«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Սեպտեմբերի 19-ից 21-ը Սանկտ-Պետերբուրգում կայացավ Կանանց եվրասիական երկրորդ համաժողովը: Համաժողովի օրակարգը սահմանափակված չէր զուտ «կանացի» թեմաներով: Դրա ընթացքում քննարկվել են համաշխարհային նշանակության մի շարք հարցեր. գենդերային հավասարության ապահովում, աղքատության հաղթահարում, համաշխարհային անվտանգության ապահովում, զինված հակամարտությունների դադարեցում:

Համաժողովի հիմնական թեման գլոբալ անվտանգությունն ու կայուն զարգացումն էր: Միջոցառմանը մասնակցում էին շուրջ 2000 կանայք աշխարհի 110 երկրից: Կանանց եվրասիական համաժողովը նախագահում էր ՌԴ Դաշնության խորհրդի նախագահ Վալենտինա Մատվիենկոն: Ելույթ ունենալով համաժողովի եզրափակիչ նիստում՝ Մատվիենկոն հանդես եկավ միջոցառումը անվանափոխելու առաջարկությամբ, քանի որ այն «դուրս է եկել Եվրասիայի սահմաններից» եւ համաշխարհային բնույթ է կրում:

«Այսօր ակնհայտ է, որ մեր համաժողովը դուրս է եկել Եվրասիայի սահմաններից եւ արձագանք գտել ողջ աշխարհում, ինչի մասին է վկայում նաեւ 110 երկրի ներկայացվածությունը: Այդ պատճառով ես առաջարկում եմ ընդլայնել դրա սահմանները, վերանվանել այն, միգուցե, Կանանց միջազգային կամ գլոբալ կոնգրեսի: Մենք դա դեռ կքննարկենք»,- ասել է Մատվիենկոն:

Համաժողովի բացմանը ելույթ է ունեցել նաեւ ՌԴ նախագահ Վլադիմիր Պուտինը: Մասնակիցներին ողջունել են անգամ տիեզերքից. միջազգային տիեզերակայանի անձնակազմը նշել է, որ Երկիր մոլորակից հարյուրավոր կիլոմետրերի հեռավորության վրա առանձնահատուկ կարեւորությամբ է ընկալվում մարդկանց միջեւ համագործակցությունն ու ընկերությունը:

Տավրիկյան պալատում տեղի է ունեցել «Կանայք հանուն գլոբալ անվտանգության եւ կայուն զարգացման» խորագրով նիստը: Մասնակիցները հանդես են եկել ելույթներով: Ելույթ է ունեցել նաեւ ՀՀ վարչապետի տիկին Աննա Հակոբյանը: Իր ելույթում նա անդրադարձել է արցախյան հակամարտությանը եւ 2016 թ. ապրիլյան պատերազմին:

«Արդեն շուրջ 30 տարի է ղարաբաղյան հակամարտությունը շարունակում է մնալ չլուծված: 2016 թ. ապրիլի ռազմական գործողությունները հարյուրավոր հայ եւ ադրբեջանցի երիտասարդների կյանքեր խլեցին: Սահմանին այսօր էլ հանգիստ չէ՝ մեծ է ռազմական գործողությունների վերսկսման վտանգը: Նմանատիպ սցենարը կանխելու իմ ցանկությունը դրդեց ինձ սկիզբ դնել «Կանայք հանուն խաղաղության» արշավին, որի իմաստն այն է, որ մենք՝ որպես կին եւ որպես մայր, համախմբվենք եւ միաձայն հորդոր ուղղենք ղարաբաղյան խնդրում ներգրավված բոլոր դերակատարներին՝ արմատապես մերժելու հակամարտության ռազմական լուծման տարբերակը եւ լուծումներ գտնելու՝ առանց կրակելու, առանց հայ եւ ադրբեջանցի երիտասարդների կյանքը խլելու: Վերջ ի վերջո, մարդկային միտքն անսահման է, եւ ցանկության դեպքում կարելի է անել նույնիսկ անհնարինը»,- ասել է վարչապետի տիկինը:

Նա նաեւ նշել է, որ մինչեւ Սանկտ Պետերբուրգ մեկնելը հանդիպել է ապրիլյան պատերազմում զոհված տղաների մայրերի հետ, որոնք եւս միացել են «Կանայք հանուն խաղաղության» նախաձեռնությանը եւ կոչ արել ադրբեջանցի մայրերին եւս միանալ դրան: Վարչապետի տիկինը նշել է, որ չգիտի, թե ինչպիսին կլինի ադրբեջանցի մայրերի եւ այդ երկրի առաջին տիկնոջ արձագանքը, բայց վստահություն հայտնել, որ միասնաբար նրանց կհաջողվի կոչ անել տղամարդկանց հակամարտել ոչ թե զենքով, այլ մտքով:

Համաժողովի շրջանակներում Աննա Հակոբյանը նաեւ հանդիպումներ է ունեցել Ղազախստանի՝ միջազգային, պաշտպանության եւ անվտանգության հարցերով խորհրդարանական հանձնաժողովի նախագահ Դարիգա Նազարբաեւայի, Վիետնամի փոխնախագահ Դանգ Թհի Նգոկ Թհինի եւ ԱՄԷ ազգային խորհրդի նախագահ Ամալ ալ-Քուբաիսի հետ: Վերջինս պատրաստակամություն է հայտնել աջակցելու «Կանայք հանուն խաղաղության» արշավին եւ Աննա Հակոբյանին հրավիրրել ԱՄԷ՝ փոխադարձ հետաքրքրություն ներկայացնող հարցերի քննարկելու: Դարիգա Նազարբաեւան էլ վարչապետի տիկնոջը հրավիրել է աշխատանքային այցով այցելել Ղազախստան:

Համաժողովի արդյունքներով ընդունվել է փաստաթուղթ, որում մասնակիցները մի շարք այլ դրույթների հետ մեկտեղ վերահաստատել են իրենց վճռականությունը պայքարելու կանանց եւ տղամարդկանց իրավահավասարության հաստատման համար, անհրաժեշտ համարել կանանց համագործակցությունը հանրային առողջության ապահովման համար, ինչպես նաեւ կարեւորել են կանանց դերը զինված հակամարտությունների եւ հումանիտար աղետների առաջացման եւ տարածման կանխարգելման գործում:

Նման միջոցառումները, իհարկե, համաշխարհային քաղաքական օրակարգի վրա այսրոպեական լուրջ ազդեցություն չունեն: Այդպիսի համաժողովների հիմնական կարեւորությունն անգամ ոչ թե նրանում է, որ նմանատիպ միջոցառումները հարթակ են նոր կապեր հաստատելու, այլ այն, որ դրանք հարթակ են սեփական մտքերը հնչեցնելու եւ քաղաքական դիրքավորվածությունը բարելավելու համար: Կոնկրետ դեպքում այս հարթակը օգտագործվեց «Կանայք հանուն խաղաղության» նախաձեռնության գաղափարը համաշխարհային դարձնելու համար:

Տպել
4617 դիտում

Հոկտեմբերի 1-ից ջուրը կդառնա ժամային գրաֆիկով ՀՀ գրեթե ողջ տարածքում. «Վեոլիա ջուր»

Ադրբեջանական քարոզչության հայկական «ֆրիլանսերները»

Հաստատվել է կորոնավիրուսի 429 նոր դեպք. մահացել է 79-ամյա տղամարդ, 2 անձ էլ՝ այլ հիվանդության հետեւանքով

Եղիշե Թադևոսյանի 150-ամյակին` հոբելյանական փառատոն Էջմիածնում. մասնակցել է ԿԳՄՍ նախարարը

Արցախում հաստատվել է կորոնավիրուսի 17 նոր դեպք՝ տարբեր բնակավայրերից

Հրշեջ-փրկարարները մարել են ընդհանուր 8․4 հա տարածքում բռնկված հրդեհները

«Traction» ծրագիրը կներկայացնի իր 9 շրջանավարտ-ընկերություններին առցանց անցկացվող Դեմո օրվա ընթացքում

Խարկովում կործանված ինքնաթիռի զոհերի թիվը հասել է 26-ի. 2 ողջ մնացածների վիճակը ծանր է (լուսանկարներ)

Նույնիսկ եթե մի քանի րոպե հետ նայեցիր, առջևում է՛լ անելիք չունես. ես իմ տարիքը չեմ հիշում. Ջուլիետա Ստեփանյան

Ստեփանակերտում պատանեկան մարզաառողջարանային պարապմունքների և ժամանցի կենտրոն է կառուցվում

Քարաթափում Ալավերդի քաղաքում. 6 խմ քար է հեռացվել ճանապարհից

Մեր հետագա քայլերի մասին վաղը կտեղեկացնենք. Իվետա Տոնոյան

Սա քաղաքական պատվեր է, Աստծո առաջ եմ ասում, պատասխան են տալու. Գագիկ Ծառուկյան

Ուկրաինայում ռազմական ինքնաթիռ է կործանվել. զոհվել է 18 մարդ, կան ողջ մնացածներ (տեսանյութ)

Գագիկ Ծառուկյանը կկալանավորվի. դատարանը հրապարակեց որոշումը

30 տարվա դադարից հետո կրկին եթերում է սիրված ու սպասված «Հեռուստաթատրոնը». ինչ փոփոխություններ են արվել ձեւաչափում

Փարիզում հարձակում է եղել լրատվամիջոցի աշխատակիցների վրա. 4 դանակահարված, 7 ձերբակալված կա

Տավուշի մարզպետ Հայկ Չոբանյանը և Կարմիր խաչի ներկայացուցիչները քննարկել են իրականացվող ծրագրերը

Տիգրան Ուլիխանյանը հաստատել է ՊՎԾ պետի պաշտոնակատար նշանակվելու մասին տեղեկությունը

Վերին Պտղնիում լայն թափով ընթանում են մանկապարտեզի շենքի կառուցման աշխատանքները