Հայաստանը վերականգնում է բարձր տեխնոլոգիական արտադրության առաջատարի իր ֆունկցիան. Պուտինի խորհրդական

ԵԱՏՄ անդամ երկրների արդյունաբերական հզորությունների կոոպերացիան թույլ կտա Հայաստանին վերականգնել բարդ սարքավորումների և հաշվարկային տեխնիկայի արտադրության առաջատարի իր դիրքերը, որոնք կային դեռ ԽՍՀՄ տարիներին: Ինչպես հաղորդում է «Արմենպրես»-ը, այս մասին «Եվրասիական շաբաթ 2018» ֆորումի ընթացքում ասաց Ռուսաստանի Դաշնության նախագահի խորհրդական Սերգեյ Գլազևը:

«Ինչպե՞ս եք գնահատում Հայաստանի հնարավորությունները ԵԱՏՄ արդյունաբերական կոոպերացիայի ընդհանուր շղթայում ներգրավվելու ուղղությամբ»,- լրագրողի հարցին ի պատասխան՝ Գլազևը նախ ուրախություն հայտնեց, որ վերջապես քննարկվում են ԵԱՏՄ-ում տեխնոլոգիական զարգացման, արդյունաբերական կոոպերացիաների հարցերը:

«Ստեղծելով ընդհանուր շուկա մեր երկրների միջև՝ մենք հիմա պետք է հոգ տանենք այն մասին, որ այդ ընդհանուր շուկայում լինեն մեր ապրանքները: Ընդ որում, խոսքը ոչ միայն պարենային ապրանքների մասին է, այլև, առաջին հերթին, բարձր ավելացված արժեքով տեխնոլոգիական ապրանքների: Հայաստանն այս առումով իրավամբ համարվում է հետխորհրդային տարածքի բարձր զարգացած պետություն, որտեղ երկար տասնամյակների ընթացքում ձևավորվել է սարքավորումների, հաշվարկային տեխնիկայի արտադրության, բարդ, բարձր տեխնոլոգիական մեքենաշինության բազան: Եւ դեռ խորհրդային տարիներին հայկական տնտեսության՝ արտադրությունը եզրափակողի դերը հիմնված էր ահռելի կոոպերացիայի վրա, որին մասնակցում էին բարդ ապրանքներ արտադրող հարյուրավոր ու անգամ հազարավոր ձեռնարկություններ: Ուրախ եմ տեսնել, որ Հայաստանի այդ մասնագիտացումն այսօր վերականգնվում է»,- նշեց ՌԴ նախագահի խորհրդականը:

Նա փաստեց, որ հայկական ընկերություններն ակտիվորեն համագործակցում են «Ռոստեխ» կորպորացիայի հետ, որը միավորում է Ռուսաստանի բազում բարձր տեխնոլոգիական մեքենաշինական ընկերություններ և ՌԴ տնտեսության տեխնիկա-տնտեսական զարգացման ֆլագմանն է:

«Եվրասիական միության հսկայական շուկան, որտեղ Հայաստանը շատ ավանդական գործընկերներ ունի արտադրական կոոպերացիայի առումով, համոզված եմ, մեծ հնարավորություններ կտա հայկական տնտեսության աճի համար: Այս ֆորումի ընթացքում մենք ականատես ենք լինում շփումների, այստեղ են «Ռոստեխի», Ռուսաստանի արդյունաբերության հիմնադրամի ներկայացուցիչները՝ հենց կոոպերացիան ընդլայնելու և Հայաստանի տնտեսության համար ավանդական՝ բարդ սարքավորումների և հաշվարկային տեխնիկայի արտադրության առաջատարի ֆունկցիան վերականգնելու նպատակով»,- ընդգծեց Գլազևը:

Նա նշեց, որ ֆորումի ընթացքում խոսվել է նաև արդյունաբերության զարգացման հիմնադրամի մասին, գործում է Եվրասիական զարգացման բանը, սակայն անհրաժեշտ է զգալիորեն մեծացնել այդ ինստիտուտների հզորությունը, դարձնել դրանք ավելի բազմազան, որովհետև որքան շատ նման հիմնադրամներ լինեն, այնքան լավ:

Տպել
2423 դիտում

Ֆրանսիային ԵԱՀԿ Մինսկի խմբից հեռացնելու առաջարկով Ադրբեջանի խորհրդարանը դիմել է կառավարությանը

Ուրախ եմ, որ ներկայացնում եք նախագիծ, որը հույս ունեմ, օրինակ, տնտեսական դժվարությունների մեղմմանն է ուղղված․ Դանիելյան

Սա պատասխանատվությունից փախուստ չէ. այս իրավիճակում մանդատը պահելն առնվազն աթոռից կառչել եմ համարում. Գայանե Աբրահամյան

ԱԻ նախարարը ծանոթացել է Ճգնաժամային կառավարման ակադեմիայի և ՓՈՒՎ-ի հնարավորություններին (տեսանյութ)

Դիվանագիտության մեջ մենք ձախողում չենք ունեցել․ ԱԳ նորանշանակ նախարար

Դիլիջանի օղակաձև մասի հիմնանորոգումն ավարտվել է

Մենք նախնական 300 հազար բնակչի հաշվով կորոնավիրուսի պատվաստանյութ ենք պատվիրել․ Թորոսյան

Ֆիզիկական կուլտուրայի և սպորտի պետական ինստիտուտը հայտարարել է ռեկտորի բաց մրցույթ

Մարուքյանը պահանջում է ԳՇ գեներալի ներկայությունը ԱԺ-ում. «Իմ քայլը» այս ձեւակերպումները դանդաղ աշխատող ական է համարում

Կառավարությունը հավանություն տվեց «Հայկ-88» ՍՊԸ-ի ներդրումային ծրագրին․ 10 մլն դոլարի ներդրում կիրականացվի

Փոխվարչապետի գրասենյակի 19 աշխատակիցներից միայն 2-ն են պարգեւավճար ստացել. նրանք վիրավորումներ ունեն

«Լավ եմ հասկանում պատասխանատվության ամբողջ չափը»․ Մեսրոպ Մեսրոպյանը նշանակվեց Կոտայքի մարզպետ

Ինչ միջոցառումներ են իրականացվում արցախահայության համար եւ ինչ միջոցառումներ են սպասվում

«Ազնավուր» հիմնադրամը իր գործընկերների աջակցությամբ 35 տոննա մարդասիրական օգնություն կուղարկի Հայաստան

ԱԺ-ում մեկնարկել է ռազմական դրությունը չեղարկելու նախագծի քննարկումը. ելույթ կունենա ՊՆ գլխավոր քարտուղարը

Բացարձակ առաջնահերթություն են անհետ կորածների որոնողական աշխատանքները, գերիների փոխանակումը․ վարչապետ

«Ավրորան» շարունակում է աջակցել Արցախին եւ հայտարարում է միջազգային դրամահավաքի մասին

28 մահ կորոնավիրուսից, եւս 6-ն էլ՝ այլ հիվանդությունից. հաստատվել է 1785 նոր դեպք

ՀՀ Կառավարության նիստում 1 րոպե լռությամբ հարգեցին զոհերի հիշատակը

Սուրեն Պապիկյանն ընդունել է ՀՀ-ում Նիդեռլանդների թագավորության նորանշանակ դեսպան Նիկոլաս Սխեմերսին