Աչքերը ճպճպացրեց, ուրեմն կաշառքն ընդունե՞ց. Հովհաննիսյանն անհանգստացավ ընտրողների համար

Ընտրախախտումների դեմ պայքարի նպատակով Հայաստանի Հանրապետության քրեական օրենսգրքում առաջարկվող փոփոխություններն այսօր Ազգային ժողովում աղմկոտ քննարկման առարկա են դարձել: Վարչապետին կից գործող ընտրական բարեփոխումների հանձնաժողովը մշակել ու կառավարության միջոցով ԱԺ էր ուղարկել ընտրախախտումների դեմ պայքարին ուղղված օրենքների փաթեթ, որը քննարկվեց ԱԺ պետաիրավական հանձնաժողովի սեպտեմբերի 5-ի նիստում:

Նախագիծը ներկայացնող արդարադատության փոխնախարար Արթուր Հովհաննիսյանի փոխանցմամբ՝ փոփոխություններով նախատեսվում է խստացնել պատասխանատվությունն ընտրական հանցագործությունների համար, երբ դրանք կատարվել են կազմակերպված խմբի կողմից: Նոր օրենքով ընտրախախտումները դասվելու են ծանր հանցագործությունների շարքին: Սա ենթադրում է, որ ոստիկանությունը կարող է կիրառել օպերատիվ հետախուզական բոլոր օրինական միջոցները՝ հանցագործության բացահայտման եւ կանխման համար: Օրենքով նախատեսվում է, որ նախընտրական շրջանում ոչ միայն ընտրակաշառք տվողն է քրեական պատասխանատվության ենթարկվելու, այլ նաեւ ընտրակաշառք պահանջողն ու ընտրություն կատարելուց հետո ընտրակաշառք վերցնելու խոստում տվող քաղաքացիները: Հանձնաժողովի նիստի ժամանակ թեժ քննարկում ծավալվեց հենց այս դրույթի շուրջ:

«Խոստում ընդունելն ի՞նչ է ենթադրում: Ենթադրենք՝ ընտրակեղծարարը որեւէ գյուղում թակում է դուռը եւ տատիկին ասում է՝ «տատիկ ջան մեզ ընտրես, քեզ գումար կտամ, տատիկը ժպտում է կամ ասում է՝ լավ»: Տատիկին դատապարտելու են 1-3 տարի ազատազրկմա՞ն: Օրենքը խստացրեք՝ ինչքան հնարավոր է, բայց հստակություն է պետք, թե ինչ է ասել՝ կաշառքի խոստում է ընդունել: Դա ո՞րն է՝ «բարի դեմքով ժպտաց», «աչքերը ճպճպացրեց», ուրեմն ընտրական խոստումն ընդունե՞ց»,- քննարկման ժամանակ նման մտահոգություններ հայտնեց ԱԺ փոխնախագահ Արփինե Հովհաննիսյանը եւ հայտարարեց՝ ձայնագրելո՞ւ եք տատիկին, որ ապացույցներ ունենաք:

Նախկինում, եթե ընտրությունների ընթացքում թեկնածուների եւ կուսակցությունների անունից իրականացվող բարեգործությունների արգելքի խախտումը համարվում էր վարչական իրավախախտում եւ գործնականում այն հնարավոր չէ բացահայտել, նոր օրենքով այս հանցանքը քրեականացվում է: Այս մասով ՀՀԿ-ական Հովհաննիսյանը նշեց, որ հիմա շատ են բարեգործական հիմնադրամները, որոնք կապվում են քաղաքական ուժերի հետ: Ըստ նրա՝ շատ դեպքերում այդ կառույցներից անգամ վիրահատության գումար են ուզում: Պատգամավորը հետաքրքրվեց՝ սա կարո՞ղ է ընտրակաշառքի պահանջ համարվել:

«Ընտրության շրջանում մարդը մտնում է որեւէ հիմնադրամ, որոնք ասոցացվում են կուսակցությունների հետ` «Իմ քայլը», «Ծառուկյան», «Լույս», «ՀՀԿ» եւ ասում` բարեւ ձեզ, հայրս սրտի վիրահատության խնդիր ունի, անհրաժեշտ է գումար: Սա ընտրակաշառքի պահա՞նջ է, կամ ասում է` ես ձեր աջակիցն եմ, միշտ ձեզ եմ ընտրել, երեխայիս դեղի խնդիր կա: Սա ընտրակաշառք պահանջել համարվո՞ւմ է, թե՞ ոչ»:

«Ծառուկյան» խմբակցության պատգամավոր Նապոլեոն Ազիզյանին էլ հետաքրքրեց այն, թե նախընտրական քարոզարշավով զբաղվող անձը ինչ բառամթերք պետք է օգտագործի, որ քրեական պատասխանատվության չենթարկվի: «Թեկնածուն քարոզելու է գնում, ի՞նչ բառեր պետք է ասի, որ հանկարծ ձեր բերած օրենքի մամլիչի տակ չընկնի, ձեր դուրը գա»,- ասաց նա: Նույն խմբակցության անդամ Գեւորգ Պետրոսյանը հայտարարեց. «Երեւի պետք է ասի՝ հենց ինձ ընտրեք, գլուխներդ ջարդելու եմ», իսկ պատգամավոր Ալիկ Սարգսյանն էլ կարծիք հայտնեց, որ քաղաքացիները ոչ ոքի առջեւ պետք է դուռը չբացեն: «Դուռը բացեն, կրակն են ընկնելու»:

Արդարադատության փոխնախարար Արթուր Հովհաննիսյանը բոլոր հարցերին կետ առ կետ անդրադառնալով՝ նշեց, որ եթե անձը չգիտակցի, որ իր արարքը քրեորեն պատժելի է, ուրեմն կազատվի պատասխանատվությունից: «Անձը պետք է գիտակցի՝ գումարն ինչի համար է պահանջում, գիտակցված նպատակը որն է, եթե այս կամ անձի կամ ուժի օգտին քվեարկության համար է գումար պահանջում կամ ստանում, ուրեմն պատժելի է, եթե գումար է խնդրում, որ երեխային բուժի, սա, բնականաբար, հանցանք չէ»,- ասաց նա:

Ըստ նրա՝ ապացուցողական տեխնիկան զարգանում է, եւ հնարավոր է հոլոգրաֆիկ պատկերների ստացում: Ինչ վերաբերում է բարեգործության հետ միաժամանակ քարոզչություն անելուն, ապա նշեց, որ այո, եթե իրականացնում են միաժամանակ, եւ նաեւ զուգահեռաբար ցանկանում են մասնակցել ընտրություններին, այդ ընթացքում չպետք է բարեգործություն իրականացնեն:

Վարչական իրավախախտումներ նկատելու դեպքում դիտորդական առաքելություն իրականացնող անձինք նախկինում դիմում էին լիազոր ընտրական հանձնաժողովին, որպեսզի ԿԸՀ-ն դիմի դատարան: Փոփոխության արդյունքում նրանք կկարողանան դիմել դատարան՝ շրջանցելով ընտրական հանձնաժողովը:

Բուռն քննարկումներից հետո նախագիծը դրական եզրակացության արժանացավ: Սեպտեմբերի 6-ին այն կքննարկվի ԱԺ արտահերթ նիստում: Հանձնաժողովի ՀՀԿ-ական անդամները հայտարարեցին, որ իրենց դրական եզրակացությունը միայն քաղաքական որոշում է, իսկ իրավական առումով այն շատ անփույթ նախագիծ է, որը քաղաքացիների առջեւ նոր խնդիրներ է ստեղծելու: Փոխնախարարի պատասխանները չբավարարեցին ՀՀԿ-ականներին: Նրանք հայտարարեցին, որ եթե իրենց բարձրացրած խնդիրները չշտկվեն, ապա 2-րդ ընթերցման ժամանակ ՀՀԿ-ն կողմ չի քվեարկելու նախագծին:

Տպել
4903 դիտում

42 hաջողակ կին գործարար 1 մլն դրամ կստանա. «Իմ քայլը» հիմնադրամն ամփոփել է հայտերի ուսումնասիրման աշխատանքը (տեսանյութ)

54 տարվա գարաժս հանին, բայց սիրտս չի ցավում. Շենգավիթ վարչական շրջանում հանգստի գոտիներ են շահագործվել (տեսանյութ)

Պետությունը լուծարած որոշ խմբակներ չեն կարող Հայաստանում հանդես գալ որպես խորհրդարան. Առաքելյանը՝ ԼՂ խմբակցություններին

Նոր էջ բացելու համար անհրաժեշտ է, որ Անկարան համարձակ քայլ անի, ընդունի միջազգային իրավունքի դրույթները. Հունաստանի ՊՆ

ՆԳ նախարարն ԱՄՆ պատվիրակության հետ այցելել է Պարեկային ծառայության և Օպերատիվ կառավարման կենտրոնի վարչական նոր համալիր

ԱՄՆ-ն Վրաստանին հրավիրել է մասնակցելու ՆԱՏՕ-ի գագաթնաժողովին

Նելլի Ղուլյանն ազատվել է Ազգային ժողովի նախագահի մամուլի քարտուղարի պաշտոնից

Մոսկվայի մարզի Ֆրյազինոյի ինստիտուտի հրդեհի զոհերի թիվն աճել է. բալոններ են պայթում (լուսանկարներ, տեսանյութ)

Տեղի կունենա Երևանի ավագանու նիստը․ ինչ հարցեր են օրակարգում

Արմավիրը տաք և ծաղկող քաղաք է. Աննա Հակոբյանը տեսանյութ է հրապարակել

Տարոն Մարգարյանը ԱԺ-ի աշխատավարձով է «ապրում». ում է պատկանում Ավանի նրա հայտնի առանձնատունը, ինչ է հայտարարագրվել

Թաղապետարանի խաչմերուկում մեքենաներ են բախվել, մեկը կողաշրջվել, հայտնվել է մայթին. կան վիրավորներ

Այսօրվա մայրամուտը. Գագիկ Սուրենյանը լուսանկար է հրապարակել

3200 հա ոռոգված տարածք՝ Հայաստանի ամենաբերրի հարթավայրում. ՀՀ-ում Ֆրանսիայի դեսպանն այցելել է Վեդիի ամբարտակ

ԿԸՀ նախագահի գլխավորած պատվիրակությունը հրավիրվել է Էստոնիա

Կենտրոնական բանկը UBPAY հայաստանյան և KWIKPAY արտասահմանյան համակարգերի համագործակցության թույլտվություն է տրամադրել

Վանաձոր-Ստեփանավան ճանապարհին մեքենաներ են բախվել. կա 1 զոհ, 5 վիրավոր

Հայաստանի բասկետբոլի հավաքականը՝ Լոս Անջելեսի միջազգային մրցաշարի հաղթող

Պետք է մեկտեղել ուժերն ընդհանուր գաղափարի շուրջ՝ ունենալու մարդու իրավունքների պաշտպանության ամուր համակարգ․ Մանասյան

Անհրաժեշտ է ՀՀ-Մեքսիկա գործարար նոր կապերի ստեղծման քայլեր ձեռնարկել. նախագահը ընդունել է Սան Լուիս Պոտոսիի նահանգապետին

Առկա է չօգտագործված ներուժ. Գևորգ Պապոյանը Մեքսիկայի պատվիրակությանը ներկայացրել է, թե որ ոլորտներն են հեռանկարային

Դաղստանում իրականացված ահաբեկչության զոհերի թիվը հասել է 20-ի

Արարատ Միրզոյանը հեռախոսազրույց է ունեցել Պաղեստինի Պետության ԱԳ նախարարի հետ

ԳՇ պետն այցելել է ՊՆ կենտրոնական հավաքակայան, զրուցել զորակոչիկների հետ, մաղթել անվտանգ ծառայություն

Մոսկվայի մարզի Ֆրյազինո քաղաքի «Պլատան» գիտահետազոտական ինստիտուտում հրդեհ է. կան զոհեր (տեսանյութ)

Մեկնել է 2024-ի Երևան-Բաթումի-Երևան առաջին գնացքը. ինչ չվացուցակ է գործում, ինչպես ձեռք բերել տոմսեր

«Իմ Քայլը» հիմնադրամում ծրագիր է ամփոփվել. վերապատրաստման դասընթաց անցած 3 զինծառայող համակարգիչ է ստացել (տեսանյութ)

Ոստիկանության մեկ ծառայող ազատվել է աշխատանքից, մյուսին խիստ նկատողություն է տրվել (տեսանյութ)

Հորբատեղ գյուղում սողանք է տեղի ունեցել, ճանապարհը փակվել է

Նախ բռունցքով, հետո մահակով ծանր մարմնական վնասվածք է պատճառել 2 եղբայրների. 1 անձի նկատմամբ քրհետապնդում է հարուցվել

Դաղստանում ահաբեկչությունից հետո եթե Ռուսաստանն օգնություն խնդրի՝ ՀԱՊԿ դաշնակիցներն անտարբեր չեն մնա. Տասմագամբետով

Բարձր կպահեն հայրենիքի ու հայ զինվորի պատիվը. զինծառայության են մեկնել Մարտունիի նորակոչիկները

Հոնկոնգի հատուկ վարչական շրջանի կառավարության հետ համաձայնագիր է ստորագրվել. ինչ է այն նախատեսում

Ավտովթարից հետո տեղի է ունեցել վիճաբանություն. դանակահարված 3 անձ է տեղափոխվել հիվանդանոցներ

Քաղաքական կամքի առկայության դեպքում Հայաստանը և Ադրբեջանը կարող են շատ շուտով ստորագրել խաղաղության համաձայնագիրը. Կլաար

Հայերն այստեղ ապրել են տասնյակ հազարավոր տարիներ. ԱՄՆ դիվանագիտության հատուկ ներկայացուցիչն այցելել է Սյունիք

2 կալանավոր է տեղափոխվել բժշկական կենտրոն. ինչ է տեղի ունեցել հացադուլավորների համար նախատեսված խցում

Զինվորական ծառայության են մեկնել Վանաձոր և Փամբակ համայնքների նորակոչիկները (լուսանկարներ)

Տղամարդը, խաբեությամբ ստանալով էլեկտրոնային դրամապանակների գաղտնաբառերը, 3 քաղաքացուց 2 մլն 500 հազար դրամ է հափշտակել

Կարևորվել է Հայաստան-Բրազիլիա համագործակցության զարգացումը. վարչապետն ընդունել է դեսպան Ֆաբիո Վազ Պիտալուգային