Վարչապետն Ազգային ժողովում է, քաղաքացիները մուտք են գործել ԱԺ-ի բակ, սպասում են մուտքի դռան մոտ. թարմացվող

00:30- Ազգային ժողովի շենքը շարունակում է հազարավոր քաղաքացիներով շրջափակված մնալ: Ներսում բանակցում է Նիկոլ Փաշինյանը, իսկ դրսում հնչում են Շառլ Ազնավուրի երգացանկից երգեր:

23:00- ՀՀ վարչապետ Նիկոլ Փաշինյանը Ազգային ժողովի շենքի ներսից ուղիղ եթերով հորդորեց ազատ պահել մուտքը, շենքից ելք ու մուտք անողներին թողնել դուրս գալ, լինել քաղաքակիրթ ու չօգտագործել վիրավորական արտահայտություններ:

22:30- Վարչապետը դեռ դուրս չի եկել Ազգային ժողովի շենքից, իսկ մուտքի մոտ հավաքված հազարավոր քաղաքացիները շրջափակել են մուտքի դռները՝ «ՀՀԿ, հեռացիր», «Նիկոլ» կոչերով, որոնք ուղեկցվում են թմբուկների զարկերով:22:18- Վարչապետն արդեն ԱԺ-ի շենքում է: Նա մուտք է գործել կենտրոնական մուտքից, Ազգային ժողովի շենքի մոտ լարված իրավիճակ է,  քաղաքացիները մուտք են գործել ԱԺ-ի բակ, սպասում են անմիջապես մուտքի դռան մոտ:

22:10- «Նախարարների հրամանները հաստատելուց հետո, ես հրաժարական կտամ: Իմ հրաժարականի 7-րդ օրը ԱԺ-ն պետք է ընտրի նոր վարչապետ, եթե այդ ընթացքում չընտրի նոր վարչապետ, ապա պետք է անցնի եւս 7 օր, եթե ընտրի նոր վարչապետ, ուրեմն ընտրեց նոր վարչապետ, իսկ եթե չընտրեց, ուրեմն տեղի կունենան արտահերթ խորհրդարանական ընտրություններ: Որպեսզի տպավորություն չլինի, թե ես կառչած եմ վարչապետի աթոռից, իմ հրաժարականից հետո եթե ժողովուրդը ուզի, մենք թույլ չենք տա նոր վարչապետի նշանակումը միասին: Այնուհետ ձեր վստահության քվեով ես կկարողանամ ընտրվել:

Ի՞նչ ենք անում հիմա՝ այն, ինչ կիսատ թողեցինք այս տարվա ապրիլի 16-ին: Գիտեք, ես որպես ԱԺ պատգամավոր ուզում էի գնալ իմ աշխատանքի վայրը՝ Ազգային ժողով: Հիմա ես, որպես վարչապետ, 24 ժամ իրավունք ունեմ մուտք գործել ԱԺ-ի տրածք: Հիմա ես կգնամ Դեմիրճյան փողոցով, այդ ընթացքում տեղի չի ունենա ոչ մի այլ բան՝ ոչ մի մեքենա, թուփ, ծառ, տերեւ, ոչ մի պատգամավոր չի վնասվի: Ես կգնամ, մուտք կգործեմ Ազգային ժողովի տարածք, որպեսզի բանակցեմ նաեւ այնտեղ գտնվող պատգամավորների եւ քաղաքական ուժերի հետ՝ ստեղծված քաղաքական իրավիճակը հարթելու շուրջ: եվ մենք դա կանենք սիրո եւ համերաշխության մթնոլորտում»,-ասց վարչապետն ու ուղեւորվեց ԱԺ:

22:05-  Երեւանի նորընտիր քաղաքապետ Հայկ Մարությանը, ողջունեց բոլորին ու շնորհակալություն հայտնեց միասնականության համար:

21:55- «Երեկ եւ այսօր Հանրապետական, ԲՀԿ եւ Դաշնակցություն կուսակցությունների պատգամավորների կողմից ներկայացվել է մի խայտառակ օրինագիծ, որի նպատակը շատ կոնկրետ է՝ արտահերթ խորհրդարանական ընտրությունների ճանապարհը փակել:

Այսօր այդ նախագծին կողմ քվեարկեցին ՀՀԿ-ի հետ միասին ԲՀԿ-ն եւ ՀՅԴ-ն:

Մեր առաջին քայլը ԲՀԿ եւ Դաշնկցություն կուսակցությունների անդամ նախարարներն ու մարզպետները: Նրանք կարող են արդեն իսկ իրենց ազատված համարել»:

Այնուհետ հենց Բաղրամյան պողոտայում Նիկոլ Փաշինյանը ստորագրեց նախարարների ազատման հրամանները:

21:40- Այսօր պետք է խոսենք քաղաքական իրավիճակի մասին: Երեկ եւ այսօր Հանրապետական, ԲՀԿ եւ Դաշնակցություն կուսակցությունների պատգամավորների կողմից ներկայացվել է մի խայտառակ օրինագիծ, որի նպատակը շատ կոնկրետ է՝ արտահերթ խորհրդարանական ընտրությունների ճանապարհը փակել: Մեր առաջին քայլը ԲՀԿ եւ Դաշնկցություն կուսակցությունների անդամ նախարարներն ու մարզպետները, նրանք կարող են արդեն իսկ իրենց ազատված համարել:

21:36- «Նախքան բուն ասելիքիս անցնելը, ես ուզում եմ խոսել հետեւյալի մասին. երեկ կյանքի 94-րդ տարում կյանքից հեռացավ հայ ժողովրդի մեծագույն զավակներից մեկը՝ Շառլ Ազնավուրը, եկեք 1 րոպե լռությամբ հարգենք մեր մեծ հայրենակցի հիշատակը»: Այս խոսքերից հետո Բաղրամյանում վառվեցին բոլորի հեռախոսների լույսերն ու տիրեց լռություն:

21:30- Հանրահավաքին մասնակցելու համար Երեւան են ժամանել բազմաթիվ խմբեր մարզերից: Վարչապետը կոչ արեց ողջունել նրանց բոլորին ու նշեց, որ եթե չեն կարող միանալ Երեւանի հանրահավաքին, թող մարդիկ հավաքվեն իրենց քաղաքների հրապարակներում, գյուղերում ու պահանջեն ՀՀԿ-ի հեռացումը:

21:21- Մեզ հնարավոր չէ հաղթել, ժողովուրդն անպարտելի է: Այսպես ժողովրդին դիմեց Նիկոլ Փաշինյանն ու հավելեց. «Մեր պարտությունը կարող է լինել միայն բռնությունը, երբ մեր շարքերում սկսվի, միայն հայհոյանքն ու անհամերաշխությունը, ատելությունը: Այլ պարտություն մենք չունենք, որովհետեւ սա սիրո եւ համերաշխության հեղափոխություն է»:21:15- «Մենք ունենք նման տեղեկատվություն, որ Հանրապետականի պատգամավորները ներսում են եւ մտածում են, թե ինչ լավ կլինի, որ իրենցից մեկը դուրս գա եւ ժողովուրդը նրան քաշքշի, եւ իրենք մտածեն՝ ըհը, բռնի ուժով էս արեցին, էն արեցին: Երբ կտեսնեք որեւէ պատգամավորի շենքից դուրս գալիս՝ «ՀՀԿ, հեռացիր» ասելիս ուղղակի ժպտացեք»,-ասաց Ն. Փաշինյանը:

21:10- Վարչպետը հիշեցրեց, որ խայտառակ նախագծին կողմ են քվեարկել ՀՀԿ-ն, ԲՀԿ-ն եւ Դաշնակցությունը: Այս խոսքերին հետեւեցին «Դավաճաններ, Ամո՛թ» վանկարկումները:21:02- Ազգային ժողովի շենքի մոտ հավաքված հազարավոր քաղաքացիներ, թմբուկի զարկերի հետ վանկարկում են «Արտահե՛րթ»: Այս պահին տեղադրվում են բարձրախոսներ, իսկ մարդկանց հոսքը դեռ շարունակվում է:20:58- Մեկնարկել է ՀՀ վարչապետ Նիկոլ Փաշինյանի կոչով հրավիրված հանրահավաքը:

«Խնդրո առարկա օրենքի նախագիծն ընդունվել է, մենք կհստակեցնենք տեղեկատվությունը՝ կողմ քվեարկած քաղաքական ուժերի ու պատգամավորների մասին, այդ մարդիկ, փաստացի մեր ժողովրդին հայտարարել են հակահեղափոխություն: Նրանց մոտ դա չի ստացվի, հակահեղափոխությունը այս երկրում շանս չունի, որովհետեւ ժողովուրդը հաղթել է: Եվ ուրեմն, Հանրապետական կուսակցությունը պետք է առհասարակ հեռանա Ազգային ժողովի շարքերից: Պետք է արմատախիլ արվեն նաեւ այն ուժերը, որոնք սատարում են հակահեղափոխությանը»,-սկսեց ելույթը Նիկոլ Փաշինյանը:20:51- Ազգային ժողովի շենքից դուրս եկավ ՀՀ վարչապետ Նիկոլ Փաշինյանը:

20:48- Բաղրամյան պողոտայում վարչապետ Նիկոլ Փաշինյանի կոչով շարունակվում է մարդկանց հոսքը: Հարյուրավոր մարդիկ շրջափակել են Ազգային ժողովի շենքը, պատգամավորները չեն կարողանում դուրս գալ այնտեղից:

Բաղրամյանում է նաեւ ՀՀ ոստիկանպետ Վալերի Օսիպյանը, ով իրավիճակը որակեց որպես խաղաղ հավաք, ժամանել է Տիգրան Ավինյանը, շենքին է մոտեցել նաեւ ՀՀ վարչապետ Նիկոլ Փաշինյանը, նրան դիմավորել են բուռն վանկարկումներով ու ողջույնի ծափերով: 

Ազգային ժողովի շենքի մուտքը Դեմիրճյան փողոցի կողմից ավտոմեքենաներով փակված է, փակված է նաև Դեմիրճյան փողոցն ամբողջությամբ: Ցուցարարների մի խումբ վանկարկում է «ՀՀԿ, սիկտիր»:

Տպել
6188 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան