Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

ՀՀ կրթության եւ գիտության նախարարությունը պետական հանրակրթական ուսումնական հաստատության տնօրենի ընտրության (նշանակման) նոր կարգ է առաջարկում: Գերատեսչության մշակած՝ Կառավարության որոշման նախագծում տեղ են գտել արմատական ու սկզբունքային փոփոխություններ, որոնցով նաեւ էապես մեծանում է մանկավարժական եւ ծնողական համայնքի դերակատարումը տնօրենի ընտրության հարցում:

Ճիշտ է, հիմա էլ դպրոցի խորհրդի կազմում, որը կազմակերպում եւ իրականացնում է տնօրենի մրցույթը, ներկայացուցիչներ կան ծնողական եւ մանկավարժական խորհուրդներից, բայց հաճախ նրանց անձն ու քվեարկությունը վիճահարույց եւ կասկածելի են լինում: Նոր նախագծով առաջարկվում է տնօրենի ընտրությանը ներգրավել ծնողական եւ մանկավարժական խորհրդի բոլոր անդամներին: Նրանց նաեւ հնարավորություն է ընձեռվում նախապես ծանոթանալ դպրոցի տնօրենի պաշտոնի հավակնորդներին, նրանց հետ քննարկել առաջարկվող ծրագրերը: Թեկնածուները մրցույթից առաջ պետք է հանդիպեն նաեւ աշակերտների հետ:

Որոշման նախագծում մասնավորապես նշվում է. «Հաստատության տնօրենի պաշտոնակատարը (պարտականությունները կատարողը) ապահովում է հավակնորդների հանդիպումը աշակերտական խորհրդի հետ` զարգացման ծրագիրը կազմելու համար: Խորհրդի՝ մանկավարժական եւ ծնողական խորհրդների կողմից առաջադրված անդամները, հավակնորդի ներկայացրած զարգացման ծրագիրը քննարկում են իրենց խորհուրդներում՝ հավակնորդի մասնակցությամբ: Բոլոր հավակնորդների ծրագրերը ներկայացվում են նույն օրը: Յուրաքանչյուր հավակնորդի հետ անցկացվում է առանձին քննարկում, ոչ ավելի, քան 20 րոպե տեւողությամբ»:

Գործող կարգի համաձայն, դպրոցի տնօրենի թեկնածուները հաստատության զարգացման ծրագիրը ներկայացնում են միայն խորհրդին, որի կազմում ընդգրկված ութ անդամները կամ կարդում են դրանք, կամ էլ շատ դեպքերում անտեսում՝ քվեարկության համար ունենալով այլ ուղենիշեր:

Նոր կարգում արձանագրվում է, որ հավակնորդը կզրկվի թափուր պաշտոնի մրցույթին մասնակցելու իրավունքից, եթե չներկայանա մանկավարժական եւ ծնողական խորհրդներում հրավիրված քննարկմանը: «Քննարկման արդյունքում մանկավարժական եւ ծնողական խորհուրդներում իրականացվում է քվեարկություն, որի ձեւը (փակ կամ բաց) որոշում են համապատասխան խորհուրդներում: Քվեարկության ընթացքը եւ արդյունքները նույն օրը արձանագրվում են եւ փակ քվեարկության դեպքում քվեաթերթիկների հետ միասին պահպանվում ուսումնական հաստատությունում»,- նշված է կառավարության որոշման նախագծում: Մանկավարժական խորհրդում քվեարկության արդյունքում առավելագույն ձայներ հավաքած հավակնորդը տնօրենի ընտրության մրցույթում համարվելու է մանկավարժական խորհրդի թեկնածուն, իսկ ծնողական խորհրդում քվեարկության արդյունքում առավելագույն ձայներ հավաքած հավակնորդը՝ ծնողական խորհրդի թեկնածուն: 

Դպրոցի խորհրդում ծնողական եւ մանկավարժական խորհուրդների ներկայացուցիչները տնօրենի ընտրության ժամանակ, ըստ նոր կարգի, պետք է քվեարկեն ոչ թե իրենց հայեցողությամբ, այլ այն թեկնածուի օգտին, որին ավելի վաղ անցկացված առանձին քվեարկությամբ նախընտրել էին ծնողական եւ մանկավարժական խորհուրդները: Իսկ այն դեպքերում, երբ մանկվարժական եւ ծնողական խորհուրդների ներկայացուցիները բացակայեն տնօրենի ընտրության նիստից, միեւնույն է, այդ խորհուրդներում անցկացված քեվարկության արդյունքները կփոխանցվեն ու կհաշվվեն որպես քվե:

Դպրոցի տնօրենի ընտրության (նշանակման) նոր կարգի նախագծում սահմանվում է, որ տնօրենի մրցույթի քվեարկությունը պետք է լինի բաց: Գործող կարգով այդ ընտրությունն անցկացվում է փակ տարբերակով: Նոր փաստաթղթով պարտադիր պահանջ է լինելու, որպեսզի հաստատության զարգացման ծրագրերը ներկայացվեն նաեւ էլեկտրոնային տարբերակով: «Ներկայացվում է մրցույթի օրվանից առնվազն 15 աշխատանքային օր առաջ եւ խորհրդի որոշմամբ լիազորած խորհրդի անդամ(ներ)ը 1 աշխատանքային օրվա ընթացքում այն ներկայացնում է(են) հրապարակման տվյալ դպրոցի պաշտոնական կայքում, ինչպես նաեւ տրամադրում է(են) խորհրդի մյուս անդամներին)»:

Ի տարբերություն գործող կարգի, որտեղ տնօրենի թափուր պաշտոնի մրցույթի ընթացքը ձայնագրել ընդամենը կարելի է, նոր նախագծով դա պարտադիր պայման է. «Ընտրության ընթացքը ձայնագրվում է, ձայնագրությունը կցվում է արձանագրությանը եւ պահպանվում է ուսումնական հաստատությունում՝ խորհրդի համար առանձնացված պահարանում»:

Հ.Գ. Հիշեցնենք, որ ներկայացվածը կառավարության որոշման նախագիծ է, այն իրավական ուժ չունի, քանի դեռ չի ներկայացվել կառավարություն ու չի հաստատվել: 

Տպել
19252 դիտում

Աննախադեպ է, որ հարկային մարմինները տնտեսվարողների մասին նման իսկապես սրտացավ վերաբերմունք ունենան․ Սերգեյ Բագրատյան

ՀՀ գլխավոր դատախազի տեղակալին շնորհվել է արդարադատության երրորդ դասի պետական խորհրդականի դասային աստիճան

Դերասան Բաբկեն Չոբանյանին շնորհվել է վաստակավոր արտիստի կոչում

Վայոց ձորի մարզպետի օգնականի հետ վեճից հետո ՊՆ փոխգնդապետը հայտնվել է վերակենդանացման բաժանմունքում

16 բջջային հեռախոս, բջջային հեռախոսի 1 լիցքավորման սարք, 3 USB լար. խուզարկություններ՝ ՔԿՀ-ներում

«Նաիրիտ»-ը պետությանը պարտք է 10 մլրդ դրամ, «Արմավիա»-ն՝ 37 մլրդ դրամ․ Դավիթ Անանյան

Ամփոփվել է ՀՀ ՊՆ ՌՈ խաղաղապահ դասակի զինծառայողների մեկշաբաթյա դասընթացը

Յուրի Խաչատուրովի որդուն շնորհվել է գեներալ-մայորի կոչում

Գյումրիում ազատ հյուրանոց եւ հյուրատուն չի մնացել. անկախության տոնին ընդառաջ քաղաքում բում է

Դավիթ Անանյանին շնորհվել է ՀՀ հարկային ծառայության պետական խորհրդականի դասային աստիճան

Մարդու իրավունքների փառատոնը Վանաձորում անցնում է լեփ-լեցուն դահլիճներով. «Հոդված 3»

Նախատեսվում է 2835 հարկ վճարողի վերադարձնել նրանց նկատմամբ պետության ունեցած 56 մլրդ դրամ դեբետային պարտքը

Ավելի բարձր նշաձողեր սահմանենք. վարչապետի խոսքը Ոստիկանության պետի ժամանակավոր պաշտոնակատարին ներկայացնելիս

Ձգտում ենք կառուցել այնպիսի երկիր, որի մասին երազում էր մեծ մաեստրո Շառլ Ազնավուրը. Աննա Հակոբյան (լուսանկարներ)

Ջերմուկցի, գնդեվազցի, կեչուտցի աշակերտները դասադուլ են հայտարարել․ նախատեսվում է մեծ հավաք՝ ընդդեմ Ամուլսարի շահագործման

Ուկրաինայում ձերբակալել են հանցավոր խմբավորման ղեկավար Սամվել Մարտիրոսյանին (լուսանկարներ, տեսանյութ)

Զոհրաբ Մնացականյանը Եվրահանձնաժողովի ներկայացուցչի հետ քննարկել է ՀՀ-ԵՄ համաձայնագրի ճանապարհային քարտեզը

Ռուսաստանի «քաղաքական ազդանշան»-ը ՀՀ նոր իշխանություններին շատ հստակ է. ՀՀ-ում ՌԴ դեսպան

Փրկարարները բնակավայրերից բռնել են 1 սահնօձ, 2 շահմար և 3 գյուրզա

«Ռոմա»-ն առանց Մխիթարյանի հաղթեց, ԵԼ-ում իր առաջին հաղթանակը տարավ «Արարատ-Արմենիա»-ին շրջանցած «Դյուդելանժ»-ը