Երկաթուղու հետ կապված 52 տոկոս զեղչը գործում է սեպտեմբերի 1-ից, դա փաստ է. Ա. Փամբուխչյան

ՀԺ-ն անդրադարձել էր այն խնդրին, որ Վրաստանի կառավարության որոշմամբ՝ սեպտեմբերի 15-ից արգելվելու է ցամաքային ճանապարհով ցորենի ներկրումը Հայաստան։ Հաշված օրերից ցորենի ներկրումը ՌԴ-ից ՀՀ կունենա միայն մեկ ճանապարհ, այն է՝ ծովային ճանապարհը, որը, բեռնափոխադրող ընկերությունների խոսքերով՝ ռիսկային որոշում է։

Բեռնափոխադրողները խնդրի մասին նամակով տեղյակ էին պահել նաեւ վարչապետ Նիկոլ Փաշինյանին՝ ակնկալելով հրատապ արձագանք, քանի որ խնդիրն ունի ստրատեգիական նշանակություն։ Բարձրացված աղմուկից հետո տրանսպորտի կապի եւ տեղեկատվական տեխնոլոգիաների նախարարությունը հայտարարեց, որ դեպի Հայաստան ցորենի ներկրման սակագների բարձրացումը կանխելու նպատակով «Հարավկովկասյան» եւ «Վրացական» երկաթուղիների ղեկավարների միջեւ ընթանում են բանակցություններ։ Նախնական պայմանավորվածության համաձայն՝ «Վրացական երկաթուղին» մեր փոխադրողների համար պետք է կիրառեր զեղչային համակարգ, ինչի արդյունքում ակնկալվում էր, որ փոխադրումների գինը չի բարձրանա։

«Հարավկովկասյան երկաթուղու» մամուլի ծառայությունն էլ հայտարարություն տարածեց, որ Հայաստան հացահատիկային բեռների երկաթուղային փոխադրումների սակագները նվազում են 52%-ով։ Որոշումը կայացրել են «Հարավկովկասյան երկաթուղի» ՓԲԸ-ն ու «Վրացական երկաթուղի» ԲԸ-ն: Բեռնափոխադրողները, սակայն բողոքի ալիք են բարձրացրել՝ նշելով, որ կապվել են երկաթուղու հետ եւ այնտեղից ասել են, որ նման զեղչեր չկան: Եթե խնդիրը լուծում չստանա, բեռնափոխադրողները սեպտեմբերի 15-ին մտադրվել են բեռնատարներով ճանապարհներ փակել:

ՀԺ-ն տրանսպորտի, կապի եւ տեղեկատվական տեխնոլոգիաների փոխնախարար Արմեն Փամբուխչյանից պարզաբանում ստացավ, թե ինչո՞ւ վերոնշյալ զեղչերը չեն կիրառվում:

«Երեկ առավոտյան մեր նախարարությունում նախարարի գլխավորությամբ մենք հանդիպել ենք «Վրացական երկաթուղի» ԲԸ գլխավոր տնօրեն Դավիթ Փերաձեի հետ: Մենք հրավիրել ենք «Հարավկովկասյան երկաթուղու» տնօրենին, հրավիրել ենք խոշոր բիզնեսի ներկայացուցիչների: Ես զրուցել եմ մանր բիզնեսի ներկայացուցիչներից մեկի հետ, նա նշեց, որ արտահայտում է մի քանի տասնյակ մանր փոխադրողների մտահոգությունները: Երկաթուղու հետ կապված 52 տոկոս զեղչը գործում է սեպտեմբերի 1-ից, դա փաստ է:

Ես կարծում եմ՝ իրենց բողոքը կապված է նրա հետ, որ այն ժամանակ փոքր ներկրողները կիլոգրամներով գնել են ցորենը, ինչ-որ պահեստում պահել են մեկ տոննա, մեկուկես տոննա, որոշակի քանակ համալրելով՝ արդեն բեռնափոխադրումը կատարել են, իսկ հիմա իրենք չեն կարող այդ մեկ տոննա ցորենը անմիջական գնալ նավով բերել, որովհետեւ այն թանկ կարժենա իրենց վրա: Իրենք ընդամենը ունեն մեկ մտահոգություն, ժամանակ են խնդրում, որ փոքր փոխադրողները ունեցածը կարողանան ներկրել եւ իրենց համար զուգահեռ կարողանան լուծել լոգիստիկ խնդիրները: Այսինքն, գնան խումբ-խումբ պայմանավորվեն, մեկ վագոնի չափով բերեն, այլապես բիզնեսի տեսանկյունից ոչ իրենց ձեռնտու կլինի մեկ տոննա բերելը, ոչ երկաթուղուն:

Խնդրի լուծման տարբերակ չկա, մեր վրացի գործընկերները մեզ ներկայացրեցին դրդապատճառները, մեզ ներկայացրեցին, որ իրենք այսպես թե այնպես այդ որոշմանը գալու էին, քանի որ ունեն պարտավորություններ ԵՄ-ի հետ: Սա իրենց երկրի շահերից է բխում եւ հետ քայլ չեն անելու: Մենք խնդրեցինք երկարացնել ժամանակը մեկուկեսից երկու ամիս, որ մեր փոքր ներկրողները կարողանան ինքնակազմակերպվել եւ ելքեր գտնել նույն գնի սահմաններում»,- պարզաբանեց փոխնախարարը:

Տպել
3495 դիտում

«Թվայնացումը պետական կառավարման համակարգի հեռանկարային զարգացման հիմքն է». Հակոբ Արշակյանը՝ ՌԴ-ի կոնֆերանսին

Ծովագյուղի ղեկավարը, 30-50 անձանց հետ խոչընդոտել է ոստիկանների ու «Գազպրոմ»-ի աշխատանքին. հարվածել են, հայհոյել նրանց

Գագիկ Ծառուկյանը դուրս եկավ դատարանից. պաշտպանն ինքնաբացարկի միջնորդություն է ներկայացրել դատավորին

«100-ից ավելի մարդու են կանչում հարցաքննության, երբ ոչ մի բովանդակություն չկա». Էնֆիաջյանը՝ ընտրակաշառքի գործի մասին

Գայանե Աբրահամյանը հրաժարականի դիմում է ներկայացրել․ ԱԺ նախագահ

Պատգամավոր Տիգրան Կարապետյանը վարակվել է կորոնավիրուսով

Առողջապահության նախարարությունը՝ ՄԱԿ-ի ՈՎՀ կանխարգելման և վերահսկման միջգերատեսչական խմբի 2020թ. մրցանակակիր

ԿԳՄՍ նախարարն ընդունել է Հայաստանում Լիտվայի Հանրապետության արտակարգ և լիազոր դեսպանին

Դավիթ Տոնոյանն աշխատանքային այցով Ռուսաստանի Դաշնությունում է

Արցախում հաստատվել է կորոնավիրուսի 10 նոր դեպք, 9-ը՝ Ստեփանակերտից

Հոկտեմբերի 1-ից բժշկական նշանակության որոշ ապրանքներ առանց մաքսատուրքի ներմուծելու արտոնությունն այլևս չի գործի. ՊԵԿ

Կորոնավիրուսի թվերը շարունակում են աճել. 1 օրում հաստատվել է 392 նոր դեպք. մահացել է 2 տղամարդ

Արթուր Ասոյանի անունը շնորհակալագիր ստացողների ցուցակից դուրս է եկել, քանի որ նրան ավելի բարձր պարգեւ է շնորհվելու

Այ, այստեղ Աճեմօղլուն կզայրանար, զայրացա և ես. Գոգյանի հրաժեշտի գրառումը

Նրա գործողությունները համարում եմ ոչ իրավաչափ․ Արեւիկ Պետրոսյանը՝ ՍԴ նախագահի պաշտոնակատարի մասին (տեսանյութ)

Դիմակ չկրելու համար Նաիրա Զոհրաբյանը դատարանի բակում ոստիկաններին բժշկի տեղեկանք ներկայացրեց

Վարչապետի որոշմամբ՝ ԱԻՆ կազմում ստեղծվել է պետական ռեզերվների կառավարման վարչություն

Խունդկարյանի թեկնածության վերաբերյալ ունեմ իմ համոզմունքը, որը կարտահայտեմ քվեարկությամբ. Շաթիրյան (տեսանյութ)

Վարչապետը Արթուր Ասոյանին զրկել է շնորհակալագրից

Արմեն Փամբուխչյանը նշանակվել է արտակարգ իրավիճակների նախարարի տեղակալ. պաշտոնական