Հեղափոխությունը գայլերի կեր չդարձնել. Սեպտեմբերի 23-ին ձայն տալ «Նոր Հայաստանի» օգտին. կոչ Եվրոպայից

Սեպտեմբերի 23-ին ՀՀ քաղաքացու ընտրությամբ, ո'չ թե որոշվում է Երեւանի քաղաքապետը, այլ դրանով որոշվում է «Նոր Հայաստանի» ճակատագիրը: Այս մասին ասված է Եվրոպայի Հայերի Համագումարի կոչում:

«Սիրելի հայրենակիցներ, Սփյուռքը եւս ուշի ուշով հետեւում է սեպտեմբերի 23-ի ընտրություններին: Մեզ եւս խորությամբ հուզում է մեր հայրենիքի ու մեր ժողովրդի այսօրն ու ապագան: Երեւանը եւ մեր երեւանաբնակ հայրենակիցների ընտրությունը առանցքային նշանակություն ունեն հետագա ողջ ընթացքի վրա, ուստի հարկ ենք համարում այսպիսով՝ ձեզ մասնակից դարձնելու մեր մտորումներին, մոտեցումներին եւ Հայաստանի Հանրապետության ապագայի նկատմամբ մեր տեսլականին:

Դժվար չէ պնդել եւ ապացուցել, որ բոլոր այն ուժերը, որոնք անցյալում բացահայտ ու թաքուն աջակցել, կոալիցիա են կազմել  եւ ծառայել են Հայաստանը թալանած հին իշխանություններին, պոտենցյալ ուժեր են, որոնք սպասում են իրենց համար հարմար պահի, մեջքից հարվածելու հեղափոխությանը: Նրանք եթե բացահայտ հայտարարեն, որ դատապարտում են քոչարյանա-սերժական հակահեղափոխական դավադրությունները, այն ժամանակ հնարավոր է հավատալ նրանց անկեղծությանը, ապա թե ոչ, նրանց արածը լոկ  լարախաղացություն պիտի համարել  եւ Հայաստանի հզորացմանն ու զարգացմանը արգելակող քայլ:

Մեր համոզմամբ  ճակատագրական սխալ կլինի, եթե Երեւանաբնակ մեր հայրենակիցները ենթարկվելով հին ռեժիմի եւ տարբեր ուժերի շանտաժներին ու մանիպուլիացիներին՝ անտարբեր անցնեն այս բոլորին եւ թույլ տան նրանց՝ ջլատել հեղափոխությունը եւ վտանգել Նոր Հայաստանի հաղթարշավը... Այս ուժերի նպատակն է տապալել Ազգային Ժողովի արտահերթ ընտրությունները եւ Նոր Հայաստանի կերտումը: Հարկավոր է լինել սթափ եւ ամենայն գիտակցությամբ  ձայն տալ հեղափոխությանը:

Ահա այս կոնտեքստում պիտի փնտրել այսպես կոչված «սեւի ու սպիտակի» բնութագրումը եւ չպիտի դրանից վախենալ, քանի որ հակառակ հակահեղափոխական պրոպագանդայի, հասարակությանը երբեք հնարավոր չի բաժանել սեւերի եւ սպիտակների, ընդհակառակը այդ միշտ էլ սեւ ուժերն են, որոնք իրենց սեւ գործերը ձգտում են վերագրել հասարակությանը:

Անցյալի կեղծված, անարդար ու անազատ ընտրություններում ԵՀՀ-ն միշտ էլ  քննադատել ու դատապարտել է հին իշխանություններին,  սակայն այս անգամ հավատացած ենք, որ ընտրությունները լինելու են արդար, թափանցիկ եւ անկաշառ ու  մենք պարտավոր ենք մասնակից լինել եւ  կոչ անել մեր հայրենակիցներին, որ հոծ բազմությամբ մասնակցեն Երեւանի ավագանու ընտրություններին եւ իրենց ձայնը տան հեղափոխությանը:

Սփյուռքահայությունը անվերապահորեն սատարեց եւ մասնակցեց թավշյա հեղափոխությանը եւ այժմ էլ պատրաստ է անվերապահ պաշտպանելու հեղափոխության հերթական շարունակությունը մինչեւ վերջնական հաղթանակ:

Եվրոպայի Հայերի Համագումարը նկատի ունենալով Սեպտեմբերի 2-ին Գերմանիայի Քյոլն քաղաքում բազմաթիվ Եվրոպական երկրների հայկական կառույցների ներկայացուցիչների եւ հասարակական ու քաղաքական գործիչների մասնակցությամբ տեղի ունեցած «Նոր Հայաստան, Նոր Սփյուռք» կարգախոսով խորհրդաժողովի մտայնությունն ու տրամադրությունը, հայտարարում է իր անվերապահ աջակցությունը թավշյա հեղափոխությանը:

Հավատացած ենք, որ Երեւանի առջեւ ծառացած բազմաթիվ խնդիրներն ու հարցերը հնարավոր է լավագույն կերպով լուծել միայն Նիկոլ Փաշինյանի առաջնորդությամբ համաժողովրդային շարժման հաղթանակով:

Եվրոպայի Հայերի Համագումարը մեր Երեւանաբնակ հայրենակիցներին հորդորում է. «ՀԵՂԱՓՈԽՈՒԹՅՈՒՆԸ ԳԱՅԼԵՐԻ ԿԵՐ ՉԴԱՐՁՆԵԼ», այլ հաստատակամ գնալ եւ ձայն տալ Նոր Հայաստանի օգտին»,- ասված է Եվրոպայի Հայերի Համագումարի կոչում:

Տպել
5694 դիտում

Թող մեր զինվորները վստահ լինեն, որ այս պատերազմը մենք ենք հաղթելու, որովհետև իրենց թիկունքը շատ ամուր է. Արա Գևորգյան

Լեռնային Ղարաբաղում վերսկսված ցեղասպանություն՝ համավարակի ֆոնին. Forbes-ի անդրադարձը

Որն է ԼՂ հակամարտության լուծման իրանական պլանի էությունը. Արաքչին իր շրջայցը սկսել է Բաքվից

«Բարսելոնան» նախագահի նոր պաշտոնակատար ունի

ՃՏՊ Երևան-Մեղրի ավտոճանապարհին․ տուժածը հոսպիտալացվել է Եղեգնաձորի բժշկական կենտրոն

Թուրքիան փորձում է լիրայի արժեզրկումը զսպել ինտերվենցիաներով, բայց այնուհանդերձ խնդիրը խորանում է. Արտակ Մանուկյան

Մենք խաղաղ բնակիչներից մեր անհաջողությունների վրեժը չենք լուծելու. ՊՆ ներկայացուցիչ

Բերձորի ուղղությամբ մեր ստորաբաժանումներին հաջողվել է որոշակի դիրքային բարելավումներ իրականացնել. Արծրուն Հովհաննիսյան

«Արարատ-Արմենիան» երկարաձգել է պայմանագիրը իր առաջատարներից մեկի հետ

Այս պատերազմը գնալով ավելի է մոտենում հենց կամքի ու խելքի գործոնների կարևորությանը. ՊՆ ներկայացուցիչ

Մտքում վատ, սարսափելի երեւույթներ, հրեշներ մի՛ ստեղծեք․ մասնագետի հոգեբանական խորհուրդները բոլորին

Շուշիում այսօր վիրավորված փրկարարներից Գեղամ Գրիգորյանը վիրահատվում է. Արցախի ԱԻՊԾ

Ֆուտզալի Հայաստանի հավաքականը Եվրո-2022-ի ընտրական փլեյ-օֆֆ փուլի հանդիպումները Վառնայում

Հայաստանը և Արցախը, ի տարբերություն մեր երկու հարևանների, ոչ թե հյուրընկալում, այլ պայքարում են ահաբեկիչների դեմ. ԱԳՆ

Բացահայտվել են Արցախից Հայաստան անօրինական ճանապարհով զենք-զինամթերք տեղափոխելու դեպքեր․ ԱԱԾ

Ռազմական օբյեկտների մոտ գտնվող ադրբեջանական բնակչությանը հորդորում ենք հեռանալ՝ չդառնալ կենդանի վահան. Վահրամ Պողոսյան

Թուրքերի հարձակումից տուժած հայերից 2-ը հոսպիտալացվել են․ մուրճի հարված ստացածը վիրահատության կարիք ունի

Նախագահի հրամանագրով գնդապետ Աշոտ Բալասանյանին շնորհվել է գեներալ-մայորի զինվորական կոչում

ՀՀ նախագահի հրամանագրով գնդապետ Արմեն Գյոզալյանը պարգևատրվել է «Մարտական խաչ» 2-րդ աստիճանի շքանշանով

Ավտովթար է տեղի ունեցել Իջևան-Նոյեմբերյան ավտոճանապարհին. տուժածները հոսպիտալացվել են Իջևանի բժշկական կենտրոն