Սահմանին ակտիվություն է նկատվում. Ադրբեջանի մոտեցումները մաքսիմալիստական բնույթ են ստանում

Վերջին երեք օրերին արցախա-ադրբեջանական սահմանի մի քանի ուղղություններով ակտիվություն է նկատվում:

Չի բացառվում, որ այս ակտիվությունը կապ ունենա նաեւ վաղը Սոչիում կայանալիք Ռուսաստանի Դաշնության նախագահ Վլադիմիր Պուտինի եւ պաշտոնական այցով Ռուսաստան ժամանած Ադրբեջանի նախագահ Իլհամ Ալիեւի հանդիպման հետ: Սովորաբար՝ նման հանդիպումներից առաջ ադրբեջանական կողմը սահմանին լարվածություն է ստեղծում:

Սահմանային իրավիճակի, Պուտին-Ալիեւ հանդիպման վերաբերյալ մեր մի քանի հարցերին է պատասխանել Արցախի հանրապետության նախագահի խորհրդական Տիգրան Աբրահամյանը:

- Պարոն Աբրահամյան, վերջին օրերին իրավիճակը սահմանին ինչպե՞ս է գնահատվում:

- Վերջին օրերին ադրբեջանական կողմում որոշակի ակտիվություն կա, դա նկատելի է առաջնագծի մի քանի ուղղություններով, այսինքն՝ ոչ միայն մեր համար է տեսանելի, այլ դրա մասին նաեւ վերջին օրերին գրում են ադրբեջանական լրատվամիջոցներում: Ադրբեջանական տարբեր զորատեսակներ առաջնագծի տարբեր ուղղություններով զորավարժություններ, մարտավարական պարապմունքներ են սկսել:

Ընդհանուր առմամբ՝ պետք է արձանագրել, որ ճիշտ է վերջին մեկ ու կես ամսվա ընթացքում ադրբեջանական կողմն առանձնապես ակտիվ չէր զինտեխնիկայի կուտակումների կամ տեղաշարժերի առումով, բայց դա ավելի շատ, կարծում եմ, պայմանավորված էր եղանակային պայմաններով, որովհետեւ բավականին շոգ էր, իսկ նման եղանակային պայմաններում ադրբեջանական կողմը, կարծես թե, հետաձգել էր հիմնական զորավարժություններն ու պարապմունքները: Պատահական չէր, որ հուլիսի սկզբին հայտարարված զորավարժությունը, որ մինչ այդ ադրբեջանական լրատվամիջոցները փորձում էին բավական մեծ քարոզչական երանգներով ներկայացնել, ըստ էության ձախողվեց նաեւ եղանակային պայմաններից ելնելով. զորավարժության մի քանի փուլեր, ըստ էության, չիրականացվեցին:

Վերջին երեք օրերին որոշակի ակտիվություն կա, որը պայմանավորված է ադրբեջանական կողմի զինտեխնիկայի տեղաշարժներով: Ներկայումս դրանց մասշտաբները մեծ չեն եւ մեծ սպառնալիքներ չեն ստեղծում, սակայն առաջնագծի մոտակա հատվածներում նման միջոցառումների իրականացումն, այնուամենայնիվ, իրավիճակին որոշակի լարվածություն հաղորդում է:

- Ակտիվության ֆոնին սադրիչ գործողություններ նկատվե՞լ են:

- Ադրբեջանական կողմը փորձում է սահմանի տարբեր ուղղություններով ներթափանցման հնարավորություններ ստեղծել, այս ամառվա ընթացքում մի քանի դեպքեր եղել են, բայց բավականին վաղ փուլում հայկական կողմը ֆիքսել է հակառակորդի առաջխաղացումը եւ կանխել: Մասշտաբային առումով ամենամեծն առաջնագծի հյուսիսային ուղղությամբ մոտ 15 հոգանոց խմբով ադրբեջանական դիվերսիոն խմբի ներթափանցման փորձն էր, որը եւս ժամանակին մեր դիրքապահների կողմից ֆիքսվել եւ կանխվել է:

- Այսինքն՝ դա կանխելուց հետո էլ ներթափանցման փորձեր ձեռնարկո՞ւմ են:

- Հայկական կողմը բավական լուրջ աշխատանքներ է տանում առաջնագծի ինժեներատեխնիկական համակարգերի արդիականցման ուղղությամբ, սակայն այդ պարագայում եւս ադրբեջանական կողմը դիվերսիոն ներթափանցման փորձեր է ձեռնարկում: Մեր առաջապահ ստորաբաժանումները մարտական հերթապահության կրման բարձր մակարդակ են դրսեւորում, պատշաճ կատարում իրենց վրա դրված մարտական խնդիրը:

-  Պարոն Աբրահամյան, վաղը Սոչիում տեղի կունենա Պուտին-Ալիեւ հանդիպումը, հանդիպման օրակարգում նաեւ Արցախի հարցը կա, հաշվի առնելով, որ բանակցությունները տեւական ժամանակ դադարեցված են, ըստ ձեզ՝ այդ մասով ի՞նչ կարող է քննարկվել:

- Այն երկրները՝ հատկապես միջնորդ երկրներին է վերաբերում, որոնք ներգրավվածություն ունեն բանակցային գործընթացում, շահագրգռվածություն ունեն խաղաղության եւ կայունության պահպանման գործում, պետք է այս փուլում բավական մեծ ջանքեր գործադրեն՝ Ադրբեջանին բանակացային սեղան վերադարձնելու համար, որովհետեւ գնալով Ադրբեջանի մոտեցումները սկսում են մաքսիմալիստական բնույթ կրել:

Ադրբեջանական կողմի քայլերը եւ հայտարարությունները ամբողջովին հակասում են խնդիրը բանակցային ճանապարհով լուծելու տրամաբանությանը, եւ միջնորդ երկրները պետք է անընդհատ ջանքեր գործադրեն՝ Ադրբեջանին բանակցային սեղան վերադարձնելու համար:

Պետք է արձանագրել, որ ներկայումս բանակցություններ չկան եւ այսպիսի իրավիճակի պահպանումը կարող է առավել վտանգավոր հետեւանքների հանգեցնել:

- Պատերազմի հնարավոր վերսկսման վտանգի մասի՞ն է խոսքը:

- Դրան նպաստող գործոններ կան ու դրանք քիչ չեն, բայց ամենամեծ գործոնը բանակցությունների բացակայությունն է:

- Ըստ ձեզ՝ ե՞րբ կարող են վերսկսվել բանակցությունները:

- Դժվարանում եմ ասել, որովհետեւ Ադրբեջանը որեւէ դրական ակնկալիքի տեղ չի թողնում, նրա քայլերը հատկապես վերջին շրջանում, չեն նպաստում բանակցությունների վերսկսմանը:

- Եռակողմ հանդիպում մոտ ապագայում իրատեսակա՞ն է:

- Միգուցե համանախագահ երկրների ղեկավարների ջանքերով նման հանդիպում լինի, բայց այս պահին բանակցությունների վերսկսման կամ դրանում լուրջ փոփոխության մասին շատ դժվար է խոսել:

Տպել
2854 դիտում

Նավալնիին կալանավորելու որոշում է կայացվել տարօրինակ պայմաններում. նիստը ոստիկանական բաժանմունքում էր

ՃՏՊ Գյումրի-Ազատան ավտոճանապարհին․ կան տուժածներ

Մանկատան շրջանավարտներին բնակարանի գնման վկայագրի գործողության ժամկետը երկարաձգվել է

Հայաստանում համավարակի պայմաններում առկա ուսուցումը հիմնական ծավալով վերականգնված է

Վարդենյաց լեռնանցքը մերկասառույցի պատճառով դժվարանցանելի է բոլոր տրանսպորտային միջոցների համար

Երեւանի համար 20 և 21 մանկապարտեզներն ամբողջապես նորոգված և նոր կահավորմամբ իրենց դռներն են բացել փոքրիկների առջև

Երկրաշարժ Ջերմուկ քաղաքից 10 կմ արևմուտք․ էպիկենտրոնային գոտում ստորգետնյա ցնցման ուժգնությունը կազմել է 2-3 բալ

Ասկերանի շրջանային բաժնի պետն այցելել է անցակետեր

Կառավարության որոշումներով աճուրդի դրված պետական գույքերի համար դեռեւս գնորդներ չեն հայտնվել․ Բաբայան

Ապարան-Քուչակ ավտոճանապարհին տեղ-տեղ առկա է մերկասառույց․ Գեղարքունիքում եւ Սյունիքում ձյուն է տեղում

ՃՈ-ն ուժեղացված ծառայություն է անցկացրել Երևանում, Արարատի և Սյունիքի մարզերում (տեսանյութ)

2020 թվականին պրոթեզավորվել է Արցախի և Հայաստանի գրեթե 850 քաղաքացի

Ջերմային ռեժիմը դպրոցներում և մանկապարտեզներում. այց կրթօջախներ՝ առանց նախազգուշացման

Երեւանցիները բողոքում են նոր տեղադրված վերելակների աշխատանքից, քաղաքապետարանը պարզաբանում է

Նախօրոք հայտարարված 100 վերելակի փոխարեն Երեւանում 2021-ին կտեղադրվի 300-ը

ԱԳ նախարարը Լավրովի հետ քննարկել է ռազմագերիների, պատանդների և պահվող այլ անձանց անհապաղ, անվտանգ հայրենադարձման հարցերը

Փոխվարչապետ Տիգրան Ավինյանի գրասենյակը պարզաբանել է գերիների թվական տվյալները չհրապարակելը. «Արմենպրես»

Ասեց գնում ենք Ղարաբաղ, արդեն տան տղեն դու ես, լավ կնայես տանեցիներին.ոստիկանության մայոր Վահե Ղազարյանը զոհվեց Շուշիում

«Այբ» կրթական հիմնադրամը երկու հայցադիմում է ներկայացրել վարչական դատարան

Ոստիկանության կրթահամալիրում տրվել է ապագա պարեկների ուսուցման մեկնարկը (տեսանյութ)

«Ո՞վ էր ուզում հաշիվները մաքրել փողոցում». Թովմասյանի գործով դատախազին բացարկ հայտնելու միջնորդությունը մերժվեց

Հայաստանի և Ռուսաստանի ՍԴ նախագահները քննարկել են պաշտոնական հարաբերությունների հետագա ամրապնդման հարցերը

Հաստատվել է ուսանողների ՄՈԳ-ի նվազագույն շեմը և ընդունելության մրցութային քննությունների արդյունքներով անցողիկ միավորը

Բնակարան Երեւանի Կենտրոնում, հողամաս, 2 ավտոմեքենա․ Էդուարդ Աղաջանյանի հայտարարագիրը

Մեղրիի Ազատ տնտեսական գոտում քննարկել ենք շուտափույթ գործարկման հնարավորությունները. Վահան Քերոբյան

Գրահրատարակչության ոլորտում առաքման նոր սակագներ կգործեն. քննարկում ԿԳՄՍՆ-ում

Ինչ ունեցվածք ունի առողջապահության նորանշանակ նախարար Անահիտ Ավանեսյանը

Հակակոռուպցիոն կոմիտեի տնօրենին նշանակելու է վարչապետը, սա մեզ համար անընդունելի է. Անի Սամսոնյան

Իրականացվել է մարտական հերթապահության հերթափոխ (լուսանկարներ)

Գյումրիում, Իջևանում, Վանաձորում մտահոգիչ պատկեր է արձանագրվել. ԱԱՏՄ

Արցախի ԱԺ-ում մշտական հանձնաժողովները քննարկել են 2021 թվականի ծրագրերն ու անելիքները

«Հարսանիք թիկունքում» ներկայացման էկրանավորման երեւանյան առաջին ցուցադրությունը կկայանա հունվարի 28-ին

Առողջապահության նորանշանակ նախարարի կենսագրությունը

Կիրականացվի ԶՈՒ պատվո պահակային վաշտի զորակոչիկների ընտրություն. ցանկացողները պետք է դիմեն զինկոմիսարիատներ

2021-ին Երեւանում հնարավոր կլինի գործարկել 250 մեգավատտ հզորությամբ գազային վառելիքով կոմբինացված ցիկլով էլեկտրակայան

Արթուր Աբրահամի կարիերայի 10 հիշարժան դրվագները․ նա հայտարարել է մարզական կարիերան ավարտելու մասին

COVID-19 պատվաստանյութերի անհավասար բաշխման պատճառով աշխարհը գտնվում է բարոյական անդունդի եզրին

Այսօրվանից դադարում եմ իրականացնել առողջապահության նախարարի մամուլի քարտուղարի պարտականությունները․ Ալինա Նիկողոսյան

Դուք շարունակում եք կատարել դեկորատիվ բարեփոխումներ․ ԱԺ-ում քննարկվեց հակակոռուպցիոն դատարաններ ստեղծելու նախագիծը

Վարորդ-սանիտար Հովիկ Մուսայելյանը, բարդ իրադրությունում վտանգելով կյանքը, տեղափոխել է վիրավոր զինծառայողներին