Երևան
15 °C
searchclose
today
menuclose
Երևան
15 °C
Ամերիկյան հեղինակավոր Strategic Forecasting Inc. (Stratfor) հետախուզա-վերլուծական ընկերությունն իր վերջին վերլուծությունում անդրադարձել է ԱՄՆ-ի՝ Ռուսաստանի դեմ տարվող պայքարի ռազմավարությանը: «Միացյալ Նահանգները կենտրոնանում է Ռուսաստանի սահմանամերձ շրջանների վրա» հոդվածում նշվում է, որ ԱՄՆ-ն, փորձելով ճնշում գործադրել Ռուսաստանի վրա, ձգտելու է ամրապնդել կապերը նախկին խորհրդային տարածքում գտնվող երկրների հետ՝ Արեւելյան Եվրոպայից մինչեւ Կովկաս եւ Կենտրոնական Ասիա:
Տարածաշրջանների ընտրությունը բացատրվում է նրանով, որ պատմականորեն հենց այդ տարածքների նկատմամբ վերահսկողությունն է առանցքային ազդեցություն ունեցել Ռուսաստանի՝ որպես տարածաշրջանային եւ համաշխարհային տերություն կայանալու վրա:
Stratfor-ի վերլուծաբանների կարծիքով՝ նշված տարածաշրջաններում գտնվող արեւմտամետ երկրների հետ ԱՄՆ-ն խորացնելու է համագործակցությունը անվտանգության ոլորտում՝ զենքի վաճառքի եւ զորավարժությունների միջոցով, իսկ «Մոսկվայի ուղեծրում գտնվող երկրներին» փորձելու է տնտեսական խթաններ եւ անվտանգության երաշխիքներ առաջարկել՝ նրանց կախվածությունը Ռուսաստանից թուլացնելու համար:
Ըստ Stratfor-ի՝ 2018 թ. ընթացքում Ռուսաստանի եւ Արեւմուտքի միջեւ լարվածությունը գործնականում չի թուլացել, իսկ ԱՄՆ-ի վերջին քայլերը հուշում են, որ հաջորդ տարի թուլացում եւս չի նախատեսվում:
Կենտրոնական Ասիայում որպես ԱՄՆ հետաքրքրությունների թիրախ առանձնացվում են Ղազախստանն ու Ուզբեկստանը: Նշվում է, սակայն, որ լուրջ փոփոխություններ չեն սպասվում: Հոդվածում առանձին դիտարկվում է Ուզբեկստանի օրինակը եւ նշվում, որ թե՛ ԱՄՆ-ն, թե՛ Ռուսաստանն ու Չինաստանը հավասարապես են ազդելու այդ երկրի վրա, ուստի վերջինին կհաջողվի պահպանել «փխրուն հավասարակշռությունը»:
Արեւելյան Եվրոպայի ամենաթեժ կետը շարունակելու է մնալ Ուկրաինան: Հոդվածում նշվում է, որ Միացյալ Նահանգները աջակցելու է Ուկրաինային՝ Ազովի ծովում ռազմածովային ուժերի ամրացման աշխատանքներում, քանի որ դա Ռուսաստանի հետ հակամարտության հնարավոր թեժ կետերից է: Stratfor-ի կանխատեսման համաձայն՝ դեպքերի նման զարգացումը, կխաթարի խաղաղ բանակցային գործընթացը եւ կնվազեցնի հակամարտության կարգավորման եւ ՄԱԿ խաղաղապահների տեղակայման հավանականությունը:
Ըստ Stratfor-ի վերլուծության՝ Հարավային Կովկասը եւս հարուստ է լինելու իրադարձություններով: Միացյալ Նահանգները կենտրոնանալու է Հայաստանի հետ հարաբերությունները բարելավելու վրա:
«Հայաստանն ավանդաբար Ռուսաստանի ամենամոտ եւ հավատարիմ դաշնակիցներից էր՝ Մոսկվայի ղեկավարած ԵԱՏՄ-ի եւ ՀԱՊԿ ռազմական բլոկի անդամ, սակայն ապրիլյան թավշյա հեղափոխության արդյունքում ընդդիմության առաջնորդ Նիկոլ Փաշինյանի իշխանության գալուց հետո մի քանի ամսվա ընթացքում քաղաքական լարվածություն առաջացավ Ռուսաստանի եւ Հայաստանի միջեւ», - ասված է հոդվածում:
Հիմնվելով դրա վրա՝ Stratfor-ի փորձագետները պնդում են, որ ԱՄՆ-ն հույս ունի օգտագործել այդ լարվածությունը՝ հայ-ռուսական հարաբերությունների մեջ սեպ խրելու համար, ինչպես արդեն փորձել են անել, երբ ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը Երեւանում հայտարարեց Հայաստանին զենք վաճառելու հնարավորության մասին:
Հայ-ռուսական հարաբերություններում լարվածության զգալի անկումը, եթե չասենք վերացումը, ըստ երեւույթին, վրիպել է Stratfor-ի վերլուծաբանների աչքից: Այդուհանդերձ, դա չի նշանակում, որ ԱՄՆ-ն չի փորձելու սեպ խրել Հայաստանի եւ Ռուսաստանի միջեւ: Զենքի վաճառքի վերաբերյալ Բոլթոնի հայտարարության նման մտքերը բավական մեծ վտանգ են պարունակում հայ-ռուսական հարաբերությունների համար՝ նախ եւ առաջ հենց Մոսկվայի տեսանկյունից: Բացի զինտեխնիկայի, ըստ էության, մենաշնորհային դիրքը կորցնելու վտանգից՝ Ռուսաստանին սպառնում է իսպառ զրկվել տարածաշրջանում ունեցած իր ազդեցությունից:
Ինչեւէ, Stratfor-ի մասնագետները եւս չեն կարծում, որ Հայաստանը կհրաժարվի Ռուսաստանի հետ ռազմավարական դաշնակցությունից, թեեւ նշում են, որ քաղաքական խմորումները երկու դաշնակիցների միջեւ կարող են հնարավորություն տալ Միացյալ Նահանգներին՝ զրկել Ռուսաստանին առանցքային դաշնակցից:
Հոդվածում անդրադարձ կա նաեւ Ադրբեջանին: Ըստ Stratfor-ի՝ Ադրբեջանը գրավում է ԱՄՆ-ին Իրանի դեմ պայքարի տեսանկյունից:
«Ադրբեջանի եւ նրա հարավային հարեւանի միջեւ հարաբերությունները լարված կլինեն, քանի որ կառավարությունը ձգտում է պահպանել արտաքին հավասարակշռությունը՝ ընդունելով ԱՄՆ-ի՝ Թեհրանին զսպելու ռազմավարությանը», - ասված է հոդվածում:
Միեւնույն ժամանակ նշվում է, որ ԱՄՆ-ն կմեծացնի տարածաշրջանում Եվրամիության եւ ՆԱՏՕ-ի հետ ինտեգրացիոն գործընթաց իրականացնող միակ երկրին՝ Վրաստանին տրամադրվող աջակցությունը:
Ըստ հոդվածի հեղինակների՝ Ռուսաստանը ԱՄՆ-ի քայլերին պատասխանելու է Արեւմուտքի դեմ հիբրիդային պատերազմ վարելով՝ նպատակ ունենալով «խաթարել Եվրոպայի եւ ՆԱՏՕ-ի միասնությունը»: ՌԴ-ն, համաձայն Stratfor-ի, «միջամտելու է արեւմտյան եւ արեւմտամետ երկրների ներքին քաղաքականությանը, քարոզչություն է տարածելու, կիբերհարձակումներ եւ գաղտնի գործողություններ իրականացնելու»:
Stratfor-ն իրեն դիտարկում է որպես աշխարհաքաղաքական հետախուզության եւ խորհրդատվական ընկերության, սակայն ունի «ստվերային ԿՀՎ»-ի համբավ: Այս ընկերության կանխատեսումները հաճախ են իրականություն դառնում, ուստի ԱՄՆ-ի արտաքին քաղաքականության վերաբերյալ հոդվածը ոչ այնքան կանխատեսում է, որքան կարող է հստակ ազդակ հանդիսանալ` ԱՄՆ-ի հաջորդ տարվա ագրեսիվ արտաքին քաղաքականության:
Նարեկ Մանասյանը հաղթել է Ադրբեջանը ներկայացնող բռնցքամարտիկին
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ Նիկոլ Փաշինյանը հանդես է եկել զեկույցով
Հրդեհ է բռնկվել ռեստորաններից մեկի ծխատարում
ԼՂ-ից բռնի տեղահանված ուսուցիչների օժանդակության ծրագրի գործողության ժամկետը երկարաձգվել է
ԱԳՆ-ում քննարկվել են Բրյուսելի եռակողմ հանդիպման ընթացքում ձեռք բերված պայմանավորվածություններին վերաբերող հարցերը
«Ակադեմիական քաղաք» ծրագիրը քննարկվել է մարզերում գործող ՀՀ պետական բուհերի ռեկտորների հետ
Բռնցքամարտի ԵԱ․ Բարեղամ Հարությունյանը եզրափակչում է
Կստեղծվի և կներդրվի թանգարանների Էլեկտրոնային տոմսերի միասնական ավտոմատացված համակարգ
Այն ինչ տեղի ունեցավ 1915-ին, չկանխվեց և պատճառ դարձավ նմանատիպ իրադարձությունների կրկնությանը շատ երկրներում․ նախագահ
Մենք «ՈՒԱԶ»-ով չենք մտել ժողովրդի մեջ, չորս տարեկան թևը կոտրած երեխա էր սպասում. հարցազրույց Տավուշի ԵԿՄ նախագահի հետ
Եգիպտոսն Իսրայելին է փոխանցել մեկ տարով հրադադարի մասին ՀԱՄԱՍ-ի առաջարկը
Երևան-Գյումրի ճանապարհին բեռնատարներ են բախվել․ «ԶԻԼ»-ը կողաշրջվել է
2․5 գյուղի ավերակների վերադարձը միակողմանի չէ, քանի որ դրա դիմաց մենք Ադրբեջանից լուրջ խաղաքարտ ենք ստանում․ Իոաննիսյան
Ազգային ժողովը Ռուսաստանի Դաշնությունից նամակ չի ստացել
Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել
Ժողովուրդը շատ լավ է հասկանում, թե իր շուրջն ինչ է տեղի ունենում, փողոցում գտնվողները արդյունքի չեն հասնելու. Մկրտչյան
«Օրենքով գող»-ը ակումբներից մեկում վիճաբանել, հայհոյել է, հարվածներ հասցրել մեկ անձի․ նրան մեղադրանք է ներկայացվել
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
