարտիրոսյան

Դեկտեմբերի 31-ի, լույս հունվարի 1-ի գիշերը Ղազախստանի Կարագանդա քաղաքի «Հին Հռոմ» ռեստորանում վիճաբանություն էր տեղի ունեցել։ Մեկ մարդ մահացել էր, երեքը վնասվածքներ էին ստացել: Միջադեպին նաեւ հայեր են մասնակցել: Սպանությունից հետո սոցցանցերի ղազախական տիրույթում սկսել են հայերի նկատմամբ հաշվեհարդար տեսնելու կոչեր հնչել: Բավականին ակտիվացել է ադրբեջանական քարոզչությունը, նրանք կեղծ հայկական կայքերով փորձում են որոշակի հակահայկական քարոզչություն իրականացնել: Ղազախստանում նաեւ բողոքի ակցիաներ են անցկացվել ընդդեմ հայերի։ Այս կապակցությամբ քրեական գործ է հարուցվել ազգամիջյան թշնամանք հրահրելու վերաբերյալ։

«Բազմաթիվ երկրներում մենք պետք է հստակ տեղեկատվական քաղաքականություն ունենանք եւ վարենք մինչեւ կոնֆլիկտները նաեւ, ոչ թե դանակը ոսկորին հասնի, նոր ոտք ու ձեռք ընկնենք»,- այս մասին ՀԺ-ի հետ զրույցում ասաց ՏՏ ոլորտի փորձագետ Սամվել Մարտիրոսյանը:

- Պարոն Մարտիրոսյան, Կարագանդայում տեղի ունեցած դեպքի հետ կապված նկատվում է, որ մեդիադաշտում հակաքարոզչություն է ընթանում ընդդեմ հայերի: Ովքե՞ր են իրականացնում այդ քարոզչությունը եւ ի՞նչ ձեւով:

- Առաջինը, բնականաբար, զուտ ներղազախական խնդիրն է: Այսինքն, կան ընդդիմադիր ուժեր, բնականաբար, դրանք հիմնականում հենց Ղազախստանում չեն: Ղազախստանի ներքաղաքական սպեցիֆիկան հաշվի առնելով՝ պետք է հասկանալ, որ դա արտերկրում գտնվող ընդդիմություն է: Մյուսը ընդհանուր ներազգային խնդիրներն են Ղազախստանում: Դրանք հիմնականում հայերի հետ կապ չունեն` ղազախ-ռուսական, ղազախ-չինական խնդիրներ կան: Կա անընդհատ ընդհատակում եռող ազգային խնդիր, հիմա պարզապես այս թեմայով է դա դուրս եկել:

Հաջորդ խնդիրն ադրբեջանցիներն են, որոնք անմիջապես թեման բռնեցին եւ սկսեցին օգտագործել իրենց օգտին` այսինքն հայերի դեմ: Ադրբեջանական գործոնը երեւաց արդեն Ապրիլյան պատերազմի ժամանակ: Այն ժամանակ պարզ դարձավ, որ իրենք ունեն լուրջ ազդեցություն մի շարք ղազախական լրատվամիջոցների վրա եւ բավականին հեշտությամբ կարողանում են հակահայկական ալիք առաջացնել: Ու հիմա փաստացի այդ թեմայի մեջ են լավ մտել, ցավոք սրտի մի քանի օր միակողմանի ադրբեջանական գործոնը աշխատում էր` հակադրում չստանալով: Ու իրենց հաջողվեց բավականին լուրջ հակահայկական ալիքը կողքից աճեցնել սոցցանցերում, ինչը նրանք օգտագործում են իրենց լրատվամիջոցներով՝ կեղծ «Արմենիառեպորտ» կայքով: Այդ կայքը լավ ակտիվ ներկայացնում են, իբր Հայաստանի կարծիք` հակաղազախական:

- Այդ հակաքարոզչությունն արդյո՞ք արդյունավետ է գործում:

- Կարծում եմ՝ իրականում ունի արդյունավետություն, քանի որ Հայաստանից փաստացի շատ երկար ժամանակ ընդհանրապես ձայն չէր լսվում: Առաջինը եղավ դեսպանատնից մի հայտարարություն, բայց 1 հայտարարությունով այսպիսի հարցերը հնարավոր չէ լուծել: Այդ հայտարարությունը պետք է լիներ մի շարք տեղեկատվական գործողությունների մեկ կետ: Մեզ մոտ միշտ կա այդպիսի կողմ, երբ ներքին բանակցությունները ընթանում են, բայց հանրային տեղեկատվական գործողությունները շատ դեպքերում կամ ուշանում են կամ չեն դրվում:

Այսինքն, մենք միշտ ուշացումով ենք ռեակցիա տալիս, երբ որ արդեն այդ չիբանը պայթելու վրա է լինում:

- Ի՞նչ կարող է անել Հայաստանը նմանատիպ հակաքարոզչության դեմ:

- Հայաստանը պետք է ունենա իր ազդեցության լծակները մեդիադաշտում` տարբեր ցավոտ կետերում: Ղազախստանը մեզ համար ցավոտ կետ է, դա նորություն չէ: Այսինքն, մենք պետք է այնտեղ ունենայինք առնվազն մեր ուղղությանը չհակասող լրագրողներ, խմբագիրներ: Մենք պետք է ունենայինք առնվազն հստակ աշխատանք սոցցանցերում: Սա ընդհանուր մարտավարության հարց է, որը ոչ միայն Ղազախստանի դեպքում պետք է լինի, այլ բազմաթիվ երկրներում: Այսինքն, բազմաթիվ երկրներում մենք պետք է հստակ տեղեկատվական քաղաքականություն ունենանք եւ վարենք մինչեւ կոնֆլիկները նաեւ, ոչ թե դանակը ոսկորին հասնի, նոր ոտք ու ձեռք ընկնենք:

Հիշեցնենք, որ ծեծկռտուքի եւ սպանության փաստով երեք տղամարդու են ձերբակալել` Քաիր Նադիրբեկովին, Թորգոմ Մալխասյանին, Սոխակ Մալխասյանին։ Նրանց կասկածում են ծանր հանցագործության մեջ։ Իսկ Նարեկ Գուրուրյանի նկատմամբ համապետական հետախուզում է հայտարարվել, որից հետո Գուրուրյանը ֆեյսբուքյան ուղերձով հայտնել է, որ պատրաստ է հանձնվել ոստիկանությանը, եթե ապահովեն իր անվտանգությունը: Քրեական գործեր են հարուցվել ՔՕ 99 («սպանություն») եւ 293 («խուլիգանություն») հոդվածներով։

Տպել
931 դիտում

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության

Նիկոլ Փաշինյանն այցելել է Գյումրի՝ ծանոթանալու ավտոմաքսատան շինաշխատանքների ընթացքին (տեսանյութ, լուսանկարներ)

ԿԳՄՍ նախարար Արայիկ Հարությունյանի հանդիպել է ՅՈՒՆԵՍԿՕ-ի բարձրաստիճան պաշտոնյաների հետ

Անցնող շաբաթ Ադրբեջանն Արցախի հետ շփման գծում հրադադարի ռեժիմը խախտել է ավելի քան 150 անգամ՝ արձակելով շուրջ 1100 կրակոց

«Էրեբունի-Երեւան 2801» տոնակատարության միջոցառումների կազմակերպման համար փակ կլինեն մի շարք փողոցներ

Հայաստանի մայրաքաղաքն այսօր տոնում է հիմնադրման 2801-րդ տարեդարձը

ԱԱԾ ստորաբաժանման ղեկավարը նախապես փորձել է ՍԴ աշխատակազմի ղեկավարի միջոցով կապ հաստատել անձամբ Հրայր Թովմասյանի հետ

Երեւանում ոստիկանների վրա հարձակում գործած եղբայրները կալանավորվեցին․ դատարանը բավարարել է քննիչի միջնորդությունը

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին