«Թեյի» անալիզի պատմությունից հետո հարուցված քրեական գործը կարճվել է

Այս տարեսկզբին Արարատի մարզի Մասիսի բժշկական կենտրոնում թեյի խառնուրդի ու արյան անալիզի աղմկահարույց պատմությունը հայտնվել էր նաեւ իրավապահների ուշադրության կենտրոնում:

Փետրվարին հայտնի էր դարձել, որ բուժհաստատության գործադիր տնօրեն Նունե Ավանեսյանը աշխատակիցներին ստուգելու նպատակով իր արյունը լաբորատորիայում փորձաքննության էր հանձնել երեք տարբեր անձանց անուններով եւ ստացել իրար հակասող երեք պատասխան: Լաբորատորիա էր ուղարկել նաեւ թեյից ու պանրից պատրաստված մի խառնուրդ՝ «մեզի» անալիզի համար: Ստացվել էր մեզի անալիզին համարժեք պատասխան՝ անհրաժեշտ բոլոր բաղադրիչներով` լեյկոցիտներ, էրիթրոցիտներ, էպիթելեր:

Դեպքի առնչությամբ հարուցվել էր քրեական գործ: Հայաստանի քննչական կոմիտեի լրատվական ծառայությունից երեկ տեղեկացանք, որ գործը կարճվել է: «Մեզի հետազոտության պատասխանի ձեւաթղթում իրականությանը չհամապատասխանող տվյալներ լրացնելու դրվագով ՀՀ քրեական օրենսգրքի 325-րդ հոդվածի 1-ին մասով եւ 130-րդ հոդվածի 1-ին մասով քրեական հետապնդում չի իրականացվել՝ հանցակազմի բացակայության հիմքով»,- փոխանցեցին կոմիտեից: Նշված հոդվածները համապատասխանաբար վերաբերում են փաստաթղթեր, դրոշմներ, կնիքներ, ձեւաթղթեր կեղծելուն եւ բժշկական օգնություն ու սպասարկում իրականացնողների կողմից մասնագիտական պարտականությունները չկատարելուն կամ ոչ պատշաճ կատարելուն:

Քննչական կոմիտեն այլ տեղեկություններ չի հայտնում, եւ մնում է անհասկանալի՝ Մասիսի բժշկական կենտրոնի լաբորատորիայում իսկապե՞ս մեզի անալիզին համապատասխանող եզրակացություն է գրվել, չնայած հանձնվածը եղել է թեյ: Եթե այդպես է, ու բուժկենտրոնի լաբորատորիայում կարող է նման երեւույթ դիտվել՝ անփութության կամ սարքավորումների թերությունների պատճառով, նշանակում է՝ գործ ունենք լրջագույն առնվազն առողջապահական խնդրի հետ: Իսկ եթե տնօրենի հանձնած հեղուկը բոլորովին էլ թեյ չի եղել, այլ պարզապես հետո այդպես է ներկայացվել՝ ինչ-ինչ խնդիրներ լուծելու նպատակով, սա նույնպես խնդիր է, եւ երկու դեպքն էլ իրավապահների անտարբերությանը չպետք է հանդիպեին: Բայց փաստն այն է, որ հարուցված քրեական գործը կարճվել է, ու վերոնշյալ հարցերը պատասխան չունեն:

Մասիսի բժշկական կենտրոնի տնօրեն Նունե Ավանեսյանը ավելի ուշ՝ օգոստոսին, նույնպես հայտնվել էր հանրության ուշադրության կենտրոնում: Այդ ընթացքում նոր կառավարության առողջապահության նախարար Արսեն Թորոսյանը տեղեկություն էր հրապարակել Ավանեսյանի ձեռք բերած թանկարժեք ավտոմեքենայի ու միեւնույն ժամանակ բուժհաստատության կուտակած պարտքերի մասին: «110 մլն դրամ պարտք ունեցող Մասիսի ԲԿ-ի արդեն նախկին տնօրենի կողմից գնված մեքենան է։ Գնվել է լիզինգով, արժե մոտ 10 մլն դրամ, իսկ ոմանք ասում են` թողեք աշխատեն»,- ֆեյսբուք սոցիալական ցանցում գրել էր նախարարը՝ կցելով ավտոմեքենայի լուսանկարը:

Նունե Ավանեսյանին զբաղեցրած պաշտոնից ազատել էր Արարատի մարզպետ Գարիկ Սարգսյանը: «Այսօր կարգադրություն եմ ստորագրել Նունե Ավանեսյանին «Մասիսի բժշկական կենտրոն» ՓԲԸ գործադիր տնօրենի պաշտոնից ազատելու մասին։ Բացարձակ անձնավորված ոչինչ չունեմ հարգարժան տիկնոջ դեմ, պարզապես իրականացնում եմ օրենքով ինձ վերապահված մարզպետի լիազորությունները, քանի որ անձամբ պատասխանատվություն եմ կրում մարզպետարանի ենթակայության տակ գտնվող ցանկացած հիմնարկի գործունեության համար, իսկ մեր քաղաքացիների առողջությունը ամենից առավել է»,- սոցցանցում գրել էր նա:

Մասիսի բժշկական կենտրոնի այժմ արդեն նախկին տնօրեն Նունե Ավանեսյանը դատական կարգով վիճարկում է Արարատի մարզպետի որոշումը: Նա դիմել է ՀՀ վարչական դատարան՝ պահանջելով վերացնել բուժհաստատության գործադիր տնօրենի պաշտոնից իրեն ազատելու կարգադրությունը: Հայցադիմումը վերահասցեագրվել է Արարատի եւ Վայոց ձորի մարզերի առաջին ատյանի ընդհանուր իրավասության դատարան: Օգոստոսի 30-ին այն մակագրվել է դատավոր Սամվել Մատինյանին:

Այժմ Մասիսի բժշկական կենտրոնը, տնօրենի ժամանակավոր պաշտոնակատարի կարգավիճակով, ղեկավարում է Երեւանի «Արմենիա» բժշկական կենտրոնի նախկին բժիշկ Հայկ Հովհաննիսյանը: Նա ասաց, որ թեյի պատմության մանրամասներին ծանոթ չէ, քանի որ դա փակված գործ է: Վստահեցրեց, որ անկախ ամեն ինչից, ջանքեր են գործադրվել՝ լաբորատորիայի բնականոն գործունեությունն ապահովելու եւ փորձաքննությունները պատշաճ ու վստահելի լինելու ուղղությամբ: «Լաբորատորիան նորմալ վիճակում է, վերազինվել է նորմալ սարքավորումներով եւ ամեն ինչ անում ենք, որ այդ լաբորատորիայի աշխատանքները նորմալ իրականացվեն: Այդ սարքավորումները ձեռք են բերվել բուժհաստատության միջոցներով: Մեծ գումարների անհրաժեշտություն չկար: Ուղղակի առանց լաբորատորիայի հնարավոր չէ»,- ասաց Հայկ Հարությունյանը:

Ինչ վերաբերում է նախկին տնօրենի ձեռք բերած ավտոմեքենային, որի դոլարային արժեքը, փաստորեն, ավելի քան 21 հազար է, այժմ այն սպասարկում է Մասիսի բժշկական կենտրոնի նոր ղեկավարին: Իսկ թե ինչ հետագա ճակատագիր այն կունենա, հնարավո՞ր է ասենք աճուրդի դրվի, պարզ չէ: Համապատասխան որոշում դեռ չկա:

Տպել
4802 դիտում

ԱՄՆ Ներկայացուցիչների պալատն ընդունեց Ադրբեջանին ռազմական օգնությունից զրկելու վերաբերյալ բանաձեւը

Կոտայքի մարզում կյանքի կկոչվի 89 սուբվենցիոն ծրագիր՝ 6,9 մլրդ դրամ արժեքով

Գանձասարում զբոսաշրջիկներին դիմավորող Գրիշա պապն ու նրա երգերը. լուսանկարներ

Դեմերը կո՞ղմ են դարձել. Երեւանի քաղաքապետարանի աշխատակիցների աշխատավարձերը բարձրացնելու նախագիծը բուռն քննարկվում է

«Զինուժի» բացառիկ տեսանյութը հարձակման ենթարկված դիրքից

Արարատի մարզից ևս 27 սուբվենցիոն ծրագրային հայտ է հաստատվել

Գերագույն ռադայում կանխատեսում են Զելենսկու մոտալուտ հրաժարականը

ՄԱԿ-ը մտահոգություն է հայտնել հայ-ադրբեջանական սահմանին լարված իրավիճակի առնչությամբ․ «Արմենպրես»

Արարատ Միրզոյանի կարգադրությամբ ԱԺ մի շարք պաշտոնյաներ ազատվել են աշխատանքից

Նյու Յորքի իշխանությունները նախատեսում են հարյուր դոլար վճարել COVID-19- ի դեմ պատվաստվողներին

Ֆրանսիան Հայաստանին չի կարող ռազմական եղանակով օգնել, չպետք է առաջարկվեն անիրատեսական լուծումներ. փորձագետ

Ոստիկանության ծառայողները բացահայտել են Ավշարի համայնքապետի ապօրինությունները (տեսանյութ)

Կառավարությունը 3 մլրդ 459 մլն 300 հազար դրամ կհատկացնի «Սինոֆարմ» եւ «Պֆայզեր» ձեռք բերելու համար

Արարատ Միրզոյանն արձակուրդ է մեկնում. նրան կփոխարինի Ալեն Սիմոնյանը

Ժամը 18-ի դրությամբ կրակի դադարեցման մասին պայմանավորվածությունը հիմնականում կատարվում է․ ՊՆ

Վլադիմիր Պուտինը ՌԴ անվտանգության խորհրդի անդամների հետ քննարկել է հայ-ադրբեջանական սահմանին ստեղծված իրավիճակը

Քաղաքապետի առաջին տեղակալը հեռացվել է «Առաքելություն» կուսակցությունից

ՍԱՏՄ-ն վերացրել է Ռուսաստանից կենդանի խոզերի, խոզի մսի և այլ սննդային մսային հումքի ներմուծման սահմանափակումները

Հայտնի են 3 բուհերի վերաբերյալ Կառավարության որոշման գործով ՍԴ նիստի հետաձգման պատճառն ու նոր նիստի օրը

Վարանդայի շրջանում հայտնաբերվել է ևս 2 հայ զինծառայողի աճյուն

Տոկիո-2020. Արման Դարչինյան. երկու քայլ՝ լեգենդար հորեղբոր արդյունքը գերազանցելու համար

Այս գիշեր զոհված 38-ամյա սպան 44-օրյա պատերազմի մասնակից էր, ունի երկու անչափահաս երեխա

Ապաքինվելուց հետո պատրաստ եմ նորից մեկնել իմ զորամաս և շարունակել ծառայությունս․ վիրավորված զինծառայող (տեսանյութ)

Վրաստանը պատրաստվում է տեղական ընտրությունների

Վիրավոր զինծառայողներից մեկի վիճակը ծայրահեղ ծանր է․ Սահակ Օհանյան (տեսանյութ)

«Հայաստան» և «Պատիվ ունեմ» դաշինքները լիակատար աջակցություն են հայտնում զինված ուժերին

ԱՊՀ երկրներում գրանցված կազմակերպություններին վճարված եկամուտների վերաբերյալ պետք է տեղեկություններ ներկայացնեն․ ՊԵԿ

Կորյունը շատ քաջ էր. այս գիշեր հակառակորդի կրակոցից զոհված 18-ամյա զինվորը 6 ամսվա ծառայող էր

Գյումրիում 2 շենք է կառուցվում սոցիալապես անապահով 36 ընտանիքի համար. տեսադաշտում են նաև 44-օրյա պատերազմի մասնակիցները

ՀՀ տարածքային ամբողջականությունը խախտելուն և զավթելուն ուղղված Ադրբեջանի գործողությունների առթիվ հարուցվել է քրգործ

Տոկիո-2020. Վարսենիկ Մանուչարյանը հանդես եկավ 100 մ ազատ ոճ մրցաձևում (տեսանյութ)

Պատվիրել է իրագործել 6 անձանց սպանություններ․ ԱԱԾ-ն ավարտել է հարուցված քրեական գործի նախաքննությունը

Հայաստանը ստանձնելու է ՀԱՊԿ նախագահությունը․ Ռուբեն Ռուբինյան

Երևան-Գյումրի-Վրաստանի սահման միջպետական ավտոճանապարհի՝ Շիրակի մարզով անցնող 4,1 կմ հատվածը հիմնանորոգվում է

Պոլիէթիլենային տոպրակները փոխարինվելու են վերամշակված, հատուկ շտրիխ կոդով բազմակի օգտագործման Հավատարմության տոպրակներով

Սեպտեմբերի 15-ից եռամսյա վարժական հավաքներ կհայտարարվեն. կներգրավվի 869 քաղաքացի

Լայնամասշտաբ գործողությունները չեմ բացառում, բայց տարվա այս եղանակին դա քիչ հավանական է. ռազմագետ

Արցախյան 44-օրյա պատերազմից հետո իրականացվում է հոգեբանական անվճար ծրագիր. մինչ օրս օգտվել են 700-ից ավելի անձինք

Ռուսաստանը վերախմբավորել է զորքերը Աֆղանստանի հետ սահմանին

Պայթյուններ են նախատեսվում Արցախի բոլոր շրջաններում